Thanksgiving Mass

Theme: Walay Puas

Rito sa Pagsugod

Pasiunang Antipona: (Tan-awa Mat 3:16-17)

Karon adlawa Pebro 25 gituyo sa paggahin diha sa

pagpasalamat sa Dios pinaagi niining Misa Pasalamat alang sa atong
mahal nga obispo Most Rev. Emmanuel T. Cabajar, C.Ss.R., D.D. sa
iyang kinse ka tuig nga kuyog panaw diha sa pagsanong sa misyon
dinhi sa atong diyoses. Daku kaayo ang atong kalipay uban sa mga
kaparian, kamadrehan, relihiyoso ug mga layko. Ang pagsanong sa
misyon nagkinahanglan sa grasya, giya, lamdag ug labaw sa tanan sa
inspirasyon sa Espiritu Santo ug kooperasyon sa mga matuohong
katawhan sa Dios. Diha sa pagkab-ot sa hiniusang damgo o
handurawan, misaad ang tibuok katawhan sa paghatag ug paghalad sa
kaugalingon sa tinagsa ug katilingbanon diha sa pagtrabaho sa mga
nalatid nga mga programa sa Diyoses ilabi na sa mga natumbok nga
mga nanag-unang panginahanglan kon “priorities and concerns” sa
lainlaing aspeto sa kinabuhi sa Diyoses. Kining tanang
gipaningkamotan sa atong mahal nga obispo nga matutokan hangtud
ngadto sa mga Parokya ug GSK’s. Sulod niining kinse ka tuig nga
panag-uban angay lamang nga kita maga-ila ug maghatag kanunay sa
“Walay puas nga pagpasalamat sa Dios sa Gasa sa Kinabuhi ug
Misyon ni Bishop Manny dinhi sa atong Diyoses sa Pagadian.” Dili kini
ang katapusan apan mahimo kining basihanan sa pagpadayon sa
paglig-on sa kahiusahan alang sa pagmugna ug pagpahari sa
Gingharian sa Dios uban sa inigsuon nga panag-uban dinhi sa atong
taliwala.
Pasiunang Awit: Balaang Tawag

P: Sa ngalan sa Amahan ug sa Anak ug sa Espiritu Santo.

K: Amen.

P: Ang grasya sa atong Ginoong Jesukristo, ug ang gugma

sa Dios ug ang panaghiusa sa Espiritu Santo sa kanunay
maanaa kaninyong tanan.
K: Ug maanaa usab kanimo.

Pag-abli ug Pag-abi-abi:

P: Mga igsoon: Kita karon nagkatigum agi pagpasalamat sa

Dios sa tanang grasya nga atong nadawat sa halos kinse ka
tuig ang panag-uban sa atong panaw sa Kristohanong
Kinabuhi.

Akto sa Paghinulsol:

P: Mga igsoon: Aron takus kitang mosaulog niining mga

balaang misteryo, ato karong hinumduman ang atong mga
kasal-anan ug pangayoon nato ang mahigugmaong pasaylo
ug kalooy sa atong Diyos.
K: Nagakompisal ako sa Diyos makagagahum sa tanan…nga
inyo unta akong iampo sa Ginoo nga atong Diyos.
P: Kaloy-an unta kita sa Dios nga makagagahum sa tanan ug
pasayloon ang atong mga sala, dad-on unta kita niya ngadto
sa kinabuhing dayon.

P: Ginoo, kaloy-i kami.

K: Ginoo, kaloy-i kami.
P: Kristo, kaloy-i kami.
K: Kristo, kaloy-i kami.
P: Ginoo, kaloy-i kami.
K: Ginoo, kaloy-i kami.
K: Amen.
Himaya sa Diyos…

Kolekta:

P: Mag-ampo kita:

Ginoo sa kasaysayan gitawag mo ako pagdumala sa imong

banay di tungod kay angayan ko apan tungod sa Imong way
kinutobang gugma. Uban sa banay nga imong gimahal
nagpasalamat ako karon sa tanang grasya nga imong
gipaambit nako sa lainlaing paagi aron matuman ang misyon
nga imong gisangon nako isip imong suluguon. Dugangig
kalig-on ang imong banay pinaagi sa imong madagayaong
grasya aron mahimo kaming epektibong himan sa
pagpalambo sa imong Gingharian. Kini among gipangayo
pinaagi ni Kristo, Imong Anak, nga buhi ug Hari uban
Kanimo ug sa Espiritu Santo, Dios nga usa hangtod sa
kahangturan.
K: Amen.

