10

Filipino
Unang Markahan
Sariling Linangan Kit 1:
Mitolohiya
Filipino – Ikasampung Baitang
Unang Markahan – Sariling Linangan Kit 1: Mitolohiya
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa Sariling Linangan Kit
(SLK) na ito ay nagtataglay ng karapatang-ari ng mga iyon. Pinagsumikapang matunton ang
mga ito upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa SLK na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Bumuo sa Pagsulat ng Sariling Linangan Kit

Manunulat: YVETTE ROSANNA P. ESCALERA, MA / MARY JEAN L. SAROL
Editor: LYN VINCENT J. BALATERO, EdD
Tagasuri: RENE P. SULTAN, EdD
Tagaguhit: HARELD CANDARI
Tagagawa ng Template: Neil Edward D. Diaz

Inilimbag sa Pilipinas ng Kagawaran ng Edukasyon RXI

Sangay ng Lungsod ng Davao
Daang E. Quirino Avenue, Davao City
Paunang Salita
Para sa tagapagdaloy:

Ang Sariling Linangan Kit (SLK) na ito ay inihanda para sa mga mag-aaral ng
ikasampung baitang ng asignaturang Filipino. Lubos naming pinasasalamatan at
pinahahalagahan ang mga magulang, mga kapatid ng aming mga mag-aaral o ang
kanilang mga kamag-anak na naging katuwang namin sa pagtuturo sa aming mga
mag-aaral.
Makikita sa SLK na ito ang tekstong babasahin, mga pagsasanay at
paglalahat para sa isang tiyak na aralin. Mangyaring isakatuparan ang mga gawain
nang may pagkukusa at katapatan. Isulat ang inyong mga sagot sa bukod na papel.
Huwag kailanman sulatan ang alinmang bahagi ng SLK. Kung may katanungan o
agam-agam sa alinmang bahagi ng SLK, itanong sa inyong mga guro. Makipag-
ugnayan sa kaniya sa telepono bilang ___________________.

Para sa mag-aaral:

Malugod namin kayong tinatanggap sa Filipino sa Ikasampung Baitang upang

pag-aralan ang Mitolohiya.
Ang SLK na ito ay ginawa bilang tugon sa iyong pag-aaral habang wala ka sa
loob ng silid-aralan. Hangad din nitong madulutan ka ng mga makabuluhang
oportunidad sa pagkatuto.
Ang SLK na ito ay may mga bahagi at icon na dapat mong maunawaan.

Pahalagahan mo ang modyul na ito upang lubos mong maunawaan ang

isang akdang pampanitikan mula sa Mediterranean
Mapag-aaralan mo ang isang mitolohiya mula sa mga Griyego. Uunawain mo
upang masalamin sa katauhan ng mga tauhan ang pag-uugali ng mga taong
pinanggalingan nito.
Maibabahagi mo ang iyong talas ng isip sa pagbibigay ng mahahalagang
kaisipan at pananaw ukol sa tatalakaying aralin.
Sundin mo lang ang mga panuto para sa madali mong pagkatuto.

ii
 Alamin Natin

Ang modyul na ito ay naglalaman ng isang akda mula sa Mitolohiyang

Griyego kung saan matutunghayan ang hiwaga at ang lakas ng tunay na pag-ibig.

Pagkatapos mapag-aralan ang modyul na ito, ikaw ay inaasahang:

1. naiuugnay ang kahulugan ng salita batay sa kayarian nito;
2. naipahahayag ang mahahalagang kaisipan/pananaw sa *nabasang mitolohiya;
3. naiuugnay ang mga mahahalagang kaisipang nakapaloob sa binasang akda na
nangyayari sa;
 sariling karanasan
 pamilya
 pamayanan
 lipunan
 daigdig

4. natutukoy ang mensahe at layunin ng *nabasang cartoon ng isang mitolohiya;

5. naipahahayag nang malinaw ang sariling opinyon sa paksang tinalakay.

Subukin Natin

A. Panuto: Piliin ang angkop na kahulugan ng mga salita batay sa kayarian nito.
Isulat sa sagutang papel ang inyong sagot.

 Maaaring ang isang salita ay magkaroon ng kayariang payak, maylapi,

inuulit, at tambalan. Maaaring maiugnay ang kayarian ng salita sa
kahulugan nito.

Hal. Ang pag-iisang dibdib ay tambalang salita, ano ang isa pang
kahulugan nito? (sagot: pag-aasawa)

______________1. Ang paglikha nya ng estatwa ay nakapagbibigay kasiyahan

sa kaniya. ( pagwasak, pagbabago, paggawa)
______________2. Alin sa mga salitang maylaping nasa kahon ang may naiibang
kasingkahulugan?
inalis matira nilisan
______________3. Anong payak na salita ang kasingkahulugan ng salitang dilim
sa pangungusap na “Kulimlim ang langit sa tuwing may

1
 nagbabadyang bagyo.”
______________4. Anong inuulit na salita ang maaaring gamiting pamalit sa
pariralang sobra kitang gusto!
______________5. Alin sa mga salitang payak na nasa kahon ang may naiibang
kahulugan?

anim letra numero

Panuto: Basahin at unawain ang konteksto ng mga pangungusap.

