Professional Documents
Culture Documents
Sung Kem
Sung Kem
Ujang... Nyai... Anaking anak Apa kungatik pangdidik sepuh hidep nepika
dewasa. Brall Anaking geura ngambah sagara rumah tangga bari mawa iman
jeung takwa, layeut geugeut pinuh ku kadeudeuh. Silih asah, silih asih,
silih asuh, silih simbeuh ku kadeudeuh, silih siram ku katresna, silih uyup
madu
ka asih Anaking...
- Walon ku mertua
“Nyaah teuing anaking... Mamah... Apa... yakin tambah umat tambah nikmat
Anjeun teh anak Mamah Apa pituin lahir batin, Anaking... tapi kahade tuh
punjung heula Indung nu ngandung, lamun hirup hayang nanjung, prak geura
puja Bapa nu ngayuga, lamun hidep hoyong bagja tur waluya.
Ceuk piwuruk sepuh kudu tungkul ka jukut, ulah tanggah ka sadapan.
Lieuk ka hareup, ngala sajeujeuh, sawang ka tukang, ngala salengkah, upama
lunta ulah ingkar. Prak baca Bismillah geura lunta anaking eusian kahirupan
ku kahuripan, ngawangun rumah tangga anu sakinah, mawadah, warrohmah.