TIGSIK

(Jenny Rose T. Aniete)

Tigsik ko an satuyang Kagurangnan,

Siya man lugod satong orog na kamotan.
Pagpangadyi nungka niatong lingawan,
Nin huli ta siya satuyang Kaglalang.

Tigsik ko ining satuyang Parokya,

Siyam na manlaen-laen na barangay ini ugwa.
Sa mga aktibidades dae minapahuri,
Orog na sa mga okasyon naka andam pirmi.

Tigsik ko an satuyang simbahan,

Ini-erokan nin kabanalan.
Sa pagkamoot ini minaladawan,
Asin kan pagtubod sa satuyang Kagurangnan.

Tigsik ko man an satuyang Kura Paruko,

Mayong ibang laom kundi kamarayan kan mga tawo.
Serbi digdi, serbi duman, pero dae minabasol
Ngirit man giraray sa lawgon, saiya minasibol.

Ining mga parokyano tigsik ko man

An pagtabang sa parokya yaon sana man.
Saro sa mga naglalapigot para simbahan mahaman,
Asin naghihipno kung may kadipisilan.

Tigsik ko man kita gabos,

Pagtubod, pagkamoot asin pagtarabangan satong ipadagos.
Tanganing biyaya pirmi man magbulos,
Asin satuyang Parokya magtrayumpong padagos.