KSI, namahagi ng pagtulong sa non-readers ng LNHS

 Thijannee

Sa layuning makahatid ng tulong sa mga kabataan ng Sta. Cruz, Zambales, nagsagawa ng gift-
giving project ang Kiwanis Sta. Cruz Inc. (KSI) sa 31 non-readers na mag-aaral ng Lpay National High
School noong Oktubre 19, 2018.

Ito ay sa pangunguna ng kanilang pangulo na si Gng. Zenaida Bueno Morales.

Ang Kiwanis Club of Sta. Cruz Inc. ay bahagi ng Kiwanis International- isang non-profit
organization na ang pangunahing layunin ay matulungan ang mga kabataan sa buong mundo.

Maliban sa mga ipinamahaging relief packs, nakatanggap rin ang 31 mag-aaral na ito ng mga
school supplies at hygiene kit kasama pa ang mga bagong bag at sapatos na magagamit nila sa pag-aaral.

Ayon kay G. Morales, magpapatuloy pa ang kanilang samahan sa pagsuporta sa mga kabataan at
pagtataguyod ng kanilang mga pangangailangan.

Dagdag pa nito, “We are here to serve the children and we are happy to extend our help and be
of greater service for our children here in Sta. Cruz”.