Professional Documents
Culture Documents
Notes Sa Pagbasa at Pagsuri Sa Iba
Notes Sa Pagbasa at Pagsuri Sa Iba
Katangian ng Pananaliksik
Obhetibo - naglalahad ng mga impormasyon nakabatay sa mga datos na
maingat na sinaliksik, tinaya, at sinuri
Sistematiko – ito ay sumusunod sa lohikal na mga hakbang o proseso patungo
sa pagpapatunay ng isang katanggap-tanggap na kongklusyon.
Napapanahon o maiuugnay sa kasalukuyan –nakabatay sa kasalukuyang
panahon.
Empirikal – ang kongklusyon ay nakabatay sa mga nakalap na datos mula sa
tunay na nararanasan at/o na-obserbahan ng mananaliksik.
Kritikal – maaaring masuri at mapatunayan ng iba pang mananaliksik ang
proseso at kinalabasan ng pag-aaral dahil taglay nito ang maingat at tamanang
paghahabi at paghahatol ng mananaliksik.
Masinop, Malinis, at Tumutugon sa Pamantayan- nararapat itong sumunod sa
mga pamantayang inilahad at kakikitaan ng pagiging masinop att malinis sa
kabuoan.
Dokumentado – nagmula sa mga materyales ang mga impormasyon at datos.
Binigyan ng karampatang pagkilala ang pinagmulan ng mga ito.
Ayon kina Constantino at Zafra ang mananaliksik ay nagtataglay sa mga katangiang ito:
1. Matiyaga sa paghahanap ng datos mula sa ibang mapagkukunan ng sandigan
2. Maparaan
3. Maingat sa pagpili ng mga datos batay sa katotohanan at sa kredibilidad ng
pinagkukunan, sa pagsisiguro sa lahat ng panig sa pagsisiyasat, pagbibigay ng
mga kongklusyon, interpretasyon, komento at rekomendasyon
4. Analitikal
5. Kritikal sa pagbibigay ng interpretasyon, kongklusyon at rekomendasyon sa
paksa.
6. Matapat
7. Responsible sa paggamit ng mga nakuhang datos, sa mga tao o institusyong
pinagkukunan ng mga ito at pagtitiyak na maayos at mahusay ang mabubuong
pananaliksik mula sa pormal hanggang sa nilalaman at sa prosesong
pagdadaanan.
Ano ang Pagbasa?
Ang pagbabasa ay ang proseso ng pagkuha at pag-unawa sa ilang anyo ng
inimbak o nakasulat na impormasyon o ideya.
Kadalasang kinakatawan ng ilang uri ng wika ang mga ideya na ito, bilang mga
simbolo na sinisuri ng paningin, o hipo (halimbawa Braille).
Maaari na di nakasalig sa wika ang ibang uri ng pababasa, katulad ng notasyon,
musika o pictogram.
Sa paghahambing, sa pangkompyuter, tinatawag na pagbabasa ang pagkuha
ng datos mula sa ilang uri ng imbakan ng kompyuter.
Kahit na ang pagbabasa ngayon ay isang pangunahing dahilan sa karamihan ng
mga tao upang makakuha ng impormasyon, naging ganito lamang ito noong
nakalipas na 150 na taon o mahigit pa, na may unting eksepsiyon, tulad ng mga
kolonya ng Amerika, na may maliit na bilang ng populasyon sa ibang bansa na
muwang na bago pa ang rebolusyong industriyal.
Ayon sa manunulat VILLAMIN
80% na ating ginagawa sa araw-araw ay nauukol sa pagbabasa.
Sa mga daan, binabasa natin ang iba’t ibang uri ng anunsiyo at pangalan ng mga
daan.
Pagpasok natin sa restawrant, binabasa natin ang menu.
Sa paaralan, binabasa natin ang mga aklat na kinapapalooban ng ating mga
aralin.
Kung nais nating malaman ang nangyari sa ating paligid, binabasa natin ang
mga pahayagan.
Kung nais naman nating magpalipas ng oras, nagbabasa ng mga kwento sa
wattpad, mga post sa facebook at twitter o di kaya’y nagbabasa ng magasin.
VILLAMIN ET. AL (1998)
Ang pagbasa ay tumutukoy sa aktibong dayalog na namamagitan sa may-akda
at sa mambabasa.
Ito ay kasanayang tumutulong sa tao sa pagtuklas ng mga tugon sa mga
katanungang may kaugnayan sa pagkalalang upang mabatid ang mga hiwaga
ng kalikasan at sa pag-unawa sa realidad ng buhay.
KOCH ET. AL (1982)
Ang pagbasa ay hindi lamang pagkilala sa mga simbolong nakalimbag kundi
pagkuha ng kahulugan ng nakalimbag na simbolo sa pamamagitan ng wastong
pag-unawa at pagpapakahulugan sa mensahe at layunin ng sumulat.
RUBIN (1983)
Ang pagbasa ay pagdadala at pagkuha ng mga kahulugan ng nakalimbag na
pahina. Ipinahihiwatig nito na dinadala ng mga mambabasa ang kanilang
kaligirang kaalaman, karanasan at emosyon a kanilang binabasa.
Ipinaliwanag niya na kapag may sakit o nababalisa ang mambabasa,
naaapektuhan ang proseso ng kanyang pagpapakahulugan. Ang isang taong
may mas malawak na kaalaman sa binabasa ay nagtatamo ng mas maraming
kabatiran kaysa sa kakaunti ang kaalaman.
Antas Ng Pagbasa
Primaryang Antas
Analitikal na Antas
Mapagsiyasat na Antas
Sintopikal na Antas
Mapagsiyasat na Antas (Inspectional)
Sa antas na ito, nauunawan na ng mambabasa ang kabuuang teksto at
nakapagbibigay ng impresyon dito.
Sa pamamagitan nito,nakapagbibigay ng mabilisan ngunit makabuluhang
paunang rebyu sa isang teksto upang matukoy kung kakailanganin at kung
maaari itong basahin nang mas malalim.
Maaring gamitin ang skimming sa antas na ito.
Tinitingnan ng mambabasa ang;
1. Titulo
2. Heading
3. Subheading
Analitikal na Antas (Analytical)
Mula sa analitikal na pagbasa ng limang aklat ay maari ka nang maging eksperto
sa isang tiyak na paksa batay sa kung ano ang sinasabi ng manunulat.
Ginagamit ang mapanuri o kritikal na pagiisip upang malalimang maunawaan
ang kahulugan ng teksto at ang layunin o pananaw ng manunulat. Bahagi ng
antas na ito ang;
1. Pagtatasa sa katumpakan
2. Kaangkupan
3. Kung katotohanan o opinyon ang nilalaman ng teksto