ФИТНЕС

Аеробик - вежбање со музика

Аеробикот како збор и поим во својот изворен облик првпат се појавува во 1968
година во истоимената книга на американскиот доктор и физиолог д-р Кенет Х.
Купер.

Под поимот аеробик се подразбира состав на вежби кои осигуруваат

значителен развој и одржување на функционалните способности и тоа, пред се,

со димензии од аеробен капацитет.

Последните години и кај нас дојде до брз развој на аеробик-составот на

вежбање. Се поголем број луѓе се вклучуваат во ова движење, формирани се
многу специјализирани центри, а во последно време почнува и засилен процес
на создавање стручни кадри.

Една од темелните причини за експанзија на аеробикот веројатно е во фактот

што со овој состав на вежбање на многу економичен и делотворен начин може
да се решат некои итни проблеми со кои се среќаваат се поголем број луѓе. Тоа
особено се однесува на зголемување и одржување на функционалните
способности, на зголемување на флексибилноста на зглобовите и одржување на
оптималната мускулна маса, како битни предуслови за здравјето на различните
категории луѓе. Поради едноставноста на движењата за кои не треба многу
време за учење, можноста за правилно дозирање на вежбањето со помош на
музиката, која истовремено претставува и емотивно доживување, овој состав на
вежбање е прифатен како кај возрасните, така и кај училишната и детската
популација.

Масовноста, секако, се должи и на следните позитивни својства:

- вежбите се насочени на обликување на критичните делови на телото;

- музика која го поттикнува расположението;

- вежбите овозможуваат дружење;

- вежбите не бараат скапа опрема;

- за вежбите не е потребен партнер и тие не зависат од групата;

- вежбите се доволно едноставни што може секој лесно да ги научи;

- вежбите се прифатливи за секоја возраст.

Аеробикот овозможува повеќе придобивки:

- се развиваат функционалните способности;

- доаѓа до намалување на поткожното масно ткиво;

- се обликуваат поединечни мускулни групи во хармонична глобална целина;

- с развиваат моторните способности, а особено силата, флексибилноста и

координацијата во ритам;

- се зацврстува и се зајакнува коскено-зглобниот и тетивните сегменти на

локомоторниот апарат;

- се намалуваат стресот и напнатоста;

- доаѓа до значително унапредување на здравствената состојба.

Часот по аеробик по својата структура е поделен на четири дела и тоа:

- загревање во кое организмот се воведува во активноста;

- аеробен тренинг, главен дел од часот во кој организмот работи со најголема

сила;

- вежби за сила и за обликување на телото;

- вежби за истегнување и за опуштање.

Музиката во аеробикот е еден од битните фактори за успешна изведба на секој

час вежбање. Изборот на музиката зависи од целите што сакаме да ги
постигнеме во одреден период од часот, и зависи од видот или типот на вежба
(вежба со едно, две или повеќе движечки структури), од темпото, со оглед на
брзината на изведба во секој дел од часот. Важен фактор за изборот на музиката
се и особините на вежбачот (години, ниво на тренираност), неговата желба -
диско, техно, рок, латино..., како и од местото на вежбање - мала или голема
сала, базен...

Во последно време аеробикот се развива во повеќе облици, а со тоа станува се

поприфатлив за различните вкусови. Аква-аеробик, тае бо, степ аеробик, кик-
аеробик, се вбројуваат меѓу најприфатените облици на аеробик.

За да ја подобрите, а подоцна и да ја одржите својата психофизичка состојба на

оптимално ниво би требало да вежбате најмалку три пати неделно. Приклучете
и се на групата која најмногу ви одговара по силината, обемот и по карактерот
на вежбање.

ПИЛАТЕС

Пилатес е префинета форма на вежбање која истовремено ги развива

мускулната сила како и флексибилноста на мускулите и зглобовите, со што се
постигнува оптимална телесна урамнотеженост. Пилатесот е комплекс на вежби
со бавен до среден интензитет каде се вкучени мускулите од целото тело, а не
само одделни мускулни групи. Пилатес го тонизира телото, влијае на создавање
на елегантна фигура, ослободува од стрес, допринесува за подобра
самоконтрола и поголема самодоверба, а исто така помага за подобрување на
концентрацијата и постигнување на психофизичка рамнотежа. Техниката на
вежбање исто така е терапевтска, па се препорачува на личностите со проблеми
во мускулно-коскено-зглобниот состав. Имено, Пилатес ги зацврстува
најдлабоките мускулни слоеви чија одговорна улога е потпората на коскено
зглобните структури. Иако слабеењето не е примарна цел на Пилатес, со
здрава исхрана и зголемен интензитет, вежбите значајно влијаат за намалување
на телесната тежина. Пилатес вежбите треба да се изведуваат правилно и
прецизно, со посебно внимание кон дишењето.

„За 10 тренинзи ќе ја почувствувате разликата, за 20 – ќе ги видите резултатите,

за 30 - ќе имате потполно ново обликувано тело“

ЈОСЕФ Х. ПИЛАТЕС

Кој е ЈОСЕФ Х. ПИЛАТЕС?

Основачот на Пилатес техниката Јосеф Пилатес роден е 1880 г. во Германија.

Како дете пател од астма и рахитис. Тоа го навело да ја истражува физичката
активност во превенцијата од болести. Пилатесот помага во физикалната
терапија при повреди, хронични проблеми во вратот и грбот, колковите,
колената итн. Првото студио е отворено 1926 г. во Њујорк. Долго време овој
комплекс на вежби им бил достапен на припадниците на општествената елита:
врвните спортисти, филмските ѕвезди, моделите итн. При изведувањето на
Пилатес вежбите секогаш треба да го имате на ум следното: ВАЖЕН Е
КВАЛИТЕТОТ НА ВЕЖБАЊЕ, А НЕ КВАНТИТЕТОТ. Ниедна вежба не треба
да се прави за што побрзо да си заврши. Секое движење си има своја цел.