Republic of the Philippines

Department of Education
Region V- Bicol
Schools Division of Sorsogon Province
Pilar National Comprehensive High School
Marifosque, Pilar, Sorsogon

GAWAING PAMPAGKATUTO
Pangalan:
___________________________________ Marka: ___________
Antas/Pangkat: ____________ Petsa: ___________

Mga Pahayag/Salita na Nagbibigay Patunay

Panimula:

Sa nakaraang aralin ay natutuhan mo ang tungkol sa kuwentong-bayan. Sa bahaging ito ay

susubukin naman ang iyong kakayahan sa paggamit ng mga pahayag/salita na nagbibigay patunay.
Handa ka na ba?

Marahil ay napansin mo sa kuwentong-bayan na iyong binasa noong nakaraan ang mga

salitang may salungguhit. Iyan ay ilan lamang sa halimbawa ng mga pahayag/salita na nagbibigay-
patunay.

Alam mo ba na…
ang talagang, sadyang, totoong, tunay nga,at iba pang kauri nito ay mga
pahayag/salitang nagbibigay ng patunay. Karaniwang ang mga ito ay
sinasamahan ng ebidensiya o batayan. Maaaring gamitin ang mga katagang
gaya, kahit pa, sapagkat, kasi, dahil at iba pa.
Mga halimbawa:
1. Tunay ngang nakalulungkot ang mag-isa gaya ng naranasan ni Ina
nang ang kaniyang mga anak ay umalis na sa kaniyang piling.
2. Talagang nakababahala ang lagay ni Ina kahit pa makalabas siya ng
ospital ngayon sapagkat matanda na siya.
3. Sadyang hindi maipinta ang lungkot sa mukha ni Ina sapagkat tila
nakalimutan na siya ng kaniyang mga anak.
4. Totoong dapat nating pahalagahan ang ating magulang dahil sila ang
nagbigay-buhay sa atin.
Sa pagbibigay ng patunay, karaniwang pinaikli na lamang ang sagot.
Pinatutunayan na lamang ang pahayag, kaya hindi na inuulit ang sinasabi ng
kausap. Gaya nito:
Nakawiwili ang aklat na ito.
A, totoo iyan.
Talaga.
Tunaa.

KASANAYANG PAMPAGKATUTO AT
KODA: Nagagamit nang wasto ang mga pahayag sa
pagbibigay ng mga patunay. (F7WG-la-b-1)
Panuto
Pansinin mo ang pagkakagamit ng mga pahayag na nagbibigay patunay. Basahin at unawain ang
teksto sa ibaba at pagkatapos ay sagutan ang kasunod na Gawain.

Pamamaraa
n
Si Inang sa Kaniyang Dapithapon
Isinulat ni Ernesto U. Natividad Jr.

