KRISMAS THILPEK 

­ Lalzarzova, Josua Group

A CHANGTUTE
 
  Tluangtea   :   A changtupa 
  Chhuantea   :   Tluangtea \hian pa 
  Mahriati  :   Tluangtea \hiannu/bialnu 
  Zartea  :  Tluangtea \hianpa
  Chhantea  :  Tluangtea \hianpa
  Muantea  :  Tluangtea \hianpa

  Pu Dawnga   :   Tluangtea pa a ni a, a hming chiah a lang. 

  Mapuii   :   Tluangtea bialnu hlui a ni a, a hming chiah a lang. 
  Pu Dina  :  Muantea te \henawmpa, a hming chiah a lang.
  Pi Lianpuii   :   Tluangtea te \hian hoin an \anpui, a hming chiah a lang. 
 INLAN VAWI 1­NA 
(December 31, 2019 zan a ni a, Pu Dawnga te inchungah chuan Tluangtea te \hianho chu 
an ri laih laih. A \henin ar an hem a, a \henin hla an ngai thla bawk) 

Tluangtea  :   Chhuante, hla ka lo thlang ve ang e. He hla hi chu a special a nia, kan 

vaiin kan zawm vek a ngai ang. Lalsangzuali sak ngei ‘Kumhlui Khawi­
ah |uan Che Maw’ tih ngei mai kha ka thlang e, thlan zawng ringawt 
pawhin ka mur nghal sung sung mai. 
(Tluangtea chuan no chu a ban a, a lem nghal pup a, a chat thla zui a) 

Chhuantea  :   Tluangtea chu Mapuii’n a ban hun lo ve bawk a, a rilru a na deuh a ni. A 

hla thlan pawh a ngaithla zo peih ngang lo.. 
(Midang zawng chu an nui dar dar a, an hlim zui hle) 

Stage­ah chuan Tluangtea leh Chhuantea te chu an la \hu zui a, midang zawngin stage chu an 
chhuahsan thung. 

(February 14, 2020 a ni a, Pu Dawnga te sitting room­ah chuan Tluangtea leh a best friend 
Chhuantea te an \hu dun a) 
Chhuantea  :   Mapuii’n a ban tak hnu che hian i nungchang hi a inthlak hle a ni. Kumin 
V Day chu inah in awm ve tlat chu le. 

Tluangtea  :   V Day a lo ni reng e lo? Mapuii chu ka lo theihnghilh hmin der tawh a 

sin. Sawi sawi mah la, rilruah a thar tawh lo ang. Uaiin a\anga zu thlenga 
min thlem tu, kum hlui thlah zana ka mualphona chhan a ni. Min ban tirh 
kha chuan han na ve deuh mah ila ka thlah thlap tawh. 

Chhuantea  :   Thlah tak tak maw? Mahriati’n i chanchin hi min zawt ve reng a sin. 

Tluangtea  :   Thlah e le. Tu Mahriati? 

Chhuantea  :   Hre lo der suh. Kohhran Zaipawl a mi kha.  Sam sei lam deuh, in chei 

simple thei deuh kha. 

Tluangtea  :   Hriatzuali tih chauhin alawm ka hriat. Min hre ve chu a va tih chi ve. Ka 

phur sawt mai, hla zir hun thleng leh tawh se aw...
 INLAN VAWI 2­NA 
(Tluangtea’n Pathian a hnaih chho zel a, kohhran inkhawm tel turin hun a insiam a, a nun 
pawh a hlim hle. Mi bik a ni ve hrim hrim bawk a, tun hma zawnga a zu in pui \hinte pawh 
an inkhawm ta vek. Mahriati nen pawh an inkawm chho a, an rilru pawh a inmil chho hle. 
Amaherawhchu natna hri hlauhawm Covid­19 in khawvel a run  a, ram dang buai rualin 
Mizoram pawhin harsatna a tawk a, Republic Veng pawh a bang lo) 

