Ano ang kailangan kong malaman

PANIMULA

Ang bawat tao ay ipinanganak sa mundo upang gampanan ang kanyang misyon sa buhay. Ang
misyong ito ay makakamit sa pamamagitan ng pagtupad ng iba’t ibang tungkulin. Wika nga ng marami, tayo
ay nasa mundo upang gumanap ng ating mga misyon. Hindi lang natin kailangang isagawa o isakatuparan
ang mga ito, mahalaga ring maglaan ng panahon upang unti-unting tuklasin ang mga ito. Patunay lamang
ito na namumuhay tayo sa mundo hindi para sa ating sarili lamang, kailangan nating maglingkod sa ating
kapwa. At sa ating pakikipag-ugnayan sa ating kapwa, mahalaga ang matapat na pagtupad sa ating mga
tungkulin.
Ano nga ba ang iyong mga tungkulin? Kanino ka nga ba may tungkulin? Sa pamamagitan ng araling
ito ay malilinawan mo ang mga kasagutan sa mga tanong na ito.

Sa aralin na ito, inaasahang matutuhan mo ang sumusunod:

a. Natutukoy ang mga tungkulin sa bawat gampanin bilang nagdadalaga / nagbibinata

b. Natataya ang mga kilos tungo sa maayos na pagtupad ng sariling mga tungkulin bilang
nagdadalaga / nagbibinata
c. Napatutunayan na ang pag-unawa ng kabataan sa kanyang mga tungkulin sa sarili, bilang anak o
kapatid, mag-aaral, mamamayan, mananampalataya, kostumer ng media at bilang tagapangalaga
ng kalikasan, ay isang paraan upang maging mapanagutan bilang paghahanda sa susunod na
yugto ng buhay.
d. Naisasagawa ang mga kilos tungo sa maayos na pagtupad ng kanyang mga tungkulin bilang
nagdadalaga / nagbibinata

ARALIN
Ang aking tungkulin bilang

2 Kabataan

Ano ang nilalaman

MGA TUNGKULIN BILANG NAGDADALAGA O NAGBIBINATA

Maraming tao ang nagsasabi sa iyo na hindi ka na bata. Habang nadaragdagan ang iyong edad ay
nadaragdagan din ang iyong mga tungkulin. Mulat ka na ba sa iba’t iba mong tungkulin?

EDUKASYON SA PAGPAPAKATAO-7 1
1. Ang Tungkulin sa Sarili

Ang tungkulin ay laging dapat nagsisimula sa sarili. Mahirap isalin sa ibang tao ang responsibilidad
kung hindi ito nasimulang ilapat sa sarili. Bilang isang tinedyer, may mga bagay na dapat mong bigyang-
pansin upang masabi mong tunay mong natupad ang iyong tungkulin sa iyong sarili.

a. Pagharap at Wastong Pamamahala sa mga Pagbabago sa Yugto ng Pagdadalaga/Pagbibinata.

b. Pagpapaunlad ng Talento at Kakayahan at Wastong Paggamit ng mga ito.
c. Makabuluhang Paggamit ng mga Hilig.

2. Ang Tungkulin Bilang Anak.

Hindi ka na nga bata. Pero hindi nangangahulugan ito na maaari mo nang ihiwalay ang iyong sarili
sa iyong pamilya. Nananatiling ang iyong pamilya ang may pinakamalaking impluwensiya sa iyong buhay.
Mayroon ka ng sapat na edad upang makibahagi sa iyong pamilya at sa tahanan.
Mahalaga rin na maunawaan mo ang halaga ng pagbuo ng isang magandang ugnayan sa iyong
mga magulang. Ito ang yugto ng pagkakaroon ng madalas na hindi pagkakaunawaan mo at ng iyong
magulang. Lagi mong tandaan na naging tinedyer din sila minsan. Pinagdaanan nila ang iyong mga
pinagdaraanan. Ngayon iba na ang kanilang pananaw bilang mga magulang.

3. Ang Tungkulin Bilang Kapatid.

Sa bahay para kayong ”aso’t pusa”. Ito ang laging sinasabi ng iyong mga magulang kapag lagi
kayong nag-aaway ng iyong mga kapatid. Pero ang kapatid na lagi mong kaaway sa bahay, handa mong
ipaglaban kapag inaapi ng ibang tao.
Natural lamang na may mga mabubuong hindi magagandang damdamin sa pagitan ninyong
magkakapatid. Ang kailangan lamang ay huwag itong hayaang magtagal at maipon hanggang sa lumaki.

4. Ang Tungkulin Bilang Mag-aaral.

Ikaw ngayon ay nasa high school na. Nasa higit na malaking” mundo”. Mas marami ka nang
gawaing nararapat gawin at marami kang natutuhan sa mga bagay na iyong ginagawa. Sa bawat gawain na
iyong natatapos, karagdagang karanasan at aral na iyong maiipon. Mas nadadagdagan ang kabuluhan ng
iyong buhay.

