POLELO EA MOHLOMPHEHI TONAKHOLO

DR. MOTSOAHAE THOMAS THABANE

MABAPI LE SEOA SA CORONAVIRUS (COVID-19)

12 HLAKUBELE 2020
 POLELO EA MOHLOMPHEHI TONAKHOLO
MABAPI LE SEOA SA CORONAVIRUS (COVID-19)
10 HLAKUBELE 2020

SECHABA SA HESO, ‘MUSO OA LESOTHO O TS’OENYEHILE HAHOLO KE SEOA SA LEFU LA CORONAVIRUS (COVID-
19), SE QALILENG MANE NAHENG EA CHINA KA LA 30 TS’ITOE, 2019. HO TLOHA NAKONG EO, HO FIHLELA
KAJENO HA KE BUA LE LONA, RE LE ‘MUSO E SA LE RE ETSA MAOALA LE MEKUTU EA HO BONA HO RE BASOTHO
BA KANTLE LE KAHARE HO NAHA BA SIRELETSEHILE TS’OAETSONG EA LEFU LENA. LE TLA HOPOLA HORE HONA
NAHENG EO EA CHINA, MOO LEFU LENA LE QALILENG, TENG HO NA LE BASOTHO BA BANGATA BA ILENG KA
MABAKA A FAPANENG, A KENYELETSANG MESEBETSI, KHOEBO LE A SEKOLO.

HANG HO BA LEFU LENA LE BONAHALE LE ATA KA SEKHAHLA, LE HO PHATLALATSOA KE MOKHATLO OA LEFATSE

OA BOPHELO (WORLD HEALTH ORGANIZATION) E LE TLOKOTSI EA LEFATS’E (PUBLIC HEALTH EMERGENCY OF
INTERNATIONAL CONCERN), ‘MUSO OA LESOTHO O ILE OA NTS’A POLELO EA KUTLOELO BOHLOKO LE
TS’EHETSO HO ‘MUSO LE SECHABA SA NAHA EA CHINA.

E LE MOHATO OA PELE, RE LE ‘MUSO, RE ILE RA KOPANA LE ‘MUSO OA CHINA KA NTLO EA BOEMELI BA NAHA
EA LESOTHO E BEIJING, LE KA BOEMELI BA NAHA EA CHINA BO HAE KOANO, HO NETEFATSA POLOKEHO EA
BASOTHO BA PHELANG NAHENG EO. ‘MUSO OA NAHA EA CHINA, O ILE OA RE NETEFALETSA HORE O SE O
KENTSE TS’EBETSONG MEHATO E MATLA HO BONA HORE MATSOALLOA A NAHA EA CHINA LE A LINAHA TSE
LING A PHELANG NAHENG EO, HO KENYELETSA LE BASOTHO, A BOLOKEHILE. HARA MEHATO ENA RE KA
QOHOLLA E LATELANG:
• HO LAELA BATHO BOHLE HO LULA KA MATLUNG E LE HO FOKOTSA SEKHAHLA SA TS’OAETSO
• HO HLAHLOBA BATHO BOHLE LETSATSI LE LETSATSI
• HO FANA KA LISEBELISOA TSA POLOKEHO (MASKS AND HAND SANITISERS) LE LIJO

SECHABA SA HESO, E LE TS’ALO-MORAO EA LITABA TSENA, KA LETONA LA TSA KANTLE LE LIKAMANO TSA
MACHABA, MOEMELI OA LESOTHO NAHENG EA CHINA O LAETSOE HO HOKAHANYA LITABA TSA BASOTHO BA
NAHENG EO TSA BOPHELO KA SEPHEO SA HORE MOO MATHATA A LENG TENG KA BONNGOE LE KA BONGATA,
A SEBETSOE HANG-HANG.

O MONG OA MECHA EA POLOKEHO BAITHUTI, KE HO NETEFATSA KHOKAHANO E MATLAFALITSOENG PAKENG

TSA LEFAPHA LA LIHLAPISO LE BAITHUTI. KHOKAHANO ENA, E ETSELITSOE BAITHUTI BOHLE BA BASOTHO BA
NAHENG EA CHINA, E SENG FELA BA FUMANANG LIHLAPISO.

