Pananaw ng mga Mag-aaral na nasa Senior Hayskul sa Kasanayan sa Pagtuturo ng

mga Gurong Hindi Meyjor sa Filipino

KABANATA 1

PANIMULA

Mahalaga ang ambag ng mga dakilang guro na nagsisilbing tulay sa pagtatatag ng

kinabukasan at kaunlaran ng sangkatauhan sa mundong ating ginagalawan. Sa kanilang

malawak na kaaalaman, karunungan, timbang na pagpapasiya, mayamang karanasan,

determinasyong magtagumpay sa isang larangan ng buhay, umaani sila ng mataas na

pagkilala at paggalang mula pa sa sinaunang panahon hanggang sa kasalukuyan. Hitik ang

mga pahina ng kasaysayan sa mga dakilang pari, propeta, pilosopo, henyo at mga gurong

naging tuntungang bato ang kanilang mga pilosopiya, paniniwala, teorya at ıisipan sa

paglinang ng edukasyon mula pa sa mga maharlika patungo sa mga karaniwang

mamamayan.

Ayon kay Bro. Armin Luistro ng DepEd (2012) sa pambansang pagsasanay, sa

pagnanais na mapaunlad at makasunod ang Pilipinas sa international standards sa basic

education, isang malawakang reporma ang itinaguyod ng administrasyon sa pagpasok ng K

to 12 curriculum. Umani man ito ng batikos sa magkakahiwalay na kampo ng mga

magulang at iba pang stakeholders, hindi napaawat ang agarang pagpapatupad nito dahil

iniisip ng Kagawaran ang benepisyong pangmatagalan sa higit na angkop na career

pathways at mga kasanayan para sa mga mag-aaral, higit na kahandaang magkolehiyo,

maliban pa sa pagtaas ng bahagdan ng empleyo nila pagkatapos ng kanilang pagkatapos sa

Senior High School batay sa socio-economic standards na 12 taon sa Batayang Edukasyon

sa Asia Pacific Region, Amerika at Europa. Bagaman radikal ang pagbabago at agaran ang

pagpapatupad ng bagong kurikulum na K to 12 sa Pilipinas, ang buhay at tagumpay nito ay

nakasalalay nang malaki sa mga buhay na bayani na magsusulong ng makinarya ng

pagbabago tungo sa mga repormang kailangan sa mga paaralan, lipunan at pamahalaan.

Umaasa ang mga liderato ng Kagawaran pati ang mga pinunong pampaaralan sa mga

gurong nasa unang hanay upang magsilbing sulo na magliliwanag sa madilim na landas

nang matagal na pakikibaka laban sa kamangmangan, kahirapan, inhustisya, katiwalian,

suliraning pangkapaligiran at katamlayang mapursigi ng pagbabago.

Ang kahingian ng mataas na kalidad ng edukasyon na tutugon sa pangangailangan

ng mga mag-aaral sa ikadalawangpu’t isang siglo ay pinaniniwalaang makukuha lamang

kaugnay ng mataas na uri ng paturuan. Maisasakatuparan lamang ito kung ang mga guro ay

may mataas na pananagutan, disiplina, kakayahan, tiwala sa sarili at may tunay na

malasakit sa kabuuang kaunlaran ng kanilang mga mag-aaral.

Ang Departamento ng Filipino ay kasama sa malaking pwersa na inaasahang

magsusulong sa mga ideya ng pagbabago sa sistemang pang-edukasyon sa ating bansa.

Subalit sa malawakang obserbasyon at pagsuri ng mga mananaliksik sa profayl ng mga guro

ay natuklasang talamak sa mga nagtuturo ay hindi medyor sa asignatura. Masaklap pa ring

matuklasang ito’y hindi lamang totoo sa Filipino bagkus ito’y talamak na problema maging

sa ibang asignatura. Makapangyayari ang ganitong sitwasyon dahil sa kakulangan ng

kwalipikadong guro sa ilalim ng Registry of QuaIified AppIicants (RQA) sa sangay kaya’t

napipilitang kumuha ng di-medyor sa asignatura. Dagdag pa rito, sa bisa rin ng mga “tag

items”’ noon ay nabigyan ng dagdag na mga guro ang mga paaralan bagaman ang medyor

nila ay hindi kailangan, kaya napilitan ang mga itong magturo sa hindi nila espesyalisasyon.

