KWENTO NG TAUHAN

          “Walang Imposible sa Taong Madiskarte”

Si Bebang ay nasa ika-sampung baitang. Siya ay kaisa-isang anak. Siya ay masipag at

matulungin na bata. Siya ang gumagawa ng gawaing bahay. Tagapaghugas ng plato,
tagasaing, taga laba at tagadilig ng halaman. Bago siya pumasok sa paaralan ay siya na din
ang naghahanda ng kanyang babaunin at ang kakainin ng kanyang ama. Sila lang dalawa ang
nasa tahanan kaya naman siya na ang nagsisilbi sa kanyang ama. Ang ina ni Bebang ay
kasambahay sa Maynila. Kahit gustuhin man niyang makasama ito ay ala siyang magawa kundi
tiisin ang kalungkutan. 

Isang araw nagulat si Bebang, hindi niya alam ang emosyong mararamdaman nya.
Sapagkat nakauwi ang kanyang ina galing Maynila. Ngunit may pagtataka siya dahil biglaan, at
iyon na nga, nalaman nya na napaalis na ang kanyang ina sa pinapasukan nito sa kadahilanan
na may sakit ito sa puso at sabi ng amo nito na magpahinga muna. Noong kinagabihan tulala
ang kanyang ina dahil iniisip nito kung paano na sila. Sapagkat walang ding permanenteng
trabaho ang kanyang ama.