COURSE MODULE Don Carlos Polytechnic College

MODULE WEEK NO.2

Purok 2, Poblacion Norte, Don Carlos, Bukidnon

Telephone Number: 09362264300

College of Education/Teacher Education Department

FIL .3: Introduksyun sa Pamamahayag
Semester of A.Y. 2020-2021

Introduksiyon

Ang balita ay isang imformasyon hinggil sa isang pangyayaring naganap na, nagaganap pa lamang,
o magaganap pa sa isang tiyak na hinaharap, ngunit hindi pa alam ng marami, na may kaugnayan sa
kabuhayan, katahimikan, edukasyon, pulitika, kultura, isports, kalusugan at/o paniniwalang
Rationale
panrelihiyon.

Sa modyul na ito, tatalakayin natin ang kahulugan, katangian, sangkap, at uri ng balita upang
mapalawak ang kaalaman natin tungkol sa paligid at nabibigyan tayo ng dagdag karunungan.

Intended Learning Outcomes

A. Naipapaliwanag ang pagkakaiba ng Balitang Batay sa Pakikipanayam at BalitangBatay sa

Talumpati .
B. Nakakasulat ng isang sanaysay tungkol sa balita
C. Nakasusulat ng sariling balita

Activity
Panuto: Gumawa ng sariling sanaysay tungkol sa balita.

Diskusyon

MODYUL SA FILIPINO
FIL. 3 INTRODUKSYON SA PAMAMAHAYAG
PAGSULAT NG BALITA
Ang balita ay napapanahon at makakatotohanang ulat ng pangyayaring naganap na, o
magaganap pa lamang. Ito ay maaaring maibaghagi sa pamamaraang pasalita, pasulat at patingin.
Pasalita ito, kung ang ginawang midyum ay ang radio; pasulat naman kung ito ay ipinapalimbag sa
pahayagan, magasin at iba pang babasahin at; pampaningin kung ito ay nasa telebisyon.

Mga Katangian ng Balita

1. Kawastuhan. Ang mga datos ay inilalahad nang walang labis at walang kulang.
2. Katimbangan. Inilahad ang mga datos ng bawat panig ng isang kontrobersal na isyu na
timbang at walang pinapanigan.
1
Crafted by Mariel Bandada
COURSE MODULE MODULE WEEK NO.2
3. Makatarungan. Katotohanan lamang ang inilalahad at walang bahid ng pagkiling sa
alinmang panig na sangkot.
4. Makatotohanan. Ang mga impormasyon ay tunay at hindi gawa-gawa lamang.
5. Kaiklian. Diretsahan ang paglalahad ng datos at hindi maligoy.
6. Napapanahon. Ang pangyayari ay bago pa lamang naganap.