Mga gabay upang magampanan ang tungkulin bilang mag-aaral:

a. Mag-aral nang mabuti.

b. Magkaroon ng masidhing pagnanais na matuto.
c. Pataasin ang mga marka.
d. Gamitin ang kakayahan sa komunikasyon nang buong husay
e. Pagyamanin ang kakayahan sa pag-iisip.
f. Matutong lutasin ang sariling mga suliranin
g. Makilahok sa mga gawain sa paaralan.

5. Ang Tungkulin sa Aking Pamayanan.

Ang isang kasapi ng pamayanan ay malugod na tumutugon sa kanyang mga tungkulin para sa
kapakanan nito.

EDUKASYON SA PAGPAPAKATAO-7 2
Bilang nagdadalaga/nagbibinata may tungkulin ka sa iyong pamayanan

a. Makibahagi sa gawain ng pamayanan kasama ng iba pang miyembro nito;

b. Magkaroon ng pagkukusang maglingkod sa pamayanan;
c. Maging mulat sa pangangailangan at suliranin ng ibang tao sa pamayanan upang maiparating sa
mga pinuno ng pamayanan;
d. Maging tapat sa kinabibilangang pamayanan;
e. Makibahagi sa mga pagpupulong sa pamayanan kung kinakailangan;
f. Sumasali sa mga samahang pangkabataan, kung saan ilalaan ang sarili bilang maging mabuting
tagasunod kung hindi man maging mabuting pinuno.
g. Makibahagi sa kampanya upang tulungan ang pamahalaan, paaralan at
samahan sa kanilang mga proyekto.

Sa mga sumusunod na paraan ng pakikilahok, nararamdaman mong hindi ka malayo sa mga tao sa
iyong pamayanan. Kung minsan, may mga pagkakataon na hindi mo kilala ang iyong mga kapitbahay; na
hindi mo kilala ang namumuno sa inyong pamayanan. Sa pamamagitan ng pagtugon sa mga tungkuling ito,
mararamdaman mong ikaw ay kabahagi. At makatutulong ito upang mas mapaangat mo ang iyong halaga
bilang tao.

6. Ang Tungkulin Bilang Mananampalataya.

Ang simpleng pag-aalay ng panalangin araw-araw ay napakalaking bagay na para masabing isa
kang tunay na mananampalataya.” Prayer can move mountains”. Ngunit dapat mong isaisip na hindi ang
ating panalangin ang nakapagpapagalaw kundi ang Diyos. Ang panalangin ay paraan ng papuri sa Diyos.
Ito ay paraan ng pakikipag-usap sa Kanya mula sa puso.
7. Ang Tungkulin Bilang Konsiyumer ng Media.
Maraming uso at maraming makabago sa modernong panahon ngayon. Nakokondisyon ang iyong
isip na ang mga ito ay kailangan dahil sa husay ng presentasyon nito ng media. Sa dami ng mga inihahain
sa iyo, minsan hindi mo na alam kung ano ang iyong tatanggapin at paniniwalaan.

8. Ang Tungkulin sa Kalikasan

Malakas na ang panaghoy ng Inang Kalikasan. Ang kailangan natin ay tumugon bago pa maging
huli ang lahat.
Maaari mong gawin ang sumusunod upang magampanan mo ang iyog tungkulin sa kalikasan:
a. Mahalagang ibahagi sa mga kasama sa tahanan ang mga kaalaman na natutuhan sa paaralan.
b. Mahalagang ilapat sa buhay ang anumang natutuhan sa paaralan lalo na sa siyensiya.
c. Tumulong upang mabawasan ang polusyon sa hangin, sa lupa at sa tubig.
d. Kausapin ang mga kaibigan upang makiisa sa gawaing pangkalikasan.
e. Karamihan sa mga mahahalagang kaalaman ukol sa kalikasan ay napupulot ng mga mag-aaral hindi sa
paaralan kundi sa media.

EDUKASYON SA PAGPAPAKATAO-7 3
 Pangalan: _______________________________________________ Baitang: __7-Capricorn___

Pagtataya

Panuto: Basahin at unawaing mabuti ang ilang linya ng kantang pinamagatang “Pananagutan”. Magbigay
ng repleksyon patungkol dito.

”Walang sinuman ang nabubuhay para sa sarili lamang.

Walang sinuman ang namamatay, para sa sarili lamang.
Tayong lahat ay may pananagutan sa isa’t isa,
tayong lahat ay tinipon ng Diyos na kapiling Niya.”

Repleksyon:

_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________

Takdang Aralin:

Panuto: Isulat mo sa mga kahon sa ibaba ang mga salitang nagbibigay-kahulugan sa salitang
KONSIYENSIYA. Gabay mo ang halimbawa sa ibaba.

Halimbawa: Gabay sa pagkilala ng tama at mali

KONSENSIYA

EDUKASYON SA PAGPAPAKATAO-7 4
Sanggunian
Aklat
 Bongat, Q.V., at Memijie, E.H, Edukasyon sa Pagka-Tao at Pagpapakatao 2016, Sta Ana, Manila,
Philippines. Aklat at Dunong Publishing Inc. p. 30

Website
https://k12resources.files.wordpress.com/2016/04/gr-7-esp-lm-q1-to-4.pdf

EDUKASYON SA PAGPAPAKATAO-7 5