TUWING mayroong mga napakikinggang ulat panahon sa mga
telebisyon at dyaryo, iisa agad ang dumadaing sa utak ng bawat isa—sakuna. At tuwing mayroong paparating na bagyo, inaasahan ang kaakibat nitong malakas na pag-ulan at malakas na hangin kasunod ng pagbaha ng karamihan ng kalsada sa kamaynilaan at sa iba pang lugar na sakop ng bagyo. Sa bawat mapakikinggang ulat panahon, mayroong kaakibat na mga pagpapaalala sa dulo; mag-ingat, maghanda at maging alerto.
Dahil isa na ngayong ganap na bagyo ang namataan pa lamang na
sama ng panahon sa Dinagat Islands ng PAGASA noong nakaraan, ito ay binigyan nang ngalan bilang Nardo. Nang mamataan si Nardo ng alas-10 ng umaga sa layong 290 km sa silangan ng Borongan City, ito ay nagtataglay ng lakas ng hanging 55 kada oras sa gitna ng silangan. Bagamat nabanggit sa ulat na si Nardo ay hindi gaanong makaaapekto ng direkta sa bansa dahil wala pa itong storm warning signals at hindi rin inaasahan ang pag landfall sa iba pang parte ng bansa, maaaring hindi ito gaanong nagdudulot ng pangamba sa mga mamamayan.
Ganunpaman kakailanganin pa rin ng karamihan ang ilan sa mga
paalalang magsisilbing gabay sa masamang dulot ng bagyo. Kinakailangang isaisip ang mga paalala upang makaiwas sa mas malala pang masamang pwedeng maidulot nito sa kaligtasan ng lahat. Ilan sa mga kaakibat ng bagyo bago pa man ito mamuo ay ang Storm Surge o Daluyong Bagyo na isang abnormal na pagtaas ng tubig sa dalampasigan sanhi ng low-pressure na panahon, na nagdudulot ng malalakas na hangin at pag-ulan, na maaaring mamuo bilang bagyo, at sa pagpasok ng bagyo, kung ito ay sadyang magiging malakas at mataon pa ang pag-landfall sa bansa ay maaaring magdulot ng matinding pagbaha.
Bagamat hindi gaanong makaaapekto ng direkta sa bansa ang
bagyong si Nardo, ang paghahanda sa bawat kalamidad ay kinakailangan para sa kaligtasan ng bawat isa.