Sa mga nagdaang linggo, marami akong natutunan sa asignatura
ng pagbasa at pananaliksik lalo na ang konsepto ng pagsisipi dahil sa hindi ko nakasanayan ang paggamit nito lalo na sa paksang Filipino. Masasabi ko rin na napadali ang aking pag- iintindi sa iba pang mga konsepto dahil sa tuwing ako'y nakakapagtanong tuwing sa klase, nasasagot ang mga tanong ko ng mga sagot na detalyado kaya ako'y lubos na natututo, gayundin sa mga gawain na kung saan nakatatanggap ako ng mga kritisismo at mas maigi kong naitatama ang mga mali ko kaya ang konsepto ay mas nagiging simple kapag ito'y aking napag-aaralan. Ang pinakatumatak sa akin mula sa aking mga natututunan, hindi agad- agad maiintindihan ang mga konsepto sa loob ng maikling oras kung kaya't maigi itong pag-aralan at isapuso, maidaragdag din na sa bawat gawain kahit na isa ito sa mga bagay na ikaw ay magaling o hindi man, hindi ka laging magiging perpekto sa unang subok kundi dadaan ka ng sandamakmak na pagkakamali bago ikaw ay lubusang matuto. Pinasasalamatan ko rin si Bb. Chin sa pagiging maaalalahanin at matiyaga pagdating sa pagtuturo at pagbibigay konsiderasyon lalo na kapag kami ay nahihirapan sa mga bagay- bagay.