Professional Documents
Culture Documents
Ang Ngalan NG Rosas
Ang Ngalan NG Rosas
Ang Ngalan NG Rosas
Gui, ang tagapag-imbestiga. Nalaman niya ang bagay na ito at inaresto ang
babae dahil sa pagiging mangkukulam. Gayundin si Remigio sa pagtataksil
sa kanyang sumpa ng kalinisan (vow of chastity) at sa kanyang mga gawaing
demonyo.
Nagkuwento kay William si Severinus, ang tagagamot ng monasteryoj
tungkol sa isang kakaibang libro na nahanap niya sa laboratoryo. Ngunit bago
pa man makita rii William ang libro, pinatay na si Severinus at nawawala
na ang libro. Samantala, nilitis si Remigio, ang tagapangalaga ng bodega.
matinding pagtatanong sa paglilitis na ito, natuklasang nauugnay Siya
sa pangkat ng mga heretiko at sa pagpatay. Ipinakita rin ni Malachi, ang
trabahador sa silid-aklatan, ang mga Iiham na galing kay Fra. Dolcino, ang
pinuno ng pangkat. Dahil sa amba ng pagpapahirap at kamatayan, inamin ni
Remigio ang kanyang mga krimen at hinatulan Siya ng kamatayan.
Si Benno ang ginawang bagong pinuno sa silid-aklatan noong natagpuan
ding patay si Malachi. Patuloy na iginigiit ni Jorge, ang matandang trabahador
sa aklatan, na ang kamatayan nina Adelmo, Venantius, Berengar, Severinus,
at Malachi ay ang lima sa pitong trumpeta na gigising sa anti-Kristo at sa
pagdating ng Armageddon.
Nang lumaon, nalamang nauugnay ang mga kamatayan sa isang kopya
ng Poetics ni Aristotle na dinala ni Jorge sa monasteryo maraming taon na ang
nakaraan. Maaaring natagpuan ito ni Berengar at ipinakita ito kay Adelmo,
na karelasyon niya. Ikinuwento ni Adelmo kay Venantius ang tungkol sa
libro at kanyang kahihiyan sa makasalanang relasyon niya kay Berengar. Ito
ang maaaring naging dahilan ng kanyang pagpapatiwakal. Nauugnay din si
Severinus sa libro dahil nakita niya ito sa kanyang laboratoryo.
Dahil sa panghihikayat ni Adso, ipinagpatuloy ni William ang
imbestigasyon sa kaso. Nakita nila si Jorge na may kopya ng Poetics sa finis
Africae, isang tagong silid sa aklatan. Ibinalot ni Jorge ang mga pahina ng libro
ng lason upang patayin ang sinumang maghangad na basahin ito at dumukal
ng kaalaman mula rito nito. lyon ang dahilan ng lahat ng kamatayan sa
monasteryo. Ginamit niya ang katawan ng mga namatay upang kumpletuhin
ang pitong sakripisyo para sa anti-Kristo. Pinlano na rin niya ang pang-anim
na sakripisyo, ang isang pinuno ng monasteryo na ikinulong niya sa isang
lihim na pasilyo.
Gumamit si William ng pantakip sa kamay noong pinag-aralan niya ang
libro kaya't hindi Siya nalason. Dismayado si Jorge sa hindi pagtatagumpay
na malason si William. Tinangka niyang sirain ang teksto, kainin ito upang
Siya na ang maging ikapitong trumpeta ng anti-Kristo. Hinadlangan Siya nina
William at Adso. Tumakbo si Jorge at hinabol Siya ni William, ngunit nasagi
niya ang isang lampara na naging dahilan ng sunog na sisira sa buong aklatan.