Mga Layunin ng Pananaliksik

Mayroon ding mga layunin ang pananaliksik ayon pa rin kina Constantino at Zafra.

1. Tumuklas ng bagong datos at impormasyon

Halimbawa: 
Maaaring paksain ang reaksyon ng mga senior citizen sa penomenon ng Internet.

2. Magbigay ng bagong interpretasyon sa lumang ideya

Halimbawa:
Maaaring isiwalat ang interpretasyon sa tula ng mga lumad ng Cagayan de Oro gamit ang teoryang 
Feminismo.

3. Maglinaw sa isang pinagtatalunang ideya

Halimbawa:
Maaaring timbangin ang mga inihahaing solusyon ng pamahalaan ukol sa trapik.

4. Manghamon sa katotohanan o pagiging makatwiran ng isang tanggap o pinapalagay na totoo o

makatotohanang ideya.

Halimbawa:
Maaaring hamunin ang tinataya ng Tsina na sa kanila ang islang Spratly.

5. Magpatunay na makatotohanan ang isang ideya, interpretasyon, paniniwala, palagay, o pahayag

Halimbawa:
Maaaring alamin ang katotohanan sa likod ng pangit na epekto ng social media sa pag-aaral ng mga
kabataan.

6. Magbigay ng historikal na perspektiba para sa isang senaryo

Halimbawa:
Maaaring bigyan ng makasaysayang lapit ang paglaganap sa bansa ng sakit na AIDS.

Mga Paalala
 Sa pagsasagawa ng isang pananaliksik ay siguraduhing matatamo nito ang mga tunguhin.
 Pag-ukulan nang sapat na oras ang pag-aaral sa mga datos na nakalap.
 Bumuo ng isang komprehensibong pag-aaral.
Mahahalagang Kaalaman
 Ang pananaliksik ay “masusing pagsisiyasat at pagsusuri ng mga konsepto, bagay, tao, isyu at iba
pang ibig bigyang linaw, patunayan, at pasubalian.”
 Layunin ng pananaliksik na magbigay linaw sa mga konsepto, bagay, tao, at isyu sa paraang
pagsisiyasat at pagsusuri nito.
 Ang pananaliksik ay nakatutulong upang magpaunlad ng kaalaman.