Liturhiya sa Pulong:

L: Ang Pagbasa gikan sa Unang Sulat sa Tesalonica

(1Thes.5:12-13,18-25)
Mga igsoon, naghangyo kami kaninyo nga inyong tahoron ang
mga nag-alagad kaninyo sila nga pinili sa Ginoo aron pagdumala
ug pagtudlo kaninyo. Tahora sila ug higugmaa pag-ayo tungod sa
ilang katungdanan, ug pagdinaitay kamo. Ug pagpasalamat
kamo bisag unsay modangat kaninyo. Kini mao ang kabubut-on
sa Dios nga Buhaton ninyo sa ngalan ni Cristo Jesus. Ayaw
ninyo santaa ang Espiritu Santo ug ayaw tamaya ang mga
mensahe gikan sa Dios. Sutaa ninyo ang tanan; ampingi ang
maayo, ug isalikway ang daotan. Hinaot unta nga ang Dios nga
naghatag kanatog kalinaw, magbalaan kaninyo sa hingpit ug
manalipod kaninyo sa inyong espiritu, kalag ug lawas ug magputli
gayod kaninyo hangtod sa pag-abot sa atong Ginoong Jesu
Cristo. Sanglit matinud-anon man ang nagtawag kaninyo,
buhaton gayod niya kini. Mag igsoon, pag-ampo usab kamo alang
kanamo.

L: Ang Pulong sa Ginoo.

T: Salamat sa Dios.

Salmo Responsoryo: Sal 95:1-7

Response:
PASALAMATAN UG DAYGON NATO ANG DIOS SA TANAN NIYANG
KAAYO.
1. Dali kamo, daygon ta ang Ginoo! Mag-awit kita nga
malipayon sa Dios nga atong tigpanalipod.
2. Mangadto kita kaniya aron pagpasalamat, ug awitan ta
siyag malipayong mga awit sa pagdayeg!
3. Kay ang Ginoo gamhanang Dios, gamhanang Hari labaw
sa tanang Dios.
4. Nagmando siya sa tibuok kalibotan, gikan sa labing
lawon nga mga langob, ngadto sa labing taas nga
kabungtoran.
5. Nagmando siya sa dagat nga siyay nagbuhat sa yuta
usab; nga siya’y nag-umol.
6. Dali kamo, mangyukbo kita ug mosimba kaniya;
mangluhod kita atubangan sa Ginoo nga atong
Magbubuhat!
7. Siya ang atong Dios; kita ang katawhan niya nga iyang
giatiman, ang panon nga iyang giamoma.
Berso sa Alleluya: (Lk.5:1-11)

T: Aleluya, aleluya! Naabli ang kalangitan ug milanog ang

tingog sa Amahan: Kini mao ang hinigugma kong Anak,
paminawa siya! T: Aleluya, aleluya!
PAGBASA SA EBANGHELYO

P: Ang Ginoo maanaa kaninyo.

K: Maanaa usab kanimo.

P: Ang Santos nga Ebanghelyo Sumala ni San Lucas

(Lk.5:1-11)
K: Himayaon ikaw, O Ginoo.

Usa ka adlaw niana, nagtindog si Jesus sa daplin sa

Lanaw sa Genesaret samtang nag-ilogay ang mga tawo
pagduol kaniya aron pagpamati sa pulong sa Dios. Didto
sa lapyahan nakita niya ang duha ka sakayan nga
gibiyaan sa mga mangingisda, kay nagwaswas man sila
sa ilang mga pukot. Miluwan si Jesus sa usa niining
sakayan nga iya ni Simon, ug gihangyo niya si Simon sa
pagtulod niini ug diyotay ngadto sa tubig. Unya milingkod
si Jesus sa sakayan ug gitudloan niya ang mga tawo.
 Sa nakahuman na siyag sulti, giingnan niya si Simon,
“Palawod kamo ug itaktak ang inyong mga pukot aron
makakuha kamo.: Si Simon nitubag, “Magtutudlo,
naghago kami sa tibuok gabii ug wala kami nakuha, apan
kay nagsugo k a man, akong itaktak ang mga pukot.” Ilang
gitaktak ang mga pukot ug hilabihan kadaghang isda ang
ilang nakuha nga tungod niini ang ilang mga pukot hapit
na magisi. Busa gikamay nila ang ilang mga kauban didto
sa laing sakayan aron moduol ug motabang kanila.
Nanuol ang ilang mga kauban ug ilang gipuno pag-ayo sa
isa ang duha ka sakayan, nga tungod niini hapit na sila
malunod. Pagkakita ni Simon Pedro sa nahitabo, miluhod
siya sa atubangan ni Jesus ug miingon, “Palayo kanako,
Ginoo, kay makasasala ako!”