Mahriati  :  Tluangte, lo leng ru, a rem lai laiah khan lo \hu ta che u. 
Tluangtea   :   Covid­19  chu  rin  aiin a  daih  rei dawn tlat mai. Hei October  a  ni  tawh 
a, kian lam aiin pun lam pan zel mai. Sorkarin Lockdown an puang leh 
dawn an ti. 
Mahriati   :   A ni maw? eng mah a tih theih tak tak loh. Karleha ka thil tih tum zawng 
zawng chu \hulh leh vek a ngai dawn a ni. 
Chhuantea   :   Ruahmanna siam lawk hleih theih pawh a ni lo. Republic Veng Branch 
YMA­in football leh futsal tournament an buatsaih pawh tun thlengin an 
la chhunzawm lo a, kan khelh theih pawh ka ring tawh lo. Krismas ruai 
kan \heh pawh ka ring ta nek lo e. 
Tluangtea   :   Football emaw futsal tournament chu a tel loin kan awm thei a, amaher­
awhchu ei leh in mawlh hi a ni ka rilruah a lo awm. Hmanni chu Dinga 
nen Task Force duty­naah kan inhmu a, thu tak deuhin kumin Krismas a 
huphurh thu min hrilh a sin. 
Mahriati   :   Ti nge Dinga te ber kher? Anni te chu an ngaihtuahawm vak a mi? An 
un­auin scooty emaw bike an nei vek a, car a nei bawk. An awm nuam sa 
viau lo a mi? 
Tluangtea   :   Chutiang ngawt a ni lo. An chhungkuaah sorkar hnathawk an awm lo a, 
lockdown vangin dawr an hawng mumal thei lo. Kan inbiak hnuhnun ber 
pawhin a thu tak khawp mai. 
Chhuantea   :   A ni thei khawp ang. Dinga te hi chu dah \ha ta ila, anni aia nei lo ve ve 
tak  an  tam  si  a,  kumin  Krismas  chu  a  huphurhawm  khawp  mai.  Keini 
erawh a hmingin sorkar hna kan thawk a, hna thawk mumal lo mah ila 
thla tinin pawisa a rawn lut a, a hma ai mahin kan ei tui zawk.
Tluangtea  :  In  thusawi  a\ang  chuan  thil  ngaihtuah  chhuah  ka  nei.  Kumin  Krismas 
chu chi dang deuha kan hman a ngai a, kum dang zawng aia nuam zawka 
hman dan ka hria. Naktuk zan chu Zartea te ina len a ngai a ni. Chhuante, 
group­ah khan post la, dar 8:00­ah inkhel en pahin Zartea te inah inhmuh 
khawm tur han ti teh.
 INLAN VAWI 3­NA
(Tluangtea leh Chhuantea chuan an \hian dang Muantea, Chhantea leh Nghaka te an sawm 
belh a, Mahriati pawh hruaiin Inrinni zanah chuan Zartea te inah inhmu khawm tur chuan 
an leng ta a)

Chhuantea  :  Zanin  chu  Green  Tea  kan  in  ang  chu  kan  tia.  Tluangtea  pawh  a  rawn 
thleng \ep ang, Mahriati pawh a rawn hruai dawn.

Zartea  :  Ka sawi chiah kha, Tluangtea hi a awm \hat duh phawt chuan a luck tlat. 
A thluak a \ha si a, a rem hre si a, hei Chass thar pawh a nei leh der tawh 
a nih hi.

(Kawngka chu an rawn kik a, Tluangtea leh Mahriati bakah a tel tur dangte an rawn thleng 
a, an kim ta \hap.)

Zartea  :  Mahriat, Tluangtea hi \hen miah suh. A bialnu \hen hmel ka hmu peih 
tawh lo. Zan laiah rawn call a ching si, a ninawm duh teh a nia. 

(Zartea chuan a fiamthu tih hriat nan a nui pah a, Mahriati pawh a lai hle)

Tluangtea  :  Zarte, thutak kan sawi dawn. Lo insum rih rawh. Task Force­ah kan duty 
\hin a, thil nih dan tak tak chu kan hre vek. Covid­19 vangin lockdown a 
ngai a, hnathawh theih loh chang an awm avangin nitina inhlawhchawp 
ten an tuar. Dawr khar a ngaih avangin sum dawngten harsatna an tawk.