Hanapin sa ikalawang pangungusap ang kasingkahulugan ng
salitang nakasalungguhit na nasa unang pangungusap. Isulat ang
inyong sagot sa sagutang papel

1. Ipinagmamalaki ni Pygmalion ang kaniyang obra maestrang nilikha. Kaya

naman buong pag-iingat niya sa pinakamahusay niyang gawa sa buong
buhay niya.

2. Pihikan sa babae si Pygmalion. Ang kaniyang pagiging mapili ang nagdala sa

kaniya ng isang magandang buhay.

3. Sa isang dyosa nahumaling si Pygmalion, ngunit hindi niya ipinahahalata sa

kaniyang mga kapitbahay ang pagkahibang niya sa dyosa.

4. Ipinagtataka ng ibang babae ang ikinikilos ni Pygmalion kapag nakikita siya.

Kaya naman nagdududa sila na may misteryong nangyayari sa kaniya.

5. Biniyayaan si Pygmalion ng isang talentong paglililok na magagamit niya sa

buhay. Ang kapalarang ito ang nagdala sa kaniya ng magandang
oportunidad.

2
 Aralin Natin

Basahin at unawain mo ang halimbawa ng isang Mitolohiya.

Si Pygmalion at si Galatea

Sa mitolohiyang Griyego, isa na marahil sa pinakatanyag ang tungkol sa

kuwento ng pag-iibigan nina Pygmalion at Galatea. Katunayan, ang nasabing
mito ay naging inspirasyon sa pagbuo ng napakaraming palabas sa teatro,
sinehan, at maging sa mga obra na gawa ng mga kilalang alagad ng sining sa
iba’t ibang panig ng mundo. Halika, tunghayan mo ang isang kakaibang pag-
iibigang nagpatunay na ang dakilang pag-ibig ay kayang lumaktaw sa anumang
hadlang at manaig sa kabila ng mga pagsubok.
Si Pygmalion ay isang makisig na eskultor na kinahuhumalingan ng
maraming kadalagahan. Subalit kailanma’y hindi siya nagpakita ng interes sa
sinumang babae dahil sa pagkainis niya sa ilang babaeng bayaran sa kanilang
bayan. Para sa kaniya’y isang pag-aaksaya lamang ng panahon ang
makipagmabutihan sa mga babae. Kaya naman sa bawat pagkakataong may
makasasalamuha siyang babae ay lagi siyang umiiwas. “Hindi ko uubusin ang
oras ko sa pakikipag-usap sa inyo,” ang palaging bulong niya sa sarili sa tuwing
may mga babaeng lumalapit sa kaniya upang makipag-usap.
At upang hindi magambala ng kababaihan, ginugol ni Pygmalion ang lahat ng
kaniyang oras sa paglilok. Hanggang isang araw isang napakagandang babae
ang kaniyang nalikha. Hindi kapani-paniwalang ang isang tulad niyang labis na
umaayaw sa kababaihan ay lumikha ng isang babae bilang kaniyang obra
maestra.
Ipinagpatuloy niya ang pagpino sa kaniyang gawa hanggang sa ang
dalagang nililok ay magkaroon ng perpektong kagandahan. Tila ibinuhos ni
Pygmalion sa kaniyang obra ang lahat ng katangiang hanap niya sa isang
babaeng hindi niya natagpuan sa sinumang totoong babae sa kaniyang paligid.
Subalit habang nabubuo ang estatwa ng babae ay nagkakaroon din ng
pagbabago kay Pygmalion. Ang bawat pukpok ng kaniyang paet, ang bawat
haplos ng kaniyang liha ay kakikitaan ng ingat at pagmamahal. Umiibig si
Pygmalion kay Galatea, ang napakagandang babaeng nabuo ng kaniyang

