#37 Rota, Vanessa Rose T. HALO-HALO COMMERCIAL Ang halo-halo ay isa sa karaniwang kinasasabikan ng mga tao sa panahon ng tag-init at sikat sa pangalang “summer treat”. Ang pagkain ng halo-halo sa panahon ng tag-init ay talagang kinasasabikan ng tao sapagka’t “sinasatisfy” nito ang ating “summer-cravings”. Sa commercial na ito ay ipinapakita ang salik na panahon na isa ring batayan sa pagkonsumo ng tao. Mas malakas ang pagkonsumo ng yelo at evaporada para sa produktong tulad ng halo-halo kung tag- init o “summer”. Ipinapakita rin rito na in demand sa tag-init ang produktong halo-halo na nakakatulong para maibsan ang init ng panahon.
THAI ADS - THE DREAM
Ipinapakita sa video na pangarap ng bata na maging isang astronaut at gusto niyang bumili ng telescope. Marami siyang naging temptasyon para gumastos ngunit hindi siya nagpadala rito. Isinakripisyo niya ang kagustuhang bumili ng pagkain at laruan upang makapag-ipon para mabili niya ang kaniyang pinapangarap na telescope. Ang salik ng pag-iimpok na nangangahulugang ipagpapaliban muna ang pagkonsumo ng produkto sa kasalukuyan para sa hinaharap ay maiuugnay sa situwasyon ng bata. Ipinapakita ng bata na kahit na maraming nakapaligid na temptasyon ay hindi niya talaga ginastos ang kaniyang pera upang magamit niya ang pera sa produktong nais niyang bilhin.