Opening Prayer (+) Makapangyarihang Diyos, ikaw ay ang

aming Poon at Ama na patuloy na kumakalinga at nagbabasbas

sa aming lahat na buong pusong nananampalataya sa iyo.
Papuri at pasasalamat ang tangi naming maiaalay sa banal
mong pangalan, at sa kakapusan ng halaga ng aming hininga at
salita, Ikaw at ikaw pa rin Ama ang tangi naming sandalan.
Salamat Ama sa iyong mga biyaya: sa pagbabasbas niyo sa
aming pamilya, sa pagkakaloob niyo sa amin ng mga
mabubuting kaibigan, sa pagbabasbas niyo sa aming mga
hanapbuhay, sa inyong pangangalaga ng aming kalusugan, at sa
pagliligtas niyo sa amin sa mga kapahamakan. Sumasamo po
kami sa inyo ngayon Ama sa gitna ng hamon ng isang
pandemyang nagbabantang panganib sa aming buhay, o kung
hindi nama’y pinagbabadyaang ibaba ang kalidad ng aming mga
buhay. Ipinapaubaya po namin sa inyo ang kaligtasan naming
lahat, at nawa’y gabayan niyo po kami lagi sa aming mga
gawain at pupuntahan. Bukod tangi po naming ipinagdarasal sa
inyo ang aming mga mag-aaral sa...., kalingain mo po sila; ang
kanilang mga magulang, pawiin niyo po ang kanilang takot at
agam-agam; ang lahat ng mga guro, basbasan niyo po sila ng
karunungan; at ang lahat ng mga doktor, nars, pulis, sundalo
atbpng frontliners na tumutulong sa amin, pagtibayin niyo po
ang kanilang pag-asa at tiwala sa gitna ng lahat ng pagod na
kanilang nadarama. Panalangin din po naming kaming
nananampalataya at nagsasabuhay ng turo ng iyong Anak ay
magawa naming tulungan ang mga nangangailangan,
mabigyang mulat ang mga walang kabatiran, magkaroon ng
tiyaga sa gitna ng pagdaramdam, maging mapagpatawad sa
panahon ng kagipitan, maging mapagkalinga sa mga nagdurisa’t
nagdadalamhati, at makapag-alay ng dasal para sa kaluluwa ng
mga inosenteng pumanaw na dahil sa pandemya. Ito ang aming
dasal sa inyo, sa iyong Anak at sa espiritu santo, sa
pamamagitan na rin ng Awa at kalinga ng Birheng Maria. Amen