Professional Documents
Culture Documents
Leksioni 11-Procesi I Rregjistrimit Te Pasurive Te Paluajtshme
Leksioni 11-Procesi I Rregjistrimit Te Pasurive Te Paluajtshme
• Synon:
• së pari regjistrimin e të gjitha pasurive të paluajtshme që shtrihen brenda territorit të Republikës së Shqipërisë,
bazuar në akte të fitimit të pronësisë apo krijimit të të drejtave reale mbi to, sipas kërkesave të paraqitura nga
persona juridikë apo fizikë, vendas apo të huaj.
• Së dyti regjistrimin e titujve të pronësisë dhe të të drejtave të tjera reale mbi pasuritë e paluajtshme, në bazë të
dokumenteve ligjore, që vërtetojnë pronësinë mbi pasuritë e paluajtshme, dhe për përgatitjen, mbajtjen e
administrimin e regjistrave të pasurive të paluajtshme, hartave kadastrale dhe dokumentacionit, që vërtetojnë të
drejtën e pronësisë dhe të drejta të tjera reale mbi pasurinë e paluajtshme.
E Drejta e tokës Prof.as.dr.Ilda Melo (Kovaçi)
Kryeregjistruesi ushtron detyrat e përcaktuara në ligj dhe aktet nënligjore si dhe detyrat e përcaktuara nga bordi drejtues:
a) drejton dhe organizon veprimtarinë e Zyrës së Regjistrimit të Pasurive të Paluajtshme për realizimin e funksioneve
dhe përmbushjen e detyrave të saj.
b) harton programe për regjistrimin fillestar, zhvillimin, përmirësimin dhe rritjen e cilësisë së shërbimeve në zyrat e
regjistrimit të pasurive të paluajtshme, për të nxitur investimet në sektorin e regjistrimit të pasurive të paluajtshme.
c) miraton ndarjen në zona kadastrale.
d) i propozon Bordit Drejtues ndryshimin e tarifave të shërbimeve të ofruara nga zyrat e regjistrimit të pasurive të
paluajtshme.
dh) ushtron kontroll mbi veprimtarinë në zyrat vendore të regjistrimit të pasurive të paluajtshme për zbatimin e
legjislacionit në fuqi.
e) bashkërendon punën me institucionet shtetërore për të shkëmbyer informacionin e nevojshëm për të drejtat e
regjistruara në regjistrat e pasurive të paluajtshme, si dhe për përmbushjen e detyrave të tij.
j) përfaqëson Zyrën e Regjistrimit të Pasurive të Paluajtshme në marrëdhënie me të tretët.
l) harton dhe i propozon për miratim Bordit Drejtues politika afatshkurtra, afatmesme dhe afatgjata që lidhen me çështje të
përditësimit të informacionit në sistemin elektronik dhe bazën e të dhënave.
E Drejta e tokës Prof.as.dr.Ilda Melo (Kovaçi)
Zyra vendore e regjistrimit të pasurive të paluajtshme e ushtron veprimtarinë në territorin e zonës së regjistrimit të pasurive të paluajtshme.
Zyra vendore e regjistrimit të pasurive të paluajtshme administron:
a) regjistrat e pasurive të paluajtshme;
b) hartat kadastrale për zonën e regjistrimit të pasurive të paluajtshme;
c) vendimet gjyqësore, aktet administrative, kontratat, aktet dhe dokumentet e tjera, të hartuara sipas ligjit, që kanë ndikim
mbi regjimin juridik të pasurisë së paluajtshme apo të të drejtave reale mbi to, të cilat, sipas ligjit, duhet të regjistrohen në regjistrat e
pasurive të paluajtshme;
ç) plane rilevimi, indekse të regjistrimeve në regjistrat e pasurive të paluajtshme, si dhe regjistra të tjerë, të krijuar apo
administruar gjatë veprimtarisë së zyrave vendore të pasurive të paluajtshme;
d) informacionin filmik dhe elektronik
E Drejta e tokës Prof.as.dr.Ilda Melo (Kovaçi)
Regjistruesi drejton dhe organizon veprimtarinë e Zyrës së Regjistrimit të Pasurive të Paluajtshme. Ndër kompetencat kryesore të tij
përmendim:
• t’i lëshojë personit të interesuar, që ka të drejtën të kërkojë, certifikatë pronësie, qiraje apo të interesave të tjerë të regjistruara në
kartelë mbi pasurinë e paluajtshme.