HO LATELA HO PHARALLA HOA LEFU LENA LINAHENG TSE LING KA NTLE HO CHINA, ‘MUSO OA LESOTHO O BEILE
MAEMO LEIHLO KA MATLO A BOEMELI BA LESOTHO LINAHENG TSEO, E LE HO NETEFATSA POLOKEHO LE HO
ARABELA LITLHOKO TSA BONA.
MONA HAE TENG, ‘MUSO O SE O ENTSE MAOALA A LATELANG HO MATLAFATSA POLOKEHO EA SECHABA KA:
• HO HLAHLOBA BATHO BOHLE BA KENANG MALIBOHONG
• HO FANA KA THUTO HO BATHO BOHLE BA KENANG BA TSOA LINAHENG TSE AMEHILENG, LE SECHABA
KA KAKARETSO
• HO BONA HORE BATHO BA TSOANG NAHENG TSE AMEHILENG BA LULA LIBAKENG TSE KHETHEHILENG
BA SA KOPANE LE BATHO BA BANG, NAKO EA MATSATSI A LESHOME LE METSO E MENE (14 DAYS
QUARANTINE)
• HO KOETLISA LINGAKA LE BAOKI E LE HO ITOKISETSA HO ALAFA BATHO BA KA BANG LE TS’OAETSO
• HO THEHA KOMITI EA TS’EBETSO EA NAHA E BOPILOENG KA MAKALA A FAPANENG, E BEILENG LITABA
TSENA LEIHLO HO ELETSA ‘MUSO NAKO LE NAKO
• LEKALA LA BOPHELO KA TS’EBELISANO ‘MOHO LE MAKALA A MANG, KA TLATSETSO EA BALEKANE BA
RONA (DEVELOPMENT PARTNERS), LE NTSE LE TSOELA-PELE HO POTOLOHA LE NAHA, E LE HO BEHA
SECHABA LESELING KA LEFU LENA LE MEKHOA EA HO ITS’IRELETSA HO LONA
• HO HLOAEA LIBAKA TSE BOLOKEHILENG (ISOLATION FACILITIES) SEBAKENG SA HO ALAFA BATHO BA KA
BANG LE TS’OAHETSO

SECHABA SA HESO, KA HOLIMO HO MEHATO ENA EO ‘MUSO O SENG O E NKILE, KE PHATLALATSA MONA KAJENO
LIQETO TSE LATELANG, TSEO ‘MUSO O LI KENYANG TS’EBETSONG HO TLOHA HA PHATLALATSO ENA E ETSOA:
• HO EMISA HANG-HANG MAETO OHLE A SE-‘MUSO HO EA KA NTLE HO NAHA, NTLE LE A KEKENG A QOJOA
KA MOKHOA OFE KAPA OFE. MAETO A JOALO A TLA LUMELLOA KA MOR’A HO HLAHLOJOA LE HO
IKHOLISA KA TLHOKAHALO EA OONA KE ‘MUSO
• HO EMISA HA NAKOANA LIPHUTHEHO TSOHLE TSA MACHABA TSEO NAHA E NENG E LOKELA HO LI
TS’OARA
• HO SE LATE BASOTHO BA PHELANG NAHENG EA CHINA LE LINAHENG TSOHLE TSE NANG LE LEFU LA
CORONA, HOBANE O KHOLISEHILE HO RE BA BOLOKEHILE
• HO TSELAPELE HO SEBELISANA ‘MOHO LE MEKHATLO EA MACHABA LE LINAHA TSEO O NANG LE
SETSOALLE LE TSONA HO KENYELETSA AFRIKA BOROA, EO E LENG MOHAISANE, TOANTS’ONG EA LEFU
LENA

FOR THE BENEFIT OF THOSE WHO MAY NOT FOLLOW SESOTHO, PLEASE ALLOW ME TO SUMMARISE AS
FOLLOWS:

