Professional Documents
Culture Documents
ვალდებულებითი სამართალი
ვალდებულებითი სამართალი
107950m
1. კაზუსი:
მითითებული კაზუსიდან გამომდინარე ნათლად ჩანს ის ფაქტი, რომ
ქირავნობის სახელშეკრულებო სტანდარტული პირობები გამოკრულია
თვალსაჩინო ადგილას და მითითებულია სხვადასხვა დებულებები.
სტანდარტული პირობები ხელშეკრულების შემადგენელ ნაწილად
იქცევა მხოლოდ მაშინ, როდესაც შემთავაზებელი ხელშეკრულების
დადებისადგილას თვალსაჩინო წარწერას გააკეთებს და მიუთითებს ამ
პირობებზე. მაგრამ წარწერა უნდა იყოს გაკეთებული ხელშეკრულების ენაზე,
რადგან იყოს მარტივად გასაგები და აღქმადი. ასევე, სტანდარტული
პირობები მაშინ ხდება ხელშეკრულების არსებითი შემადგენელი ნაწილი,
როდესაც შემთავაზებელი კონტრაჰენტს ხელშეკრულების დადებისას
ცალსახად მიუთიტებს სტანდარტული პირობებზე, მისცემს მას
შესაძლებლობას, გაეცნოს ამ პირობების შინაარსს და კლიენტი გამოთქვამს
თანხმობას მათ მოქმედებასთან დაკავშირებით.
აქედან გამომდინარე კითხვაზე ჩაითვლება თუ არა აღნიშნული დებულება
საზოგადოებასა და არასამეწარმეო დამქირავებელს შორის დადებული
ხელშეკრულების შემადგენელ ნაწილად? დიახ, ჩაითვლება რაზეც ნათლად
მიუთითებს საქართველოს სამოქალაქო კოდექსის 343-ე მუხლის პირველი
პუნქტი. რაც გულისხმობს, რომ ხელშეკრუკრულების სტანდარტული
პირობები მხოლოდ მაშინ იქცევა მათ შემთავაზებელსა და ხელშეკრულების
მეორე მხარეს შორის დადებული ხელშეკრულების შემადგენელ ნაწილად,
როცა: შემთავაზებელი ხელშეკრულების დადების ადგილას თვალსაჩინო
წარწერას გააკეთებს და მიუთითებს ამ პირობებზე და ხელშეკრულების მეორე
მხარეს შესაზლებლობა აქვს გაეცნოს ამ პირობების შინაარსს და, თუ თანახმაა,
მიიღოს ეს პირობები.
2. ღია კითხვები:
1) ხელშეკრულების დადების თობაზე წინადადების \შეთავაზება
არის ოფერტი. იგი არის ცალმხრივი მიღებასავალდებულო ნების
გამოვლენა. იმისათვის, რომ წინადადება ხელშეკრულების დადების
თაობაზე დაკვალიფიცირდეს ოფერტად უნდა აკმაყოფილებდეს
გარკვეულ მოთხოვნებს, როგორიცაა მისი განსაზღვრული ხასიათი;
იგი მიმართული უნდა იყოს კონკრეტული პირის ან პირთა
განსაზღვრული წრისადმი და ნათლად უნდ მოიცავდეს ბოჭვის
ნებას, ანუ ოფერენტის მზადყოფნას, აქცეპტის შემთხვევაში
შეიბოჭოს თავი.
თუ წინადადება ხელშეკრულების დადების შესახებ კეთდება
პირთა განუსაზღრვრელი წრის მიმართ, ეს არის მოწვევა ოფერტზე,
თუ წინადადებაში სხვა რამ არ არის პირდაპირ მითითებული.
მოწვევა ოფერტზე ხასიათდება შემდეგი ნიშნებით: ის ყოველთვის
მიმართულია პირთა განუსაზღვრელი წრისადმი: შესაძლოა,
შეიცავდეს ალტერნატიულ წინადადებებსაც, რომლებიც \სესაძლოა,
არც იყოს დაკონკრეტებული: მის პირობებს არა აქვს იმპერატიული
ხასიათი და ეს ადრესატს აძლევს შესაძლებლობას შეთავაზოს სხვა
პირობებიც; იგი არ ბოჭავს მოწვევის გამკეთებელს.
აქედან გამომდინარე უკვე ნათლად ჩანს „ოფერტი“ და
„მოწვევა ოფერტზე“ მათი განმასხვავებელი ნიშნები. მაგ. ოფერტი
მიმართულია განსაზღვრული წრისადმი, ხოლო მოწვევა ოფერტზე
მიმართულია განუსაზღვრელი წრისადმი. მოწვევა ოფერტზე ამ
შემთხვევაში ადრესატს, როგორც ვხედავთ შეუძლია შესთავაზოს
სხვა პირობებიც და არა უბრალოდ მარტივად დაეთანხმოს
ოფერენტს. მაგრამ ოფერტისა და მოწვევა ოფერტზე მათი ძირითადი
განმასხვავებელი ნიშანი არის ბოჭვის ნება. ეს არის გამიჯვნის
მთავარი კრიტერიუმი, რითაც ოფერტი განსხვავდება ოფერტზე
მოწვევისაგან. ანუ ოფერტი იბოჭება მის მიერ გაკეთებული
ოფერტით, რაც გულისხმობს, რომ ოფერტის ადრესატის თანხმობის
შემთხვევაში, ოფერენტი ავტომატურად ხდება სახელშეკრულებო
ურთიერთობის მხარე და იბოჭება იმ სახელშეკრულებო პირობებით.
თუ ოფერენტის წინადადებაში არ არის ასეთი ნება გაოხატული,
მაშინ ეს იქნება არა ოფერტი, არამედ მოწვევა სახელშეკრუებო
მოლაპარაკებისკენ, ანუ მოწევა ოფერტზე.