• të kërkojë me shkrim ose me shkresë zyrtare nga personi i interesuar që, brenda një afati jo më të gjatë së 30 ditë, të paraqesë
dokumentet e pronësisë, certifikatat, çdo dokument tjetër apo plan rilevimi, të lidhur me pasurinë e paluajtshme, kontratën e
qirasë ose hipotekën në fjalë.
• të thërrasë çdo person të interesuar që të paraqitet tek ai ose të ndonjë person tjetër i autorizuar prej tij, për të dhënë
informacion ose shpjegim për pasurinë e paluajtshme, kontratën e qirasë ose hipotekën;
• t’i propozojë Kryeregjistruesit refuzimin e regjistrimit kur nuk plotësohen kushtet e përcaktuara në këtë ligj;
• t’i kërkojë personit, që paraqet një informacion jo të rregullt, që t’ia paguajë zyrës së regjistrimit shpenzimet që ajo ka kryer në
procesin e verifikimit të këtij informacioni jo të rregullt.
E Drejta e tokës Prof.as.dr.Ilda Melo (Kovaçi)
• Në rast se individët, familjet dhe personat juridikë, privatë apo shtetërorë, që zotërojnë dokumente pronësie, nuk
kanë të përcaktuar në to sipërfaqen, duhet t’i paraqesin regjistruesit një kërkesë për regjistrim pronësie, e cila
duhet të shoqërohet me:
• dokumentin e pronësisë.
• një plan rilevimi të pasurisë, të përgatitur nga një subjekt i licencuar për punime topografike, sipas kërkesës së
të interesuarit apo nga Zyra e Regjistrimit të Pasurive të Paluajtshme.
• deklaratën noteriale të pronarëve kufitarë, që vërtetojnë përmbajtjen e kërkesës për kufijtë e pasurisë që
pretendohet të regjistrohet.
Regjistruesi, brenda 30 ditëve nga data e paraqitjes së kërkesës, duhet t’i kthejë përgjigje kërkuesit. Kundër
vendimit të regjistruesit ose në mungesë të përgjigjes, me kalimin e këtij afati, kërkuesi mund të ankohet në
gjykatë. Në procesin gjyqësor gjykata thërret të gjithë pronarët, pronat e të cilëve janë kufitare me njëra-tjetrën,
e të cilët kanë interes të ligjshëm për gjykim
E Drejta e tokës Prof.as.dr.Ilda Melo (Kovaçi)
• Referuar VKM nr 541 datë 22.08.2007 “Për përcaktimin e procedurave të kalimit në pronësi të trojeve mbi të cilat janë bërë
ndërtimet e ligjshme para datë 3. 8.1991 dhe të sipërfaqeve, në dokumentat e pronësisë të së cilave është bërë shënimi “Oborr
në përdorim” i ndryshuar me VKM nr 578 datë 29.08.2012 dhe VKM nr 790 datë 14.11.2012 :
• a) për kalimin në pronësi të sipërfaqeve, kur në dokumentin e pronësisë është bërë shënimi “oborr në përdorim”,
kërkuesit duhet t’u drejtohen organeve të kthimit dhe kompensimit të pronave. Procedurat e kalimit të kësaj sipërfaqeje në
pronësi përcaktohen me vendim të Këshillit të Ministrave.
• b) për pasuritë e paluajtshme, të ndërtuara deri më 10.8.1991, dhe truallin funksional të tyre, kur nuk posedohen akte fitimi
pronësie, kërkuesi i drejtohet Bashkise.