Ito ay isang dahilan din ng paglobo ng bilang ng mga di-medyor sa iba’t ibang asignatura na

kailangang masolusyunan.

Ang tindi o lawak ng suliranin ay maaaring magkaiba subalit, isang nagdudumilat na

katotohanan na kakaunti ang kumukuha ng medyor sa Filipino, kung kaya’t di makasapat sa

pangangailangan ng mga paaralan. Bunga nito, ang siklo ng pagkuha ng mga bagong gurong
di-medyor sa asignatura ay patuloy na umiiral. Isang isyu kung ganoon ay ang uri ng

pagtuturo na aasahan sa mga hindi medyor sa asignatura. Kaakibat ng isyung ito ang mga

pananaw o saloobin ng mga mag-aaral sa kasanayang pagtuturo ng kanilang gurong hindi

medyor sa Filipino ang nais pag-aralan ng mga mananaliksik.

Gayunpaman, batid nating lahat na hindi makaaasang magiging napakahusay ang

mag-aaral kung hindi mahusay ang modelo – ang mga guro (Geronimo, 2015).

PAGLALAHAD NG SULIRANIN

Nilalayon ng pag-aaral na ito na matukoy ang pananaw ng mga mag-aaral na nasa

Senior Hayskul sa kasanayan sa pagtuturo ng kanilang mga gurong hindi meyjor sa Filipino.

Ang pag-aaral ay naglalayong sagutin ang mga sumusunod na katanungan:

1. Paano ilalarawan ang profayl ng mga mag-aaral na kalahok sa pag-aaral batay sa mga

sumusunod:

1.1 Edad

1.2 Kasarian

1.3 Paaralan

1.4 Nakaraang Kabuuang Grado sa Filipino

2. May kaugnayan ba sa pananaw ng mga kalahok ang kanilang profayl batay sa mga

sumusunod:

1.1 Edad

1.2 Kasarian

1.3 Paaralan
 1.4 Nakaraang Kabuuang Grado sa Filipino

3. Ano-ano ang pananaw ng mga mag-aaral na kalahok kaugnay sa kasanayan sa pagtuturo

ng kanilang mga gurong hindi meyjor sa Filipino?

4. Ano-ano ang ginagawa ng mga kalahok upang matugunan ang mga obserbasyon at

karanasan sa klase kaugnay ng ipinakitang kasanayan ng gurong hindi meyjor sa Filipino?

SAKLAW AT LIMITASYON

Ang pananaliksik na ito ay tumutuon lamang sa pagkalap ng datos na nakapagsasabi

kung ano ang pananaw ng mga mag-aaral sa kasanayan sa pagtuturo ng mga gurong hindi

meyjor sa Filipino. Saklaw ng pag-aaral ang paglalarawan sa profayl ng mga kalahok na

mag-aaral, ang kaugnayan nito sa kanilang pananaw na kapalolooban ng kanilang edad,

kasarian, paaralan at nakaraang kabuuang grado sa Filipino, ang pananaw ng mga mag-

aaral na kalahok kaugnay sa kasanayan sa pagtuturo ng kanilang mga gurong hindi meyjor

sa Filipino, at ang ginagawa ng mga kalahok upang matugunan ang mga obserbasyon at

karanasan sa klase kaugnay ng ipinakitang kasanayan ng gurong hindi meyjor sa Filipino

Nililimatahan ng mga mananaliksik ang pag-aaral sa limampung (50) piling mag-

aaral ng Senior Hayskul na magmumula sa Pambansang Mataas na Paaralan ng Labrador,

Pambansang Mataas na Paaralan ng Dulag, at Ramon Magsaysay Integrated School.

