Поделбата на државната власт на законодавна, извршна и судска

Ова воведување за организација на власта во нашата уставност е потполна новина. Со ова

се менува начелото за единство на власта, собранискиот систем. Ова начело станува едно
од основните установи и политички аксиоми во демократските држави, исто така врз ова
начело се изградува претседателскиот систем, парламентарниот систем и слични системи.
Според теоријата за поделба на власта, власта мора да се засновува на постоењето на
законодавната, извршната и судската власт, или во спротивно според мислењето на
Монтескје, секогаш ќе биде “деспотија и темница на слободата”.
Главна задача на Законодавната власт е донесување закони. Во системите со либерална
демократија, граѓаните на избори ги избираат своите претставници во законодавното
тело и на таков начин ги овластуваат да донесуваат закони во нивно име. Носител на
Законодавната власт е парламентот. Во Република Македонија носител на Законодавната
власт е Собранието на Македонија.
Должност на Извршната власт е да ги спроведува законите што ги донела Законодавната
власт. Носител на Извршната власт е владата. Извршната власт во Република Македонија
е бицефално организирана и ја вршат Владата и претседателот на државата.
Судската власт е доверена на судовите. Судовите судат врз основа на Уставот и законите и
меѓународните договори ратификувани во согласност со Уставот.
Помеѓу парламентот, владата и судот постои самостојност, независност и контрола едни
на други.

Левент Хајдар II-1