i - ACHIEVERS ACADEMY

Tulay na Bato, Bongabon, Nueva Ecija 3128

LEARNING MODULES IN AP 7
THIRD QUARTER
WEEK 3
NAME: ______________________________ DATE: March 1-6, 2021

LESSON : Nasyonalismo at Kalayaan ng Timog at Kanlurang Asya

LEARNING COMPETENCIES:

MAHALAGANG TANDAAN:
 Nasyonalismo- isang kamalayang nag-uugat sa pagmamahal sa bayan na nabibigyan ng
kaganapan sa pamamagitan ng pagkakaisa at pagsasama-sama ng mga mamamayang may
iisang pagkakakilanlan tulad ng lahi, kultura, pagpapahalaga, kasaysayan, paniniwala at
relihiyon.
 Rebolusyonaryo- samahang gumagamit ng armas upang puwersahang maitaboy ang
mga mananakop.
 Indian National Congress- organisasyong Hindu na naglalayon ng pamumuno ng mga
Hindu.
 All-India Muslim League- layunin ng organisasyon ito na bigyan ng boses ang mga
Muslim sa mga usaping pampolitika ng India.
 Morley- Minto Reforms- ang repormang ito ay nagbigay ng pagkakataon sa isang
Indian na maging bahagi ng ehekutibong konseho ng viceroy.
 Rowlatt Acts- ang kautusang ito ay naglalayong supilin ang kalayaang pampolitika at
karapatan ng mga Indian na bumuo ng mga kilusang pampolitika at pangkabuhayan.
 Amritsar Massacre- pinakamalagim na bahagi ng kasaysayan ng pakikibaka para sa
kalayaan ng India.
 Satyagraha- (nangangahulugang puwersang pangkatotohanan o puwersa ng
pagmamahal) na isang anyo ng hindi marahas na paraan ng pagutol (nonviolent means o
civil disobedience).
 Salt March- nagmartsa si Gandhi kasama ng walumpung iba pang Indian ng 200 milya
patungong dagat upang gumawa ng asin mula sa tubig-dagat.
 Indian Independence Act- noong Agosto 1947, sa bisa nito iginawad ng England ang
kalayaan ng India ngunit hinati nito ang bansa sa dalawang malayang estado: ang India
na binubuo ng mga Hindu at ang Pakistan na binubuo ng mga Muslim.
 Covenant of the League of Nations- nakasaad dito ang mandate system o ang
pansamantalang pagkakapasailalim ng mga lupain dating nasakp ng mga puwersang
Central sa Kanlurang Asya sa mga bansang Allied pagkatapos ng Unang Digmaang
Pandaigdig.
 Anglo-Iraqi Treaty- nakasaad sa kasunduang ito ang pagpayag ng mga Ingles na
magpatuloy ang lokal na pamumuno ng mga opisyal na Iraqi sa pamahalaan ng Iraq
ngunit ibibigay sa England ang control sa mga usaping pangmilitar at panlabas.
 Kilusang Pan-Arab- nagtataguyod ng kaisipang pangkalayaan ng rehiyong Arab at
wakasan ang Imperyalismong British.
 Great Syrian Revolt ng 1925- itinuturing na pinakamalaki at pinakamahabang
kasaysayan ng pag-aaklas laban sa kolonyalismo sa Kanlurang Asya.
 Free French- tawag sa tumakas na pamahalaan ng France nang masakop ito n Germany
noong 1940.
 Anglo-Russian Convention- kasunduan sa pagitan ng England at Russia na humahati sa
Iran sa spheres of influence nang hindi isinaalang-alang ang soberanya ng Iran.
 Islamic Revolution- isang malaking impluwensiya si Ayatollah Khomeini sa
rebolusyong ito dahil nagsilbi siyang inspirasyon ng mga rebolusyonaryo.
AKTIBIDAD 1:
Basahin at unawain ang bawat pangungusap. Punan ang mga terminong tinutukoy ng mga
pahayag at isulat sa patlang.