E Drejta e tokës Prof.as.dr.Ilda Melo (Kovaçi)
• Faza e dytë është faza e shpalljes publike. Informacioni për regjistrimin e kryer, duhet të afishohet për 45 ditë në një vend
të përshtatshëm për konsultim publik, brenda zonës kadastrale ku këto pasuri janë të lokalizuara.
• Faza e trete është faza e rregjistrimit përfundimtar të pasurisë së paluajtshme.
• Gjatë procesit të regjistrimit fillestar krijohen hartat kadastrale për zonën e regjistrimit të pasurive të paluajtshme që
mbulon një zyrë vendore e regjistrimit fillestar. Harta kadastrale duhet të tregojë kufijtë dhe pozicionin gjeografik të
pasurive të paluajtshme, si dhe tregues të tjerë orientues (te dhena teknike)
• Pasuritë e paluajtshme kanë një numër të vetëm identifikimi brenda një zone kadastrale, i cili përdoret për të identifikuar
pasurinë e paluajtshme në kartelat e regjistrimit dhe hartat kadastrale.
• Për të zgjeruar informacionin e dhënë nga harta kadastrale, mund të dokumentohet një plan rilevimi i një pasurie të
paluajtshme të caktuar. Në këtë rast, dokumentimi i planit të rilevimit duhet të shënohet në kartelë .
E Drejta e tokës Prof.as.dr.Ilda Melo (Kovaçi)
• Çdo akt, që sjell ndryshime dhe ose përfitim të të drejtave të pronësisë, duhet të regjistrohet. Çdo person,
mbajtës i titullit të pronësisë apo i një të drejte reale nëpërmjet një akti ku këto të drejta përmbahen, duhet të
paraqesë një kërkesë për regjistrimin e aktit brenda 30 ditëve nga koha e realizimit të tij.
• Nëse një kërkesë për regjistrim, paraqitet më vonë së 30 ditë nga data e realizimit të tij, përveç tarifës së
regjistrimit, për çdo ditë vonesë, që ka kaluar nga kjo datë, paguhet kamatëvonesë, e barabartë me 10 për
qind të tarifës së regjistrimit, por jo më shumë së 300 000 lekë.
• Mbajtësi i një të drejte pronësie apo i një të drejte tjetër reale të një pasurie të paluajtshme ka të drejtë të
kërkojë pezullimin e kryerjes së veprimeve të regjistrimit nga regjistruesi, në bazë të një akti noterial, që
kushtëzon këto veprime për aq kohë sa përcaktohet në këtë akt.Regjistruesi shprehet me urdhër për
kërkesën e paraqitur. Urdhri i regjistruesit për pezullim dhe afati i pezullimit shënohen në kartelë.
E Drejta e tokës Prof.as.dr.Ilda Melo (Kovaçi)
• Pas depozitimit të certifikatës së përdorimit të ndërtimit dhe dokumentacionit shoqërues zyra e rregjistrimit bën
rregjistrimin përfundimtar të ndërtimit. Për efekt të regjistrimit, do të konsiderohen në pronësi të pronarëve të
njësive individuale pasuritë, të cilat janë përcaktuar si të tilla në aktet noteriale për fitimin e pronësisë, të lidhura
ndërmjet investitorit dhe subjekteve, me të cilat ai ka lidhur akt noterial.
• Njësitë e individualizuara të objektit, për të cilat investitori nuk ka lidhur akt noterial me të tretë, do të regjistrohen
në pronësi të investitorit, me përjashtim të pasurive të përcaktuara në aktin e bashkëpronësisë së detyrueshme. Në
kartelën e pasurisë së njësisë individuale, regjistruesi bën shënimet përkatëse për kuotën e pjesëmarrjes së njësisë
individuale në bashkëpronësinë e detyrueshme.
E Drejta e tokës Prof.as.dr.Ilda Melo (Kovaçi)
• Regjistruesi, me paraqitjen e kërkesës kryen brenda 10 ditëve, regjistrimin e lejes së legalizimit.ALUIZNI i përcjell
rregjistruesin edhe informacionin ligjor nëse ndërtesa duhet të rregjistrohet në pronësi individuale apo në
bashkëpronësi.