Isasagawa ito sa pamamagitan ng sarbey na kung saan ang mga kalahok ay bibigyan ng mga

talatanungan na kanilang tutugunan.

KAHALAGAHAN NG PAG-AARAL

Ang epektibong pagtuturo ay nagsisimula mismo sa kung paano ang interaksyong

nagaganap sa pagitan ng guro at kaniyang mga mag-aaral kung kaya’t mahalaga na matukoy
at malaman ang pananaw ng mga mag-aaral sa pagtuturo ng kanilang gurong hindi meyjor

sa Filipino na siyang magiging isang malaking tulong upang lalo pang matupad ang

pagkakaroon ng epektibong pagkatuto at pagtuturo sa loob ng klasrum o paaralan. Ang

pag-aaral na ito kabilang ang magiging resulta ng pag-aaral ay nararapat na mabatid ng mga

guro at mag-aaral at mailapat sa paghahangad na makamtan ang pagkakaroon ng

makabuluhan at epektibong proseso ng pagkatuto. Karagdagan pa, magbibigay kamalayan

ito sa mga gurong hindi meyjor sa Filipino at lahat ng nagtuturo sa Filipino na pagbutihin

pa ang kanilang pagtuturo kabilang na ang mga estratehiya at instruksiyong isasagawa

gayundin sa mga mag-aaral na kamtin ang pagkatuto sa abot ng kanilang makakaya.

Ang pag-aaral ay magiging kapaki-pakinabang sa mga mag-aaral at lalo na sa mga

guro na responsable sa makabuluhang pagtuturo. At sa mga susunod na pananaliksik o pag-

aaral, ang mga susunod na mananaliksik ay maaaring nila itong magamit sa kanilang pag-

aaral na may kaugnayan dito.

DEPINISYON NG TERMINOLOHIYA

Ang mga sumusunod na salita ay binigyang depenisyon para sa malinaw na

pagkakaunawa sa kasalukuyang pag-aaral.

Pananaw. Ito ay nangangahulugang paraan ng pagsasaalang-alang o pagsusuri sa isang

bagay suliranin o pangyayari. 

Ito rin ay maihahalintulad sa paniniwala ng isang tao. Subalit, ang paniniwala ay

bunga ng pananaw ng isang tao. Sa Ingles, ito ay tinatawag na “Point Of View”.

Senior Hayskul. Karagdagang dalawang taon sa hayskul na may kinalaman sa espisipikong

kurso na tatahakin upang magsilbing paghahanda sa kolehiyo.

Hindi Medyor. "Ibang asignatura o kurso ang natapos.”

LNHS. Labrador National High School

DNHS. Dulag National High School

RMIS. Ramon Magsaysay Integrated School

Quantitative Reasearch. Ang ganitong uri ng pananaliksik ay nauukol sa pag-aaral ng pag-

uugaling panlipunan sa pamamagitan ng mga pamamaraan na may batayan sa

computational.

Sampling Procedure. Nagtitipon ng datos mula sa bahagi ng populasyon.

KABANATA 2

KAUGNAY NA LITERATURA AT PAG-AARAL

Ang kabanatang ito ay tumatalakay sa mga kaugnay na literatura at pag-aaral na

nakatutulong ng malaki sa ginawang pag-aaral dahil nagbibigay ito ng katotohanan upang

mabuo ang pag-aaaral na ito.

KAUGNAY NA LITERATURA

Guro ang susi sa lahat ng suliranin ukol sa mabisang pagtuturo. Kumbaga sa isang
manggagamot, nararapat pulsuhan ng guro ang kanyang mga mag-aaral, damhin at

pakingganang tibok ng kanilang puso, pag-aralan ang sanhi ng kanilang karamdaman bago

lapatan ng kaukulang lunas.

