Professional Documents
Culture Documents
Akademiko - Piling Larang
Akademiko - Piling Larang
Akademiko - Piling Larang
Matapos ang madugong sagupaan sa Pinaglabanan, San Juan, ang mga lider ng mga
rebolusyonaryo ay nagtayo na ng himpilan sa mga kabundukan at nagpatuloy sa paglaban.
Pinamunuan sila ng mga dakilang lider na taga-Rizal na sina Heneral Licerio Geronimo, Pio del
Pilar, Hermgenes Bautista, Vicente Leyva na lalong kilala sa tawag na Heneral Kalentong
(pangalan ngayon isang karsada sa Mandaluyong City); Guillermo Masangcay, Gregorio
Altamirano, Heneral Edilberto Evangelista, Pedro Tanjuatco, Gregorio Mendez at iba pang
magigiting at matatapang na rebolusyonaryo.
Hindi na malilimot ang mga sagupaan sa Morong, sa Sitio Rawang at Kalinwan sa bundok
ng Tanay, Jalajala, Baras, Pililla, San Mateo hanggang sa bundok ng Puray sa Montalban. Sa
pakikipaglaban sa mga dayuhan, ay nagbuwis sila ng dugo at buhay para sa ating kalayaan.
Kalayaan na hindi na nila nasilayan ngunit lumagot sa tanikala ng pang-alipin sa minamahal
nating Perlas ng Silanganan. Sila ang mga bayaning tinutukoy ng ating pambansang bayaning si
Dr. Jose Rizal na sinabi ni Elias sa nobelang “Noli Me Tangere”, na mga nalugmok sa dilim na
hindi na nasilayan ang maningning na bukang-liwayway sa ating bayan. Hindi sila dapat limutin
May nagtatanong pa na kailan kaya lalaya ang mga Pilipno sa mga pinunong buwaya,
tulisan at mandarambong ng pondo ng bayan at sa mga katiwalian na nagiging dahilan ng
paghihirap ng mamamayan? Kailan kaya lalaya sa pinunong tagapagtanggol ng interes ng mga
dayuhan.
Sanggunian:
Bautista C. (2018) “Ang kahulugan at kahalagahan ng Araw ng Kalayaan” Balita Online. Hango sa
http://balita.net.ph/2018/06/12/ang-kahulugan-at-kahalagahan-ng-araw-ng-kalayaan/