Professional Documents
Culture Documents
Domingo V Cuaresma JN 12, 20-33
Domingo V Cuaresma JN 12, 20-33
Domingo V Cuaresma JN 12, 20-33
Jn 12, 20-33
Paskua a oriwaka eku, Jerusalen yata nabakabuaja kawana griego tuma damanamo jatanae.
Griego tuma, Felipe Betsaida Galilea yatamo, kuare naruwae isía dibukitane: “Daumata,
oko Jesú mikitane obonoya”.
Felipe, André tane saba warakitane naruwae; André, Felipe tane Jesú saba waranae. Jesú
tatuma isía dibunae: “Dioso a Noboto a yajokoaba emikitane a sinaría yaronae diana. Ine
nome witu yatu saba warakore, namuna amu isía, tai jobaji eku namune wabanaka takore
kuajanaja, waja bajía. Emoarane, jobaji eku namune tai botokore, eraja kuajate. Warao yori
wite obonoya kotai musaba kanukidaja nakate. Emoarane, warao yori sabasabanaja kotai,
Dioso a janoko eku a yaronoko tane emusabaya, are wabanaka jakitane.
Ma neburatu tane jakitane obonoya kotai, ma yamo naokunarai. Ine sinaríanakaya naruya
kotai yata, tata ma neburatu ma isiko jamiaroi. Ma saba yaotaya kotai, Ma Rima a obonobu
eku are jate.
Ama, ine detae tia, ¿ma Rima saba dibute mojoro: “Dima sanamata tamaja ekumo ma
kejobanu? Ine tane dibunaka tate, musabera abane sanamata tamaja saba nawae kuare.
Dima, ji wai kokotuka a wai kuarika abanu.”
Awerea warao ekidarone, tane dibuyaja nokowae: “a wai, kokotuka a wai kuarika abanae,
atae kokotuka a wai kuarika witu abate.”
Tane dibuyaja nokokore, waraotuma dibubuae: “naja dirí tanae”; daisa dibunae: “mejokoji
Dioso a neburatu jisaka ka teribunae”. Takore, Jesú tatuma isía dibunae: “dibuyaja
nokowae kotai ma saba yana, tai yatu saba”.
Tamaja jobaji arao emonikatakitane a were diana. Jobaji aidamoida a abonona sabana,
jobaji ekumo weba inatabakitane ja. Jobaji a raimo ma kubakakore, ine kokotuka ma
sabasaba konate”. Tane dibunae dibukomo katukane wabate.
Tamaja karotu a ribu.
Nome oko ji ribu nome abaya.