Ayon kay Gleason (Baluca et.al, 2006), ang baryasyon ng wika ay isang katotohanan

sa lipunan na nakabukod sa mga tradisyon ng mga tao at sa mga salik panlipunan na

nakikilala sa iba’t ibang grupong sosyal, kultural at etniko. Gayunpaman, kinakailangan na

mapaghandaan ang anumang pagbabagong magaganap sa wika.

Lumalabas sa mga obserbasyon na patuloy na ipinagsasawalang bahala at

ipinagkikibit ng balikat ng mga mag-aaral at ilang mga guro ang Filipino, pasulat o pasalita

man, dahil mas binibigyang pansin pa rin ang pag-aaral ng Ingles dahil mas nagpapakita ito

ng katalinuhan ng isang tao kaysa magpakadalubhasa sa sariling wika, ayon na rin sa

kinasanayan ng ating lipunan.

Masasabing ang asignaturang Filipino ay isa sa pinakamahirap na asignatura.

Maging sa ating mga kaguruan ay nahihirapan din sa pagtuturo lalong-lalo sa pagtuturo ng

wika sapagkat lubos na malalim ang nais ipakahulugan ng mga paksang aralin. Subalit ang

lahat ng ito ay maaari lamang matamo kung sa pagpapakadalubhasa pa lamang ng mga

magiging guro ay magkakaroon na sila ng masusing pag-aaral ukol sa mga paksang ito.

Subalit dahil na rin sa mga kakulangan ng mga pasilidad at maging mga reperensyal ng mga

mag-aaral na nagpapakadalubhasa sa Filipino ay nawawalan na sila ng sandata at

mahahalagang sangkap upang lubos na magpabulay-bulay ang mga paksang aralin.

Nabanggit sa aklat ni Nenita Porciuncula, na bagamat maituturing na pangunahing

suliranin ang kakulangan sa mga kagamitang panturo, pumapangalawa marahil ay ang

angking kakayahan at kasanayan ng mga gurong nagtuturo ng Filipino bilang asignatura at

bilang wikang panturo. Sa tuwing papasok ang isang panuruang taon, parang walang

pagbabago ang kalagayan ng pagtuturo ng Filipino sa kabila ng pagsisikap ng pangasiwaang

mapaunlad sa tulong ng mga pagsasanay, kapulungan, gawain, pakikipanayam,

pagmamasid, pakitang-turo at marami pang iba. Kasunod sa mga ito ang suliraning

pagtuturo ng mga guro sa Filipino na hindi linya sa kanilang espesyalisasyon.

Ayon kay (De Guzman 2010), sa Pilipinas, ang isang guro ay maaaring magturo ng

iba’t-ibang asignatura sa Junior High Schol at Senior High School. Ang mga gurong ito ay

nagpakadalubhasa sa isang partikular na unibersidad. Gayun pa man, sila ay magtuturo sa

kanilang medyor o magtuturo sila ng ibang asignatura, ibig sabihin hindi nila ito

napaghandaan . Ang pagtuturo ng hindi nila medyor ay isang malaking hamon sa kanilang

sitwasyon. Ang gurong out of field ay nahihirapan sila sa pagsusulat ng mga banghay aralin

at pagsagot sa mga tanong ng mga mag-aaral. Ang mga problemang ito ay karaniwan sa mga

pribadong paaralan na hindi nakahanap ng mga gurong medyor sa asignatura, halimbawa

nito ang guro sa Sience ay naatasan ng punong-guro na magturo ng asignaturang Filipino,

sa puntong ito, isa itong malaking hamon para sa guro na tanggapin at magturo ng

asignaturang Filipino.

Para sa mga guro, ang isang silid aralan na punong-puno ng matatalinong estudyante

ay isang bagay na sa panaginip lang makikita. Pero syempre, nagtuturo ka ng asignaturang

hindi mo linya, isa itong malaking bangungot. Pakiramdam mo isa kang impostor at nag-

aalala ka na mapansin ng mga estudyante, pakiramdam mo para kang bumalik sa pag-aaral

(Bart, 2010).