“Hello..Hello…” wika ng nasa kabilang linya. Ang nasa kabilang linya

ay si Mariel. Pamangkin ko, anak ng aming panganay.
“Kumusta si Lola mo?” ang tanong ko.
“Tito, nahihilo si Lola” ang sabi ni Mariel.
“Bakit?” ang tanong ko.
“Mataas ang BP (blood pressure)” ang sagot niya. “Umabot kanina ng
140” dugtong pa niya.
“Pinainom n’yo na ba ng gamot?”, pahabol kong tanong.
“Hindi pa po, wala na kasi siyang gamot”, wika ni Mariel. “Dadalhin
namin siya sa ospital”, ang sabi niya.
“Panginoon”, ang pabulong kong panalangin, “tulungan mo sana si
Inang.” Tunay ngang kakabahan ang sinuman sa ganitong pagkakataon.
19
Kinabukasan, tinawagan ko si Mariel sapagkat siya ang naiwang
nagbabantay sa ospital, kasama si Jean, ang asawa niya.
“Anong lagay ng Lola mo”, ang tanong ko.
“Pangatlong stroke na raw, at baka di raw mawala ang pagkahilo”
malungkot na sagot niya.
Naaalala ko pa noong tinawagan niya ako nitong nakaraan. Ang sabi
niya, “kamusta na kayo”, hindi ba kayo uuwi?”, tanong niya. Ang sagot ko’y
hindi pa kami makauuwi dahil maraming dapat tapusin sa trabaho.
“Di ako napagkakatulog,” ang sabi niya. Ang tinig niya ay hindi na
gaanong marinig. Mahina na siya. Halos sampung taon na kasi siyang may
sakit. Na-stroke siya noong 2005. Talagang halos nakahiga na lang sa kama.
Kailangang alalayan kapag uupo sa wheel chair, kapag maliligo at
magbabanyo. Ang kapatid kong sumunod sa akin at ang aming bunso ang
kasama niya sa bahay sa probinsiya.
“Kailan kayo darating?” ang tanong ni Inang. “Kapag di ko na kayo
marinig? Kung di ko na kayo makikilala?” ang sabi pa niya. “Tinitiis ko lang ang
lungkot kapag naaalala ko kayo. Lumuluha na lang ako dahil wala naman
akong magawa, di na ako makalakad nang mag-isa,” ang malungkot at
humihikbing pahayag ni Inang. Bigla siyang nagpaalam, “Sige at aalis na ako,”
wika niya.”
Inang, Inang!”, pahabol kong sigaw. Bigla akong nagising. Panaginip
lang pala. Pero naluha ako. Biglang nalungkot. Bakit nga ba hindi man lang
namin siya nadadalaw nang madalas? Paano na nga namin siya makakausap
ngayon kung halos di na niya kami marinig? Ano pang saysay ng aming
pagpunta kung di na niya kami makikilala? “Diyos na mahabagin, bigyan Mo
pa ako ng pagkakataong makausap ang aking ina”. Totoong malulungkot ka
nang lubos kapag mangyayari ang sitwasyong napanaginipan.
Nasa ospital pa rin si Inang. Sadyang nakapanlulumo kapag may sakit
ang iyong ina. Ang panalangin ko sa Maykapal, sana ay bigyan pa siya ng
lakas, makapiling pa namin, maging tanglaw ng aming pamilya kahit siya ay
nasa bandang dapithapon na ng kaniyang buhay.

Gawin Mo!
Natitiyak ko na alam mo na ang wastong gamit ng mga pahayag/salita na
nagbibigay-patunay. Ngayon, subukin mo namang sagutin ang sumusunod na
pagsasanay.
PAGSASANAY 1: Piliin at isulat sa sagutang-papel ang ginamit na mga
pahayag/salita na nagbibigay patunay sa kuwentong nabasa sa itaas.

PAGSASANAY 2: Piliin sa pangungusap ang ginamit na pahayag/salita na

nagbibigay patunay. Isulat sa sagutang papel.
1. Tunay ngang nakababahala ang naganap na pagsabog sa isang kilalang
mall ng bansa.
2. Talagang ang laki ng pagbabago ng kapaligiran sa pagpapalit ng
pinuno ng pamahalaan.
3. Sadyang nakatutuwa ang mga gawaing inihanda ng mag-aaral kahapon.
4. Totoong dapat na ipagmalaki ang kabayanihang ipinakikita ng bawat OFW.
5. Karapat-dapat na paghandaan ang bawat araw na lumilipas sapagkat hindi
na ito maibabalik muli.
PAGSASANAY 3: Kapanayamin ang ilang matatanda sa inyong bahay tungkol sa
paniniwala at kaugalian ng mga tao sa inyong lugar. Pagkatapos ay sumulat ng
talatang nagsasalaysay tungkol dito. Gumamit ng mga pahayag/salita na nagbibigaypatunay.

Rubriks :
Binubuo ng 5 hanggang 10 pangungusap- 10

Gumamit ng 5 hanggang 10 salita/pahayag - 10

na nagpapatunay
Sumasalamin ng mga kaugalian at
Kalagayang panlipunan ng lugar -10
30
Repleksyon ng mag-aaral sa
Gawain (Natutunan o napagtanto)

________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
_______________________________________________________________________.

Sanggunian
: Modyul Panitikang Rehiyonal – Ikapitong Baitang Kagamitan ng Mag-aaral
Unang Edisyon 2017, pp.18-21

Inihanda ni:

DANA JANE N. ARGUELLES

Guro sa Filipino
CP No.: 09486009054

Nabatid ni: Pinagtibay ni:

JURNITO M. LAURA AMADEO O. LAGUDA

HT-II/JHS Coordinator Principal II