3
malikhaing kamay mula sa ivory at marmol!
Tuluyan nang nagbago ang mundo ni Pygmalion. Siya na ni ayaw makipag-
usap sa sinumang babae, ngayon ay nag-uubos ng kaniyang panahon sa
“pakikipag-usap” sa isang estatwang inaalayan niya rin ng mga regalo tulad ng
mga bulaklak, kabibe, ibon, at iba pang alam niyang nagugustuhan ng mga
totoong babae. Naiiling ang mga tao lalo na ang mga babaeng nakakikita sa
ginagawa ni Pygmalion. “Iyan ang nangyayari sa mga lalaking labis na pihikan at
ni ayaw makipag-usap sa mga totoong babae,” ang bulungan nila habang hindi
malaman kung maaawa o matatawa sa ginagawa ni Pygmalion.
Subalit walang halaga kay Pygmalion ang anumang isipin o sabihin ng
sinuman. Patuloy siya sa paggawa ng lahat ng inaaakala niyang makabubuti sa
kaniyang minamahal kasama na ang pagsusuot dito ng pinakamagagandang
kasuotan at paglalagay ng pinakamakikinang na alahas tulad ng singsing,
kuwintas, at hikaw.
Ang balita ng pagkahumaling ni Pygmalion sa isang estatwa ay kumalat sa
bayan at nakarating sa kaalaman ni Aphrodite, ang diyosa ng pag-ibig at ng
kagandahan. “Kaawa-awang Pygmalion,” ang naibulong sa sarili ng butihing
diyosa. “Hindi ko matitiis ang isang nilalang na umiibig nang tapat subalit hindi
nasusuklian ang kaniyang pag-ibig,” ang muli’y nasabi niya sa sarili habang
pinag-iisipan ang isang plano.
Nang sumapit ang kapistahan ng diyosang si Aphrodite ay nagtungo si
Pygmalion sa templo upang mag-alay ng isang baka. Habang nag-aalay ay
taimtim niyang nausal ang pagnanais magkaroon ng kasintahang katulad na
katulad ng babaeng kaniyang nililok. Narinig ni Aphrodite ang hiling ng puso ng
binata kaya binigyan siya nito ng isang tanda. Ang apoy mula sa sinusunog na
alay ay tatlong beses pumailanlang. Ipinagtaka ni Pygmalion ang nakitang tanda
subalit hindi niya maisip kung tungkol saan ito. Hanggang sa siya’y makauwi at
makita ang estatwa ni Galatea. Muli, ang kaniyang buong atensiyon ay naukol sa
dalaga at nakalimutan na niya ang tungkol sa nakitang tanda sa templo.
Agad niyang niyakap ang estatwa subalit anong laking pagtataka niya. “Bakit
parang mainit ang katawan ni Galatea?” ang tanong niya sa sarili. “Ah nasa tabi
kasi siya ng bintana. Maaaring dahil sa init ng araw na tumama sa kaniya’y uminit
ang kaniyang balat,” ang naisip niyang dahilan sa nadama. Tulad ng nakagawian
ay hinalikan din niya ang estatwa subalit bigla siyang napaurong. “Bakit
malambot ang labi ni Galatea?” ang buong pagtataka niyang sabi habang
matamang tinititigan ang estatwa ng dalaga. Halos mapasigaw sa galak si
Pygmalion. Hindi siya nananaginip, buhay si Galatea! Hindi na isang estatwa
kundi isa nang tunay o ganap na babae ang pinakamamahal niyang si Galatea.
Ngayo’y alam na niya. Ang tandang nakita niya sa templo ay ang tanda ng
pagbibigay-buhay ng diyosang si Aphrodite kay Galatea.
Muli niyang hinaplos si Galatea dahil naghahalo pa rin ang kaniyang
pagtataka at kaligayahan. Subalit ang anumang pagdududa ay napawi at ito’y
napalitan ng labis na kaligayahan. Buhay ang kaniyang pinakamamahal. Gusto
niyang ipagsigawan ito sa buong mundo! Subalit hindi niya nakalimutang

4
magpasalamat sa diyosa ng pag-ibig at ng kagandahan sa pagbibigay-buhay kay
Galatea. Agad siyang nagbalik sa templo at nanikluhod sa paanan ni Aphrodite
bilang pasasalamat.
At hindi nagtagal, naganap ang pinakamasayang araw sa buhay ni
Pygmalion. Ikinasal sila ng pinakamamahal niyang si Galatea! Ang pag-iisang
dibdib nila ay binasbasan ni Aphrodite. Biniyayaan sila ng panganay, isang
sanggol na lalaking pinangalanan nilang Paphos. Si Paphos tulad ng kaniyang
magulang na nagtataglay rin ng pambihirang kagandahan. Ang pangalang
Paphos ay isinunod ng mga mamamayan ng Cyprus sa isa sa mga lungsod na
matatagpuan sa bansa. Ang lungsod ng Paphos ay mahal na mahal at itinuturing
na sagrado ni Aphrodite. Nakompleto ang kanilang pamilya sa pagsilang ng isa
pang malusog at napakagandang sanggol na babaeng pinangalanan nilang
Metharme.
Bilang pasasalamat sa kabutihan ni Aphrodite ay hindi nakalimot sina
Pygmalion, Galatea at ang kaniyang mga anak na mag-alay sa templo ng diyosa
taon-taon. Tinutumbasan naman ito ng diyosa ng kaligayahan at pagmamahal
para sa buong pamilya. Ang pagtatagpo nina Pygmalion at Galatea ay isang pag-
iibigang nakatadhana at ito’y patuloy na nagbibigay-inspirasyon sa marami na
kayang lagpasan ng tunay na pag-ibig ang anumang hadlang o pagsubok at ito’y
mananatili magpakailanman.
(Pinagyamang Pluma 10 p. 9-12)

I. Pag-unawa sa Binasa

Panuto: Sagutin ang sumusunod na tanong. Letra lamang ang isulat sa sagutang
papel.

