Mala-Masusing Banghay Aralin

I-Layunin

Pagkatapos ng aralin, ang mga mag-aaral ay inaasahan nang;

1. Nakikilala ang iba’t ibang uri ng panghalip.

2. Nakakabuo ng sariling mga halimbawa sa bawat uri ng panghalip.
3. Napapahalagahan ang gamit ng panghalip sa bawat uri nito sa pangungusap.

ll-Paksang aralin

Paksa: Ang Panghalip

Sanggunian: Daloy ng Mithi lll sa pahina 96-99
Kagamitan: visual aids, flash cards, paper tape
Pagpapahalaga: Mapahalagahan ang gamit ng panghalip sa pangungusap

lll-Pamamaraan (Pamaraang Pabuod)

1.       Paghahanda

1.1 Panalangin
1.2 Pagbati ng  guro sa mga mag-aaral ng isang “magandang araw”
1.3 Pagtatala ng lumiban sa klase
1.4 Balik-tanaw
1.5 Pagganyak

2.       Paglalahad

Pagkatapos magbigay ang guro ng pagganyak, kanyang tatanungin ang mga mag-
aaral  tungkol sa kanilang kaalaman sa kahulugan ng panghalip.

Pagkatapos marinig ng guro ang ilan sa mga kasagutan mga mag-aaral, ibibigay
niya ang tunay na kahulugan nito.

Panghalip- ay mga salitang ginagamit na pamalit o panghalili sa pangalan ng tao, bagay,

hayop, lugar, pangyayari, o pangngalan.

Mayroong apat na uri ang panghalip:

2.1 Panghalip Panao

-Panghalip na ipinapalit sa pangalan ng tao. Mayroon itong tatlong kaukulan.

1
  Kaukulang palagyo

Ito ay panghalip panaong ipinapalit sa pangngalang pingungunahan ng ang at

ginagamitanbilang simuno ng pangungusap.

Hal.

        Ang ina ni Paulo ay si Melai. Siya ang nag-aalaga kay Paulo mula
pagkabata.

 Kaukulang Paukol

Ito ay panghalip pananong na ipinapalit sa pangngalang nasa anyong ng o ni. Ito

ay nag-uukol.

Hal.

Nais ni Petot bumawi kay Paulo.

Nais niyang bumawi kay Paulo.

 Kaukulang Paari

Ito ay panghalip panaong ipinapalit sa pangngalang nasa anyong sa o kay. Ito’y

nagpapakita ng pag-aari.

Hal.

                     Kay Paulo ang asong pumanaw.

                     Kanya ang asong pumanaw.

2.2 Panghalip Pamatlig

– panghalip na ipipinapalit sa pangalan ng lugar o pangngalang nagpapahayag

ng layo o distansya ng mga bagay sa nagsasalita o nakikinig.

Hal.

Ito ang hinahanap niyang artikulo kanina. (malapit)

                           Iyan ang silid na sinasabi nilang may multo. (malayo)

                          Iyon ang bahay na lilipatan natin sa Agosto. (malayung-malayo)

2
 2.3 Panghalip Pananong

– panghalip na ginagamit sa pagtatanong.

Hal.

Sino ang kumain ng pagkain sa mesa?

Saan patungo ang langay-langayan?

Magkano ang asong nakadungaw sa bintana?

2.4 Panghalip Panaklaw

-ito ay nasa anyong walang lapi katulad ng iba, kapwa, isa, lahat, marami, at
kaunti. Kasama rito ang mga salitang may hulaping –man tulad ng saanman,
sinuman, anuman, at alinman.

Hal.

Dahil sa pagsabog ng bulkan, marami ang nawalan ng trabaho.

Kailanman ay hindi ako susuko sa iyo.

Iba ang iyong iniisip.

3.       Talakayan

Ipaghahambing ng guro  sa mga mag-aaral ang panghalip panao at panghalip pananong.

Matapos maipaghambing ng guro ang dalawang panghalip, ipaghahalaw naman nito sa

mga mag-aaral ang panghalip  pamatlig at panghalip panaklaw.

4.       Paglalahat

Matapos matalakay ng guro ang mga uri ng panghalip, kanya itong irerebyu muli upang
malaman kung nainntindihan o nauunawaan na ba ang mga mag-aaral ang mga ito.

5.       Pagpapagawa ng Gawain

Susubukin ng guro ang mga mag-aaral sa pamamagitan ng pagbibigay ng ilang mga

gawain.

Ang mga sumusunod ay ang ilang mga gawain na ibibigay ng gurao sa mga mag-aaral:

3
Panuto: Gamitin sa pangungusap ang bawat panghalip na nakatala.

1. Kami
2. Iyo
3. Dito
4. Heto
5. Kalian

IV- PAGTATAYA

Matapos makapagbigay ang mga mag-aaral ng mga pangungusap gamit ang mga ilang
mga panghalip na ibinigay ng guro, magbibigay ang guro ng iasang pagsususlit upang ganap
na masubukan ng guro ang kaalaman ng mga mag-aaral sa mga uri ng panghalip.

Ang mga sumusunod ay ang mga pagsusulit na ibibigay ng guro sa mga mag-aaral.

Panuto: Kumuha ng isang kalahating papel at sagutan ang mga sumusunod. Salungguhitan
ang panghalip sa bawat pangungusap at isulat sa patlang kung anong uri nito.

_________1. Saan ka magtutungo?

_________2. Nakita ko silang dumaan dito kanina.

_________3. Lahat tayo ay pupunta sa kaarawan ng lola mo.

_________4. Akin ang pantasang iyan!

_________5. Marami ang pumunta sa Mabini Shrine noong nakaraang Sabado.

V- TAKDANG-ARALIN

Isulat sa isang buong papel.

Gumawa ng isang sanaysay o diyalogong ginagamitan ng mga panghalip. Salungguhitan ang

mga panghalip.

Sanggunian:
https://goodummah.wordpress.com/banghay-aralin/