ORATIO IMPERATA

O Diyos among Amahan, misangpit kami Kanimo niining panahon sa among

panginahanglan nga unta panalipdan Mo kami batok niining hulga sa COVID-
19 nga mikalas na sa pipila ka mga kinabuhi ug daghan ang naapektohan.

Nangaliyupo kami sa imong grasya alang kanila nga gitahasan sa pagtuon sa

kinaiya niining maong virus ug sa pagpakgang sa pagkuyanap niini.

Giyahi ang mga kamot ug lamdagi ang mga huna-huna sa mga batid sa
medisina ngamag-alima unta sila sa mga masakiton inubanan sa kaantigo ug
dinuyugan sa puangod.

Tabangi usab ang mga kawani sa local ug nasudnong pangagamhanan ug

mga pribadong ahensya nga nangita og kasulbaran sa maong pandemiya.

Nangaliyupo usab kami alang kanila nga natakdan sa maong sakit nga
mahibalik unta dayon ang kapiskay sa ilang panglawas.

Ihatag kanamo ang grasya sa pagbudlay alang sa kaayohan sa tanan ug sa

pagtabang sa mga nanginahanglan.

Kini among gipangayo pinaagi sa among Ginoong Jesucristo, Imong Anak,

nga nagpuyo ug naghari uban Kanimo diha sa kahiusa sa Espiritu Santo,
Diyos, hangtud sa kahangturan. Amen.

Maria, Panabang sa mga Kristiyano, I-ampo mo kami.

San Rafael Arkangel, I-ampo mo kami.
San Roque, I-ampo mo kami.
San Lorenzo Ruiz, I-ampo mo kami.
San Pedro Calungsod, I-ampo mo kami.