Halimbawa ng Sintesis

Pamagat:
Gender Equality sa Pilipinas

Uri at Anyo:
Thesis-Driven Synthesis (katangian)
Explanatory Synthesis (anyo)

Layunin:
Matukoy kung bakit hanggang ngayon ay hindi pa rin naisasakatuparan ang
pagkakapantay-pantay sa bansa.

Thesis Statement:
Ang gender equality ay hindi pa lubos na naisasakatuparan sa bansa.

Pagbubuod: (wala dapat to sa sintesis;halimbawa lang ni sir)

Bagamat may batas ng nagpoprotekta sa karapatan ng mga kababaihan at mga
miyembro ng LGBT ay maraming estudyante parin ang kadalasan kinukutya (Thoreson,
2017). At hindi pa rin natitigil ang karahasan sa kababaihan (Angelo, 2017).
*dalawang sanggunian agad na sumusuporta at may kaugnayan sa thesis statement

Paghahalimbawa:
Hindi lingid sa kaalaman ng nakararami na talamak pa din talaga ang hindi pantay na
pagtrato sa lahat ng tao. Maging sino ka man at ano ka man. Ilan sa mga ito ayon kay
Angelo (2017) ay ang pagbabaliwala sa potensyal ng kababaihan kahit na naisulong
ang mga batas na nagbibigay ng pantay na karapatan sa kababaihan. At ayon naman
kay Kenneth (2014) ang pagtuturing pa din sa kababaihan na 'sex object' lamang ng
kalalakihan. Dagdag pa rito ayon naman sa Human Rights Watch (2017) ay ang
pangbubully sa mga bakla at tomboy na nasa sekondarya at ang diskriminasyong
natatanggap nila ayon naman kay Marbella (2018).
*apat na sanggunian para mapalutang ang -4nt6ng wla pa ding pagkakapantay-pantay
Pagdadahilan:
Ginawang pantay-pantay ang tao ngunit sa mundong ito ay parang hinuhusgahan na
lamang ng ganoon lang ang isang indibidwal. Ayon kay Thoreson (2017) hindi gaanong
tanggap sa lipunan ang mga bakla at tomboy kaya sila ay ginagawang katatawanan at
madalas gawing target at kung minsan naman ay ginagawan pa ng karahasan. Ayon
naman kay Marbella (2018) marami siyang nakikita sa kolehiyo na tampulan ng
diskriminasyon dahil sa kanilang kasarian at madalas ay hinuhusgahan na nagiging
dahilan ng depresyon na pinagdadaanan ng mga ito. At ayon naman kay Kenneth
(2014) ang kaisipang mahina ang mga kababaihan ang pangunahing dahilan kung bakit
madalas madiskrimina ang mga ito. Kadalasan ay iniisip ng kalalakihan na walang
laban ang mga ito, at makikita din sa politika na hindi nabibigyan ng pantay na
karapatan ang kababaihan (Angelo, 2017). Iyan ay ilan lamang sa mga kadahilanan
kung bakit kahit na nasa batas na ang pantay na pagtrato at pagbibigay ng pantay
karapatan sa lahat ng indibidwal ay hindi pa din ito lubos na nasasakatuparan.

Komparison at Kontrast:
Pareho lamang nadidiskrima at hindi naitatrato ng tama ang mga kababaihan at ang
mga taong myembro ng LGBT Community na makikita natin sa mga akda nila Thoreson
(2017), Marbella (2018), Angelo (2017) at Kenneth (2014). Ang tanging pagkakaiba
lamang ay mas nakakaranas ng diskriminasyon ang mga taong myembro ng LGBT
Community dahil sila ay naiiba at hindi pa gaanong tanggap ng nakararami. Dahil doon
ay nakakaranas sila ng mga pisikal na pang-aabuso, masasakit na salita at
nakakatanggap ng di pantay na pagtrato maging sa paaralan man, sa komunidad at
kung minsan ay maging sa loob ng kani-kanilang mga tahanan.

Strawman Technique: huling tatlo ang sumasalungat

Tayong ay nilikha ng Diyos na pantay-pantay, walang mataas at walang mababa sa
paningin Niya. Tayo ay mahal Niyang lahat. At ayon kay Lorenzo (2010) dapat nating
itrato ng mabuti ang ating kapwa, huwang magmataas at magtulungan. At ayon naman
kay Marbella (2018) ay imbis na husgahan ang kapwa ay pakitaan ito ng pagmamahal
at pag aalala. Matutong rumespeto ano man ang personalidad ng isang tao. Ngunit sa
kabila ng lahat ng ito ay nananatiling hindi patas ang mundo sa lahat ng tao. Nariyan
ang talamak ang karahasang nararanasan ng mga tao, hindi pagkakapantay-pantay sa
lahat ng bagay at diskriminasyon. Nanatili pa ring hindi patas ang mundo sa mga taong
mahihina.
Konsesyon: 1- bully 2- kaibahan ng nararanasan ng babae at lgbt
Maraming bilang ng tao ang nabubully pa rin sa komunidad (Human Rights Watch,
2017), mga kababaihan at baklang sinasaktan, inaabuso at hindi nabibigyan ng pantay
na karapatan (Angelo, 2017). Ito ang mga bagay na nangingibabaw imbis na
pagpapakita na lamang ng pagmamahal, pag-aalala at pagbibigay ng respeto sa mga
ito (Marbella, 2017).
-Unikorn
(pangalan na naming/may akda)

