Naglunsad ang paaralang Tomas Claudio Colleges ng isang General
Assembly na pinamagatang “Education and Liberal Arts Program” na ginanap
noong Setyembre 4, 2020, Biyernes, sa oras na ika-2:00 ng hapon gamit ang aplikasyong Google Meet. Nagsimula ang programa sa pag-awit ng Philippine National Anthem at pag-awit ng TCC Hymn sa pangunguna ni Ginang Aprilyn P. Natividad. Nanguna naman sa pagbibigay ng Welcome Address ang napakaganda at nagpipitagang Academic Coordinator ng Education and Liberal Arts na si Ginang Dr. Eva R. De Rosas. Nagkaroon rin ng maikling mensahe ukol sa pagtitipon na ginanap sa pangununa ni Ginoong Dindo Punzalan, Prinsipal ng Basic Education at ang kagalang galang na Presidente ng paaralan na si Ginoong Dr. Rodolfo S. San Felipe. Matapos magbigay ng mensahe, sumunod naman ang pagpapaliwanag ng Modes of Learning na gagawin ng mga guro at kamag-aral sa kanilang klase sa pamumuno ni Ginoong Dr. Ruel G. Manalo, BSE- Program Coordinator and Assistant Principal ng Basic Education. Matapos maipaliwanag ang paraan kung paano matututo ang mag- aaral ng Tomas Claudio Colleges ngayong New Normal, nagbigay naman ng kanyang pahayag ukol sa magiging disiplina ng mag-aaral habang sila’y nasa Online Class si Ginang Ednalyn O. Bautista na nasundan naman ng pagpapaliwanag ng Safety Protocols ni Binibining Joyce Colleen R. San Juan, Safety Officer. Natukoy nya rito ang paraan ng paaralan na tanggapin ang mga taong bibisita sa Tomas Claudio Colleges. Nabanggit din kung paano i-sanitize at i-tsek ang bawat tao na bibisita sa paaralan upang malabanan ang Covid-19. Nailathala din kung paano ang tamang paraan ng paghuhugas ng kamay at ang mga bagay na dapat gawin sa panahon ng epidemyang ito. Natapos ang assembly ng maayos at matiwasay dahil sa may disiplinang pakikinig ng bawat nakidalo rito kahit na ito’y ginanap online. Mahirap man ang sitwasyon ngayon para maglunsad ng programa ngunit hindi naman hadlang ang pandemyang ito upang matuto at magpatuloy sa pag-abot ng ating pangarap gamit ang edukasyon. Manalangin palagi sa Poong Maykapal at magtiwala na matatapos rin itong bangungot na ito. Magandang Hapon sa inyong lahat, ito si Yljen Kaye C. Fernandez, ang inyong magandang taga-ulat!