____ 1. Ano ang dahilan ng hindi pagkakaroon ng interes ni Pygmalion sa mga

babae noong una?
A. Marami sa mga babae noon ay mahihinhin at hindi nakikipaghalubilo.
B. Dahil inis siya sa mga babaeng bayaran sa kanilang lugar.
C. Hindi siya pinapansin ng mga babae sa kanilang nayon.

____ 2. Bakit kaya isang babae pa ang nabuong obra maestra ni Pygmalion gayong
wala siyang interes sa mga babae?
A. Marahil sa kabila ng pag-ayaw niya sa babae ay nag-asam din siya ng
babaeng magmamahal sa kaniya.
B. Ibinuhos niya rito ang oras na inis niya sa mga babae.
C. Gusto niyang makabuo ng obra maestra.

____ 3. Nakabuo ng isang estatwang ubod ng ganda si Pygmalion at pinangalanan

5
 niya itong Galatea. Paano niya ipinakita ang labis na pagmamahal dito?
A. Ipinagmamalaki niya ito sa kanilang buong nayon.
B. Kasa-kasama niya ito kahit saan man siya pumunta.
C. Kinakausap, nireregaluhan ng bulaklak, alahas at pinagsusuot ng
magagarang kasuotan.

____ 4. Nasaksihan ni Aphrodite ang pagmamahal ni Pygmalion kay Galatea, sa

iyong palagay bakit kaya binigyang-buhay ni Aphrodite ang nabuong
estatwa ni Pygmalion?
A. Dahil sa pagkaawa nito kay Pygmalion at hindi man lang nasusuklian ang
kaniyang pagmamahal.
B. Dahil hiniling ito ni Pygmalion na bigyang-buhay ang binuo niyang obra.
C. Dahil nais ni Aphrodite na bigyan ng katuparan ang mga humihiling sa
kaniya tuwing sumasapit ang kapistahan.

_____ 5. Paano nagiging inspirasyon sa ibang tao ang pag-iibigan nina Pygmalion at
Galatea?
A. Gawing makatotohanan ang iyong nararamdaman sa isang bagay.
B. Ang isang pag-ibig na marunong maghintay ay kayang lampasan ang ano
mang pagsubok na dumating.
C. Maging matalino sa pagpili ng iyong mamahalin habambuhay.

Gawin Natin

A. Panuto: Ibigay ang kasingkahulugan ng salitang may salugguhit batay sa

kayarian at sa iba pang katangian nito. Titik lamang ang isulat sa
sagutang papel.

____ 1. Isang araw nagulat na lamang si Pygmalion sa isang napakagandang

babae sa loob ng bahay niya. Ano ang maaaring pamalit sa
sinalungguhitang salita.
A. maganda B. ubod ng ganda C. gumaganda

____ 2. Sa mito kumukuha ng inspirasyon sa pagbuo ng napakaraming

palabas sa teatro. Alin sa mga salita ang nasa wastong gamit ng
panlapi?
A. tanghalin B. tanghali C. tanghalan

____ 3. Tatlong beses pumailanlang ang apoy mula sa sinusunog na alay.

6
 A. pumaibabaw B. gumulong C. umikot)

____ 4. Nang natuklasan niyang isang himala ang nangyari sa kaniya ay

nanikluhod sa paanan ng diyosa si Pygmalion. Ano ang payak na
kahulugan ng salitang nanikluhod?
A. dapa B. upo C. samo

____ 5. Ang naging kapalaran ni Pygmalion ay nagbigay-inspirasyon sa

kaniyang mga kanayon. Anong salita ang kasingkahulugan ng
tambalang salitang nagbigay-inspirasyon?
A. nagpaganyak B. nagpabuyo C. nagpasagabal

B. Panuto: Sagutin ang sumusunod. Titik lamang ang isulat sa inyong

sagutang papel.

____ 1. Anong mahalagang kaisipan ang nasa pahayag na ito:

“Ang tunay na pag-ibig ay dumarating sa tamang panahon”
A. Sadyang mapaglaro ang pag-ibig.
B. Ang totoong pag-ibig ay hindi tumitingin sa anyo ng isang tao.
C. Tadhana ang maglalapit sa iyo ng isang wagas na pag-ibig.

____ 2. Nahikayat pang lalo si Pygmalion na tapusin at pagandahin pa ang

nilikha niyang obra maestra. Ang salitang may salungguhit ay
nangangahulugang
A. nabighani B. nahimok C. nagmungkahi

____ 3. Anong mensahe ang iyong natutuhan sa binasang mito?

A. Himala ang isang pag-ibig dahil alam mo ang pakiramdam nito.
B. Nagpapatunay na ang pag-ibig ay nakikita sa ganda ng isang nilalang.
C. Makapangyarihan ang pag-ibig, kaya nitong suungin ang ano mang
balakid.

