Reporter # 18
rito.
Audry Rose Y. Guancia
Topics:
KAHULUGAN AT KAHALAGAHAN NG TEORYA
TEORYANG MARXISMO TUNGO SA
KAPAYAPAANG NAKABATAY SA KATARUNGAN
A. KAHULUGAN AT KAHALAGAHAN NG
TEORYA
Ayon kina Nuncio at Nuncio (2004), ang teorya ay
binubuo ng mga pagsasapangungusap ng mga
ideya at dalumat-salita na nagpapaliwanag sa
relasyon o pagkakaugnay-ugnay ng mga konsepto
tungkol sa kaganapan, karanasan at phenomenon.
Ito ay tumutukoy sa estruktura ng ugnayan sa
pagitan ng realidad at dalumat-salita. Dagdag pa
rito, itinuturing na ang teorya ay isang wika at
makawika. Mahalaga ang paggamit ng sariling wika
sa pagbubuo ng sariling konsepto ng teorya. Isang
wika ang teorya dahil gumagamit, lumilinang ng
mga salitang di payak at nakikipagtalastasan para
maunawaan at mailapat ito sa iba't ibang tiyak na
panukat, domeyn, at kaligiran ng pananaliksik.
Samantala, binanggit sa aklat na Talaban:
Komunikasyon, Pagbasa at Pananaliksik na sa
paghahanap ng teoryang gagamitin, ipinapayong
dapat itong suriing mabuti ng mananaliksik upang
maisaalang-alang ang kaugnayan nito sa paksa at
balangkas ng pag-aaral. Tandaang malaki ang
magiging epekto nito sa kabuuan ng pananaliksik,
partikular na sa pagsusuri ng mga datos kung
maling teorya ang mapipili. Kaya naman
iminumungkahi na dapat maging malinaw ang
pagtalakay ng mananaliksik sa teoryang pinili
(Geronimo, et al., 2017).
Kaugnay nito, sa konteksto ng maka-Pilipinong
pananaliksik, hindi uunlad ang wika ng teorya at
pagteteorya sa Araling Filipino kung hindi wikang
Filipino ang gagamitin, liban na lang sa kung nasa
ibang bansa na ibayong pananaw ang ginagamit o
Filipinong nasa Ingles ang kinalululanan nila
(Nuncio at Nuncio, 2004).
Sa kabanatang ito, tatalakayin ang mga teoryang
akma sa araling P/ Filipino at sa pag-aaral ng
lipunang Pilipino. Ilan sa mga ito ay ang Pantayong
Pananaw ni Zeus Salazar, Sikolohiyang Pilipino ni
Virgilio G. Enriquez, Marxismo ni Karl Marx,
Teoryang Dependensya at iba pang nakaugnay,
B. TEORYANG MARXISMO TUNGO SA
KAPAYAPAANG NAKABATAY SA
KATARUNGAN
Ang Marxismo ay isang kalipunan ng mga
sosyalistang dokrina na itinatag nina Karl Marx at
Friedrich Engels na may matibay na paniniwalang
ang kapitalistang lipunan ang tunay na dahilan ng
paghihirap ng mga taong nananahanan dito. Sa
pangkasaysayang konteksto nito, ang isang
kapitalistang lipunan ay binubuo ng mga kapitalista
na siyang nagmamay-ari ng kapital o
namumuhunan at ng mga manggagawang
gumagawa sa kapakanan kayamanan ng kapitalista
(Timbreza, 2002). Sa ganitong kaayusan, sinasabi
ng mga Marxista (naniniwala sa Marxismo) na
dehado ang kalagayan ng mga manggagawa dahil
sa kinakasangkapan lamang sila ng mga nasabing
kapitalista habang patuloy sila sa pagkakamal ng
salapi ng salapi at pagyaman. Sa pagsusuri 'di
matatamo ang pagkakapantay-pantay sa ganitong
sistema ng kaayusan. Mananatili ang kawalan ng
kapayapaang nakabatay sa katarungan. Palaging
nilalamangan, kinakasangkapan at
pinagsasamantalahan ng kapitalista ang
manggagawa, kung kaya habang yumayaman ang
kapitalista ay lalong naghihirapan naman ang mga
manggagawa. Subalit, darating ang panahong hindi
na matitiis ng manggagawa ang pang-aapi sa
kanilang pagkatao kaya hindi maiiwasan ang
paghihimagsik at kakalat ang rebolusyon hanggang
tuluyan nang bumagsak ang kapangyarihan ng mga
mapaniil na kapitalista at ng mga institusyong
katulong nito sa opresyon at mamamayani ang
sosyalismo - isang uri ng lipunang pagmamay-ari ng
mga mamamayan nito at ‘di ang mga naghaharing
uri lamang. Sumakatawid, nais ng mga Marxista
ang isang klasles na lipunang may tunay na
kalayaan, pagkakapantay-pantay at katarungan. Sa
lipunang yaon ay wala nang maniniil (Timbreza,
2002).
Si Karl Marx ay isang rebolusyonaryong Pilosopo na
ipinanganak noong Mayo 5, 1818 sa Prussia
Germany. Naging Tanyag siya dahil sa
pagkakalathala ng dalawang kontrobersyal niyang
mga librong Communist Manifesto (1848) at Das
Kapital (1867), mga librong tumutuligsa sa mga
mapang-abusong kapitalista ng nagsilbi ng
pundasyon ng Marsimo.
Ayon pa kay Timbreza (2002), sa konteksto ng
librong Communist Manifesto lipunang Pilipino,
ang Partido Komunista ng Pilipinas o Community
Party of the Philippines at National Democratic
Front ang mga nagtataguyod ng ilang kapitalista na
nagsilbi ng simulain at pangangaral ng Marxismo.
Naniniwala ang mga myembro ng nasabing
organisasyon na ang paghihirap ng mga Pilipino
mula noon hanggang sa kasalukuyang panahon ay
produkto ng kawalan ng pagkakapantay-pantay sa
lipunang Pilipino bunsod sa pananaig ng
kapitalismo sa bansa at paghahari ng iilang pamilya
sa larangan ng politika.

Bilang teorya, ito ay magagamit sa mga paksang

pampananaliksik na may kaugnayan sa sumusunod
na usapin: 1) migrasyon at diaspora, 2) karahasan
sa mga kababaihan, 3) pang-aabuso sa mga
manggagawa, 4) kahirapan, 5) globalisasyon at iba
pang kaugnay ng mga ito.

Gawain:

1. Batay sa iyong nabasang talata ano ang

kahulugan at kahalagahan ng Teorya sa iyo
bilang isang mag-aaral?

2. Ano ang Marxismo at ano-anong libro ang

nagsilbing pundasyon nito?

Ipinasa kay: Mrs. Lucille Alegada