KEGIATAN TENGAH SEMESTER (KTS) GANJIL

MADRASAH IBTIDAIYAH DARUL ULUM REJOTANGAN

TAHUN PELAJARAN 2019/2020

Nama : Mata Pelajaran : Bahasa Jawa

Kelas / Semester : VI / 1 Hari / Tanggal : Kamis, 10 Oktober 2019

I. Wenehana tandha ping (x) ing aksara a, b, c, utawa d ing sangarepe wangsulan kang paling bener!
Kesengsem Raden Abimanyu
Hermawan bubar nonton wayang kulit. Dheweke kesengsem Abimanyu sing pas ditonton dadi
paraga sing tansah menang. Wayange katon nggangtheng. Watake jujur lan tansah ditutake panakawan.
Hermawan kepingin duwe wayang Abimanyu. Wayang kuwi endah nyenengake yen dipasang ing
kamare.
Ngangen-angen ngono kuwi kepriye carane golek wayang kuwi. Rekane Hermawan takon
kangmase sing sekolah SMA.
“Mas Esa, sampean isa nggambarake wayang Abimanyu?” pitakone Hermawan.
“Ora isa. Kanggo apa gambar wayang Abimanyu?”
“Pokoke aku seneng, aku pengin duwe.”
“Ya wis, mengko jajal takgolekake ing internet.”
Disemayani kaya ngono kuwi Hermawan ayem. Ing internet mesthi ana gambar wayang
Abimanyu. Temenan, wayah sore Mas Esa wis nggawa salembar kertas.
“Iki gambar Abimanyu,” Mas Esa menehake marang Hermawan.
Gambar ditampani. “Wah, olehe ngeprint kok hitam putih, Mas?” Hermawan gela.
“Lho, asline pancen mung ireng. Pengin berwarna ya dicet dhewe.” Esa nesu.
Wayang ing kertas kuwi tansah disawang. Bener satria Abimanyu sing mentas dadi lakon nalika
dheweke nonton. Emane gambar wayang kuwi ing kertas lembaran, beda karo wayang temenan. Wayang
sing tangane bisa diobahake. Kepriye carane supaya bisa dadi wayang, pikirane Hermawan pengin
ngowahi.
Mulih sekolah, kertas kuwi difotokopi. Hermawan njaluk difotokopi ing kertas kandel. Bareng
teka omah, golek gunting. Gambar banjur digunting. Tangane ditugel. Hermawan marem, nyatane dadi
wayang. Dheweke isih eling duwe krayon. Wayang kuwi dipulas nganggo krayon. Wah, dadi berwarna,
pikire Hermawan seneng. Bareng tangane disambung pranyata dadi cendhak. Kertas turahan, kanggo
ngeblat tangan.
Bareng tangane pethal, Hermawan bingun carane nyambung. Bapake sing weruh Hermawan
utheg wae banjur direwangi, jebul tangane dibolong, banjur dileboni plastik. Pucuke diobong, dadine
tangan ora ucul. Bareng dadi malah bapake diakon Hermawan nggarani wayange.

