Professional Documents
Culture Documents
Azərbaycan Dillər Universiteti
Azərbaycan Dillər Universiteti
Adı: Aytək
Soyadı: Daşpoladova
Qrup: 335
Yer kürəsinin üst münbit qatı sayılan torpaq həyatımızın həm təməli, həm də
yekunudur. Torpağın əmələ gəlməsi üçün min illər tələb olunur. Torpaq hava, su,
istilik, bitki və heyvan orqanizmləri, xüsusilə də mikroorqanizmlərin iştirakı ilə yer
kürəsinin aşınması nəticəsində əmələ gəlir. Torpaq yerin bitki bitən hissəsidir.
Bitkiləri becərən zaman torpaqdan qida maddələrinin aparılması, torpağın
münbitliyini yüksəltmək üçün gübrələr verməklə insanlar torpağa dolayı yolla təsir
edir. Bizim istifadə etdiyimiz ərzağın hamısı torpaqdan alınır. Hazırda Yer kürəsi
əhalisinin sayı artır.
Get-gedə insanlara daha çox ərzaq lazım olur. Çox ərzağı isə torpağın
məhsuldarlığını artırmaqla almaq olar. Ona görə də insanlar torpağa gübrə verir ki,
ondan alınan məhsul çoxalsın. Amma torpağa gübrəni çox vermək olmaz. Çünki
gübrənin tərkibində çoxlu zərərli maddələr də var. Bu maddələr torpağın
məhsuldarlığını çoxaltmaqla yanaşı, həm də onu çirkləndirir. Çox gübrə verilmiş
torpaqda bitən meyvə-tərəvəzi yemək sağlamlığımız üçün təhlükəlidir. Bunun
nəticəsində çoxlu xəstəliklər yaranır. Torpağı çirkləndirən amillər tək gübrələrlə
kifayətlənmir. İri müəssisələr ətrafında da torpaqlar çox çirklənir. Son illər plastik
qablardan çox istifadə olunması torpaqların çirklənməsinə şərait yaradır. Çünki
plastik tullantılar heç vaxt çürümür və daim torpaqda qalır.
Torpaq tərkib etibarilə mürəkkəbdir. Onun əsas xüsusiyyət və keyfiyyət əlaməti
məhsuldarlığıdır. Torpağın mövcudluğunu, ehtiyacını ödəyən amillər su və
qidadan ibarətdir. Torpağın tərkibində su çox olduqda qrunt sularının səviyyəsi
qalxır, bataqlığa çevrilir və torpaqda aerasiya prosesi pozulur, nəticədə o,
şoranlaşır, əkin üçün yararsız, meliorativ vəziyyəti isə xarab olur.
Torpağın əsas xüsusiyyəti onun münbitliyidir. O, bunun sayəsində bitkiləri su, qida
maddələri və hava ilə təmin edir. Torpaqları qorumaq və onun münbitliyini
yüksəltmək hər bir vətəndaşın, xüsusilə kənd təsərrüfatı işçilərinin əsas vəzifəsidir.
Torpaqda daimi yaranma və dağılma prosesi gedir. Hesablamalar göstərir ki, 2-3
sm qalınlığında torpağın əmələ gəlməsi üçün əlverişli şəraitdə 200-1000 il vaxt
lazımdır. Lakin külək, su min illər ərzində əmələ gəlmiş torpağı 20-30 il ərzində
məhv edir.
Quruluşuna və kimyəvi tərkib xüsusiyyətinə görə torpaq hər hansı səbəb
ucbatından ətraf mühitə düşən zərərli maddələri asanlıqla canına hopdurur və yığır.
Bu birləşmələrin parçalanma müddəti torpağa, havaya və suya nisbətən daha uzun
olduğundan torpağın çirklənməsi problemi illər boyu sezilməyə bilər.
Torpağın əsas mühafizə problemləri eroziya, şorlaşma, çirklənmə və bərkiməyə
qarşı mübarizə ilə bağlıdır. Mexaniki tərkibcə yüngül olan torpaqları eroziyaya
qarşı tədbirlər görülmədən becərmək olmaz. Eroziya nəticəsində kənd təsərrüfat
bitkilərinin məhsuldarlığı 20-40% aşağı düşür. Eroziyanın mənfi təsiri bununla
bitmir. Torpağın üst hissəsində yarğanlar, çökəkliklər əmələ gəlir ki, bu da
torpağın becərilməsini və məhsul yığımını çətinləşdirir. Eroziya bitkilərin
qidalandığı sahəni məhv etməklə bitkilərə, heyvanlara mənfi təsir göstərərək
yaranmış bioloji tarazlığı pozur. Yüksək aqrotexniki tədbirlərdən istifadə etməklə
eroziyanın zərərli təsirini minimuma endirmək olar. Eroziyaya qarşı mübarizə üçün
düzgün aqrotexnikadan istifadə etmək vacib şərtdir. Meşə qoruyucu zolaqlar
salmaq, torpağı çevirmədən şumlamaq, selə qarşı qoruyucular qurmaq, heyvanların
otarılmasını nizamlamaq eroziyaya qarşı mübarizə tədbirləridir. Yamacda ot
əkinlərindən istifadə edilməsi də eroziyanın qarşısını nisbətən alır. Kənd təsərrüfatı
işçiləri bilməlidir ki, eroziyanın qarşısını almaq onunla mübarizə etməkdən
asandır.