Mga Sangkap ng Balita

1. Kapanahunan. Ang balita ay bago pa lamang nangyari o maaari ring matagl nang nangyari
ngunit ngayon lamang natuklasan. Halimbawa rito ay ang isang batang matagal nang nawala
at ngayon lamang natuklasan na ginahasa at pinatay ng aksidenteng mahukay ang kanyang
bangkay sa bakanteng lote na pagtatayuan sana ng bahay.
2. Kalapitan. Mas interesado ang mga tagapakinig o mambabasang malaman ang mga
pangyayari sa kanilang paligid o pamayanan kaysa sa malalayong lugar.
3. Kabantugan. Ito ay tumutukoy sa pagiging prominente o kilala ng taong sangkot sa
pangyayari.
4. Kakatwahan o kaibahan. Tinatalakay nito ang mga pangyayaring hindi karaniwan.
Halimbawa nito ay ang isang balita tungkol sa isang taong nangagat ng aso o isang hayop na
dalawa ang ulo.
5. Tunggalian. Ito ay tumutukoy hindi lamang sa labanan ng tao laban sa kapwa tao, maaari
rin itong pakikibaka ng tao laban sa kalikasan o ng tao laban sa kanyang sarili.
6. Makataong Kawilihan. Ito ay tumutukoy sa mga pangyayaring pumupukaw sa iba’t ibang
uri ng emosyon: pag-ibig, poot, silos, sampatiya, inggit at iba pa.
7. Romansa at pakikipagsapalaran. Tinatalakay rito hindi lamang ang buhay-pag-ibig ng
isang tao katulad ng mga artista at mga prominenteng tao kundi ang pakikipagsapalaran ng
mga ordinaryong tao tulad ng pagliligtas ng batang si Rowena Mahilom sa kanyang mga
kapatid sa nasusunog nilang buhay.
8. Pagbabago at kaunlaran. Anumang pagbabago at kaunlarang nangyayari sa pamayanan ay
maaring paksain ng balita tulad ng pagpapatayo ng mga bagong gusali, kalsada, pamilihang
bayan at iba pa.
9. Bilang o estadistika. Halimbawa nito ay ang mga ulat tungkol sa pananalapi tulad ng palitan
ng piso sa dolyar, resulta ng eleksyon, mga nanalong numero ng suwepstik at iba pa.
10. Kahalagahan. Inilalahad ito hindi lamang sa kabuluhan ng pangyayari kundi kung paano ito
nakaapekto sa mga mambabasa.
11. Pangalan. Tumutukoy ito sa mga pangalang nasasangkot sa balita tulad ng mga nakapasa sa
mga board examination.
12. Hayop. Anumang pangyayari na sangkot ang mga hayop tulad ng inakay ng Philippine
Eagle mula sa itlog na nabuo sa pamamagitan ng artipisyal na inseminasyon.
13. Kalamidad. Kapag nagkaroon ng malakas na bagyo, lindol, pagputok ng bulkan at iba pa,
karaniwang pinapaksa ng balita ang mga pinsalang dulot nito.
14.
Mga Uri ng Balita
A. Ayon sa istilo ng pagkalahad ng datos
 Tuwirang balita. Diretsahan ang pagkakahanay ng mga datos at ginagamitan ng
kombensyonal o kabuuang pamtnubay.
 Pabalitang lathalain. Hindi diretsahan ang paglalahad ng mga datos at ginagamitan
ng makabagong pamatnubay.

B. Ayon sa Lugar na pinangyrihan

2
Crafted by Mariel Bandada
COURSE MODULE MODULE WEEK NO.2
 Lokal na balita. Saklaw ang mga pangyayaring naganap sa pamayanang
kinabibilangan ng tagapakinig o mambabasa tulad ng barangay, bayan, lalawigan,
rehiyon at bansa.

C. Ayon sa nilalaman
 Balitang pang-agham at teknolohiya
 Balitang pangkaunlaran komunikasyon
 Balitang pang-isports o pampalakasan

D. Ayon sa pinagbabatayan o pinagkukunan

 Balitang batay sa aksyon. Ang manunulat o mambabalita ay naroon mismo sa lugar
na pinangyayarihan ng aksyon o kaganapan.
 Balitang batay sa tala. Ang pinagbabatayan ng balita ay ang mga talang nakalap mula
talaan ng pulisya, ospital, punerarya at ahensyang kinauukulan ng pangyayari.

E. Ayon sa pagkakaayos o pagkakaanyo sa pahina

 Balitang may iisang tala. Ito ay tumatalakay sa iisang pangyayari lamang.
 Balitang may higit sa isang talang itinampok. Ito ay naglalahad ng higit sa isang
pangyayaring naganap sa iisang araw at halos magkaparehong oras.
 Balitang kinipil. Ito ay balitang pinaikli na lamang dahil sa kawalan ng sapat na
espasyo sa pahina.
 Dagliang balita. Ito ay pahabol na balita na dahil sa kawalan ng espasyo ay ay
nillagyan na lamang ng salitang Flash at kasunod nito ang isang linya o talatang
nilalaman.
 Balitang pangkatnig. Ito ay maikling balita na isinulat nang hiwalay ngunit kaagapay
sa kaugnay na pangunahing balita.
 Bulitin. Ito ay pahabolna balita at karagdagan sa mahalagang balita at inilagay sa
pangmukhang pahina na nakakahon at nasa tipong mariin.

F. Ayon sa pagkakalahad ng nilalaman

 Balitang pamukaw –kawilihan. Ito ay karaniwang balita tungkol sa tao, bagay, hayop
o anumang bagay na umaantig sa damdamin ng mambabasa.
 Balitang nagpapakahulugan. Ito ay nagpapaunawa sa mambabasa tungkol sa dahilan,
sanligan, katauhan ng pangunahing sangkot at kahalagahan ng isang pangyayari.
 Balitang may lalim. Ibinabatay ito sa masusing pananaliksik ng manunulat tungkol sa
sanligang nakikita o nasaksihang pangyayari.