Sanggunian:
https://www.hrw.org/tl/news/2017/06/21/305350
https://uricafort.wordpress.com/2017/12/19/lgbt-mundong-puno-ng-diskriminasyon/
https://jelloyoppasite.wordpress.com/2017/10/17/pagsulong-ng-gender-equality-sa-
pilipinas-isang-posisyong-papel/
https://kennethdr.wordpress.com/2014/10/08/gender-equality-sa-pinas/
http://tlssmisaiahgroup4.blogspot.com/?m=1
 Halimbawa ng Sintesis

Epekto ng Pakikipagrelasyon sa Pag-aaral

Ang papel na ito ay isang uri ng Thesis-Driven Synthesis at nasa anyo ng Explanatory
Synthesis.

Layunin:
1. Malaman ang mga epekto ng pakikipagrelasyon sa pag-aaral.
2. Matuklasan ang mga dahilan ng maagang pakikipagrelasyon.
3. Malaman kung may positibo o negatibo ba itong impluwensya sa pag-aaral.

Thesis Statement:

Pagbibigay prayoridad sa pakikipagrelasyon habang nag-aaral.

(Pagbubuod)

Sa henerasyon ngayon talamak na ang mga estudyante sa hayskul ang mayroon

nang kasintahan sa murang edad pa lamang (Mundo, 2015).

Bilang estudyante normal ang umibig, marahil ito ang nagiging inspirasyon nila sa
pag-aaral. At may mga nagagawa itong mabubuting epekto para sa kanila. Pero dahil
sa pag-ibig nagkakaroon din ng mga masasamang epekto ang pagsabay ng
pakikipagrelasyon sa buhay ng mga estudyante (Rayven, 2014).

Ang pagkakaroon ng isang relasyon o wala habang nag-aaral ay nakadepende sa

estudyante kung paano niya pahalagahan ang kaniyang pag-aaral, may karelasyon
man o wala. Ang importante ay mabalanse ang oras ng pag-aaral sa iba pang gawain.
Basta kaakibat lang ang pagiging determinado at masunurin sa pag-aaral ang isang
estudyante, tiyak na wala siyang problema sa pag-aaral kahit na may karelasyon (Malik,
2015).
(Paghahalimbawa)

Ayon kay Alonzo (2016) ilan sa mga halimbawa ng mga nakikipagrelasyon ng

maaga ay ang mga estudyanteng kulang sa atensyon ng kanilang mga magulang, mga
gustong mag-explore, mga estudyanteng alam kung paano humawak ng relasyon
kasabay ang pag-aaral at mga estudyanteng hindi pa alam kung ano ang halaga ng
pag-aaral sa kanilang buhay.

(Pagdadahilan)

Ayon kay Malik (2015), Ang mga kabataan sa panahon ngayon ay nakikiuso na
mapa-social media, mapa-salita, at iba pa. Isa ito sa mga dahilan kung bakit
nakikipagrelasyon ng maaga. Una, marahil ay nakikita nila ito sa mga kaklase o mga
kaibigan nila kaya nakikiuso sila makipagrelasyon. Pangalawa, ang problema. Marahil
ay may dinadala sila kaya minsan akala nila ang pakikipagrelasyon ang solusyon nito.
Pangatlo, paghihiganti. Pagsuway sa mga magulang dahil sa mga paghihigpit nito. At
ang huli ay, naiinggit. Gusto nilang maranasan kung paano nga ba at kung ano nga ba
ang pakiramdam ng magmahal.

(Komparison/Kontrast)

Kung ang estudyante ay may karelasyon habang nag-aara,l maaring

mapabayaan nya ang kanyang pag-aaral dahil mas napagtutuunan nya ng pansin ang
kaniyang karelasyon. Maari rin nyang suwayin ang gusto ng kanyang mga magulang.
Samantala kung ang estudyante ay walang karelasyon habang nag-aaral, hindi niya
mapapabayaan ang kanyang prayoridad sapagkat nakapokus lamang ito sa pag-aaral
(Rayven, 2014).
(Teknik na Strawman)

Ayon kay Lamperdarz (2017), Marami ang nagsasabi na ito ay nakakasama sa

pag-aaral pero sa kabilang banda nagkakaroon rin ito ng mabuting epekto sa mga
kabataan lalo na kapag ang relasyon ay matatag at totoo. Dahil nagkakaroon ng dahilan
para pagbutihin ang pag-aaral, nagkakaroon ng tiwala sa sarili, nagkakaroon ng
katuwang sa mga problema. May napagsasabihan ng problema, nagkakaroon ng
pangarap sa buhay at naiiwasan ang malulong sa masamang bisyo.

