GROUP 2
PAKSA: “KADAKILAAN NG DIYOS”
Gubatan, Bea Mea E.
Mercado, Angelica T.
Locaberte, Bhenedick
Resolme, Jhon-Keneth
Soriano, Franz Dexter
"Karera ng Buhay"
Takbo lang ng takbo,
Kahit hindi alam kung saan patungo.
Karera na tila ba nakikipag-unahan,
Makamtan lamang ang hangganan.
Sa pagtakbo mo,
Asahan mo maraming susubok sayo.
Mga daanan na pwedeng ikaw ay masaktan
O baka daan na tuluyan mong susukuhan.
Marahil ilang beses kang madadapa,
Masasaktan ka at magdurusa.
Ngunit ang karera ng buhay ay hindi lamang tungkol sa
saya,
Bagkus ito'y tungkol sa katatagan mo sa Kaniya.
Marahil ilang beses ka nang nawalan ng paniniwala,
Paniniwalang may pag-asa pa.
Ngunit ibukas mo ang iyong mga mata,
Gumising ka dahil ang buhay ay punong-puno ng pag-
asa.
Lahat ng ito ay Kanyang ginawa
Maging ating sarili at iba pang kapwa
Na sana'y hindi kailanma'y mawawala,
Upang hindi maglaho ang saya at sigla.
Tunay ngang busilak ang Kanyang puso
At maraming ulit na itong napatotoo.
Ang araw na ang sinag ay parang ginto,
Nagsasabing may liwanag dito sa ating mundo.
Ikinararangal ko ang aking pagiging tao
At tinatanggap mabubuti Niyang turo.
Siya ang nagsilbing Ama naming totoo
Inaalagaan Niya at minahal itong yaring mundo.
Sa karera ng buhay
Kailangan sa Diyos mo ito ialay.
Dahil ang taong tumatakbo para sa Kanya,
Kailanman ay hindi Niya iwawala.
Kahanga-hangang Diyos na dakila
Karapat-dapat ngang Siya ay sinasamba.
Sapagkat lubos ang Kanyang grasya,
Pagmamahal Niya sa atin ay sapat na at higit pa.
Tumakbo ka sa buhay na kasama Siya,
Tiyak malalampasan mo lahat ng problema.
Pagiging matatag, matapang at higit sa lahat ay
pananampalataya,
Ang dapat mong baonin sa iyong karera.