Pangalap ng Impormasyon sa balita

1. Aktwal na pangangalap ng mga datos sa pinangyarihan ng balita.
2. Pagsulat mula sa mga dokumentaryo tulad ng talumpati, ulat ng pananaliksik, mga tala
ng mga ahensya tulad ng pulisya, ospital at iba pa.
3. Pakikipanayam

Mga Dapat Tandaan sa Pangangalap ng Balita

Sa kanyang aklat na Philippine Journalism Handbook, inisa-isa ni Jaime B. Ramirez ang
sumusunod na mga dapat tandaan sa pangangalap ng balita:
1. Panoorin mo nang personal. Hanggat maaari, pumunta sa pinangyarihan upang makakuha
3
Crafted by Mariel Bandada
COURSE MODULE MODULE WEEK NO.2
ng mga pangunahing impormasyon.
2. Maghanap ng taong nakakaalam. Kung nabigo kang mapanood nang personal ang
pangyayari, maghanap ka ng taong naroon na higit na nakakaalam sa pangyayari upang
makunan mo ng impormasyon.
3. Ihambing ang mga bersyon. Beripikahin ang kawastuhan ng mga datos sa pamamagitan ng
pangalap at paghahambing ng maraming bersyon mula sa mga testigo.
4. Kailangan makuha mo ang bawat panig ng balita. Kung isang panig lamang ang nakunan
mo ng impormasyon, sabihin mo sa istorya. Ilahad mo kaagad ang kabilang panig pagkakuha
mo ng impormasyon bilang balitang panubaybay.
5. Huwag kang sumuko agad. Ang pangangalap ng balita ay nakapapagod na gawain, ngunit
kung nais mong magtagumpay sa propesyong ito, kailangan mong maging sobrang
matiyaga.
6. Pagbutihin mo ang pakikitungo at pagiging magalang. Huwag magnakaw ng sobrang
panahon sa kinakapanayam. Bilisan mo ang pagkuha ng datos.
7. Maging palakaibigan. Pahalagahan ang mapagkakatiwalaang mga importante lalo na sa
lugar na pinagtatalagahan sa iyo. Kung maaari, banggitin sila bilang pinagkunan mo ng
impormasyon.
8. Ilimbag ang bawat balita. Ang pinakapangunahing papel ng reporter ay ipabatid sa publiko
ang balita. Ang hindi pagpapalimbag ng balita ay nangangahulugang pagkakait sa publiko ng
impormasyong dapat nilang malaman.

Pakikipanayam
Ang pakikipanayam ay isang sining ng pangangalap ng mga impormasyon ukol sa isang paksa
mula sa mga taong awtoridad. Ito ay galing sa salitang-ugat na panayam na nangangahulugang
tanong at sagot sa pagitan ng dalawang tao.
Mahalaga talaga para sa isang manunulat ang malaman ang mga kaalamang dapat tandaan sa
pakikipanayam sa paraang ito maipaabot niya sa mga mambabasa ang mga kaganapan sa paaralan at
pamayanan na tumpak at walang kinikilingan. Sa pamamagitan din nito, kadalasan ito ang
nagbibigay inspirasyon sa mambabasa upang lalo pang mapabuti ang sariling katauhan.
Dalawang Uri ng Pakikipanayam ayon sa Paksa
1. Pormal. Ito ay isang panayam na itinakda upang makaharap ang kinakapanayam at
kumakapanayam.
2. Impormal. Ito ay panayam na hindi sinadya at nagkataon lamang. Tinatawag rin itong
ambush interview. Halimbawa rin dito ang pakikipanayam sa telepono at liham.

Mga Uri ng Pakikipanayam ayon sa Paksa

 Paktwal. Ang layunin nito ay makapangalap ng mga impormasyon tungkol sa isang
pangyayari o sa isang napapanahong isyu.
 Pangkatauhang-dagli. Ito ay may layuning ilarawan ang positibo at negatibo o kakaibang
pag-uugali ng isang kilalang tao sa pamayanan, pelikula at iba pang larangan.
 Talambuhay. May layunin itong isalaysay ang buhay ng mga prominenteng tao na maaaring
magsilbing inspirasyon sa iba.