Ayon din kay Mundo (2015), mas nagiging maingat ang mga maagang
nakikipagrelasyon sa hinaharap dahil may karanasan na ito sa pakikipagrelasyon.
Ngunit sa kabila nito ang pagkakaroon ng maagang relasyon ng isang estudyante ay
pagkawala rin ng prayoridad sa pag-aaral, na kung minsan ang kabataan ay
masyadong nalululong sa pag-ibig nakakalimutan na nilang mag-aral ng mabuti o
minsan nakakalimutan na talaga nila ang pag-aaral. Nawawalan na sila ng oras sa
kanilang pag-aaral dahil ginugugol ang sarili sa kanilang karelasyon (Malik, 2015).

(Konsesyon)

Marami ang mga estudyanteng bumababa ang grado dahil sa kapabayaan at

pagbibigay prayoridad sa kaniyang karelasyon. Kahit nakapagbibigay ito ng positibong
epekto. Maari pa ring makapagbigay ito ng masamang epekto lalo na kapag naghiwalay
ang magkarelasyon (Rayven, 2014).

Ayon din kay Mundo (2015), nagdudulot din ito ng Teenage Pregnancy.

-Nova
Sanggunian:
https://wearebeaches.wordpress.com/2015/07/10/maagang-pakikipagrelasyon-ng-
kabataa/
https://retorikarayvenron.wordpress.com/2014/09/11/buhay-estudyante-at-buhay-pag-
ibig-paano-mo-napapag-sabay/ ayahyung.blogspot.com/p/marami-sa-kabataan-ngayon-
ang.html?m=1
http://www.google.com.ph/url?sa=t&source=web&rct=j&url=
https://www.slideshare.net/mobile/
AnGeldelMundo/maagang-pakikipagrelasyon&ved=2ahUKEwjA_vnR-
9XcAhVPXSsKHRs6B88QFjAJegQIAhAB&usg=AOvVaw32FxLXaxd3fXDvdwzsNeYj
 Halimbawa ng Sintesis

Pamagat: Cyberbullying
Uri: Background Synthesis
Anyo: Explanatory
Pamamaraan: Pagbubuod, Paghahalimbawa, Pagdadahilan
Layunin: Layunin ng sintesis na ito mapatunayan na nakasasama ang bullying.
Thesis Statement: Ang bullying ay magdudulot ng malaking epekto sa mga biktima.

Pagbubuod

Ayon sa The Philippine Star (2012) na ang paaralan ang may responsibilidad sa
pangyayaring ito. Dapat nalalaman ng pamunuan ng paaralan kung may nagyayaring
bullying sa kanilang compound.

Sinasabi din ni Patricia Perol (2016) na dapat bigyang pansin ang bullying, lalo’t higit
ang mga binubully. Dapat ang lahat ay handa kapag napaharap sa nasabing pambu-
bully, anumang klase ng pambu-bully ito. Isa pang importanteng punto nito ay ang
pagpapaalala sa lahat ng magulang na kailangan nilang gabayan ang kanilang anak sa
mahusay na pamamaraan.

Paghahalimbawa

Ayon kay Bb. Perol na lingid sa ating kaalaman na ang bullying ay nangangahulugang
pangungutya sa kapwa tao dahil mayroon syang pagkakaiba sa isang tao na wala sa
kanila at Karaniwang panunukso ang pinakpangunahing nararanasan ng mga mag-
aaral sa paaralan. Makakita lamang sila ng kakaiba sa paningin nila ay agad nila itong
tutuksuhin o di kaya’y napansin nila ang isang bata na nag-iisa ay agad itong lalapitan
at saka tutuksuhin.

Pagdadahilan

Ayon kay Schmookblog (2016) Dahil sa patuloy na paglaganap nito, lalo na sa mga
kabataan, nagsusulong na ng mga batas at kampanya upang ito’y matigil na. Sa
kahulugan pa lamang nito ay masasabi nating ito ay maaring magkaroon ng negatibong
epekto sa ibang tao, lalo na sa mga kabataan ngayon. Sa kasalukuyan, tayo ngayon ay
nasa “iGeneration”, ibigsabihin. Sa isang pindot lamang sa telepono or kompyuter,
maari mo na magawa ang lahat.

