Filipino 7 | Gerona

pg. 1
 Filipino 7 | Gerona

Batch: 2
Time alloted: 8hrs

Pamantayang Pangnilalaman:
Naipamamalas ng mag-aaral ang pag-unawa sa mga akdang pampanitikan ng Mindanao.

Pamantayang Pagganap:
Naisasagawa ng mag-aaral ang isang makatotohanang proyektong panturismo.

Pangunahing Pag-unawa:
Walang iisa at natatanging paraan sa pagpapahayag ng pagkilala at pagpapakita ng respeto sa kapuwa.

Pangunahing Tanong:
Paano maipapakita ang pagkilala at respeto sa kapuwa?

Pamantayan sa Pagkatuto:
Nagagamit ang mga ekspresyong naghahayag ng posibilidad (maaari, baka, at iba pa)
Nahihinuha ang kalalabasan ng mga pangyayari batay sa akdang napakinggan

pg. 2
 Filipino 7 | Gerona

Mabuhay Mag-aaral! Kumusta? Maligayang pagbabalik at binabati kita sapagkat natapos mo na ang unang modyul!

Likas na sa mga Pilipino ang pagpapahalaga sa mabuting –asal. Ang mga ito ay mga
aral na humuhubog sa kabataang Pilipino upang maging mabuting mamamayan sila ng
bansa. Ang mga aral na ito ay naririnig natin sa ating mga magulang. Dahil sa pagiging
maparaan ng mga Pilipino, ang mga aral na ito ay nailalagay nila sa isang sining. Ang
sining na tinutukoy natin ay ang pagsulat. Nagsusulat ang mga manunulat ng mga
kuwento upang mas maikalat pa ang mga aral na nagpapakita ng mga kagandahang-asal.
Ang mga ito ay tinatawag na akdang pampanitikan.
Isa sa mga akdang pampanitikan ay ang pabula.
Halina at samahan ako upang iyong mapatunayan at mapahalagahan ang ugnayan
ng kagandahang-asal at pabula.

Pag-uusapan sa modyul na ito ang Pabula at Ang mga Expresyong Nagpapahayag ng Posibilidad. Ano pang hinihintay
n natin, atin nang simulan ang pag-aaral sa modyul na ito!

Bago mo simulan ang iyong pag-aaral sa modyul na ito, subukin mo munang sagutan ang ilang mga katanungan
sa ibaba na susukat sa iyong kaalaman sa paksang tatalakayin natin ngayon. Handa ka na ba? Tayo na’t simulan
natin ang pagkatuto.

I. Basahin at unawaing mabuti ang mga tanong/pahayag sa ibaba. Bilugan ang tiktik
ng tamang sagot.
1. Kuwentong nagpasalin-salin sa bibig ng matatanda tungkol sa pinagmulan ng mga bagay-
bagay.
a. maikling kuwento b. alamat c. pabula d. parabula
2. Isang akdang pampanitikan na nagbibigay ng aral at kalimitang gumagamit ng mga hayop
bilang tauhan sa kuwento.
a. alamat b. parabula c.pabula d.maiklingkuwento
3. Salaysay ng may iisang kakintalan hinggil sa mahalagang pangyayari na nasasangkutan ng isa
o higit pang tauhan.
a. maikling kuwento b. alamat c. pabula d. parabula
4. Kuwentong ang aral o mensahe ay kalimitang ginagawang gabay ng mga tao sa kanilang
pang-araw-araw na buhay.
a. Kuwentong bayan b. maikling kuwento c. alamat d. pabula
5. Sa pabulang Ang Pagong at Matsing, sino ang bida sa kuwentong ito?
a. Matsing b. Unggoy c. pagong d. saging
6. Ano ang ibig sabihin ng salitang tuso?
a. manloloko b. mabait c. matalino d. walang utak
7. Anong uri ng hayop si Pilandok?
pg. 3
 Filipino 7 | Gerona

a. usa b. Buwaya c. oso d. unggoy

8. Ang sumusunod ay mga Expresyong Nagpapahayag ng Posibilidad maliban sa isa.
a. siguro b. palagay ko c. bakita d. possible kayang
9. Isang elemento ng kuwento na kung saan nagaganap ang pangyayari?
a. tagpuan b. banghay c. tauhan d. lugar
10. Ang mga kuwento sa Pilipinas na tungkol sa mga hayop at mga hayop ang tauhan ay kadalasang umiikot sa kung gaano
kahusay at kung gaano naman kadaling maloko ang isang hayop.
a. parabola b. tula c. pabula d. nobela

Mahusay sapagkat natapos mo na ang paunang pagtataya. Huwag kang mag-alala dahil hindi
ito ang sukatan ng iyong marka para sa modyul na ito. Ito ay pagtataya lamang na susukat sa
iyong kaalaman tungkol sa paksa.