Para kay Hobbs (2013), ang pagtuturo ng hindi medyor ay mangyari lamang kapag

ang guro ay nagtuturo ng mga asignatura kung saan hindi sila kwalipikado. Ang isyung ito

na patuloy na lumalaki at hindi pa rin nasusulusyunan. Ang isang mahusay na mananaliksik

ay nakipanayam sa mga guro sa mga paaralan upang malaman ang kanilang mga hinaing.

Base sa paksa ng pag-aanalisa, ang magkahiwalay na kadahilanan ay maaaring sariling

kagustuhan para sa pag-aaral at ang pagkakakilanlan bilang guro na wala sa linya ang
pagtuturo. Ang natuklasang ito ay nagbigay ng pananaw sa mga tagapamahala ng paaralan

at mga guro sa kondisyong kinakailangan na ang pagtuturo ay tinuturing na isang

oportunidad ng pagkatuto.

Mahigit isang dekada na ang lumipas, ang kalidad bilang isang guro ang tinututukan

at pinag-uusapang isyu sa edukasyon, ang problemang ito ang pumukaw pansin sa mga

nagtuturo sa hindi pagtanggap ng mataas na pasahod lalo na sa mga nagtuturo sa mga liblib

na lugar. Ang mga mananaliksik at ang mga nagpapatupad ng polisiya ay pinagpapaliwanag

sa patuloy na pagdami ng mga gurong “out of field”. Una dito ay ang kakulangan ng
kahandaan ng mga guro, ibig sabihin nito na ang pagtuturo na wala sa linya ay ang kahinaan

sa paghahanda sa mga guro. Ang ikalawa kung bakit may mga gurong “out of field” ay ang

kakulangan ng mga gurong magtuturo (Caylo, 2015).

Ang mga eksperto ay umaasang ang pangangailangan ng guro ay lalampas sa

pangangailangan para sa K-12 sa mga pampublikong paaralan na humigit 100,000 para sa

mga baguhan, ang dahilan ng lumalaking paghihikahos ay ang maliit na pasahod at ang

kakulangan ng kakayahan na panatilihin ang mga guro. Ang krisis na ito ay naiparating kay

President Donald Trump na nagmungkahi sa paghihiwalay ng Programang Pederal para

matulungan ang mga guro at paaralan. Ang mga distrito at ang Pamahalaang Estado sa

United States ay nilabanan ang kakulangan ng mga guro na magtuturo sa Senior High

School na inaasahang tataas pa sa taong ito (Edelman, 2016).

Ang pagtuturo ng wala sa linya ay nakakaalarma pero ito ay makatotohanan sa mga

paaralan ngayon. Kahit na ang pagtuturo ng kinasanayan mong asignatura ay may mga

paksang komportable ka sa paagtuturo kaysa ibang paksa. Ang mga hindi eksperto ay

nagbibigay ng lakas sa silid aralan. Ang pagtuturo ng hindi mo pamilyar na asignatura ay

para kang umasa ng katotohanan sa iyong mga mag-aaral. May mga suhestyon at

pamamaraan na nakakatulong kung tayo ay nagtuturo sa asignaturang hindi natin

inaasahan. Itanim sa isip na, bilang dalubhasa, mas nakakalamang tayo. Maliban dito, ang
pagtuturo ng wala sa linya ay mapapalawak ang ating kaalaman, magiging interesado sa

bagong pananaliksik, gabay ang mga kasamahan sa trabaho at mapalawak ang ating

kaalaman (Huston, 2009).

KAUGNAY NA PAG-AARAL

Ayon sa pag-aaral ni Transona Jr. (2002), malaki ang ginagampanan ng edukasyon sa

pag-unlad ng isang bansa. At dahil sa paaralan nakabatay ang mga inaasahan at mithiin ng
mga mamamayan patuloy na nagbabago ang sistema nito dahil naiimpluwensiyahan ng

patuloy na pagbabago ng panahon. Sa anumang antas ng pag-aaral, sa bahagi ng pagtuturo

ay hindi maitatanggi ang katotohanang ang isang guro ay isa sa pinakamahalagang sangkap

sa isang paaralan. Sa palad ng mga guro nakasalalay ang mga malilikhaing gawaing

makatutulong at magsisilbing gabay ng mga mag-aaral. Ang antas ng kahusayan ng

alinmang paaralan ay nakasalalay sa pagganap ng mga guro sa pagtuturo.

