Ma. Theresa D.

Jandugan BSEd-Filipino III

Malikhaing Pagsusulat

Gawain. Pagsusuri ng Tula

Ang Masel ni Aling Maria

German Gervacio

Pagkilala sa may-akda:

Ang tulang pinamagatang “Ang Masel ni Aling Maria” ay isinulat ni German V.

Gervacio. Isang guro ng wika at panitikan sa Mindanao State University-Iligan Institute of
Technology. Isa sa mga unang naka-TOMA (Ten Outstanding MSU-IIT Alumni). Siya ay
estudyante ng Ph.D. Malikhaing Pagsulat sa UP-Diliman, miyembro ng Board of Directors ng
Mindanao Creative Writers Group, Inc. at Resident Panelist ng Iligan National Writers
Workshop. National fellow din siya sa tula ng 50th (2011) UP Likhaan National Writers
Workshop. Ilan sa mga napagwagian na niya ay mga Palanca Award sa tula, maikling kathang
pambata at maikling kuwento, at ang HomeLife Magazine National Poetry Competition. Katha
niya ang Hari Manawari, Si Tanya, Ang Uwak na Gustong Pumuti, Babuyan Island at 101
Bugtong na Hindi Alam ng Titser Mo. Kasalukuyan niyang tinatapos ang Hari Manawari
(Adbentyur II).

Estruktura:

I. Sukat, Saknong at Taludtod

Ang tulang “Ang Masel ni Aling Maria” ay nasa malayang taludturan na kung
saan walang sinusunod na sukat at hindi isinasaalang-alang ang tugma sa bawat taludtod.

II. Teoryang Pampanitikan

Ang tulang “Ang Masel ni Aling Maria” ay may teoryang feminismo na kung
saan tumutukoy ito sa mga prinsipiyo o paniniwalang dapat maging pantay ang mga
babae at mga lalaki sa pagtamasa ng mga karapatang sosyal, ekonomiko, at politikal.
Bilang isang teoryang pampanitikan, layunin nito ang maunawaan ang di pagpakapantay-
pantay ng mga lalaki at mga babae.

III. Paksa o kaisipang taglay ng may-akda

Ang tula ay tungkol sa buhay ng magulang na nag susumikap maiahon lang ang
pamilya sa buhay.

IV. Diwa
Karanasan ng isang ina
V. Simbolismo
Masel- masasalamin ang sakripisyo ng isang ina sa hamon ng buhay.
VI. Himig
Paghahangad ng pahinga
VII. Implikasyon

Mensahe- Bilang isang anak at studyante kailangang magsumikap sa pagaaral

upang makatulong sa pamilya at mabayaran ang mga sakripisyong naranasan ng isang
magulang.