Sa bahaging ito, tutuklasin natin kung ano ang paksang pag-uusapan

natin sa modyul na ito. Hali na’t samahan na ako upang makatuklas
nanaman ng bagong kaalaman.

Gawain 1: Sa pamamagitan ng Frank Smith’s Model Meaning-Making Activity, ano ang salitang ibig
tukuyin? Gawing batayan ang larawan.

bluapa

(kahulugan ng nabuong salita) (Nabuong salita mula sa ginulong mga

letra)

Anong salita ang nabuo mo? Tama ka! Ang mga letrang ginulo o wala sa ayos ay ang salitang
pabula. Magaling din sapagkat nakapagbigay ka rin ng kahulugan. Ngunit sa modyul na ito
mas maiintindihan mo pa ang kahulugan ng pabula. Kaya naman simulan na natin ang
pagtuklas sa mundo ng pabula!

pg. 4
 Filipino 7 | Gerona

Tunghayan mo!
Para hindi tayo mawala sa ating patutunguhan sa darating na hinaharap kailangan
nating alamin ang kasaysayan o mga pangyayari noon. Kaya naman babalikan
natin kung kailan at paano nabuo ang pabula.

Kaligirang Pangkasaysayan ng Pabula

Ayon sa kasaysayan, ang bansang India ay mayroon ng pabula sa pagitan ng ika-5 at ika-6 na
siglo B.C. Ang kanilang pabula ay napapatungkol kay Kasyapa. Si Kasyapa ay itinuturing na
dakilang tao ng mga sinaunang Indian. Mula sa mga kuwentong ito ginagawang batayan ng
mga Buddhista sa pagsulat nila ng sariling pabula na napapatungkol sa buhay ng itinuturing
nilang mga dakilang tao.

Sa Paglipas nang humigit-kumulang na 900 taon, nagpatuloy ang paglaganap ng pabula

sa iba’t ibang bansa. Mula sa paksa tungkol kay Kasyapa, nagkaroon ng pagbabago at
ang naging paksa na ng pabula ay tungkol sa kung ano ang tama at mali, at tungkol sa
wastong pamumuhay.

Sa patuloy na pagsikat ng pabula, may isang Griyego na nagtipon ng mga ito. Si Aesop ang
tinaguriang ama ng Sinaunang Pabula noong 620-560 B.C. Lumaki siyang alipin ngunit sa kabila
ng lahat naging masipag, tapat, at nagpakita ng katalinohan kaya’t binigyan siya ng kalayaan
ng kanyang amo. Si Aesop ay hindi lang nagtipon ng pabula, siya ay nagsulat ng maraming
pabula. Ang paksa ng kanyang mga pabula ay tungkol sa kalikasan ng tao gayun din ang
kalagayan ng lipunan sa panahong kinabibilangan niya. Dahil sa pagiging alipin wala siyang
karapatang sawayin ang mga tao, kaya ginamit niya ang mga hayop bilang tauhan ng mga
pabula (Jocson, et.al, 2013)

Gawain 2: Piliin at iguhit ang emoji sa kahon ng iyong naging damdamin nang malaman mo ang
dahilan kung bakit hayop ang ginawang mga tauhan sa pabula.

Paliwanag:

pg. 5
 Filipino 7 | Gerona

Gawain 3: Basahin Mo!

Sa bahaging ito ipagpapatuloy natin ang ating talakayan sa pamamagitan ng pagbabasa ng

isang pabula na pinamagatang “Si Pilandok sa Kaharian sa Ilalim ng Dagat” isang pabula ng
mga Maranao. Inaasahan ko na babasahin mo ito nang mataimtim at pag-intindi sa bawat
pangayayari sa pabula. Kaya naman simulan na natin ang pagbabasa. Makikita ang pabula sa
iyong batayang aklat sa pahina 23.

Kamusta ang iyong pagbasa sa pabula? Sa tingin ko naman ay naintidihan mo naman ito. Dahil
alam kong binasa mo ito nang mabuti. Sa pamamagitan ng pag puna sa manghad (table) sa
ibaba titignan natin kung naunawaan mo ang pabulang binasa!

Gawain 4: Unawain Mo! Sa tulong ng sumusunod na balangkas, muling ikuwento ang pabula.
Pamagat:

Tauhan:

Tagpuan:

Panahon:

Panimulang Pangyayari:

Suliranin/Tunggalian:

Kapana-panabik na Pangyayari:

Pangwakas:

Aral ng Pabula:

pg. 6
 Filipino 7 | Gerona

Mahusay! Sapagkat natapos mo na ang gawain sa unang mga pahina. Sa tingin ko’y
handa kana sa susunod na paksa para sa modyul na ito. Sa puntong ito tatalakayin na
natin ang “Ang mga Ekspresyong Nagpapahayag ng Posibilidad”

Tandaan Mo!
Ang mga Ekspresyong Nagpapahayag ng Posibilidad

Sa ating mga pakikipag-usap, sa ating mga pagsang-ayon o pagsalungat sa iba’t ibang

palagay o opinyon, nagpapahayag tayo ng mga posibilidad.