• Pas paraqitjes së lejes së legalizimit dhe dokumentacionit ligjor ZRPP verifikon gjendjen juridike të parcelës
ndërtimore mbi të cilën është ngritur ndërtimi.
• Nëse rezulton që parcela ndërtimore është e regjistruar në emër të një subjekti tjetër privat, nuk procedon në
rregjistrimin e lejes së legalizimit dhe njofton ALUIZNI-in për këtë fakt. Zyrat rajonale e ALUIZNI-it mbi bazë të
informacionit mbi gjendjen juridike të parcelës ndërtimore paraqet kërkesën për shpronësimin e pronarëve të
tokës mbi të cilën është ngritur ndërtimi i legalizuar.
• Vetëm pasi këshilli i ministrave ka marrë vendimin e shpronësimit të pronarëve të tokës dhe kompensimit të tyre,
mbi bazë të këtij vendimi ZRPP do të procedojë në rregjistrimin e objektit të legalizuar.
E Drejta e tokës Prof.as.dr.Ilda Melo (Kovaçi)
• Në rast se rezulton që subjekti apo subjektet përfituese të lejës së legalizimit nuk ka shlyer detyrimin për pagesën e
cmimit të parcelës ndërtimore ku është ngritur ndërtimi procedohet në rregjistrimin e ndërtimit të legalizuar por
ZVRPP-ja bën edhe regjistrimin e hipotekës ligjore, deri në lyerjen e ketyre detyrimeve. Regjistrimi i hipotekës ligjore
bëhet në seksionin përkatës të kartelës së pasurisë së legalizuar. Për ndërtimet që posedohen nga më shumë së një
subjekt, në rast mospagese të pjesës takuese të detyrimit për parcelën ndërtimore, hipoteka ligjore vendoset për pjesën
takuese të pasurisë së legalizuar.
• Leja e legalizimit regjistrohet në përputhje me dispozitat e Kodit të Familjes mbi regjimet pasurore martesore. Për këtë
qëllim, personat e interesuar, që përfitojnë lejen e legalizimit, dorëzojnë pranë ALUIZNI-t dokumentin që provon
regjimin e veçantë martesor, i cili përcillet pranë ZVRPP-së. Në të kundërt, regjistrimi kryhet sipas regjimit të bashkësisë
ligjore.
E Drejta e tokës Prof.as.dr.Ilda Melo (Kovaçi)
a) Parimi i ligjshmërisë
b) Parimi i sigurisë juridike
c) Ekskluziviteti: Veprimtaria kadastrale është shërbim publik unik.
d) Transparenca
Agjencia Shtetërore e Kadastrës (në vijim ASHK) është person juridik publik në varësi të Kryeministrit, që krijohet me këtë ligj dhe
funksionon si institucion me vetëfinancim.
Organet drejtuese të Agjencisë Shtetërore të Kadastrës janë;
• Këshilli drejtues dhe
• Drejtori i Përgjithshëm.
E Drejta e tokës Prof.as.dr.Ilda Melo (Kovaçi)
Drejtori i Përgjithshëm:
a) drejton aktivitetin e Agjencisë në fushat e regjistrimit të pasurive të paluajtshme dhe të zbatimit të legjislacionit për çështjet e
pronësisë, sipas objektivave politikë të Këshillit të Ministrave, planeve strategjike dhe programeve të performancës;
b) harton projektprogramin buxhetor afatmesëm dhe projektprogramin vjetor të veprimtarisë të vitit të ardhshëm financiar;
c) harton programe dhe miraton urdhra e udhëzime për funksionimin, zhvillimin, përmirësimin dhe rritjen e cilësisë së shërbimeve
kadastrale dhe të aktivitetit në zbatim të legjislacionit për çështjet e pronësisë;
d) i propozon këshillit drejtues ndërmarrjen e nismës për rishikimin apo ndryshimin e tarifave të shërbimeve të ofruara nga
Agjencia Shtetërore e Kadastrës, me qëllim mbulimin e kostove të shërbimit dhe menaxhimin me efiçencë të të ardhurave;
dh) ushtron kontroll mbi veprimtarinë e drejtorive dhe zyrave në nivel vendor, duke përfshirë edhe auditimin, sipas legjislacionit
përkatës;
E Drejta e tokës Prof.as.dr.Ilda Melo (Kovaçi)
Çdo pasuri e paluajtshme regjistrohet në kadastër, duke u pasqyruar në kartelën përkatëse të pasurisë dhe në hartën kadastrale.
