BANGHAY ARALIN SA Filipino

I. Layunin

A. MGA KASANAYAN SA PAGKATUTO

1. Nagagamit ang dating kaalaman at karanasan sa pag-unawa at pagpapakahulugan sa mga kaisipan sa akda (F7PS-IVc-d-21)
2. Nabibigay ang kasingkahulugan ng salitang ginamit sa akda (F8PT-IIe-f-25)
3. Nagagamit ang mga pahayag na ginamit sa pagbibigay ng opinyon (F9WG-I-cd-42)

II. Nilalaman

Panitikan: Tula
Teksto: “Nabahala ang Lahat sa COVID 19” ni Princess Ghay Naluz

III. Pamamaraan

A. Balik-aral sa nakaraang aralin at/o pagsisimula ng bagong aralin

Bago natin simulan ang ating aralin, magbigay ka ng mga salitang maaari mong iugnay sa salitang SAKIT. Kinakailangan ang sagot ay
simula ng titik na nasa ibaba.

S–
A–
K–
I–
T–

B. Paghahabi sa layunin ng aralin

Estratehiya: Ano ang Masasabi Mo?

1 2

3 4

Gabay na Tanong:
Mula sa mga larawan, ano ang masasabi mo sa mga ito?
1. Unang larawan - ________________________________________________
2. Ikalawang larawan - _____________________________________________
3. Ikatlong larawan - _______________________________________________
4. Ikaapat na larawan - _____________________________________________

C. Pag-uugnay ng mga halimbawa sa bagong aralin

Mga Gabay na Tanong:

1. Nagkaroon ka na ba ng ganitong sakit? Ano ang iyong ginawa?
2. Bakit mahalagang malusog ang iyong pangangatawan at wala kang sakit o karamdaman?

D. Pagtalakay ng bagong konsepto at paglalahad ng bagong kasanayan #1

1. Paglinang ng Talasalitaan

Page 1 of 6
 Isa sa mga kasanayan na palaging isinasagawa bago basahin ang akda ay ang paglinang ng talasalitaan. Iba’t ibang paraan ang
ginagamit na estratehiya upang matukoy ang kahulugan at kasalungat ng mga salita. Makatutulong naman ang mga paraan upang
mapadali ang pagtukoy sa kahulugan at kasalungat ng mga salita sa pamamagitan ng paggamit ng diksyunaryo, sanggunian,
thesaurus, index, context clues at iba pa.

Ngayon, basahin mo ang sumusunod na pangungusap. Hanapin sa Hanay B ang kahulugun ng mga salitang hiram na
nakasalungguhit sa Hanay A. Pagkatapos, gamitin ang mga ito sa pangungusap.

Hanay A
1. Virus na sa lahat ay ipinaalam na
2. Isa na rito’y paglunsad ng quarantine
3. Wastong pangagatawan, social distancing
Hanay B
a. Ginagamit bilang isang public health practice para
pigilan ang pagkalat ang sakit.
b. Kalipunan ng mga di-parmasyutikong kilos
ng pagpigil sa impeksyon na nilayon upang ihinto o
pabagalin ang pagkalat ng isang nakahahawang
sakit sa pamamagitan ng pagpapanatili ng pisikal na
distansya sa pagitan ng mga tao at pagbabawas ng
pagkakataon na makalapit ang mga tao sa isa't isa.
c. Binubuo ng lahat ng uri ng mga manggagawa sa
kalusugan - kabilang ang mga nars, komadrona,
manggagawa sa kalusugan ng komunidad, doktor,
parmasyutiko, at marami pa — na nagbibigay ng
pangangalaga nang direkta sa kanilang komunidad.

4. Frontliners, inialay kanilang buhay d. Ito ay nakahahawa lasong na nagpaparami lamang

sa loob ng mga buhay na sihay ng isang organismo.

2. Pagbasa sa Akda

Nabahala ang Lahat sa COVID 19

Ni: Princess Ghay P. Naluz

Isang nakatatakot na epidemya

Ang nanalanta sa iba’t ibang bansa
Ito ay nagsimula sa bansang China
Mga tao roo’y sobrang nabahala.

N-Corona Virus ang ipinangalanan

Kalauna’y pangalan ay pinalitan
COVID 19 na ngayon ang tawag nila
Isang virus na matinding kumakalat na.

Ito’y lumaganap sa iba’t ibang bansa

Pasyenteng positibo ay dumaragdag pa
Iba’t ibang lunas ang naisip gawin
Isa na rito’y paglulunsad ng quarantine.

Itinuro sa madla kung anong gagawin

Wastong pangangatawan, social distancing
Paghuhugas palagi ng mga kamay
Kumpletong tulog at pamamalagi sa bahay.

Nagtulong-tulong upang ito’y masugpo

At sinunod mga utos ng pangulo
Katulong niya rito’y mga pulitiko
Nang utos ay tupdin at gawing seryoso.

Mga bagong bayani ay nakilala

Frontliners na nag-aalay ng buhay
Serbisyo sa bansa’y di’ matatawaran
Positibo sa virus kanilang inalagaan.

Mga tanod at kagawad ‘wag husgahan

Tungkulin nila’y kanila lamang sinundan
Tindera sa palengke maging grocery man
Salamat sa kanila’y pagkai’y ‘di nawalan.

Itong naranasang pandemic na sakit

Dulot nito’y sa buong mundo’y naging pasakit
Bagamat may takot at pangamba
May magandang naidulot sa bawat isa.
Page 2 of 6
 Pamilya’y nagmahalan at nagdamayan
Naisantabi ang sariling kapakanan lamang
Simpleng buhay, kinaya rin ng mayayaman
Pantay-pantay na namalagi sa tahanan.

