Ikatulo ka Adlaw Pagpalandong:

Ang Inahan sa Kanunay’ng Panabang Motabang sa

Iyang mga Nag-alagad aron Makagawas sa Ilang mga
Kabugnaw sa Pagsilbe sa Dios.
Acto de Contricion
Ginoo kong Jesukristo, Dios ug tawo nga matuod, Magbubuhat ug
Manunubos ko, ania sa Imong tiilan ang usa ka alaut nga makasasala nga
nakapasubo kaayo sa Imong mahigugmaong kasingkasing. Ay,
hiligugmaon nga Jesus! Ngano nga naka-ako ako
sa pagpakasala Kanimo ug pagpuno sa kapait sa Imong Kasingkasing
nga nahigugma kaayo kanako, ug ang tanan Iyang gihimo aron sa pagka-
kaplag sa akong gugma? O! pagka-makaliton ko! Apan, O Manunubos,
nagahinulsol na ako, ug dako man ang pagbasol ko sa akong pagpaka-
sala Kanimo. O maayo unta nga mamatay ako sa lunsay nga kasakit
tungod sa pagpakasala ko Kanimo. Nagbasol na ako hinigugma ko.
Ginoo, tungod sa pagpakasala ko Kanimo, Dios nga Amahan, aron sa
pagbayad sa akong mga sala, ihalad ko Kanimo ang mga kasakit nga
tungod kanila, giantus sa kasing- kasing sa Imong Diosnong Anak. Ug
Ikaw, O mahigugmaong nga Jesus, hatagi ako og dakong kahadlok sa
sala, aron sa kaulahian, lakip ang mga diyutay nga sala, akong likayan.
Nan, mga gugma’ng yutan-on, pahawa kamo sa akong kasing-kasing.
Wala akoy lain nga higugmaon kundili ang akong maloloy-on nga
Manunubos. O Jesus ko, tabangi ako, lig-ona ako, ug pasayloa ako.
Inahan sa Kanunay’ng Panabang, ig-ampo ako, ug idangat ako sa
pasaylo sa akong mga sala.
Pag-ampo sa Adlaw nga Tanan
O Santos uyamot nga Birhen, nga aron sa paghatag kanamo og paglaum
nga walay sukod, imong gidala ang matam-is uyamot nga ngalan, Inahan
sa Kanunay’ng Panabang. Nangamuyo ako kanimo nga imo akong
tabangan sa tanang mga panahon ug sa tanang mga dapit;
sa pagtintal kanako, sa human ako mahulog sa akong kalisdanan, sa
tanang mga kaguol ning kinabuhi, ug labi na gayud sa makalilisang nga
oras sa kamatayon. Ihatag kanako, O mahigugmaon nga Inahan, ang
hunahuna ug ang batasan sa pagdangop gihapon kanimo, kay nahibalo
ako nga kon ako magmatinumanon sa pagtawagkanimo, ikaw
magmatinumanon usab sa pagtabang kanako.
Nan, idangat ako niining grasya sa mga grasya, ang grasya sa pagdangop
kanimo sa walay paghunong, inubanan sa paglaum sa usa ka anak, aron
madangat ko ang imong kanunay nga panabang ug ang pagpadayon sa
maayong buhat. Panalangini ako, karon ug unya sa mga oras sa akong
kamatayon. Hinaut pa unta.

Pagpalandong:

Ang Inahan sa Kanunay’ng Panabang Motabang sa

Iyang mga Nag-alagad aron Makagawas sa Ilang mga
Kabugnaw sa Pagsilbe sa Dios.

