Mga Halimbawa at Kahulugan ng Salawikain

Ang salawikain o sawikain ay mga kasabihan sa wikang tagalog na may kapupulutang aral.
Ang salawikain ay kadalasang ay may tugma tulad ng isang tula. Subalit ang salawikain ay higit na mas
maikli kaysa sa isang tula.

1. Aanhin pa ang damo kung patay na ang kabayo.

Kailangang kumilos ang tao sa tamang oras.  Hindi na mapapakinabangan ang isang bagay kung wala na
ang nangagailgan nito.

2.Huli man daw at magaling na ihahabol din.

Madaling irespeto ang mga kalidad na gawa.  Maliit na bagay na ang pagiging late kung mabuti ang iyong
hangarin. Isang halimbawa ay ang pagtulong. Nahuli ka man sa pagbibigay tulong sa mga naaepektuhan ng
sakuna, mas mabuti pa rin na ikaw ay tumulong.

3.Kung ano ang itananim, sya din ang aanihin.

Hindi bumubunga ng mansanas ang puno ng santol. Kung gumagawa ka ng bubong, pintuan at binana,
magkakamit ka ng bahay at hindi isang kotse. Kung nagaaral ka ng mga leksyon para sa isang doktor gaya
ng medisina, magiging isang doktor ka.
Ang bunga ng iyong mga gawa ay magmumula kung ano ang iyong pinagkakaabalahan. . Kung ano ang
iyong pinaghirapan, yun din ang iyong pakikinabangan. Wala kang mapapala kung wala kang gagawin.

4. Lahat ng gubat ay may ahas.

Umasa kang makikita mo ang mga nilalang sa sarili nyang likas na tahanan.
Ang gubat ay  isang mapanganib na lugar na kagaya din ng ating lipunan.
Sa ating lipunan, maari kang makasalumuha ng masasamang tao kaya kailangan ang pag-iingat

5.Anhin pa ang bahay na bato kung ang nakatira ay kwago.

Mabuti pa ang bahay kubo na ang nakatira ay tao.
Hindi basehan ang bahay o yaman para husgahan ang kahalagahan ng ating pagkatao.  Hindi
makakatulong sa kapwa ang isang maybahay na walang puso. Naranasan mo na bang humingi ng tulog
pero di ka pinansin, tinulugan ka lang o tinitigan ? Sa huli, kahit gaano pa kasimple ang bahay ng isang
tao,mas mahalaga pa rin ang katangian ng naninirahan.  Maraming kayang gawin ang isang totoong tao
kaysa sa isang bahay, palasyo, palasyo, o mga nilalang na  mukhang tao lang.

Mga Halimbawa ng Sawikain

1. Abot-tanaw
Kahulugan: Naaabot ng tingin
Halimbawa: Aking napagtanto na tayo pala ay abot-tanaw ng Panginoon.

2. Agaw-dilim
Kahulugan: Malapit nang gumabi
Halimbawa: Agaw-dilim nang umuwi si Ben sa kanilang bahay.

3. Alilang-kanin
Kahulugan: Utusang walang bayad, pakain lang, pabahay at pakain ngunit walang suweldo.
Halimbawa: Si Rowena ay alilang kanin ng kanyang Tiya Ising.

4. Amoy pinipig
Kahulugan: Mabango, nagdadalaga
Halimbawa: Amoy pinipig si Julie.

5. Amoy tsiko
Kahulugan: Lango sa alak, lasing
Halimbawa: Amoy tsiko ng umuwi si Alex sa bahay.
Mga Halimbawa ng Kasabihan

1. Walang mahirap na gawa ‘pag dinaan sa tiyaga.

2. Huwag kang magtiwala sa ‘di mo kakilala.
3. Ang kaginhawaan ay nasa kasiyahan, at wala sa kasaganahan.
4. Ang hindi marunong lumingon sa pinanggalingan ay hindi makararating sa paroroonan.
5. Ang di magmahal sa sariling wika ay mahigit pa sa hayop at malansang isda.

Mga Halimbawa ng Bugtong

1. Heto na ang magkapatid, nag-uunahang pumanhik.

Sagot: Mga paa

2. Dalawang batong itim, malayo ang nararating.

Sagot: Mga mata

3. Kay lapit-lapit na sa mata, di mo pa rin makita.

Sagot: Tenga

4. Dalawang punsu-punsuhan, ang laman ay kaligtasan.

Sagot: Suso ng Ina

5. Batong marmol na buto, binalot ng gramatiko.

Sagot: Ngipin