Posibilidad ang tawag sa mga pahayag na naglalahad ng isang pangyayaring maaaring

mangyari o magkatotoo ngunit walang katiyakan o kasiguraduhan.

Karaniwan itong ginagamitan ng mga salitang katulad ng baka, puwede, sa

palagay ko, maaari, siguro, marahil, may posibilidad bang, posible kayang,
at iba pa.

Halimbawa:

1. Posible kayang maging mabuti ang masamang datu?

2. May palagay akong puwedi iyang mangyari.

Halimbawa:

3. Siguro naman papayagan ako ng datu na makapagpasalamat sa kanya.

4. Sa tingin ko, natakot ang datu.

Pansinin ang mga halimbawa sa taas, mapapansin mo na ang

pangungusap ay nagpapahayag ng posibilidad. Bakit kaya? Dahil ang
mga pangungusap ay gumamit ng mga ekpresyong nagpapahayag ng
posibilidad, ang “possible kaya, may palagay akong, siguro naman, at
sa palagay ko”.
Diba madali lamang kung papaano bumuo ng mga pangungusap na
nagpapahayag ng posibilidad. Kadalasan ginagamit o inilalagay ito sa
unang salita sa iyong pangungusap.

pg. 7
 Filipino 7 | Gerona

Pagsasanay

Para sa inyong pagsasanay, pumunta sa inyong aklat sa Filipino at sagutin ang nasa pahina 29-30.
Sagutin ang “Mga Pagsasanay 1-5. Ang inyong magiging sagot ay ilalagay sa nakalaang patlang sa
ibaba. Tandaan! Ayusin ang inyong sulat kamay para maintidihan ng nagbabasa.

1.

2.

3.

4.

5.

Magaling! Natapos mo ang Linangin na bahagi. Batay sa mga sagot mo sa bahaging ito sa
tingin ko ay ikaw ay handa na para sa susunod na bahagi. Mula sa natutunan mo sa
bahaging ito, susubukan nating palalimin pa ito. Kaya naman ano panghinihintay mo?
Magpatuloy na tayo!

Sa bahaging ito madali lamang ang ating gagawin. Manonood ka lang at pakikinggan mo ng maigi
ang isang pabula. Makikita ito sa link na ito https://www.youtube.com/watch?v=2KNNHKY3_Uc
. Ang pabulang ito ay pinamagatang “Ang Langgam at Ang Tipaklong”.

Gawain: Nahihinuha ang kalalabasan ng pangyayari batay sa napakinggan akda.

Batay sa natunghayan mong pabula gumawa ng posibleng maging wakas nito.
Maaari ring ang posibleng nangyari ka Tipaklong pagkatapos tangihan siya ni
Laggam. Sa gawaing ito, tandaan na kailangang magamit Ang mga Ekspresyong
Nagpapahayag ng Posibilidad. Ilagay ang inyong magiging sagot sa kasunod na
pahina.

pg. 8
 Filipino 7 | Gerona

Kamusta ang iyong naging gawain? Nabigyan mo ba ang posibleng nangyari kay tipaklong at nalagyan mo ba ito ng
mga ekspresyong nagpapahayag ng posibilidad? Sa tingin ko naman ay nagawa mo ito ng tama. Kaya naman pwedi na
tayong tumungo sa huling bahagi ng modyul na ito.

Pagnilayan
Paano maipapakita ang pagkilala at respeto sa kapuwa?

 Batay sa tanong, iguhit ang inyong magiging sagot sa nakalaang kahon sa ibaba. Maging malikhain sa inyong
pagguhit. Narito ang batayan sa pagbibigay ng puntos para sa gawaing ito: Kaugnayan sa tanong (10 na puntos),
pagkamalikhain (10 na puntos) na may kabuuang 20 na puntos.

Mahusay sapagkat natapos mo na ang bahaging ito. Kaya naman tutungo na tayo sa
pinakahuling gawain sa modyul na ito.

pg. 9
 Filipino 7 | Gerona

Binabati na naman kita nakarating ka na sa bahaging ito! Batid ko na naintindihan mo ang

dapat maintindihan! Kaya naman, nais kong malaman kong mayroon mga paksa na hindi
mo maintidihan sa pamamagitan ng pag puna sa kahon sa ibaba.

Mga paksa na hindi na itindihan.

Mga paksa na naintidihan!

Bulwagan, Kalamalayan sa Gramatika at Panitikan 7, Merida,et.al

Hiyas ng Lahi Panitikan, Gramatika, at Retorika, Jocson,et.al
Baybayin paglalayag sa Wika at Panitikan, Festin

pg. 10