12.

INDAR-LERROAK ETA GAINAZAL EKIPOTENTZIALAK, MASA PUNTUAL (EDO

ESFERIKO) BATEK ERATUTAKO EREMU GRABITATORIOA.

-Eremu grabitatorioa irudikatzen.

-Eremu-lerroak (masa bakar baten eta masa-bikote baten kasuak irudikatzea). Haien esanahia
adieraztea.
-Gainazal ekipotentzialak (masa puntual baten kasua irudikatzea). Haien esanahia adieraztea,
eta eremu-lerroekin zer lotura duten esatea. Gainazal ekipotentzial bereko bi punturen artean
eremu grabitatorioak egindako lana nulua dela adieraztea.

Eremu grabitatorio, gainontzeko indar-eremuak bezala, indar-lerro eta gainazal

ekipotentzialen bidez adierazi daiteke.

EREMU LERROAK

Puntu bakoitzean eremu grabitatorioaren intentsitate bektorearen norabidea indar

lerroen tangentea da, eta noranzko berekoa.
Bestalde, eremu-lerroen dentsitatea eremu-lerroekiko perpendikularra den
gainazalaren azalera-unitatea zeharkatzen duten lerroen kopurua da, eta eremu
grabitatorioaren moduluaren proportzionala da.

GAINAZAL EKIPOTENTZIALAK

Balio bereko potentzial grabitatorioa duten puntuak biltzean, gainazal ekipotentzialak

deritzen gainazalak lor ditzakegu.
∙ Gainazal ekipotentzialak eremu-lerroen perpendikularrak dira edozein puntuan. ∙ Masa bat
gainazal ekipotentzial bereko puntu batetik bestera eramatean eremu grabitatorioak egiten
duen lana nulua da.
W= m (VA-VB)=0

∙ Masa puntualaren kasuan, potentzialak balio bera du masatik distantzia berdinera dauden
puntu guztietan. Beraz, gainazal ekipotentzialak zentroa masan duten esfera
zentrokideak dira.
Masa puntualak sorturiko eremu grabitatorioa eta gainazal ekipontentzialak.