United Nations Educational, Scientific and Cultural
Organization (UNESCO) e përkëthyer si ( Organizata për Edukim, Shkencë dhe Kulturë e
Kombeve të Bashkuara) është një agjenci e specializuar e Kombeve të Bashkuara e themeluar më 16 nëntor 1945. Qëllimi i deklaruar i kësaj organizate është të kontribojë per paqen dhe sigurine në Botë duke nxitur bashkëpunimin ndërkombëtare përmes arsmit, shkencës, dhe kulturës. Mëtutjeshëm kërkon edhe respektimin universal të drejtësisë, ligjeve të shtetit dhe të drejtave të njeriut, liri këto themelore të shpallura në kartën e OKB-së . Ë shtë trashëgimtare e Komisionit Ndërkombëtar për Bashkëpunim Intelektual të Lidhjes së Kombeve. UNESKO ka 193 shtete anëtare dhe gjashtë antarë të tjera (mysafirë) . Organizata është me seli në Paris, me mbi 50 zyra në terren dhe shumë institucione të specializuara dhe qendra në të gjithë botën. Pjesa më e madhe e zyrave janë në terren "grumbull" zyra që mbulojnë tre ose më shumë vende; ka edhe zyra rajonale dhe kombëtare. UNESKO ndjek objektivat e saj nëpërmjet 5 programeve të mëdha: arsim, kulturë, shkenca natyrore, shkenca sociale dhe shkenca e njeriut, komunikimi dhe informacioni. Projekte të sponsorizuar nga UNESKO përfshijnë degët letrare, teknike, dhe programe të trajnimit të mësuesve; programet ndërkombëtare shkencore; promovimin e pavarur të medias dhe lirinë e shtypit; projekteve rajonale dhe kulturore historike, avancimin e kulturës; marrëveshjet e bashkëpunimit ndërkombëtar për të siguruar në botë trashëgimin kulturore dhe trashëgimia natyrore (Vende të Trashëgimisë Botërore) dhe për të ruajtur të drejtat e njeriut, dhe përpjekjet për të lidhur gjithë botën dixhitalisht. Shqipëria është anëtare e UNESCO-s që nga viti 1958 dhe ka disa trashëgimi që janë të mbrojtura prej saj, si: Butrinti, Gjirokastra, Berati dhe Isopolifonia.Që nga viti 2008, Shqipëria ka përfituar nga programet e UNESCO-s mbi rreth 335,500 dollarë. Butrinti është shpallur Monument Kulture në vitin 1948, ndërsa është vlerësuar si pasuri e trashëgimisë së njerëzimit dhe mbrohet nga UNESCO që nga viti 1992. Gjirokastra, qyteti i gurtë, është regjistruar në Listën e Trashëgimisë Botërore të UNESCO-s në vitin 2005, ndërsa Berati i është bashkuar kësaj liste në vitin 2008, gjatë Sesionit të Kebekut të Komitetit të Trashëgimisë Botërore.Në listën e kryeveprave të kulturës orale e jomateriale të botës, midis 43 shprehive më spikatëse kulturore të popujve të gjithë botës, UNESCO ka regjistruar edhe iso- polifoninë shqiptare të jugut.Ndërsa “Kodikët e Beratit” figurojnë në regjistrin “Memoire du Monde” (Kujtesa e botës).Së fundi (tetor 2014) UNESCO u dha një status të veçantë mbrojtjeje hapësirave përreth liqeneve të Ohrit dhe Prespës. Në këtë mënyrë për këtë zonë do të ketë më shumë mbrojtje nga dëmtimet falë statusit “rezerva ndërkufitare” që mori nga UNESCO. Por janë edhe disa site të tjera arkeologjike të cilat qëndrojnë ende në listën e pritjes së UNESCO-s, siç janë Varret e Selcës së Poshtme (1996), Amfiteatri i Durrësit (1996) dhe qyteti antik i Apollonisë (2014