Sakit na COVID 19 ay kinatatakutan

Dulot ay pangamba sa sanlibutan
Lakas ng pananalig ang kailangan
Nang malabanan, anomang kapagsubukan.

Pagsagot sa pang-unawa
1. Ano ang paksa ng tula?
2. Ano-ano ang mga salitang binanggit na nalaman mo na ang kahulugan dati?
3. Bakit tinawag na pandemic na sakit ang COVID 19?
4. Ano ang naging dulot nito sa mga tao? Magbigay ng mga positibo at negatibong dahilan at pangatwiranan.
5. Sa iyong palagay, bakit kaya natin naranasan ang ganitong krisis?

E. Pagtalakay ng bagong konsepto at paglalahad ng bagong kasanayan #2

Pagtalakay sa Nilalaman ng Akda

1. Gamit ang estratehiyang “Discusson Web”, sa iyong palagay tama ba ang pagpapatupad ng Enhanced Community
Quarantine sa mga tao upang masugpo ang epidemyang dumating sa bansa? Ano-ano ang naging karanasan mo sa panahon
ng ECQ? Ilahad ang iyong kasagutan.

Tama ba ang pagpapatupad ng Enhanced

Community Quarantine?

KASAGUTAN:

Ano-ano ang naging karanasan

mo sa panahon ng ECQ?

KASAGUTAN:
2. Kung ikaw ay namumuno ng pamahalaan o isang frontliner, ano ang iyong maipapayo sa mga tao upang maiwasang
mahawahan ng virus? Gamitin ang estratehiyang “What If? Chart” sa pagsagot nito. Isulat ang iyong sagot sa lobo ng
usapan.

Page 3 of 6
 3. Bilang isang kabataan, ano-ano ang iyong maiaambag sa suliraning dumating sa iyong bansa? Gamitin ang estratehiyang
“Chain Organizer” sa pagsagot nito.

Bilang isang
kabataan, ano-ano
ang iyong
maiaambag sa
suliraning dumating
sa iyong bansa?

F. Paglinang sa Kabihasnan (Tungo sa Formative Stage)

Binanggit sa tula ang mga frontliner na nakilala bilang bagong bayani ng mundo. Kung ihahambing mo ang mga frontliner, kanino mo
sila ihahalintulad at bakit?

G. Paglalapat ng aralin sa pang-araw-araw na buhay

Paano ka makaiiwas sa anumang sakit o karamdaman?

H. Paglalahat ng aralin
Ipaliwanag ang kasabihang “Ang kalusugan ay kayamanan”.

I. Pagtataya ng aralin

Sa nakaraang gawain may mga salita mula sa tula ang binigyan mo ng kahulugan, ngayon susukatin muli ang itong
kakayahan sa talasalitaan.

A. Basahin ang sumusunod na pahayag. Ibigay ang kasingkahulugan ng mga salitang nakasalungguhit. Isulat ang mga
nawawalang letra sa patlang upang mabuo ang kahulugan ng mga ito.

1. Naranasan ng buong mundo ang isang epidemyang wala pang lunas.

__ __ k __ t

2. Inilunsad ang iba’t ibang paraan upang makaiwas na mahawa sa virus.

__ p __ n __ __ u __ __ d

Page 4 of 6
 3. Sumunod sa kautusan ng nakatataas para masugpo ang krisis ng bansa.
m __ __ i g __ __ a __

4. Labis na pangamba ang naramdaman ng lahat nang dumami ang nagkaroong ng virus.
p __ __ k __ b __ __ __ a

5. Isang kapagsubukan ang dumating sa mundo na naging daan naman sa pagtutulungan at pagdadamayan ng bawat isa.
__ r __ __ l __ m __

Sa ating buhay, may nararanasan tayo na maaaring magdulot ng iba’t ibang epekto – nakabubuti man ito o nakasasama sa
atin. Sa akdang natalakay, nabanggit ang mga positbo at negatibong epekto ng epidemyang nagpabahala sa lahat. Marami ang natakot
at nangamba, may mga nawalan ng trabaho at marami na rin ang namatay ngunit sa kabila ng masamang pangyayaring ito, may
kabutihang naidulot naman dahil nakita ang pagtutulungan at pagkakaisa ng bawat isa. Marami ang nagsakripisyo upang maalagaan
ang maysakit dulot ng virus maging sariling buhay ay itinaya makapaglingkod lang sa bayan.

B. Basahin ang sumusun tanong. Sagutin ang hinihingi ng bawat isa. Isulat sa papel ang iyong mga kasagutan.

1. Mula sa akda, ibigay ang positibo at negatibong dulot ng COVID 19 gamit ang Fishbone Technique.

POSITIBO

NEGATIBO

2. Ayon naman sa iyong sariling karanasan, ano-ano ang naging epekto ng paglaganap ng epidemya sa mundo. Gamitin ang
Picto Map sa pagsagot nito.

ISIP – Ano ang iyong natutuhan sa epidemyang lumaganap

sa mundo?

DAMDAMIN – Anong damdamin ang namayani sa iyo sa

pangyayaring ito?

KILOS – Ano ang iyong gagawin upang makatulong sa

nangangailangan sa pahahong ito ng pandemya?

J. Karagdagang Gawain para sa takdang-aralin at remediation

Mula sa mga napapanood sa telebisyon o naririnig tungkol sa mga pinagdaraanan ng mga frontliners sa pagsugpo sa Corona
Virus, isalaysay kung papaano nila ito kinakaharap. Ano-anong mga hirap ang pinagdadanan nila. Mayroon bang magandang bahagi
ang nangyayari sa kanila. Isalaysay.

Page 5 of 6
Page 6 of 6