____ 4. Ano ang opinyon mo kapag ika’y may nakitang mag-asawa na

magkaibang-magkaiba ang itsura, ang isa’y mataba at ang isa nama’y
matipuno ang pangangatawan?
A. Ang isang tunay na pag-ibig ay hindi tumitingin sa panlabas na anyo ng
isang tao kundi sa buong pagkatao at puso nito.
B. Kayo talaga ang itinadhana ng panahon kahit ano pang itsura.
C. Iyon ang iyong pinili dahil ito ang iyong pinangarap sa buhay.

____ 5. Maraming kinailangang sundin sa mga patakaran at alituntunin ang

7
 itinalaga ng IATF (Inter Agency Task Force) COVID 19 sa bansa. Gaya ng
hindi paglalabas ng bahay, nakasuot lagi ng face mask at maghuhugas
lagi ng kamay.
Layon nitong
A. Bigyan ng pansin ang kahalagahan ng IATF.
B. Para sa kaligtasan ng marami na di mahawahan ng sakit.
C. Magkaroon ng kapayapaan sa bansa.

Sanayin Natin

Sa gawaing ito ikaw ay magpahayag ng mahalagang kaisipang taglay ng

akda na base sa sumusunod na katangian nito.

A. Panuto: Piliin ang pahayag na tutugma sa kaisipang nakasalungguhit. Letra

lamang ang isusulat sa inyong sagutang papel.

_____1. Nilait man ng karamihan iba pa rin ang nagagawa ng tunay na pag-ibig sa
isang tao.
A. Iniiwan at sinasaktan para matauhan.
B. Handang tiisin lahat para sa isang minamahal.
C. Kabaliwan ang ipinakikita sa iba.

_____2. Ang pagiging matiyaga at masigasig ni Pygmalion ang nagdala sa kaniya

ng magandang kapalaran.
A. Ang kaniyang pagpapakasakit ang naglagay sa kaniya sa isang buhay na
itinadhana.
B. Ang pagpupumilit at pagbalewala sa isang bagay ang magdadala sa iyo ng
kakaibang buhay.
C. Kung sa iyo ang kapalaran sa iyo talaga, kung hindi huwag ng ipilit pa.

_____3. Dahil sa tinatamasang biyaya ay taos puso ang pasasalamat ni

Pygmalion.
A. Bukal sa loob niya ang pagpapasalamat sa taong tumulong.
B. Malaya siyang nagpasalamat sa mga tumulong.
C. Gumaganti lamang ng utang na loob ang kaniyang pasasalamat.

8
 B. Panuto: Ang susunod na gawain ay susuriin mo ang kaisipang taglay ng
akda. Lagyan ng tsek (✔) ang mga kaisipang nabasa sa mitilohiya
at ekis (✖) naman kung hindi. Isulat sa sagutang papel ang inyong
sagot.

_____4. Si Pygmalion ay isang makisig na eskultor na kinahihibangan ng mga

babae.
_____5. Sa kaniya hindi aksaya ang pakikipagmabutihan sa mga babae.
_____6. Nahumaling si Pygmalion sa kaniyang nilikhang estatwa.
_____7. Ipinagkaloob ni Aphrodite ang hiniling ni Pygmalion sa pamamagitan ng
isang mahika.
_____8. Nananaginip lang si Pygmalion na buhay si Galatea.
_____9. Hindi niya nakalimutang magpasalamat sa diyosa ng pag-ibig at ng
kagandahan sa pagbibigay-buhay kay Galatea.
_____10. Tadhana ang nagtagpo kina Pygmalion at Galatea sa isang pag-iibigan at
siyang inspirasyon sa marami.

Nauunawaan mo na ba ang aralin? Huwag kang mag-alala may mga pagsasanay pang
nakalaan para sa iyo na makatutulong pa nang lubos sa iyong pagkatuto.

Tandaan Natin

MitolohiyangGriyego

Ang mitolohiya ay isang halos magkakabit-kabit na kumpol ng mga tradisyonal

na kuwento o mito, mga kwentong binubuo ng isang partikular na relihiyon o
paniniwala. Karaniwang tinatalakay ng mga kwentong mito ang mga diyos at
nagbibigay ng mga paliwanag hinggil sa mga likas na kaganapan.

Sumasalamin din ang mitolohiyang Griyego sa mga artipakto, ilang mga

gawang sining, lalo na iyong mga pintor at manlililok.

Tinutukoy ng mga Griyego mismo ang mga mitolohiya at mga kaugnay na

gawa ng sining upang magbigay liwanag sa mga kultong pagsasanay at ritwal
na mga tradisyon na napakaluma na.