Kartelat dhe hartat që përbëjnë kadastrën administrohen në format shkresor dhe digjital.
Kartela e pasurisë mban detyrimisht të dhëna për:
a) pozicionin gjeografik të pasurisë;
b) sipërfaqen e pasurisë;
c) llojin e pasurisë së paluajtshme (ndërtesë, truall, arë, kullotë etj.);
ç) identifikimin e pronarit të pasurisë;
d) aktin nga i cili ka lindur titulli i pronësisë mbi pasurinë;
dh) të drejtat e të tretëve mbi pasurinë dhe aktet prej të cilave ato burojnë;
e) vlerën e pasurisë;
ё) çdo akt tjetër që ndryshon regjimin juridik të pronës, apo krijon të drejta apo detyrime mbi pasurinë;
E Drejta e tokës Prof.as.dr.Ilda Melo (Kovaçi)
Drejtoria vendore, në përfundim të regjistrimit fillestar ose pas regjistrimit të çdo kalimi pronësie nga një pronar te një tjetër, lëshon
certifikatën e pronësisë.
Certifikata e pronësisë është dokumenti unik i papërsëritshëm që provon titullin e pronësisë, statusin ligjor dhe kufijtë e pronës.
Certifikata e pronësisë i lëshohet vetëm personit pronar ose bashkëpronarëve. Në rastin e bashkëpronësisë certifikata hartohet
në aq kopje sa është numri i bashkëpronarëve.
Certifikata e pronësisë shoqërohet gjithnjë me kopje të kartelës kadastrale dhe hartës përkatëse kadastrale. Pas çdo ndryshimi të
pronësisë mbi pasurinë, bashkimi apo ndarjeje të saj, lëshohet certifikatë, kartelë dhe hartë e re, sipas gjendjes së përditësuar.
E Drejta e tokës Prof.as.dr.Ilda Melo (Kovaçi)
• Çdo akt që sjell ndryshime dhe ose përfitim të së drejtës së pronësisë, sipas parashikimeve të Kodit Civil, duhet të regjistrohet.
• Aktet e gjykatave, noterëve, përmbaruesve gjyqësorë dhe organeve të tjera shtetërore, që përmbajnë fitimin, njohjen, ndryshimin,
pushimin e një të drejte pronësie, ose që deklarojnë të pavlefshme veprimet juridike ose aktet e tjera për kalimin e pronësisë të
regjistruar më parë, duhet të regjistrohen.
• Organet i deklarojnë aktet e sipërpërmendura në kadastrën digjitale kombëtare, që në momentin e formalizimit të tyre, nëpërmjet
aksesit të siguruar nga ASHK-ja.
• Krahas deklarimit në rrugë elektronike, organet e sipërpërmendura dërgojnë pranë drejtorisë vendore të ASHK-sё kopje
shkresore të këtyre akteve, brenda 10 ditëve nga data e formalizimit të tyre.
E Drejta e tokës Prof.as.dr.Ilda Melo (Kovaçi)
Drejtuesi i drejtorisë vendore kadastrale ose Drejtori i Përgjithshëm mund të urdhërojnë ndalimin e veprimeve në çdo kartelë, hartë
apo zonë kadastrale, vetëm në këto raste:
a) për të parandaluar një mashtrim ose veprim të padrejtë, që ka për qëllim kalimin e pronësisë në mënyrë të paligjshme;
b) kur e kërkojnë strukturat e kontrollit ose të trajtimit të ankimeve të Drejtorisë së Përgjithshme, për arsye të evidentimit të
veprimeve të paligjshme mbi pasuritë.