1. Hermawan kesengsem Raden Abimanyu wiwit ….

a. sabubare nonton wayang c. paraga sing watake jujur
b. paraga sing tansah menang d. naika dipasang ing kamare
2. Angen-angene Hermawan nalika pengin duwe wayang Raden Abimanyu ….
a. takon marang kangmase c. nggambar Raden Abimanyu
b. pengin masang ing kamar d. wayange katon nggantheng
3. Hermawan entuk gambar Raden Abimanyu saka ….
a. golek dhewe ing internet c. disemayani kangmase
b. nggambar dhewe d. diwenehi kangmase
4. Sing gawe Hermawan gela marang Raden Abimanyu olehi menehi kangmase yaiku ….
a. mung njupuk saka internet c. ora kena diobahake
b. gambare hitam putih d. olehe ngeprin ing kertas tipis
5. Gambar ing fotocopi supaya dadi wayang temenan banjur ….
a. dipotholi tangane c. diguntingi kari gambare
b. dipulas nganggo krayon d. disambung nganggo plastik
6. Morgan mulih sekolah numpak sepedha. Wetenge wis krasaluwe. Mulane olehe numpak banter.
Teka omah, sepedhahe dideleh ing emper. Dheweke mlayu mlebu omah, banjur ….
a. bablas mangan b. ngundang ibune c. ganti sandhangan d. bablas turu
7. Perangan sing njawab perangan when (kapan) yaiku ….
a. Kemis (20/4/2006) c. nrajang Kabupaten Trenggalek
b. ewonan wong ngungsi d. Gunung Wilis kidul kulon gundhul
8. Pawarta sing mung bisa dirungu wae yaiku pawarta saka ….
a. internet b. majalah c. televisi d. radio
9. Pesawat terbang kuwi kentekan bahan bakar. Sanalika pesawat medhun saka awang-awang banjur
njegur segara.
Cuplikan pawarta iki nuduhake wis nglebokake jawaban saka pitakonan ….
a. sapa (who) b. kapan (when) c. what (apa) d. kepriye (why)
10. Pawarta kuwi isih dadi rembugane wong akeh, mulane pawarta iki diarani ….
a. penting b. aktual c. piguna d. opini
11. Cirine teks narasi sing paling penting yaiku ….
a. paragane kudu ana konflik c. nyritakake urutan kedadean utawa wayah
b. kudu ana paraga sing akeh d. mesthi ana karampungane
12. Pungkasane Hata lan Ferdi padha salaman, njaluk ngapura.
Ukara cuplikan ing ndhuwur kalebu ….
a. kedadeyan pambuka c. kedadeyan karampungan wacan
b. kedadeyan intine wacan d. isine wacan sing paling penting
13. Jalaran rumangsa kesenggol, Dian langsung nggepuk Nurani nganggo garisan.
Konflik ing cuplikan narasi iki klebu konflik ….
a. antarane paraga c. rumangsa kesenggol
b. jroning batin d. langsung nggepuk
14. Golek pawarta sing jembar banget nganti katone ora ana wateseyaiku ing ….
a. internet b. majalah c. televisi d. radio
 Wacan iki kanggo nomer 15 – 17
Bima mulih sekolah mlaku. Ing tengah dalan weruh ana dhuwit sepuluhan ewon ngglethak ing
pasuketan. Bima nuduhi Riman. Ora sranta Riman njupuk dhuwit kuwi. Bima nesu, jalaran Bima sing
weruh dhisik. Riman rumangsa sing njupuk dhuwit sing duwe. Bocah loro padha rebutan, pengin ngepek
dhuwit kuwi. Wina mlayu bengok-bengok yen dhuwit kuwi duweke, merga ngrogoh sak katut ceblok.
15. Saka paragraf kasebut cacahe paraga ana ….
a. siji b. loro c. telu d. papat
16. Karampungan sing becik kanggo crita saparagraf kasebut yaiku ….
a. Bima sing duwe hak ngepek dhuwite
b. Riman kudune sing ngepek dhuwite
c. Dhuwite didum bocak loro
d. Dhuwite dibalekake marang Wina
17. Sing dadi konflike crita saparagraf kasebut yaiku ….
a. Bima nemu dhuwit ing dalan
b. Riman njupuk dhuwit sing gumlethak
c. Rayahan dhuwit sing ditemu ing dalan
d. Wina sing ngaku dhuwite ceblok ing dalan
Wacan iki kanggo soal nomer 18 – 20
Ir. Soekarno utawa Bung Karno miyos tanggal 6 Juni 1902 ing Surabaya. Panjenengane putrane
Raden Sukemi lan Ibu Nyoman Rai. Sawise tamat Sekolah Dasar ing Tulungagung banjur nerusake
pasinaone ing ELS (SMP Walanda) Mojokerto. Nerusake maneh ing HBS (SMA Walanda) ing Surabaya
bablas mlebu THS (Sekolah Tinggi Teknik) Bandung nganti dadi insinyur.
18. Pawarta iki nulis kisahe ….
a. Ir. Soekarno b. Raden Soekemi c. Nyoman Rai d. Walanda
19. Unsur pawarta iki sing klebu ndhapuk pawarta mangsuli pitakon ing ngendi (where) yaiku ….
a. putrane Raden Sukemi c. ing ELS (SMP Walanda) Mojokerto
b. miyos tanggal 6 Juni 1901 d. nerusake pasinaone
20. Unsur pawarta iki sing klebuh ndhapuk pawarta mangsuli pitakon kapan (when) yaiku ….
a. Ir. Soekarno utawa Bung Karno c. nerusake maneh ing HBS
b. tanggal 6 Juni 1901 d. nganti dadi insinyur

II. Ceceg-ceceg ing ngisor iki isenana nganggo tembung sing trep!
1. Egrang iku kalebu dolanan tradhisional sing digawe saka ….
2. Wacan narasi ditulis kanthi urut miturut ….
3. Samubarang kang isine menehi weruh marang liyan wujud kahanan sabenere diarani ….
4. Informasi kuwi bisa awujud ... lan ….
5. Sadurunge ngringkes wacan narasi kudu nggoleki pokoke cirta ing saben ….
6. Paragrap kang kalimat utamane ana ing mburi paragraf diarani ….
7. Pawarta kang bisa disawang lan dirungokake ….
8. Pawarta kang bisa nyakup sekabehane tanpa winates ….
9. Pawarta sing wujud panemu yaiku ….
 10. “tahu petis” yen ditulis aksara Jawa dadi ….

III. Wangsulana pitakon-pitakon ing ngisor iki kanthi patitis!

1. Gawea ukara nganggo basa ngoko kang polane J-W-L!
2. Gawea ukara nganggo basa krama lugu kang pola J-W-L-K!
3. Terangna apa kang diarani paragraf indhuktif!
4. Tulisna jinise pawarta manus mediane!
5. Apa tegese news (berita) iku!