Mga dapat tandaan sa pakikipanayam

1. Sulatan, tawagan sa telepono o makipagkita nang personal sa taong kakapanayami n upang
higin ang kanyang pahintulot at maitakda ang oras at lugar ng pakikipanayam.
2. Bago ang aktwal na pakikipanayam, ihanda ang mga tanong at ihanay ang mga ito ayon sa
pababang kahalagahan.
4
Crafted by Mariel Bandada
COURSE MODULE MODULE WEEK NO.2
3. Maging maaga sa pagdating sa itinakdang lugar ng panayam.
4. Maging magalang at huwag kaligtaang ipakilala ang sarili sa kinakapanayam.
5. Unahing iatnong ang mahahalagang tanong. Kailangan ito lalo na sa ambush interview kung
saan ang kinakapanayam ay maaaring magmadali rin bigla na lamang aalis.
6. Maging mabuting tagapakinig upang makapagbigay ng kaugnay na follow up na mga
tanong.
7. Huwag sumabad at makipagtalo sa kinakapanayam. Pabayaan mo siyang magsalita upang
makakuha ka ng mga sagot mula sa kanya.
8. Sarilinin moang anumang personal na bayas tungkol sa pakikipanayam. Kung may hind aka
nagustuhan sa kanyang sinabi, pabayaan mo na.
9. Laging maging mamahayag. Kahit na ang kinakapanayam ay isang kaibigan o kakilala,
tiyaking ihiwalay ang trabaho mo at sa inyong relasyon.
10. Bayaran ang iyong obligasyon.
11. Huwag ipakita ang anumang di-pagkapalagay kahit na ang kinakapanayam mo ay tila
walang kalatuy-latoy kausap.
12. Maging mapitagan. Tandaang ang kinakapanayam ay nagbihgay ng kanyang panahon upang
mapaunlakan ka.
13. Tiyaking naitala mo ang pakikipanayam sa pamamagitan ng esteno o tape recorder.
14. Kun g kailangang kunan ng larawan ang kinakapanayam, hilingin ang kanyang pahintulot.

Mga Hakbang sa Pagsulat ng Balita

 Ilista ang nakalap na mga datos.
 Isaayos ang mga datos ayon pababang kahalagahan.
 Gawing mabisa at kawili-wili ang pamatnubay.
 Ilahad ang iba pang mga detalye ng balita sa susunod na talata upang masagot ang iba pang
mga tanong.

Mga Dapat Tandaan sa Pagsulat ng Balita

1. Isulat kaagad ang balita matapos makalap.
2. Itala ang mga datos ayon sa pababang kahalagahan.
3. Unahing itampok ang pinakamahalagang datos bilang pamatnubay.
4. Huwag isulat ang lahat ng kasagutan sa mga tanong na Ano, Sino, Saan, Kailan, Bakit at
Paano sa isang pangungusap lamang kung ito ay makasira sa kaisipan ng talata at makalito sa
mambabasa.
5. Tiyaking wasto ang inilahad na mga dtos.
6. Ibigay ang awtoridad o pinagkunan ng balita upang mapalakas ang tiwala ng mambabasa sa
kawastuhan ng istorya at upang mapangalagaan ang pahayagansa anumang makalibelong
pannalita.
7. Ipakilala ang pangalang nabanggit. Kung ang tao ay maraming titulo, gamitin ang anumang
may kaugnayan sa mga datos ng istorya.
8. Iwasang magbigay ng opinyon sa balita.
9. Gawing maikli ang talata.
10. Gumamit ng payak na salita.
11. Gawing maikli ang pangungusap at pag-iba-ibahin ang haba nito.
12. Huwag ilagay aang sarili sa balita o gumamit ng unang panauhan.
13. Hanggat maaari, gamitin ang pangungusap na tukuyan kaysa sa balintiyak.
14. Ihiwalay ang mga tuwirang sabi sa di-tuwirang sabi sa pagtatalata.
15. Ilahad aang dalawang panig ng mga taong sangkot sa balita.
5
Crafted by Mariel Bandada
COURSE MODULE MODULE WEEK NO.2
16. Gawing pasalita ang bilang isa hanggang siyam at gawing tambilang ang 10 pataas. Ngunit
kung ito ay nasa panimula ng pangungusap, isulat ang lahat ng tambilang sa pasalita.
17. Huwag uliting gamitin ang mahalaga o di-karaniwang salita sa isang pangungusap.
18. Iwasan ang pag-uulit ng mga sugnay, parirala at iba pang mga katuladnitong gramatikong
kayarian.