________________1. Isang malaking impluwensiya si Ayatollah Khomeini sa rebolusyong ito

dahil nagsilbi siyang inspirasyon ng mga rebolusyonaryo upang
pabagsakin ang mga maka-Kanluraning pamumuno ni Mohammad-Reza
Shah.
________________2. Tawag sa paglusob ng Russia at England sa Iran sa panahong ng
Ikalawang Digmaang Pandaigdig sa kabila ng pagdedeklara ng Iran ng
neutrality; pangunahing layunin ng paglusob na ito ay upang makontrol
ang suplay ng langis para sa digmaan.
________________3. Kasunduan sa pagitan ng England at Russia na humahati sa Iran sa spheres
of influence nang hindi isinasaalang-alang ang soberanya ng Iran.
________________4. Rebolusyong itinuturing na pinakamalaki at pinakamahabang kasaysayan
ng pag-aaklas laban sa kolonyalismo sa Kanlurang Asya; binubuo ito ng
mga magsasaka, manggagawa, at beteranong sundalong tutol sa
imperyalismong French sa Kanlurang Asya.

________________5. Kilusang sinusuportahan ng mga nakapag-aral na kabataang Kuwaiti;

nagtataguyod ito ng kaisipang pangkalayaan ng rehiyong Arab at wakasan
ang imperyalismong British.
________________6. Nakasaad sa kasunduang ito ang pagpayag ng mga Ingles na magpatuloy
ang lokal na pamumuno ng mga opisyal na Iraqi sa pamahalaan ng Iraq
ngunit ibibgay sa England ang control sa mga usaping pangmilitar at
panlabas.
________________7. Sa kasunduang ito nakasaad ang mandate system o ang pansamantalang
pagkakapasailalim ng mga lupaing dating nasakop ng mga puwersang
Central sa Kanlurang Asya sa mga bansang Allied pagkatapos ng Unang
Digmaang Pandaigdig.
________________8. Itinatag ang nasyonalistang partido na ito sa Sri Lanka noong 1919 sa
pamumuno ni Ponnambalam Arunchalam upang makamit ang higit na
awtonomiya ng Sri Lanka sa England.
________________9. Sa bisa ng kautusang ito, iginawad ng England ang kalayaan ng India
noong Agosto 1947 ngunit hinati nito ang bansa sa dalawang malayang
estado: ang India at Pakistan.
________________10. Pakikibakang inilunsad ni Gandhi bilang protesta sa British Salt Laws;
ngmartsa si Gandhi kasama ng walumpung iba pang Indian ng 200 milya
patungong dagat upang gumawa ng asin mula sa tubig-dagat.
________________11. Tawag sa mapayapa o hindi marahas na pakikibaka ni Gandhi para sa
kalayaan ng India. Hinimok niya ang mga mamamayang Indian para sa
pag-aayuno, pagtitipon, at hindi pagtatrabaho. Ang mapayapang
pakikibakang ito ay nakabatay sa prinsipyo ng Jainismo na ahimsa o
hindi paggamit ng dahas.
________________12. Insidente sa India kung saan pinaputukan ng mga Sundalong Ingles ang
mga sibilyang Indian sa isang pagtitipon; pumatay ito ng 400 na Indian
at humigit-kumulang 1200 na sugatan. Itinuturing ang insidenteng ito
bilang pinakamalagim na bahagi ng kasaysayan ng pakikibaka para sa
kalayaan ng India.
________________13. Pangunahing layunin ng organisasyong ito na bigayan ng boses ang mga
Muslim sa mga usaping pampolitika ng India sa pamumuno ni
Muhammed Ali Jinnah; pangunahing layunin nito na magtatag ng
hiwalay na bansa ng mga Muslim-ang Pakistan.
________________14. Partidong binubuo ng mga abogado at propesyonal na Indian; nagmula sa
iba’t-ibang relihiyon at iba’t-ibang panig ng India upang isulong ang
mga repormang politikal at pang-ekonomiya lalo na ang pamamaraan
upang makamit ng mga Indian ang kapantay na kalagayang panlipunan
sa mga Ingles.
________________15. Isang kasunduan na pinagtibay noong 1923, kung saan kinilala nito ang
kalayaan at hangganan ng teritoryo ng mga Turko.

Inihanda ni:
Jamaica M. Leodones-Valdez, LPT
Guro