Natingala siya ug ang iyang mga kauban sa

kadaghan sa isda nga ilang nakuha. Natingala usab sila si
Santiago ug si Juan, ang mga anak ni Sebedeo. Unya
miingon si Jesus kang Simon, “Ayaw kahadlok; sukad
karon managat ka na ug mga tawo.”
Ug gidahik nila ang mga sakayan, ug gibiyaan ang
tanan ug misunod sila kang Jesus.
P: Ang Ebanghelyo sa Ginoo.
K: Dayegon ikaw, O Kristo.
Wali:
(Kahilum)

Katilingbanong Pag-ampo:

P: Mga igsoon: : Samtang nagpasalamat kita sa mga tuig nga

gihalad ni Bp. Manny sa pagdumala sa Diocese sa Pagadian,
maghiusa kita karon pag pangamuyo nga magpadayon ang
pagpanalangin sa Dios sa Iyang Katawhan.

Tanan: //Ginoo, Dungga ang among pangamuyo //.

L1: Alang sa atong Santo Papa Francis, inubanan sa mga

Kaobispohan ug tanang tinugyanan sa pagpalambo sa
kinabuhing Kristohanon sa tibuok katawhan sa Dios.

Mag-ampo kita sa Ginoo.

T: Ginoo, dungga ang among pangamuyo.

L2: Alang atong bag-ong Magbalantay sa diocese, si Bishop
Ronald Lunas, nga giyahan ug lig-onon siya sa iyang
pagdumala sa atong Simbahang Local. Mag-ampo kita sa
Ginoo.
T: Ginoo, dungga ang among pangamuyo

L3: I-ampo nato ang atong Diocese, panon sa Dios nga buhi
diha sa tagsa-tagsa ka GSK, aron ubos sa paggiya sa atong
bag-ong Magbalantay, mopadayon paglambo sa pagtuo ug
panaghiusa. Mag-ampo kita sa Ginoo.

T: Ginoo, dungga ang among pangamuyo.

L4: I-ampo nato ang atong mahal nga Obispo, Bishop Manny
Cabajar, nga bisan sa iyang mga tuig sa retirement, ang
iyang daghang mga gasa sa kahibalo, sa kasingkasing ug
kalag magpadayong instrumento sa kalamboan sa
panaghiusa, sa kalinaw ug sa kinaiyahan. Mag-ampo kita sa
Ginoo.
T: Ginoo, dungga ang among pangamuyo.
L5: Alang kanatong tanan aron masaksihan sa atong
kinabuhi diha sa banay ug sa katilingban ang kaamgohan sa
katilingbanong pagtinabangay ug panaghiusa nga atong
nakutlo ubos sa pagdumala ni Bishop Manny. Mag-ampo kita
sa Ginoo.

T: Ginoo, dungga ang among pangamuyo.

(Sa hilum idugang nato ang uban natong mga pangamuyo

alang sa mga nag-antus, mga hinikawan, mga masakiton ug mga
kalag sa nihalin na sa laing kinabuhi.)
P: Langitnong Amahan, Amahan sa among Diosnong
Magbalantay, kanimo gitugyan namo ang kaugmaon sa
among simbahang local sa Pagadian. Nagsalig kami nga imo
kaming ubanan kanunay hangtud maangkon namo ang
kalipay nga imong gisaad nga maangkon namo sa imong
puloy-anang langitnon. Pinaagi ni Kristo among Ginoo.

T: Amen.