 Kanang mga tapulang kalag nga usahay modawat sa mga

Sakramento, bisan tuod buot molikay sa salang mortal, dili
magbantay mahitungod sa salang venial, wala maghuna-huna sa
ilang dakong pagpanamastamas sa Dios diha sa pagsilbe Kaniya sa
dakong kabugnaw ug sa paghimo nila kanunay og mga sayop nga
tinuyo:
 mao ang mga pagpangadye nga dili maayo, mga pagkalingaw nga
wala lalisa sa ilang mga debosyon: manimba sa misa, tingali og
mangompisal ug mangalawat, apan kini ilang gihimo kay
nabatasan naman, o tungod ba kay aron ingnon, sa walay bunga
nga mapuno ug sa walay pag-uswag nila sa dalan sa birtud.
Gawas niini, madaling
 makita sa mga kalag nga mabugnaw ang kapungot, ang mga
pagbakak, mga paglibak, mga panahap nga walay gipasikaran,
mga pulong nga masakit, kasina, kaluya, mga parayeg, malaw-ay
 nga sulti-sulti nga walay pulos o makadaut, gugma nga hilabihan
sa mga butang sa yuta ug uban pa nga mga sayop nga ingon niini.
Hunahunaa ang dakong peligro nga sila makondenar tungod
 niini. Hikit-an ni Santa Teresa ang dapit nga pagabutangan niya sa
impiyerno kun dilion niya pagsilbe sa Dios. Ug sa pagka-matuod,
dili ba batok sa mabugnaw ang pagpamulong sa atong Ginoo
niining makalilisang nga mga pulong: “Maayo unta kung
mabugnaw ikaw o mainit: apan kay inadlaw man ikaw, buot ko
nga isuka sa akong baba.”
 O kalag nga alaut! Malisud nga ikaw mahibalik sa Dios apan bisan
pa, ayaw wad-a ang imong paglaum. Hunahunaa nga ang dili
mahimo sa yuta, mahimo sa langit. Kon buot mo gayud isalikway
ang makadaut nga yugto, aniay usa ka alagian nga mapuslanon ug
makagagahum. Iyahat ang imong mga mata, sud-onga ang
Larawan sa maloloy-ong
 Inahan sa Kanunay’ng Panabang. Nakita mo ba sa iyang agtang
ang usa ka bitoon nga masiga? Kana mao ang timaan sa paglaum.
Ibutang kaniya ang imong paglaum, sugdi pagsilbi siya sa dakong
pagtuman, ug mabalhin da ang imong kasingkasing. Ang kaputol
nga tinuyo ug ang pag-alagad niining Inahan sa matahum nga
gugma, dili
 magka-ipon. O pagka-daghang kalag nga nakagawas sa kabugnaw
sa ilang pagsilbe sa Dios, diha dayon sa maong adlaw sa pagsugod
nila sa pag-debosyon kang Maria.
Pag-ampo:

 Ania ako sa imong atubangan O Inahan ko; ako maoy usa niadtong
mga alaut nga kalag nga angay na unta nga biyaan sa imong Anak
ug nimo, sa makalolooy nga kahimtang sa pagpaka-bugnaw sa
pagsilbi sa Dios nga akong nahimutangan sa dugay nang mga tuig
apan ang mga bag-ong
 kahayag nga imong gihatag kanako tungod sa imong mga
panabang, ug kanang tingog nga katingalahan nga nagatawag
kanako aron ko Siya silbihan sa dakong kainit, maoy mga timaan
nga wala pa diay Niya ako biyai. O maloloy-on nga Inahan, wala
akoy kainit sa pagsilbi sa Dios, wala ako mahigugma kang Jesus
ingon sa angay ko unta nga
 paghigugma Kaniya, apan bisan pa, buot ako nga maiya. Tabangi
ako sa pagdumot sa sala, padilaaba sa akong kasingkasing ang
gugma sa Dios. Iampo ako kanunay sa Dios, aron ako makagawas
sa kabugnaw ug silbihan ko Siya sa usa ka mainit nga pagsilbi
 hangtud nga mahaadto ako sa langit, diin maluwas ako sa
katalagman sa paghimulag sa Dios, ug diin silbihan ko Siya ug
ikaw sa gihapon, O Inahan sa Kanunay’ng Panabang. Hinaut pa
unta.