Sintaksis ng Wikang Filipino (Syntax)

Ang sintaksis ay tumutukoy sa estruktura ng mga pangungusap at ng mga tuntuning

nagsisilbing patnubay sa pagsasabi ng kawastuhan ng isang pangungusap. Ito rin ay nakatuon sa
masistemang pagsasama-sama o pag-uugnay ng mga salita upang bumuo ng pangungusap.
(systematic way of combining words to form sentences)

Ang pangungusap ay maaaring salita o lipon (group) ng mga salita na nagpapahayag ng buong
diwa. May dalawang bahagi ng pangungusap- ang panaguri (predicate) at paksa o
simuno(subject). A sentence is a word or group of words which expresses a complete
thought. It has two parts- the predicate and the subject.

Ang Paksa o Simuno (Subject)

Ang paksa ang bahagi o sangkap na binibigyang-pansin sa loob ng pangungusap. Ito ay nagsasad
at nagpapahayag ng pokus o tuon ng pangungusap. Ito rin ang tema ng anumang usapan. Ang
paksa ay maaaring kumatawan sa tao, bagay, ideya, kilos at iba pa.

Uri ng Paksa
1. Paksang Pangngalan (Noun)
Nagrebyu ng aralin ang mga estudyante.

2.Paksang Panghalip (Pronoun)

Gumagawa sila ng sasakyang panghimpapawid.

3.Paksang Pang-uri (Adjective)

Nanalo sa karera ang pinakamabilis.

Ang Panaguri

Ang panaguri ay sangkap o bahagi ng pangungusap na nagbibigay kaalaman o impormasyon

tungkol sa paksa. Ito ay maaaring buuin ng isang salita, parirala o sugnay.

Uri ng Panaguri
1. Panaguring Pangngalan
Globalisasyon ang paksa ng talakayan.
 2. Panaguring Panghalip
Iyan ang bahay.

3. Panaguring Pang-uri
Matamis ang manggang hinog.

4. Panaguring Pandiwa
Tumataas ang presyo ng mga bilihan sa groseri.

Ayos ng Pangungusap

Ang karaniwang ayos ng pangungusap ay iyong nauuna ang panaguri kaysa paksa.

Ang di-karaniwang ayos ng pangungusap naman ay nauuna ang paksa + panandang ay +

panaguri. Tinatawag itong di-karaniwang ayos sapagkat madalas itong ginagamit sa mga pormal
na pagkakataon.

Karaniwang Ayos

Nanalo sa laban nila ni Keith Thurman si Manny Pacquiao.

Napatunayang walang sala ang nasasakdal.

Di-Karaniwang Ayos

Si Manny Pacquiao ay nanalo sa laban nila ni Keith Thurman.

Ang nasasakdal ay napatunayang walang sala.

(Karaniwang Ayos) No "ay"==== Panaguri + Simuno

(Di- Karaniwan) with "ay"==== Simuno + ay + Panaguri