Növbəli əkinlərdən və gübrələrdən istifadə etmək torpaqların qorunmasında
mühüm rol oynayır. Növbəli əkinlərdə birillik və çoxillik otların əkilməsi torpağın
yağış damlalarının təsirindən qoruyur və sel axınının qarşısını alır. Gübrələrin
tətbiqi bitkilərin kök və yerüstü hissəsinin inkişafına təsir etməklə güclü bitki
örtüyünün yaranmasına səbəb olur. Bu da torpağı su və külək eroziyasından
qoruyur.
Torpağın şorlaşması da onun keyfiyyətinə pis təsir göstərir. Şorlaşma suvarmadan
düzgün istifadə etmədikdə qrunt sularının səviyyəsinin qalxması nəticəsində baş
verir. Bu zaman kapilyarlarla qrunt suları yuxarı qalxır və buxarlanaraq duzlar
torpaqda qalır. Şorlaşmanın qarşısını almaq üçün düzgün suvarma normasına riayət
edilməli, drenaj sistemi vasitəsilə torpaqlar yuyulmalı, qrunt suları drenajlarla
kənar edilməli, suvarma sistemi təmiz saxlanılmalı, suvarma zamanı mütərəqqi
üsullardan istifadə olunmalıdır. Şorlaşma məhsuldarlığı kəskin surətdə aşağı salır.
Mütəxəssislər hesab edirlər ki, şorlaşma 0,5-0,7% təşkil etdikdə pambığın
məhsuldarlığı 40-50% aşağı düşür. Torpağın meliorasiyasının əhəmiyyəti
böyükdür. İnsanların sənaye sahəsində fəaliyyəti təbiətin mühafizəsinin tələbləri ilə
əlaqələndirilmədikdə, ətraf mühitin, o cümlədən də torpaqların çirklənməsinə
səbəb olur.
Torpaqların hesaba alınması, onun səmərəli və düzgün istifadə edilməsi, üzərində
nəzarətin olması, mövcud meşə zolaqlarının salınması torpağın çirklənmələrdən
(tullantılar və zərərli kimyəvi maddələr) qorunması, heyvanların otarılmasının
düzgün təşkil edilməsi, eroziyaya qarşı mübarizə tədbirlərinin təşkili, xüsusi
maşınların tətbiqi, çeyilliklərin qurudulması, suvarmanın düzgün təşkili, qum
hücumunun qarşısının alınması, suların tərkibinə nəzarət edilməsi, sanitariya-
gigiyena mühafizə tədbirlərinin yerinə yetirilməsi, tikinti və yol işlərində, kimyəvi
maddələrin tətbiqində mövcud tövsiyələrin gözlənilməsi, alaq otları ilə mübarizə
və s. torpağın mühafizəsinin kompleks tədbirləridir. Belə olduqda torpağın
məhsuldarlığı artır və xarab olmaqdan qorunur. Torpağı mühafizə etmək üçün
vaxtaşırı onun çirklənmə vəziyyəti sanitariya-epidemioloji stansiyalar tərəfindən
yoxlanılmalıdır. Bu zaman ərazidə torpağın fiziki, bioloji, kimyəvi göstəriciləri
nəzərə alınmalıdır.
Ekoloqların fikrincə, torpaq plansız surətdə istifadə olunduqda, ona nəzarət
edilmədikdə və çirkləndikdə xarab olaraq gücdən düşür. Torpağa xidmət edildikdə
isə hər 100 hektar torpaq sahəsi 5-10 dəfə daha çox əhalini taxılla təmin edə bilər.
Torpağı mühafizə etmək üçün vaxtaşırı onun çirklənmə vəziyyəti sanitariya-
epidemioloji stansiyalar tərəfindən yoxlanılmalıdır. Bu zaman ərazidə torpağın
fiziki, bioloji, kimyəvi göstəriciləri nəzərə alınmalıdır. Torpaqlarn çirklənməsi,
dağılması və qorunması
Torpaq yer kürəsinin üst münbit qatıdır. Torpaq həyatımızın həm təməli, həm də
yekunudur.Torpağın əmələ gəlməsi üçün min illər tələb olunur. Torpaq hava, su,
istilik, bitki və heyvan orqanizmləri, xüsusilə də mikroorqanizmlərin iştirakı ilə yer
kürəsinin aşınması nəticəsində əmələ gəlir. Torpaq yerin bitki bitən qatıdır.
Bitkiləri becərən zaman torpaqdan qida maddələrinin aparılması, torpağın
münbitliyini yüksəltmək üçün gübrələr verməklə insanlar torpağa dolayı yolla təsir
edir. Bizim istifadə etdiyimiz ərzağın hamısı torpaqdan alınır.Hal-hazırda Yer
kürəsi əhalisinin sayı artır. Get-gedə insanlara daha çox ərzaq lazım olur. Çox
ərzağı isə torpağın məhsuldarlığını artırmaqla almaq olar. Ona görə də insanlar
torpağa gübrə verir ki, ondan alınan məhsul çoxalsın. Əgər 1 hektar təmiz torpaq 2
ton buğda verirsə, gübrə verilmiş torpaq 5 - 6 ton buğda verir. Torpağa gübrəni çox
vermək olmaz. Gübrənin tərkibində çoxlu zərərli maddələr də var. Bu maddələr
torpağın məhsuldarlığını çoxaltsa da, onu çirkləndirir. Çox gübrə verilmiş torpaqda
bitən meyvə - tərəvəzi yemək təhlükəlidir. Bu, insanlar arasında çoxlu xəstəlik
yaradır.