DAILY LESSON PLAN

AP 4
THIRD GRADING

I. Layunin
Nasasabi ang kahulugan ng mabuting pamumuno.
Natatalakay ang epekto ng mabuting pamumuno sa pagtugon sa pangangailangan ng bansa.
Nasasabi ang kahalagahan ng isang mabuting pinuno o lider.
II. Paksa
Epekto ng mabuting pamumuno sa pagtugon sa pangangailangan ng bansa
Kagamitan: K to 12 TG pp. 120-122
LM pp. 262-267
K to 12- AP & LR – IIId4
Lapis, bond paper at krayola
III. Pamaraan:
1. Laro: Marching Drill
Hatiin ang klase sa apat na pangkat.
Pipili ang bawat bawat pangkat ng kanilang lider.
Tiyakin na pareho ang bilang ng bawat pangkat.
Bibigyan ng pagkakataon ng guro ang bawat pagkat na nakapaghanda sa kanilang presentasyon
ng Marching Drill.
Gabayan ang mga bata sa pagbubu ng mga bata ng kanilang marching drill.
2. Itanong:
Ano-ano ang una ninyong mga ginawa?
Paano kayo nagplano ng inyong gagawin?
Ano ang unang hakbang na ginawa ng inyong napiling lider?
Paano ninyo ito naisakatuparan?
Sa palagay ninyo, bakit nagging maayos at maganda ang inyong presentasyon? Sumunod ba
kayo nang maayos sa inyong lider? Bakit?
3. Isulat sa pisara ang mga kasagutan ng mga bata.
4. Iugnay ang mga ito sa aralin.
Panimulang Gawain
1. Paglalahad
a. Sino-sino ang mga namumuno sa inyong barangay? Sa bayan ng Tubao? Sa ating bansa?
b. Paano ninyo pahahalagahan ang ginagawa ng mga namumuno sa inyong barangay? Bayan?
Bansa?
c. Ano ang epekto ng mabuting pamumuno sa pagtugon sa pangangailangan ng inyong
barangay?
Bayan? Bansa?
2. Pagtatalakay
Basain at talakayin ang nasa “Alamin Mo” Lm pp.262-269
Magtanong habang ito’y binabasa.
Ano-ano ang katangian ng isang mabuting pinuno?
Mahalaga ban a magkaroon ng isang mabuting pinuno? Bakit?
Sa palagay ninyo,paano tumutugon ang isang mabuting pinuno sa pangangailangan ng bansa?
Paano maipapakita ng isang lider na nakakatugon siya sa pangangailangan ng bansa, lalawigan,
bayan o barangay?
3.Pagsasanay
a. Pangkatang Gawain
Pagkatin sa 3 pangkat ang mga bata. Sagutan ang mga tanong na sumusunod.
Ano ang mabuting pamumuno?
Ano ang kahalagahan ng isang mabuting pamumuno?
Isulat sa kahon ang mga epekto ng mabuting pamumuno sa bawat serbisyo ng pamahalaan.

I.

KALUSUGAN

II.

KALAKALAN
III.

KABUHAYAN

Pag-uunlad ng bawat grupo.

b. Sa inyong papel, sa pamamagitan ng drowing, ipakita ang isang epekto na maaring bunga ng pagtugon ng
namumuno sa pangangailangan ng kanyang nasasakupan.
Gamitin ang rubric para sa paggawa ng Likhang Sining ng mga bata. ( Pakitignan ang rubric sa pagbibigay ng grade
ng bawat bata, TG pp. 122. )

4. Paglalahad
Ano-ano ang katangian ng isang mabuting pinuno?
Paano maipapakita ng isang lider na nakatutugon siya sa pangangailagan ng bansa?
Ano-ano ang epekto ng mabuting pamumuno sa pagtugon sa pangangailangan ng bansa?
IV. Pagtataya
Piliin ang tamang sagot.
1. Ang mga sumusunod ay katangian ng isang mabuting pamumuno sa isang lugar, maliban sa isa
a. Makatao b. Makabayan c. Makadiyos d. Makasarili
2. Mahalaga ba na magkaroon ng isang mabuting pinuno? Bakit?
a. Oo, para mapabuti lamang ang mga nasa partido niya?
b. Oo, para lalong yumaman ang mga mayaman na.
c. Oo, para umunlad ang kanyang pinamumunuan.
d. Oo, para umunlad ang kanyang pamilya.
3. Kung ang pinuno ng bansa ay may maayos na pamamalakad, ang epekto nito ay ___.
a. paglaganap ng mga ginagamit ng bawal na gamit.
b. paglaganap ng kapayapaan at kaunlaran
c. paglaganap ng katiwalian
d. paglaganap ng karahasan.
4. Makikita ang mabuting epekto ng pamumuno sa iba’t ibang serbisyo ng pamahalaan, maliban sa isa
a. pakikipag-ugnayan sa mga turista o mangangalakal na magpunta sa ating bansa.
b. mabuting serbisyo sa pangkalusugan at panlipunan.
c. pagtaas ng bahagdan ng kahirapan
d. maayos na polisiya
5. Kung may pagkakataon kang maging pangulo sa bansa, anong programang pang-edukasyon ang ipatutupad mo?
Bakit?
a. libreng pag-aaral ng mga bata mula elementarya hanggang kolehiyo
b. libre ang lahat ng pangangailangan ng bawat bata
c. libreng kagamitan sa loob ng bahay
d. libreng pagkain sa araw-araw