1Ang ika-25 nga adlaw sa Disyembre,

2dihang ang mga katuigan nga walay katapusan milabay gikan sa pagmugna sa
kalibutan, dihang ang Dios sa sinugdan migama sa langit ug yuta

1ug gimugna niya ang tawo sa iyang kaugalingong kasamahan;

2dihang ang mga siglo milabay sukad ang Makagagahum mipahimutang sa bangaw human sa
dakong lunop,
isip timaan sa iyang kasabutan ug kalinaw;

1sa ika kawhaan ug usa nga siglo sukad si Abraham, atong amahan sa pagtoo,
migawas gikan sa Ur sa mga Kaldeyanhon;
1sa ika napulo'g tulo nga siglo sukad ang mga katawhan sa Israel gipanguluhan ni
Moises sa paglatas gikan sa Ehipto;
2mga libo ka tuig sukad si David gidihugan nga hari;

1sa ika kan-uman nga semana sa propesiya ni Daniel;

1sa ika usa ka gatos ug kasiyaman ug upat nga Olimpyad;
2sa tuig pito ka gatos ug kalim-an ug duha sukad sa pagtukod sa Dakbayan sa Roma;

1sa ika kap-atan ug duha nga tuig sa pagmando ni Cesar Octavio Agustus,
1ang kalibutan nagmalinawon,

1si Jesukristo, ang walay katapusang Dios ug Anak sa walay katapusang Amahan,
nagtinguha sa pagbalaan sa kalibutan pinaagi sa iyang mahigugmaong presensiya,
gilalang sa Espiritu Santo, ug sa paglabay sa siyam ka bulan sukad sa pagpanamkon
kaniya,

3natawo sa Birhen Maria sa Bethlehem sa Juda ug nahimong tawo:

4Ang pagkahimugso sa atong Ginoong Jesukristo sumala sa unod.