Muantea  :  A ni khawp mai. Taxi Driver te, Two Wheeler Taxi khalhtute, Bus leh 
Sumo khalhtute pawhin an tuar vek. Kan \henawm pa Sumo khalh \hin 
Pu Dina phei khi chu a tlan theih lohna a rei tawh a, an buai ve khawp 
mai. Buhfai pawh \um hnih thum chu kan pe tawh a ni.

Chhantea  :  Sorkar hnathawk pawh hi eng nge a an zel dawn a ni. Kan hlawh min cut 
\hen sak a, min rul leh tawh mah se a hun ngaiah hian kan la thei reng ang 
em tih pawh a hriat loh. Rilru hi a hah duh khawp mai.

Nghaka  :   Ei  tur  ber  kan  la  neih  chuan  a  zia  alawm.  Tluangte,  eng  nge  kan  kal 
khawm chhan chu?

Tluangtea  :  Mi harsa zawkte tan kan phal zat thawhkhawm ang u. Pawisa chu a awm 
mai dawn. Zu ka in loh a\ang khan pawisa chuang liam ka ngah sawt. Hei 
baka ka intiam duh chu kuhva man ai ka dah tel bawk ang.
Zartea  :  A \ha hle mai. Pawisa thawhkhawmna tur a awm ngai. Mahriati hi sum 
enkawltu ni se, a kutah hlan khawm ila, a \ha mai em?

Chhuantea  :  |ha mai e. Tluangte meuhin kuhva a nghei chuan cigarette kan nghei ve 
ang e. Cigarette zuk ai ka thawh bawk ang.

Chhantea  :  Myntra­ah pheikhawk awh deuh mai ka nei a, cart­ah ka dah fel vek tawh. 
Covid­19 nen bun chhuahna hun a awm tak tak dawn lo, duhtu ngai, duh 
lotu ngai bawk. Chah lo leh phawt ang. Krismas thawmhnaw lei loin ka 
lo thawh ve ang e.

(Green tea chu an in a, an nui dar dar a, midang tana thil \ha tih tum an ni bawk a, an hlim 
tlang hle.)
 INLAN VAWI 4­NA 
(Tluangtea ruahmannain an thianho mi 15 vel chuan an pawisa neih ang an thawh khawm 
a, pawisa tling khawm chu mi harsa zawk chhungkaw 10 tanpui nan an hmang a. An chet 
velna hi social media­ah an pho chhuak lo a, an nun pawh a hlim phah hle. 

December 26, 2020 zan a ni a, Pu Dawnga te sitting room­ah chuan Tluangtea te \hianho 
chu an \hu khawm a. Kum hmasa ang lo takin an hmaah zu leh sa a inchhawp tawh lo a, 
GoodDay leh thingpui chauh inchhawp mah se an hlim thung hle.) 

Chhuantea  :   Tluangtea’n midang \anpui a duh avanga meizial leh kuhva an nghei rap 

a, kan pocket money tur nen lam kan han thehchhuak a nia. Pi Lianpuii 
te thilpek kan pek laia a mittui tla te kha a va ropui tak em. 

Mahriati  :  An lawm hmel ka hmuh khan kei pawh ka mittui ka lo hru ve alawm. 
Krismas ka la hman \hat ber \um niin ka hria, tun thleng hian ka hlim 
veng veng mai.

Tluangtea   :   Nikum  nen  chuan  a  dang  ta.  Pathian  nen  chuan  engkim  a  dang  a  ni. 
Chhuante, guitar kha han la la, zai ang u hmiang.

(Tluangtea  \hian  ho  vangin  chhungkua  10­in  Krismas  nuam  zawkin  an  hman  phah  a, 
lemchan  entu  zawng  zawngte hi  kan pen chhuak  a nih chuan kumin  Krismas  hi chhun­
gkaw tam zawkin hlim takin an hmang thei ang. Kan nghah Krismas hi Covid­19 vangin a 
danglam dawn a, nuam zawka kan hman theih nan nang leh kei hi kan pawimawh a ni.) 

A TAWP TA