Professional Documents
Culture Documents
Ulat Tungkol Sa Ginawang Pag
Ulat Tungkol Sa Ginawang Pag
Sa aking ginawang pag-interbyu sa mga taong may sakit, marami akong nakalap na
impormasyon at mga bagay na natutunan na may kinalaman sa aralin na ating tinalakay
sa modyul na ito. Sa kabuuan, mayroon akong tatlong tao na ininterbyu at isa-isang
tatalakayin natin ang mga nagging sagot nila.
Unahin natin ang una kong ininterbyu. Hindi ko na sasabihin ang pangalan niya dahil
hiningi niya na huwag nalang itong sabihin. Siya ay may sakit na diabetes, ito ay ang
Type 2 Dabetes. Isang taon na umano ang lumipas nang sinabihan siya ng doctor na
may sakit siyang ganito. Sinabi niya na ayon daw sa doctor, ang dahilan ng kaniyang
sakit ay ang hindi na umano paggawa ng insulin ng kaniyang mga pancreas o lapay.
Dagdag pa umano ng doktor, isa rin sa mga salik na nagpalala sa kaniyang sakit ay ang
pagiging overweight niya at ang hindi niya pag-eehersisyo. Ayon sa kaniya,
pinagbawalan daw siya ng doctor na kumain ng maraming matatamis na pagkain at
inumin, kumain ng labis na white bread, rice, at pasta, at kumain ng mga pagkain na
may Trans Fats. Pinagbawalan din umano siya na umupo lang buong araw at walang
gawin. Dapat daw umano na siya ay mag ehersisyo. Ngayon na sinunod na niya ang
lahat ng payo ng doctor ay umaaayos na diumano ang ang kaniyang pakiramdam at
hindi na niya nararanasan ang mga simptomas na nararanasan niya noon.
Ang pangalawa kong ininterbyu ay may sakit na High Blood Pressure. Kagaya ng
nauna , hindi ko na rin sasabihin ang kaniyang pangalan. Noong isang buwan pa
lamang niya nalaman kung ano talaga ang kaniyang sakit dahil noong isang buwan din
lamang siya nagpa-check-up sa doctor. Ayon sa kaniya, sinabihan siya ng doctor na
mayroon siyang Essential Hypertension. Dagdag pa niya, ayon umano sa doctor,
nagkaroon siya ng sakit na ito dahil sa stress, hindi niya pageehersisyo, pagiging
overweight niya, at ang pagkain niya ng mga pagkain na walang sustansiya. Sa
nangyaring pagcheck-up sa kaniya, pinagbawalan umano siya ng doctor na kumain ng
mga pagkain na hindi masustansiya, sa halip ay dapat siyang kumain ng mga pagkain
na low-sodium, heart-healthy, at iyong mga matataas sa potassium. Sinabi din umano
ng doctor na dapat siyang magehersisyo araw-araw at dapat niyang limitahan ang dami
ng kaniyang kinakain. Ngayon na sinusunod na niya ang payo ng doctor, gumagaan na
umano ang kaniyang pakiramdam at nararamdaman na niya na malusog at malakas
ang kaniyang katawan.
Ang pangatlo at panghuli kong ininterbyu ay may sakit sa kidney. Gaya ng mga
nauna, hiningi niya na huwag nang sabihin ang kaniyang pangalan. Mayroon umano
siyang Acute Kidney Failure. Nang magpa-check-up day siya, sinabi umano ng doctor
na nangyayari daw ito dahil mahina ang daloy ng dugo sa kaniyang mga kidney na
dulot din umano ng hindi niya pag-inom ng maraming tubig. Pinayuhan umano siya ng
doctor na magkaroon ng tinatawag na healthy lifestyle kung saan kailangan niyang
mag-ehersisyo araw-araw at kumain ng mga masustansiyang pagkain. Ngayon na
sinusunod na niya ang payo ng doctor, hindi na niya umano nararanasan ang mga
simptomas na nararanasan niya noon, at nagiging maganda na ang kaniyang
pakiramdam.
Dapat
Mga Maaaring Pamalit sa
Nakasanayang Ipagpatuloy Hindi Dapat
mga Hindi Dapat
Pagkonsumo / Isaalang- Ipagpatloy
Ipagpatuloy
alang