LITURHIYA SA EUKARISTIYA:

Paghalad sa mga Gasa

P: Dayegon ikaw, Ginoong Dios sa tanang kalibutan, kay

gikan sa imong kamanggihatagon nadawat namo kining
among gihalad kanimo, ang pan nga abut sa yuta ug ginama
sa kamot sa mga tawo. Mahimo kini nga kalan-on sa
kinabuhi alang kanamo.

K: Daygon ang Dios hangtod sa kahangturan.

P: Dayegon ikaw, Ginoong Dios sa tanang kalibutan, kay

gikan sa imong kamanggihatagon nadawat namo kining
among gihalad kanimo, ang bino nga abut sa yuta ug ginama
sa kamot sa mga tawo. Mahimo kini nga ilimnon nga
espirituhanon alang kanamo.'

K: Daygon ang Dios hangtod sa kahangturan.

P: Mga igsoon, pag-ampo kamo, aron ang ako ug ang
inyong sakripisyo dawaton unta sa Dios nga Amahan,
makagagahom sa tanan.

K: Dawaton unta sa Ginoo ang sakripisyo gikan sa imong mga

kamot; alang sa pagdayeg ug paghimaya sa iyang ngalan, alang
usab sa atong kapuslanan ug sa tibuok niyang santos nga
Simbahan.

Pag-ampo sa Paghalad:

P: Dawata, O Ginoo, kining mga gasa nga among gidala aron

sa pagdayeg sa pagpadayag sa imong hinigugmang Anak,
aron nga kining mga halad sa imong katawhan mabag-o unta
ngadto sa pagka-sakripisyo kaniya nga mibuot, pinaagi sa
iyang kaaghop, sa paghugas sa mga kasal-anan sa
kalibutan. Siya nga buhi ug nagahari hangtud sa
kahangturan.
K: Amen.

Pag-ampo sa Eukaristiya

Preparasyon:

P: Ang Ginoo maanaa kaninyo.

K: Maanaa usab kanimo.

P: Ibayaw ang inyong mga kasingkasing.

K: Amo nang gibayaw ngadto sa Ginoo.

P: Magpasalamat kita sa Ginoong atong Dios.

K: Angay ug matarong.

P: Santos nga Amahan, Dios nga tunhay ug makagagahum

sa tanan, angay ug matarong gayod nga magpasalamat kami
kanimo kanunay ug sa tanang dapit pinaagi ni JesuCristo
among Ginoo.

Kay siya tungod kay naluoy sa kasaypanan sa katawhan,

nagpakatakus sa pagpakatawo gikan ni Maria nga Birhen.
Nagpasakit siya sa krus ug giluwas kami niya gikan sa
kamatayon nga dayon; ug sa iyang pagkabanhaw, mihatag
siya kanamo sa kinabuhing walay katapusan uban kanimo
hangtod sa kahangturan.

Ug busa, uban sa mga anghel ug mga santos sa langit

nagasangyaw kami sa imong himaya duyog sa ilang walay
hunong nga pag-awit:

Santos….

K: Santos, Santos, Santos nga Ginoo, Dios sa kagahuman. Puno

ang langit ug yuta sa imong himaya. Osana sa kahitas-an.
Dayegon ang nagaanhi sa ngalan sa Ginoo. Osana sa kahitas-an.
Pag-ampo sa Eukaristiya:

Santos gayod ikaw, Amahan ug gidayeg ikaw nga

makatarunganon sa imong mga binuhat. Pinaagi sa imong
Anak si Jesu-Cristo, among Ginoo, ang tanang kinabuhi,
tanang kasantos nagagikan kanimo sa gahum sa Espiritu
Santo. Sa tanang panahon nagatigum ika og mga tawo alang
kanimo aron nga gikan sa silangan hangtod sa kasadpan,
usa ka putli nga gasa ikahalad alang sa himaya sa imong
ngalan.
(He joins his hands and holding them outstretched over the offerings, says:

Busa, Amahan, ania kining mga gasa, himoa kining balaan

pinaagi sa gahom sa imong Espiritu,
(He joins his hands and making the sign of the cross once over both bread and wine,
says:

Aron mahimong Lawas ug Dugo sa imong Anak, nga si Jesu-

Cristo, among Ginoo, nga misugo kanamo pagsaulog niining
misteryo.
(He joins his hands. The words of the Lord in the following formulas should be spoken
clearly and distinctly, as their meaning demands.