Kaayusan ng Balita
Ang kaayusan ng paglalahad ng mga datos sa balita ay sumusunod sa balgtad na payramid:

Pangunahing Pamatnubay
Pangalawang Pamatnubay
Kasunod na Mahahalagang
Datos
Di-gaanong
Mahahalagang
Datos

Mga Kabutihan ng Piramideng Kaayusan ng Balita

Ang paglalahad ng mga datos sa piramideng kaayusan ay nakapagbibigay ng mga sumusunod
na kabutihan:
1. Napapadali ang pagbasa
2. Napapadali ang pag-aayos ng espayo
3. Napapadali ang pagsulat ng ulo ng mga balita dahil sa unang dalawang talata na naglalaman
ng mahahalagang datos ay maaari nang mapagkunan ng itatampok sa ulo ng balita.

Ang Pamatnubay
Pamatnubay ang tawag sa una at sa pangalawang talata ng balita. Nagsisilbi itong pang-akit sa
mga mambabasa dahil dito ang pinakabuod ng balita. Sa akdang lathalain o pabalitang lathalain, ito
ay maaaring isang salita, parirala, pangungusap o isang talata lamang.

Mga Uri ng Pamatnubay

1. Kombenyonal o kabuuang pamatnubay. Sinasagot nito ang mga tanong na Ano, Sino,
Saan, Kailan, Bakit at Paano.
2. Makabagong pamatnubay. Ginagamitan ng pangganyak na panimulaang akda upang
pukawin ang interes ng mambabasang basahin ang kabuuan nito.

Mga Uri ng Kombersyonal na Pamatnubay

1. Pamatnubay na Ano. Ito ay ginagamit kapag ang pinakatampok ng balita ay pangyayari.
2. Pamatnubay na sino. Ginagamit ito kapag ang tao o pangkat ng mga tao o organisasyong
sangkot sa pangyayari ay higit na mahalaga kaysa sa kaganapan.
3. Pamatnubay na Saan. Ito ay ginagamit kapag higit na mahalaga ang lugar na
pinangyarihankaysa sa pangyayari o mga taong sangkot nito.
4. Pamatnubay na Kailan. Hindi gaanong gaiting pamatnubay dahil ginagamit lamang ito kung
higit na mahalaga ang petsa kaysa sa iba pang aspeto ng pangyayari.
5. Pamatnubay na bakit. Ginagamit ito kung ang dahilan o sanhi ng pangyayari ang
pinakamahalagang datos sa balita.
6. Pamatnubay na Paano. Ginagamit ito kung ang pinakamabisang anggulo ng balita ay ang
6
Crafted by Mariel Bandada
COURSE MODULE MODULE WEEK NO.2
kaparaanan ng pangyayari.

Mga Uri ng Makabagong Pamatnubay

1. Patanong. Ginagamt itong batayan upang linawin sa mambabasa ang paksa sa pamamagitan
ng pagbibigay ng kasagutan nito.
2. Siniping sabi. Ito ay ginagamit kapag ang sinabi ng isang tao, lalo na kung kilala, ay higit na
makatawagan-pansin o mas mahalaga kaysa sa taong pinagkunan.
3. Paglalarawan. Ginagamit ito upang makakintal ng isang malinaw na larawan sa
mambabasa.
4. Isang salita. Sinisimulan ang lathalain sa isang makatawag-pansing salita.
5. Panggulat. Ginagamitan ng isang pariralang panggulat na panimula.
6. Paghahambing. Sinisimulan ang lathalain sa pamamagitan ng isang paghahambing.
7. Sanligan. Ito ay isang paglalarawan ng pangyayari kung saan ang pook na pinangyarihan ay
higit na makatawag-pansin kaysa sa mga taong sangkot.
8. Parodya. Binubuo ito ng mga palasak na kasabihan, kanta, tula, aklat o pamagat ng pelikula.
9. Pamatnubay na kakatwa. Ginagamita ito ng tipograpikong epekto upang mapalakas ang
hatak sa kawilihan ng mambabasa.
10. Hiwa-hiwalay na salita o parirala. Binubuo ito ng serye ng mga salita o parirala na
binabantasan ng mga tuldok, kuwit o gatlang.
11. Pasalaysay. Inilapit ang mambabasa sa istorya sa pamamagitan ng pagbibigay sa kanya ng
pagkakataong iugnay ang sarili sa tauhan nito.
12. Panukso. Gianagamit ito upang dayain sa pamamagitan ng pabirong pamamaraan ang
mambabasa at mapukaw ang kanyang kuryusidad na basahin ang istorya.
13. Pontse. Ito ay isang maikli at makatawag-pansing pamatnubay.