Suriin Natin

9
 Panuto: Basahin ang isang napakagandang kahulugan ng pag-ibig.

“Ang pag-ibig ay matiisin, may magandang loob, hindi nananaghili, hindi

nagmamapuri, hindi palalo, hindi lumalabag sa kagandahang-asal, di
naghahanap ng para sa sarili, di nagagalit, di nag-iisip ng masama, hindi
natutuwa sa kasamaan, ngunit ikinagagalak ang katotohanan…” (-unang sulat ni
Apostol San Pablo sa mga taga-Corinto 13: 1-13)
Idinagdag ni San Pablo na “Ang pag-ibig ay di kailanman magmamaliw…” Ayon
pa rin sa kaniya, may tatlong bagay na mananatili: ang pananampalataya, ang
pag-asa, at ang pag-ibig; subalit pinakadakila sa mga ito ang pinakahuli: ang
pag-ibig.

Panuto: Baon ang kaisipang ito kaugnay ng pag-ibig, paano mo maipakikita ang
tunay na pag-ibig sa sumusunod na sitwasyon.
Sumulat lamang ng dalawa hanggang tatlong (2-3) pangungusap sa bawat
sitwasyon. Isulat ito sa iyong sagutang papel. Kopyahin ang sitwasyon at
sagutin.

 Sa iyong sarili:

Dahil sa panahon ngayong naglalagi tayo sa bahay ay babad ka sa

paggamit ng internet sa iyong computer, o kaya’y tablet at cellphone araw-
araw. Hindi lamang sa pag-update ng iyong social media account, kundi
naglalaro ka rin ng mga video game, o kaya naman ay nanonood ng pelikula,
youtube, at iba pa. Nagreresulta tuloy ito sa iyong pagpupuyat, pagkain sa ‘di
tamang oras o minsan pa nga ay walang ganang kumain, at nawawalan ka
na rin ng interes sa pag-aaral.

Paano mo ngayon ipakikita ang pagmamahal mo sa iyong sarili sa ganitong

sitwasyon?
______________________________________________________________
______________________________________________________________
______________________________________________________________
______________________________________________________________
______________________________________________________________

 Sa iyong pamilya:

10
 Kapag may klase ay mas matagal ang panahong paglalagi mo sa
paaralan at masayang nakikipagkuwentuhan sa iyong mga kaklase. Gayong
alam mong pagod din ang iyong ina mula sa trabaho at nangangailangan siya
ng tulong mula sa iyo sa mga gawaing-bahay gaya ng pagluluto, paglilinis,o
pag-aayos sa inyong bahay.

Paano mo maipakikita ang iyong pagmamahal sa iyong pamilya sa

sitwasyong ito?
______________________________________________________________
______________________________________________________________
______________________________________________________________
______________________________________________________________
______________________________________________________________

 Sa iyong kaibigan:

May kaibigan kang laging umaasa sa iyo. Kapag may pinasusulat ay

nanghihiram na lamang siya sa iyo. Kapag may proyektong gagawin ay hindi
siya tumutulong at iniaasa na lamang niya pirmi sa iyo ang paggawa.
Umaabot din sa puntong kahit na may pagsusulit ay nangongopya pa rin siya
sa iyo at napansin mong mas mataas pa ang kaniyang puntos kesa sa iyo.

Paano mo maipakikita sa iyong kaibigan ang pagmamahal mo sa sitwasyong

ito?
______________________________________________________________
______________________________________________________________
______________________________________________________________
______________________________________________________________
______________________________________________________________

 Sa pamayanan o bansa:

Kinahiligan mo ang panonood ng K-drama, kaya naman kahit sa

pananamit, pananalita, pagkain at ibang gamit ay mas tinatangkilik mo ito.
Alam mong may malaking epekto rin ito sa ekonomiya ng bansa lalo na sa
mga manggagawa kung hindi natin tangkilikin ang mga bagay na gawa sa
atin.

Paano mo maipakikita sa iyong pamayanan o bansa ang iyong pagmamahal

sa ganitong sitwasyon?

11
 ______________________________________________________________
______________________________________________________________
______________________________________________________________
______________________________________________________________
______________________________________________________________

 Sa daigdig:

Ang buong daigdig ay nakararanas ng isang malaking suliranin, ang

paglaganap ng COVID 19 pandemic. Napakalaki ng epekto nito sa lahat ng
tao pati na rin sa ekonomiya. Hanggang ngayon ay patuloy pa rin ang
paglobo ng mga nabibiktima ng sakit na ito dahil na rin sa kawalang-ingat ng
ilang mga tao at kawalan ng disiplina. Hindi pa rin nagkakaroon ng bakuna
upang labanan ang sakit na ito.

Ano ang maaari nating gawin upang makatulong tayo sa pagsugpo ng sakit at
maipakita ang pagmamahal natin sa daigdig?
______________________________________________________________
______________________________________________________________
______________________________________________________________
______________________________________________________________
______________________________________________________________

Narito ang pamantayan sa inyong sagot:

5 4 3
Napakahusa Mahusay Katamtaman
y
Malinaw na naiuugnay ang kaisipan
ng bawat sitwasyon

Tiyak ang pagpapaliwanag

Binabati kita at nasagutan mo nang maayos ang gawain. Ihanda pa ang sarili sa mga nakalaan
pang gawain para sa iyo upang mahasa ka pa sa aralin.