Ipinaliwanag ni Gurney (2007), sa kanyang pag-aaral na kung ang guro ay hindi

handa maaaring hindi niya magampanan ang responsibilidad ng isang guro. Kung ang guro

ay may kahandaan sa kanyang pagtuturo at handa siyang ibahagi ito sa kanyang mga mag-

aaral, mas makikita ang ganap na epektibong relasyon ng pagtuturo at pagkatuto.

Ayon kay Clemente-Reyes (2003), isa sa mga katangian ng isang epektibong guro ay

dapat maging eksperto sa lahat ng saklaw ng pagtuturo gaya ng paksang-aralin,

pamamahalang pangklasrum, pagtuturo at dayagnostiks na pagtuturo.

Ayon kay Reandino (2014), tatlumpu’t anim na bahagdan (36%) respondente ng

mga mag-aaral ang sumagot na di- kalidad na pagtuturo ng Filipino ang isa sa mga

suliraning kinakaharap nila sa akademikong Filipino.

Ayon kay Magtoto (2017), malaki ang epekto ng mga kwalipikasyon ng mga guro sa

pagtuturo. Kung hindi nakapag-aral nang mabuti ang mga guro, mas mababa rin ang
kalidad ng edukasyong makukuha ng mag-aaral. May mga guro sa pampublikong paaralan

na tila kulang sa kaalaman at may mga nagtuturo sa mga pribadong paaralan na hindi pa

pasado sa Professional Liscensure Examination for Teachers.

Sa kabuuan, ang pagtuturo ay isang sangay ng karunungang nauukol sa paglikha ng

maririkit na bagay at magagandang kaganapan. Ito’y isang maayos na paraan ng

pagsasagawang pagkikintal ng kaalaman at itinuturing na mahalagang sangkap ng

komunikasyon. Ang pagtuturo ay ang malilikhaing pakikipag-ugnayan ng guro sa kanyang

mga tinuturuan na may iba’t ibang katangian at paniniwala. Sa proseso ng komunikasyon,

hindi lamang natatanggap ng mag-aaral ang mensahe mula sa guro kundi, ito’y kanyang

naiuugnay sa sariling pamumuhay sa sistematikong pamamaraan ng guro. Ngunit hindi sa

lahat ng pagkakataon ay masasabing nagbubunga ang guro sa kanyang pagtuturo. Kung

kaya’t marapat lamang na palawakin ng guro ang kanyang kakayahan at kasanayan sa

pagtuturo. Kailangang magkaroon ng mga makabagong istratehiya at pamaraan ang guro

upang mas maging produktibo at mabisa ang pag-aaral ng sa asinaturang Filipino.

TEORITIKAL NA BALANGKAS

Ang konsepto ng pagiging out-of-field ay tumutukoy sa mga kwalipikadong guro na

nagiging di-kwalipikado dahil sa pagtuturo nila ng mga asignatura o baitang na wala silang

akmang kwalipikasyon. (Ingersoll, 2001).

Ang kalidad ng edukasyon ay maaaring nahuhugot sa magkaiba-ibang pamantayan

upang masuportahan ang iba’t-ibang epektibong pedagohiya sa pagtuturo. Kaya naman, ang

mga guro ay nanatiling pangunahin at pinakaimpluwensyal na sandigan ng edukasyon

(Hattie, 2009).