Nianang gabii nga siya gibudhian,

(He takes the bread and raising it a little above the altar, continues,:

Mikuha siya og pan mipasalamat kanimo ug midayeg,

mipikas og mihatag niini ngadto sa iyang mga tinun-an ug
miingon:
(He bows slightly:
Dawata kini ninyo nga tanan ug kan-a: kay kini mao ang
akong lawas nga itugyan alang kaninyo.
(He shows the consecrated host to the people, places it on the paten ang genuflects in
adoration. He continues:

Sa samang paagi, tapos ang panihapon,

(He takes the chalice and raising it a little above the altar, continues:

mikuha siya sa kalis, mipasalamat kanimo pag-usab ug

midayeg, mihatag niini ngadto sa iyang mga tinun-an ug
miingon:
He bows slightly:

Dawata kini ug panginum kamo nga tanan gikan niini: kay kini
mao ang kalis sa akong dugo, sa bag-o ug tunghay nga
kasabutan. Ang dugo nga i-ula alang kaninyo ug alang sa tanang
mga tawo aron ang mga sala mapasaylo. Buhata kini aron
paghandum kanako.
He shows the chalice to the people, places it on the corporal, and genuflects in
adoration. Then he sings or says.

P. Kini ang misteryo sa Pagtoo.

T. Si Cristo namatay,
Si Cristo nabanhaw,
Si Cristo mobalik nganhi.
With hands extended, the priest says:

Amahan, sa paghandum sa kamatayon nga gi-antos ni Jesu-

Cristo alang sa among kaluwasan, sa iyang mahimayaon nga
pagkabanhaw ug sa iyang pagkayab nganha sa langit kami,
andam sa pagsugat kaniya sa iyang sunod nga pag-anhi,
nagahalad kanimo, niining santos ug buhi nga sakripisyo dinhi sa
pagpasalamat kanimo.
Kahimut-I pagsud-ong kining halad sa imong simbahan, dawata
kining Biktima kansang kamatayon nakapahiuli kanamo nganha
kanimo. Itugot nga kami nga gialimahan sa iyang Lawas ug Dugo
mapuno sa Espiritu Santo, ug mahimong us aka lawas ug usa ka
espiritu diha ni Cristo.

Himoa kaming halad nga tunhay alang kanimo aron makaambit

kami sa kabilin uban sa imong mga pinili una sa tanan, uban ni
Maria, ang Inahan nga Ulay sa Dios, kang San Jose, iyang putli
nga bana, uban sa mga Apostol ug mga Martir, ug sa tanang mga
santos nga among gisaligan nga motabang kanamo pinaagi sa
ilang makanunayong pangaliya nganha kanimo.

Itugot, Amahan, nga kining among sakripisyo nga nakapahiuli

kanamo nganha sa atong pangahigalaay makapadangat sa
kalinaw ug kaluwasan sa tibuok kalibutan.

Lig-ona diha sa pagtoo ug paghigugma ang imong Simbahan nga

nagapanaw dinhi sa yuta, ang imong sulugoon si Francisco,
among Papa, si Emmanuel, among Apostolic Administrator ug
ang Obispo uban sa tanang mga pari, kamadrehan ug sa tanang
tibuok mong katawhan nga imong gitubos.

Patalinghugi, Amahan, ang mga pag-ampo niining imong

katawhan nga ania karon sa imong atubangan. Dugtonga diha sa
kadait ang tanan mong mga anak nga wala managhiusa dinhi sa
tibuok kalibutan.

Mapuanguron padayona sa imong gingharian ang among mga

igsoon nga nangamatay, ug ang tanan nga imong mga higala,
mga mibiya niining kalibutan.
He joins his hands:

Nagalaum kami nga dinha makatagamtam kami kanunay sa

imong himaya nga wala nay katapusan, ikaw nga nagahatag
kanamo sa tanang butang, pinaagi ni Cristo among Ginoo.
He takes the chalice and the paten with the host and lifted them up sings or says

P: Pinaagi kaniya, uban kaniya ug diha kaniya, gihatag

nganha kanimo makagagahom nga Amahan, diha sa kahiusa
sa Espiritu Santo ang tanang dungog ug himaya hangtod sa
kahangturan.

K: Amen.

Rito sa Pagpangalawat

P: Karon mag-ampo kita sa Amahan, atong gamiton ang

mga pulong nga gitudlo kanato sa atong Manunubus.