Mga Dahilan ng Paggamit ng makabagong Pamatnubay

1. Mapabuti ang kalidad ng pagiging basahin ng akda
2. Mapukaw ang kawilihan ng mambabasa
3. Maragdagan ang kalakasan at kulay ng akda
4. Mahamon ang kakayahan ng manunulat

Kailan Ginagamit ang Makabagong Pamatnubay?

1. Kung mayroong mga datos na hindi pantuwirang balita sa kabuuan
2. Kung may mga datos na mas higit na kawili-wili kung gamitan ng kakaibang paraan sa
paglalahad nito
3. Kung paggamit ng makabagong pamatnubay ay tila natural lamang, angkop at malaya
4. Kung ang layunin ng pamatnubay ay pukawin ang kawilihan ng mambabasa

Mga Dapat Tandaan sa Pagsulat ng mabisang Pamatnubay

1. Gumamit ng payak na pangungusap.
2. Huwag pabigatin ang panimulang talata sa pagsagot sa mga tanong na Ano, Sino, Saan,
Kailan, Bakit at Paano. Tandaan ang pangalawang talataay pangalawang pamatnubay rin.
3. Huwah uliting gamitin ang mahalaga o di-karaniwang salita sa isang pangungusap.
4. Hangga’t maaari, iwasan ang paggamit ng mga pantukoy tulad ng ang, ang mga, si, sia at iba
pa, bilang panimulang salita sa pamatnubay.

Mga Tuntunin sa Pagtatalata ng Balita

1. Ang talata sa balita ay hindi dapat sumusobra sa 75 na salita.
7
Crafted by Mariel Bandada
COURSE MODULE MODULE WEEK NO.2
2. Ilagay ang mahahalagang datos sa unahan ng talata.
3. Iwasan ang paggamit nang paulit-ulit ng mga salita, mga sugnay o iba pang katulad na
gramatikong kayarian sa simula ng magkasunod na talata.
4. Huwag ilagay ang tahasang sabi at buod nito sa isang talata.
5. Ang isang pangungusap na talata ang pinakagamitin sa balita, ngunit kung hindi maiiwasan
ang paggamit ng mahigit sa isang pangungusap, hindi dapat ito sumobra sa tatlo.
6. Gawing maikli ang pangungusap sa talalaan. Hangga’t maaari, hindi ito lalampas sa 15-20
salita. Ang pangungusap sa higit sa 30 salita ay maaaring mahirap nang maunawaan.
7. Isaayos ang mga talata ayon sa pababang kahalagahan upang kung kukulangin ng espasyo ay
maaaring putulin ang mga huling talata na hindi naapektuhan ang nilalaman nito.

Mga Katangian ng Isang Manunulat ng Balita

1. Matalas ang pang-amoy sa balita
2. Alam niya kung saan makukuha ang mga datos
3. Alam niya kung anong anggulo ng pangyayari ang itatampok upang maging mabisa ang
pagsulat ng balita
4. Madaling matutukoy ng pangyayari na karapat-dapat ilimbag bilang balita
5. Mapagtanong
6. Matiyaga
7. Makatarungan at walang kinikilingan
8. Totoong interesado sa tao
9. Lagging mapaghanap ng buong katotohanan
10. Mapamaraan
11. Maaasahan
12. Mapanagutan
13. Malawak ang kaalaman sa talasalitaan at gramatika
14. Alam ang sariling kalakasan
15. Mapagbasa

Mga Hlimbawa ng Balita

1. Balita ng Batay sa Pakikipanayam
2. Balitang Batay sa Talumpati

Exercise

Panuto: Ipaliwanag ang pagkakaiba ng Balitang Batay sa Pakikipanayam at BalitangBatay sa

Talumpati.

Assessment

Gawain: Sumulat ng sariling balita hinggil sa sumusunod:

a. Pagdaraos ng iyong sariling kaarawan, kaarawan ng iyong kapatid, ng iyong ina o
kaya’y ng iyong ama.
b. Isang aksidente ng sasakyan na malapit sa inyong lugar, o aksidente na nakita sa
internet.
Reflection

Mahalaga ba ang balita sa ating buhay? Ano ang naging ambag nito sa ating buhay?
8
Crafted by Mariel Bandada
COURSE MODULE MODULE WEEK NO.2

Resources and Additional Resources

 Gelly E. Alkuino (Pampaaralang Pamahayagan sa Nagong Henerasyon) 2008

9
Crafted by Mariel Bandada