Kaakibat niyan, ang pag-aaral na ito ayon kay Gadamer (1976), na naglalayong

makinig sa mga pasalita at di-pasalitang linggwahe ng mga guro habang

pinagsusumikapang unawain ang mga kanilang mga karanasan bilang mga out-of-field na

mga guro o mga guro na nagtuturo ng mga asignaturang hindi nila linya o medyor.
 Subalit sa pag-alam ng mga pananaw ng mga mag-aaral ukol sa isyu ng pagtuturo ng

mga guro sa asignaturang hindi linya sa kaniyang espesyalisasyon ay marapat na malaman

ang kanilang damdamin at saloobin ukol dito. Ang damdamin at saloobin ay palaging

magkaugnay. Ito ay sapagkat ang saloobin ay nakakaapekto sa damdamin. Ang Cognitive

Consistency Theory ay teorya ng saloobin. Ito ay nakatuon sa pagbabago na nangyayari sa

pagitan ng magkaugnay na paniniwala, kaalaman at pagtataya tungkol sa isang bagay o isyu.

Kahit maraming Consistency Theories ang nagkakaiba sa maraming aspeto, lahat ng mga

ito ay may parehong pakay at iyon ay ang pagbabawas ng pagbabago at pagbabalik ng

intelektuwal at emosyonal na balanse.

Sa pangkalahatang pananaliksik pinagtibay na ang tao ay naghahanap ng konsistensi

sa kanilang saloobin at sa pagitan ng saloobin at kanilang damdamin. Nangangahulugan ito

na ang mga tao ay naghahangad na makasundo ang naiibang saloobin at maiaayon ang

kanilang saloobin at damdamin upang maging makatuwiran at konsistent. Kapag

nagkaroon ng pagkakasalungatan, may lakas na magpapamulat upang maibalik ang balanse

ng saloobin at damdamin, upang muling maging konsistent. Maaari itong gawin sa

pamamagitan ng pagbabago ng saloobin, o kayay pagbababgo ng damdamin o sa

pamamagitan ng pagbuo ng katwiran sa mga kaibhan.

Sa teoryang ito, ipinagpalagay na ang bawat indibidwal ay may likas na kakayahang

tumantiya at humalaw ng mga konteksto, pinagmulan ng mga bagay-bagay at sa mga taong

sangkot sa isyu batay sa kanyang personal na pagpapahalaga o kayay batay sa

pangkalahatang sistema ng paniniwala. Ginagawa ito ng indibidwal upang makita ang

balanse ng emosyonal at intelektuwal sa kanyang sarili habang nakikitungo sa ibang tao sa

kanyang paligid at hinaharap ang mga isyung umuusbong mula sa iba't ibang aspeto ng

kanyang relasyon sa kapwa.

Ang Balance Theory ni F. Hieder ay nasa ilalim ng Cognitive Consistency Theory. Ito

ay nagbibigay tuon sa katatagan ng paghuhusga ng tao sa kapwa o sa mga isyung

magkarugtong at may kaugnayan sa bawat isa. Ang teoryang ito ay may tatlong elemento:

ang imahe, ang halimbawa at ang pagsusuri. Ito ang tatlong element kung saan umiiral ang

sistema ng balanse. Kapag ang tatlong relasyon ay positibo, o kayay dalawa sa tatlo ay

positibo at isa lamang ang hindi, maituturing na ito ay balanse. Magiging di-balanse kung

tatlong elemento ang magiging negatibo o kaya'y dalawa sa tatlo ay negatibo. Ang mga tao

ay mahilig pumuna sa ibang tao at bagay na may kaugnayan sa kanila upang maging

balanse ang kanilang sistema.

Ang teoryang ito ay nagpapalagay na ang pagiging balanse ay nangangahulugan ng

pagiging matatag at ang kawalan ng balanse ay kawalan ng katatagan. Kapag naganap ang

kawalan ng balanse, ang sikolohikal na tensyon ay mag-uudyok sa tao na ibalik ang balanse

sa pamamagitan ng pag-iisip, pag-alala at pagkatuto. Kung kaya mahihinuha na ang

saloobin ng tao tungo sa isang bagay ay nagdedepende sa kanyang saloobin tungo sa

pinagmulan na siyang tagapag-ugnay sa bagay.