-Bb. Hazel Donnabelle Fontanilla

Sanggunian:
https://www.google.com.ph/amp/s/schmookblog.wordpress.com/2016/12/06/cyberbullyi
ng-ang-epekto-sa-mga-kabataan-ngayon/amp/
https://www.google.com.ph/amp/s/patriciaperol.wordpress.com/2016/10/14/kaso-ng-
bullying-sa-pilipinas-2/amp/
https://www.philstar.com/opinyon/2012/10/02/855119/editoryal-pambu-bully-sa-school
Anyo: Argumentative Synthesis
Uri: Thesis-Driven Synthesis
Layunin: Layunin nito mapatunayan na nakasasama ang paggamit ng social media.
Thesis Statement: Ang paggamit ng social media ay nakasasama lalo na sa isang
indibidwal at ang kadalasang nagiging sanhi nito ay ang mali at labis na paggamit ng
mga ito.

Ang pahayag na ito ay ginamitan ng Strawman Teknik:

Ayon kay Lyra O. Pascual sa kasalukuyan may dalawang bilyong tao ang aktibong
gumagamit ng social media sa buong mundo. Pinaliit nito ang mundo, inuula tayo ng
maraming impormasyob at mas malawak na kaalaman. Habang dumarami ang
gumagamit ng social media ay mapapansin na may mabuti at masamang idinudulot ang
paggamit nito. Ayon sa pananaliksik, karamihan sa mga gumagamit ng social media ay
nasa gulang na 14-29. Ilan sa mga mabubuting epekto ay madaling pagkalat ng mga
impormasyon, mabilis na pakikipag-ugnayan sa mga taong kasama sa trabaho o hindi
man. Nabibigyang pagkakataon din ang mga mag-aaral upang malinang ang
pagkamalikhain at patuloy na pagkakaroon ng mga makabagong ideya. Madaling
pagtuklas ng kakayahan o talent. Madaling pagpapahayag ng saloobin at mabilis na
pakikipag-ugnayan ng guro sa mga mag-aaral sa loob man at labas ng silid-aralan. Sa
isang banda may kasamaan din bang makukuha mula sa social media? Unang una
pag-uusap sa pamamagitan ng screen lamang. Pagkawala ng pagkakataon na mas
matuto pa gaya ng tamang pagbigkas at gramatika ng mga salita at pangungusap. Higit
sa lahat nagiging sanhi ito ng mahabang oras sa paglalaro na nagiging dahilan ng
pagpapabaya ng mga mag-aaral sa pag-aaral.

Ang pahayag na ito ay ginamitan ng paghahalimbawa:

Ayon kay Jayson Rivera (2016) Facebook, Twitter, Yahoo, Tumblr. Ilan lamang ang
mga nabanggit sa napakaraming social networking sites na kumakalat ngayon sa
internet. Maraming kabataan ang nahuhumaling dito. At dahil uso ito kailangan nilang
makiuso at gumawa nang account dito. Marami din ang nagkakapikunan dito, madalas
itong humahantong sa batuhan ng mga mararahas at hindi kanais-nais na salita,
minsan naman ay nagiging masyadong mapanghusga ang mga kabataan ngayon. Isa
pa sa mga masamang epekto nito ay ang pagbawas ng produktibidad ng mga kabataan
na humahantong sa pagkabawas ng oras sa mas importanteng bagay na mas dapat
pagbuhusan ng pansin. Gaya ng pagaaral, mga gawaing pang-bahay at anu-ano pa.

Ang pahayag na ito ay ginamitan ng pagdadahilan:

Ayon sa ABS-CBN News (2018) patok ang social media lalo na sa mga kabataan. Ayon
sa pag-aaral ng Time nasa 11 milyo na kabataan mula 2011 ang tumigil na sa paggamit
ng facebook. Hindi pa tukoy ang lahat ng dahilan nito pero isa sa posibleng sanhi ay
dahil nakakapag-trigger ang social media ng lungkot, stress at depresyon sa iba.

Ang pahayag na ito ay ginamitan ng konsesyon:

Ayon kay Jeanny Burce (2013) Facebook, Twitter, Youtube, Instagram, Tumblr pati na
rin Blogger. Ito lamang ang iilan sa mga social media sites na tinatangkilik ng mga
kabataan. Isa ako sa kanila. Iba na nga ang mga kabataan ngayon. Pihikan na sila sa
pagpili at proud akong kabilang ako sa henerasyong ito. Sa mga nakikita ko, kritikal
nang mag-isip ang mga kabataan sa tulong ng social media. Dahil sa teknolohiya
napalawak ang mga ito. Ilan rito’y paggawa ng short videos ukol sa panghihikayat sa
kapwa kabataan na maging matalino sa pagpili. Kaya naman kampante ako sa resulta
ng botohan(kung walang mangyayaring pandadaya).

-G. Mark Janperson Datumanong