Urdhri lëshohet me shkrim edhe pa kërkesën e personit të interesuar dhe i njoftohet nëpunësit që administron praktikën përkatëse
dhe në çdo rast, zgjat 30 ditë kalendarike, nga dita e lëshimit të tij. Pas këtij afati ai e humbet fuqinë e tij, nëse nuk është vendosur
sigurimi i padisë nga gjykata
E Drejta e tokës Prof.as.dr.Ilda Melo (Kovaçi)
Aksesi ne dokumentacion
• Personave juridikë/fizikë, vendas apo të huaj, mund t’u jepet kodi i hyrjes dhe e drejta e marrjes së ekstrakteve të të dhënave, në
mënyrë të drejtpërdrejtë nga kadastra digjitale, duke garantuar teknikisht pamundësinë e manipulimit të saj nëpërmjet sistemit
elektronik. E drejta e hyrjes dhe e marrjes së ekstrakteve sigurohet edhe nëpërmjet portalit unik qeveritar, shumëfunksional.
• Personat juridikë/fizikë, vendas apo të huaj, që kanë të drejtën për të pasur akses në sistemin elektronik apo në portalin unik
qeveritar shumëfunksional, mund të marrin ekstrakte/dokumente elektronike pronësie në mënyrë të drejtpërdrejtë, pasi kanë
marrë pëlqimin e subjekteve, që figurojnë të regjistruar si pronarë të pasurisë së paluajtshme
E Drejta e tokës Prof.as.dr.Ilda Melo (Kovaçi)
• Çdo shërbim kadastral kryhet vetëm pas dorëzimit të një kërkese. Kërkesa është një formular tip që gjendet në
sportelet e shërbimit ose on-line.
• Çdo kërkesë për shërbim kadastral, që paraqitet rregullisht, trajtohet brenda 15 ditëve nga data e depozitimit, por
në çdo rast jo më vonë se 21 ditë kalendarike.
E Drejta e tokës Prof.as.dr.Ilda Melo (Kovaçi)
• Pas hartimit të hartës paraprake kadastrale, si dhe përgatitjes së kartelave të pasurive të paluajtshme, në bazë të
dokumentacionit të pronësisë të administruar nga drejtoria vendore shpallet publikisht zona që është objekt
regjistrimi per periudhen 45 ditore
• Pas përfundimit të periudhës së konsultimit publik dhe të trajtimit të ankesave, drejtoria vendore ligjëson
regjistrimin e bërë:
a) duke formalizuar kartelën e pasurisë të çdo prone dhe duke arkivuar dokumentacionin përkatës,
b) duke formalizuar hartën kadastrale zyrtare,
c) duke lëshuar certifikatën e pronësisë për çdo pronar të interesuar të zonës së regjistruar, që ka shlyer tarifat
përkatëse të regjistrimit.
E Drejta e tokës Prof.as.dr.Ilda Melo (Kovaçi)
Cdo kërkesë apo pretendim që nuk është shqyrtuar gjatë procesit të regjistrimit fillestar trajtohet nga struktura e
posaçme për ankimet që vendos mbi:
a) pranimin e kërkesës dhe detyrimin e drejtorisë vendore për regjistrim të pretendimit;
b) rrëzimin e kërkesës;
c) detyrimin e drejtorisë vendore për shqyrtimin e kërkesës, në harmoni me kufijtë dhe pretendimet e pronarëve
kufitarë.
E Drejta e tokës Prof.as.dr.Ilda Melo (Kovaçi)
Përmirësimi është procesi i saktësimit të kufijve, të sipërfaqeve të pasurive të paluajtshme, pasqyrimit të drejtë në hartën kadastrale
të pozicionit gjeografik, si dhe saktësimit të të dhënave të regjistrit të pasurive.