Payabungin Natin

Basahin ang isa pang uri ng Mito.

12
 Buod ng Diyosa ng Pag-ibig at si Adonis

Sa mitong Romano, may isang napakagandang diyosa na matuwain at

mapagmahal sa bata na nagngangalang Venus. Lagi niyang kalaro ang kaniyang
anak na si Kupido. Sa lahat ng oras ay nakasukbit sa balikat ni Kupido ang
kaniyang busog at palaso. Kapag tumimo sa puso ng isang tao ang palaso ay
natututong umibig ito. Minsan sa kanilang paglalaro ay di sinasadyang tinamaan
ni Kupido si Venus. Nag-alala ang anak at kinalma ang kalooban ni Venus.
Naunawaan ng ina ang nangyari at nagsabing sa Lupa na lang siya
magpapagaling sa natamong sugat.

Pagdating niya roon ay isang ubod ng kisig na lalaki ang kaniyang nakita.
Yaon si Adonis na ang hilig ay pangangaso. Halos araw-araw ay magkasama
sina Venus at Adonis sa gubat. At tuluyan silang naging magkatipan. Isang araw,
nagpaalam si Venus sa kasintahan na uuwi muna sa Bundok Olimpus upang
dalawin ang anak at ang iba pang diyos at diyosa. “Mag-iingat ka, Adonis, baka
mapahamak ka sa pangangaso habang ako’y wala,” paalala ni Venus.

Pumunta si Adonis sa gubat at nanghuli ng baboy-ramo. Sa kasamaang-

palad, nanlaban ang nasabing hayop at siya ay nilapa. Nalaman ni Venus ang
nangyari at nagmamadali itong bumalik sa daigdig. Inabutan niyang naghihingalo
ang kasintahan. Tumangis siya sa sobrang lungkot sa pagpanaw ng katipan.
Ginamit niya ang kaniyang kapangyarihan at ginawa niyang napakagandang
bulaklak ang dugong tumapon sa kaniyang kasintahan. Mula noon, ang mga
rosas ay sinasabing ang dugo ni Adonis na simbolo ng pagmamahal.

buod ng dyosa ng pag ibig at si adonis - Brainly.ph

Ang iyong binasa ay isang uri ng mito na ukol sa pag-iibigan ng isang diyosa
at isang karaniwang tao.

Panuto: Sagutin ang tanong: Sumulat lamang ng dalawa hanggang tatlong (2-3)
pangungusap. Isulat ito sa iyong sagutang papel.

1. Magpahayag ng kaisipan mula sa binasa patungkol sa pahayag na

“mag-ingat ka baka mapapahamak ka habang wala ako”

________________________________________________________________
________________________________________________________________
________________________________________________________________

2. Para sa iyo, ano ang kahulugan ng bulaklak na pulang rosas?

13
 ________________________________________________________________
________________________________________________________________
________________________________________________________________

Narito ang panuntunan sa pagbibigay ng puntos sa iyong sagot.

5 4 3
Napakahusay Mahusay Katamtaman
Naihayag nang malinaw ang
kaisipan
Naibigay ang sariling mensahe

Pagnilayan Natin

Panuto:
 Kung kayo’y may internet sa inyong bahay o kaya’y maka-access ng internet;
Panoorin ang isang maikling video na magpapakilala sa iyo sa mga diyos at
diyosa ng Bundok Olympus. Narito ang link na panonoorin ninyo.
https://youtube.com/watch?v=eJCm8W5RZes

 Kung wala naman narito ang mga impormasyong magiging gabay mo sa

susunod na gawain.

Mga Diyos at Dyosa ng Bundok Olympus

1) Zeus- hari ng mga diyos at diyosa; siya ang nagpabagsak sa kaniyang

ama; pinakasalan ang kapatid na babae na si Hera.
Kaya niyang kontrolin ang ulan, batas at kaayusan, ang kulog, at
kapalaran. Ang kaniyang sandata ay scepter, thunderbolt at mainitin
ang ulo. Agila ang kaniyang ibon.

2) Hera- reyna ng kalangitan, asawa ni Zeus at kapatid na babae. Siya ang

diyosa ng pag-aasawa, panganganak, at mga hari. Sinisimbolo niya
ang Granada at lotus. Peacock ang kaniyang ibon.

3) Poseidon- diyos ng karagatan, baha, tagtuyo’t at mga kabayo. Kapatid siya

ni Zeus. Ang sandata niya’y isang salapang (trident) at madalas na
sinasakyan niya ang kabayo at mga dolpin.

4) Hades- diyos ng impyerno at kamatayan. Kapatid din siya ni Zeus. Umiibig

siya kay Persephone. Cerberus ang alaga niyang hayop.