K: Amahan namo, nga anaa sa mga langit, pagdayegon ang

imong ngalan, umabot kanamo ang imong ginharian, matuman
ang imong pagbuot dinhi sa yuta maingon sa langit. Ang kalan-on
namo sa matag adlaw, ihatag kanamo karong adlawa ug
pasayloa kami sa among mga sala, ingon nga nagapasaylo kami
sa mga nakasala kanamo, ug ayaw itugot nga mahulog kami sa
panulay hinonoa luwasa kami sa dautan.

P: Mangayo kami kanimo, Ginoo, nga imo kaming luwason

sa tanang dautan. Hatagi kami sa kalinaw niining panahona,
aron, tinabangan sa imong kalooy, mahalikay kami kanunay
sa sala ug mahilayo sa tanang kasamok, samtang
nagapaabot kami nga malaumon sa pagbalik ni JesuKristo,
among manunubos.

K: Kay imo man ang gingharian/ ug ang gahom ug ang himaya/

hangtod sa kahangturan.

Timaan sa Kalinaw

P: Ginoong JesuCristo, nag-ingon ka sa imong mga

Apostoles, “Ang kalinaw ibilin ko kaninyo, ang akong
kalinaw ihatag ko kaninyo.” Ayaw tan-awa ang among mga
sala, kondili ang pagsalig sa imong Simbahan ug sibo sa
imong kabubut-on hatagi kami sa imong kalinaw ug kahiusa,
Ikaw nga buhi ug hari hangtod sa kahangturan.

K: Amen.

P: Ang kalinaw sa Ginoo sa kanunay maanaa kaninyo.

K: Maanaa usab kanimo.

P: Ipakita ta ang atong panag-inigsoonay.

P: Kordero sa Dios …

K: nga nagawagtang sa mga sala sa kalibutan, kaloy-i kami.

Kordero sa Dios nga nagawagtang sa mga sala sa kalibutan,
kaloy-i kami. Kordero sa Dios nga nagawagtang sa mga sala sa
kalibutan sa mga sala sa kalibutan, hatagi kami sa kalinaw.

PANGALAWAT

P: Kini mao ang Kordero sa Dios nga nagawagtang sa mga

sala sa kalibutan. Bulahan ang gidapit alang sa panihapon sa
Ginoo.

K: Ginoo, dili ako angay nga mokalawat kanimo, apan ipamulong

lamang ug mamaayo ako.

Antipona sa Pagkalawat: (Lk.5:1-11)

Giawhag ni Jesus si Simon sa pagpalawod, kita usab karon

giawhag sa pagpalawod diha sa pagsaksi sa atong Kristohanong
kinabuhi sa pulong ug sa buhat. Nga diha sa atong pagkalawat
sa lawas ni Kristo maglig-on unta sa atong panaw sa pagpuyo sa
atong pagtoo, paghigugma ug pagserbisyo.
Pag-ampo Human sa Komunyon:
P: Mag-ampo kita: Human mabusog niining mga balaang
gasa, mapahiubsanon kaming nangaliyop sa imong kalooy,
O Ginoo, aron, matinud-anong magpatalinghug sa imong
Bugtong Anak, mahimo usab unta kaming imong mga anak
sa ngalan ug sa kamatuoran. Pinaagi ni Kristo among Ginoo.
K: Amen.

MGA MENSAHE SA PAGPASALAMAT GIKAN SA MGA

REPRESETANTE SA PRIESTS, RELIGIOUS, UG LAY.

KATAPUSANG PANALANGIN:
P: Ang Ginoo maanaa kaninyo.
K: Maanaa usab kanimo.
P: Moduko kita alang sa panalangin: Bendisyonan unta
kamo sa Ginoo ug panalipdan niya.
K: Amen.
P: Modan-ag unta ang iyang nawong kaninyo ug ihatag
kaninyo ang iyang kalooy.
K: Amen.
P: Ug ang mga panalangin sa labawng makagagahum nga
Dios, ang + Amahan ug Anak ug ang Espiritu Santo,
mokunsad unta diha kaninyo ug magpabilin diha kaninyo
kanunay.
K: Amen.
P: Panglakaw kamo sa kalinaw ni Kristo.
K: Salamat sa Dios.