FOLLOWING THE OUTBREAK OF CORONAVIRUS (COVID-19) AND ITS DECLARATION BY WORLD HEALTH
ORGANIZATION (WHO) AS A PUBLIC HEALTH EMERGENCY OF INTERNATIONAL HEALTH CONCERN (PHEIC), THE
GOVERNMENT OF LESOTHO ISSUES THE FOLLOWING DIRECTIVES INTENDED TO PROTECT ALL CITIZENS AS WELL
AS FOREIGN NATIONAL FROM CONTRACTING THIS DISEASE:
• SUSPENSION OF ALL INTERNATIONAL TRAVEL BY ALL GOVERNMENT OFFICIALS EXCEPT FOR THE LIFE-
THREATENING AND UNAVOIDABLE EXCEPTIONAL CASES
• TEMPORARY SUSPENSION OF HOSTING ALL INTERNATIONAL MEETINGS AND EVENTS IN THE COUNTRY
• INTENSIFYING PREVENTIVE MEASURES THROUGH INTRODUCING HEALTH MEASURES AT ALL PORTS OF
ENTRY. THESE INCLUDE, TEMPERATURE CHECKS AND QUARANTINE FOR SUSPECTED CASES. ISOLATION
FACILITIES HAVE BEEN ARRANGED FOR PEOPLE WHO MAY BE FOUND TO HAVE BEEN INFECTED BY THE
DISEASE
SINCE THE OUTBREAK OF THIS DISEASE, THE GOVERNMENT OF LESOTHO IS FOLLOWING CLOSELY THE TRENDS
GLOBALLY, INCLUDING CHINA WHERE THE OUTBREAK STARTED. IN THIS REGARD THE GOVERNMENT HAS
DECIDED NOT TO EVACUATE ITS NATIONALS RESIDING IN CHINA AND OTHER AFFECTED COUNTRIES. THIS
DECISION HAS BEEN ARRIVED AT AFTER A CAREFUL CONSIDERATION OF THE PROS AND CONS OF SUCH AN
EXERCISE. HOWEVER, THE GOVERNMENT ADVISES BASOTHO WHO LIVE IN THE AFFECTED COUNTRIES TO
CONTACT LESOTHO EMBASSIES FOR ASSISTANCE IN CASES OF NEED.

FURTHERMORE, THE MINISTRY OF FOREIGN AFFAIRS AND INTERNATIONAL RELATIONS AND THE NATIONAL
MANPOWER DEVELOPMENT SECRETARIAT HAVE BEEN INSTRUCTED TO INTENSIFY ENGAGEMENT IN SUPPORT
OF ALL BASOTHO INCLUSIVE OF STUDENTS IN THE AFFECTED COUNTRIES. GOVERNMENT WILL FURTHER
COLLABORATE WITH THE INTERNATIONAL COMMUNITY THROUGH INTERNATIONAL ORGANIZATIONS AND
INDIVIDUAL COUNTRIES ESPECIALLY THE REPUBLIC OF SOUTH AFRICA AS OUR STRATEGIC NEIGHBOR IN THE
FIGHT AGAINST THE DISEASE.

AT THIS JUNCTURE, LET ME THANK ALL THOSE WHO HAVE EXTENDED SUPPORT TO LESOTHO, IN PARTICULAR,
THE LEADERSHIP ROLE THAT THE WORLD HEALTH ORGANIZATION HAS PLAYED GLOBALLY AND LOCALLY, IN THE
FIGHT AGAINST THIS EPIDEMIC.

SECHABA SA HESO, HA KE FERA POLELO ENA, KE LE TIISETSA HORE ‘MUSO OA HESO O KHOTHALETSA MAFAPHA
OHLE A IKEMETSENG, HO KENYELETSA LIKHOEBO, LIKEREKE, LIKOLO, BAHAHLAOLI LE BASOTHO KA KAKARETSO
HO TS’OARANA KA MATSOHO HO LOANTS’A LEFU LENA, LE HO NETEFATSA POLOKEHO EA SECHABA. SENA SE
KA FIHLELOA KA PHANO EA LISEBELISOA TSA POLOKEHO, THUTO LE HO FETOLA LITLOAELO TSE KA BEHANG
MAPHELO TSIETSING.

‘MUSO O BOETSE O KHOTHALETSA BATHO BOHLE BA NANG LE BENG KA BONA KA NTLE HO NAHA EA LESOTHO
HO ITLALEHA LEKALENG LA TSA KA NTLE LE BAO BA KA NTLE HO ITLALEHA MATLONG A BOEMELI LINAHENG
TSEO BA LENG HO TSONA E LE HORE HO TSEJOE MOO BA LENG TENG LE LITLHOKO TSA BONA.

LE HA NAHA E SE E BILE LE BATHO BA BABELI BA BELALELLOANG KA LEFU LENA LA CORONA HA JOALE, KA

LEHLOHONOLO HA RE E SO BE LE MOKULI EA NETEFALITSOENG KA LEFU LENA. LE HA HO LE JOALO, ‘MUSO O
MALALA-A-LAOTSOE THIBELONG EA LEFU LENA.

‘MUSO KA LEKALA LA BOPHELO, LE TLA TSOELAPELE HO BEA SECHABA LESELING KA LITABA TSA LEFU LA
CORONA.

HA RE HOPOLENG SECHABA SA HESO HORE, BOIPABALLO BO MOLEMO HO FETA SETLHARE, ETSOE LETS’OELE
LE BETSA POHO.

KHOTSO! PULA! NALA!