14
 5) Ares- diyos ng digmaan, karahasan at kaayusan. Ang kaniyang sandata’y
isang sibat na gawa sa tanso. Ang kaniyang suot ay isang gintong
baluti (armor). Ang hayop na kaniyang alaga ay isang buwitre at
makamandag na ahas.

6) Apollo- diyos ng musika, tula, busog at pana, at lunas. Anak siya ni Zeus
kay Leto. Ang armas niya’y busog at pana at ang instrumentong
tinutugtog ay kudyapi (lyre)

7) Aphrodite- diyosa ng kagandahan at pag-ibig. Sinisimbolo niya ang

mansanas, mirto (myrtle), korona, kabibe. Kalapati ang kaniyang
ibon.

8) Eros- diyos ng pag-ibig at malakas na pagnanais. Anak siya nina Ares at

Aphrodite. Siya’y may pakpak at ang sandata niya’y busog at pana,
at halik.

9) Athena- diyosa ng karunungan, digmaan at kasanayan sa mga yari sa

kamay. Siya’y sumibol mula sa suot na sandata sa ulo ni Zeus. Ang
kaniyang sandata ay isang sibat at kalasag. Sinisimbolo niya ang
kuwago at puno ng oliba.

10) Hermes- mensahero ng langit, diyos ng paglalakbay at kalakal. Anak nina

Zeus at Maia . Tungkulin niyang sunduin ang kaluluwa ng mga patay
patungo sa kaharian ni Hades. Suot-suot niya ang sandalyas na may
pakpak.

11) Dionysus- diyos ng pagdiriwang, kalasingan at kasiyahan. Simbolo niya’y

kalis at alak.

Ang mga diyos at diyos ay nakatira sa Olympus- ang pinakamataas na tuktok

ng Gresya na kilala rin sa tawag na Mytikas.
Hindi ka na makakikita ng mga diyos at diyosa sa panahon ngayon subalit
magpapatuloy ang kanilang alamat

Panuto: Matapos mong mapag-aralan ang mga katangian ng mga diyos at diyosa,
sagutin ang sumusunod na tanong. Isulat ang iyong sagot sa iyong
sagutang papel kopyahin ang tanong at ang format.

 Kung ikaw ay susulat ng isang Mitolohiya, sino sa kanila ang nais mong
gawing tauhan sa iyong kuwento?
______________________________________________________________
______________________________________________________________
______________________________________________________________

15
 ______________________________________________________________
______________________________________________________________

 Kung ikaw ang papipillin sino sa mga diyos at diyosa ang gusto mong
maging? Pangatuwiranan.
______________________________________________________________
______________________________________________________________
______________________________________________________________
______________________________________________________________
______________________________________________________________

Narito ang pamantayan sa inyong magiging kasagutan

5 4 3
Napakahusay Mahusay Katamtaman
Naaayon sa paksa
Nailalahad nang malinaw ang
mensahe

Binabati kita at natapos mo ang modyul na ito. Hanggang sa susunod mo

pang paglalakbay.

Susi sa Pagwawasto

Makipag-ugnayan sa iyong guro

16
 Sanggunian

Ambat, V., Barcelo, M.T., Cariňo, E., Dasig, M.J., Enrijo, W., Molina, S., Rivera, J.,
Sayson, R., Tabora, M.G. at Urgelles, R. (2015) Filipino 10 Modyul Para
sa Mag-aaral. Vibal Group, Incorporation, Pasig City Philippines.

Marasigan, E., Del Rosario, M.G., Dayag, A. (2015). Pinagyamang Pluma 10

(K to 12), Phoenix Publishing House, Inc., Quezon City Philippines.

Rivera, Krystel Oct 13, 2011https://www.slideshare.net/KrystelRivera/mitolohiyang-

griyego Published in: Education, Technology

https://youtube.com/watch?v=eJCm8W5RZes

Brainly.ph - https://brainly.ph/question/2321572#readmore

Para sa mga katanungan o puna, sumulat o tumawag sa:

Department of Education – Division of Davao
Daang E. Quirino Avenue, Davao City

Telepono: (082) 227 4726

17
 SUSI NG PAGWAWASTO
SARILING LINANGAN KIT 1
MITOLOHIYA

SUBUKIN NATIN SANAYIN NATIN

A. A.
1. paggawa 1. B 6. ✔
2. matira 2. A 7. ✖
3. kulimlim 3. A 8. ✖
4. gustong-gusto 4. ✔ 9. ✔
5. letra 5. ✖ 10. ✔
B.
1. pinakamahusay
2. mapili
3. pagkahibang
4. nagdududa
5. kapalaran

ARALIN NATIN

1. B
2. A
3. C
4. A
5. B

GAWIN NATIN
A.
1. B
2. C
3. A
4. C
5. A
B.
1. C
2. B
3. C
4. A
5. B

18