Kryhet nga ASHK-ja, kryesisht ose me kërkesë të palëve të interesuara.
Parimet e permiresimit:
a)konsolidimi sistemik i marrëdhënieve të pronësisë mbi pasuritë e paluajtshme;
b) rregullimi i konfiguracionit dhe pozicionit hartografik të titujve të pronësisë, në përputhje me gjendjen faktike;
c) respektimi i sasisë së sipërfaqes të përcaktuar në titujt e pronësisë private,
ç) reflektimi në regjistrin publik i të gjitha veprimeve të kryera me pasurinë, si dhe dokumentimi tekniko-ligjor i tyre;
d) pasqyrimi i detyrueshëm në regjistrin e pasurive i çdo titulli pronësie të depozituar në ASHK.
E Drejta e tokës Prof.as.dr.Ilda Melo (Kovaçi)
• Për pasuritë e llojit ndërtesë, problemet e mospërputhjes së pozicionit, konfigurimit, përmasave dhe sasisë së
sipërfaqes zgjidhen duke korrigjuar hartën kadastrale dhe regjistrin apo vetë titullin e pronësisë, sipas gjendjes
faktike të ndërtesës.
• Përjashtimisht, kur sipërfaqja në terren është më e madhe se ajo e përcaktuar në titull, drejtoria vendore verifikon
nëse në ndërtesë janë kryer zhvillime ndërtimore pa leje dhe i trajton ato sipas legjislacionit përkatës.
E Drejta e tokës Prof.as.dr.Ilda Melo (Kovaçi)
• Investitori, që është njëkohësisht edhe pronar i truallit të vendosur më parë në hipotekë, nuk mund t’u premtojë të
tretëve njësi ndërtimore, pa miratimin me shkrim të kreditorit hipotekor.
• Anasjelltas, nëse mbi truallin nuk rëndonte më parë hipotekë, investitori mund të vendosë në hipotekë, për
garantimin e debisë së tij, vetëm ato njësi ndërtimore, për të cilat nuk ka lidhur më parë kontrata
porosie/sipërmarrjeje/premtimi shitjeje me të tretët.
E Drejta e tokës Prof.as.dr.Ilda Melo (Kovaçi)
• Për çdo ndërtim, leja e të cilit është regjistruar paraprakisht në drejtorinë vendore, përditësohet në çdo fazë të
ndërtimit të tij deri në përfundimin e plotë të karabinasë.
• Regjistrimi i karabinasë bëhet në një regjistër të veçantë, që quhet “Regjistri i karabinasë”. Çdo regjistrim fillon
duke u referuar në ekstremitetet e lejes së ndërtimit, të lëshuar për këtë qëllim
• Çdo kontratë sipërmarrjeje, porosie apo premtimi shitjeje e investitorit me pronarin e truallit apo me të tretë, që
synon në të ardhmen kalimin e pronësisë së objektit në ndërtim, regjistrohet në regjistrin e lejes së ndërtimit dhe
më tej në regjistrin e karabinasë. Ky regjistrim e bën njësinë përkatëse të objektit “të zënë” dhe që nuk mund t’i
premtohet dikujt tjetër.
• Pas regjistrimit të kontratave, drejtoria vendore lëshon vërtetime regjistrimi në favor të palëve kontraktore.
E Drejta e tokës Prof.as.dr.Ilda Melo (Kovaçi)
Ankimimi
• Kundër akteve kadastrale ose mosveprimeve të Agjencisë paraqitet ankim te struktura përgjegjëse për ankimet,
sipas përcaktimeve të Kodit të Procedurave Administrative.
• Pas shqyrtimit të ankimit, sipas dispozitave të Kodit të Procedurave Administrative, kërkuesit i lind e drejta e
ankimit gjyqësor brenda 45 ditëve nga njoftimi i vendimmarrjes mbi ankimin apo nga data e mbarimit të afatit
ligjor të shqyrtimit të ankimit, në rastin mosveprimit të ASHK-së.