Naomi Daniella Batay Grade 8-SPJ

Every Child is Special

Direktor: Aamir Khan
Ang direktor ng pelikulang ito ay si Aamir Khan. Si Ishaan Awisthi ay isang 8
taong gulang na bata, siya ay may sariling mundo na punong-puno ng pantasiya at bagay-
bagay na gawa sa kanyang imahinasyon. Ang kanyang ulo ay palaging nasa ulap pero sa
matinding paniniwala, siya ay may talento na hindi karaniwang makikita sa mga batang
kasing edad niya. Ang binibigyan ng kanyang mga magulang ng atensyon lamang ay ang
ang kanyang matandang kapatid na si Yohan, pero kahit na pareho lang naman silang
paaralan na pinapasukan, mas itinuturing magaling si Yohan bukod dahil siya ay may
mataas na grado at palaging nangunguna sa kanyang klase, subalit si Ishaan naman ay
kabaligtaran. Tinitiis ni Ishaan ang mga masasakit at matutulis na salita na binabato sa
kanya pero kahit ano man, hindi niya binabago ang kanyang mabuting personalidad dahil
kahit mapurol man ang kanyang utak, bukas ang kanyang palad at siya ay may gintuang
puso.

Kilala si Ishaan sa kanyang paaralan bilang mahina, tamad at makitid ang utak.
Hindi niya matulungan ang kanyang sarili na kayanin ang mga gawaing pang-akademya
sapagkat may dinadalang siyang sakit na Dyslexia, ito ang sanhi kung bakit iba ang kanyang
pagtanaw sa mga araw-araw na sitwasyon katulad ng pagbasa dahil ang mga letra ay
gumagalaw o sumasayaw at ang mga numero ay pabaligtad. Ang sakit niya ay parang krus
sa kanyang balikat dahil pabigat lamang ito sa buhay niya at ang dahilan kung bakit hindi
siya makapag halubilu si ibang bata nang maayos.

Dumating ang araw na hindi na alam ng mga magulang ni Ishaan kung ano
ang gawin sa kanya kaya ipinadala siya sa paaralan pangasarehan sa pag-asang baka
matulungan siya at mapabuti ang kanyang kakayahan sa aspetong pang-akademya doon.
Pero sa ating inaasahan, pareho lang naman ito sa dati niyang paaralan, wala itong
mabuting ginawa pero mas lalong palungkutin at palituhin si Ishaan.

Nahihirapan si Ishaan makiisa at umangkop, sa gayon ang nag tatanging

paaran lamang para matanggal ang kaniyang lungkot ay ang pagpinta. Isang araw,
dumating ang bagong tagapagturo nila sa sining na si Ram Shankar Nikumbh, hindi
sumusunod si Ram sa tradisyonal na pagtuturo, pinalakas niya ang luob ng mga mag-aaral
sa pamamagitan ng pagsasabi sa kanila na gamitin ang kanilang imahinasyon.

Napagtanto ni Ram ang paghihirap ni Ishaan sa kanyang pag-aaral. Nalaman

niya na ang totoong dahilan sa pagkakamali ni Ishaan ay ang sakit niya. Naalala ni Ram ang
kanyang nakaraan, at natandaan niya na pareho lang dinaanan niya kay Ishaan at
samakatuwid nakapag-desisyon siya na tulungan niya ang bata.