Nōmen Praenōmen

Liber novus

Cornēlius est dominus Rōmānus, quī duōs līberōs habet, Sextum fīlium et
Cornēliam fīliam, et decem tantum servōs. Paucī sunt servī Cornēliī, quia
Cornēlius nōn māgnam pecūniam habet. Neque māgnam vīllam habet Cor-
nēlius, sed multōs librōs Latīnōs et Graecōs habet. Cornēlius est dominus quī
librōs et litterās amat. Bonī et pulchrī librī eum dēlectant. Etiam Sextus, fīlius
Cornēliī, librōs et litterās amat.
Cornēlius suum Libanum servum vocat: “Venī, Libane!”
Libanus venit et dominum salūtat: “Salvē, domine! Ecce, servus tuus adest.”
Cornēlius salūtat servum suum: “Salvē, Libane! Tacē et audī!”
Servus tacet et audit. Cornēlius eum interrogat: “Ubi est liber meus novus?
Cūr hīc in mēnsā nōn est?”
Libanus tacet neque respondet.
Cornēlius imperat: “Respondē, serve!”
Libanus: “Nōn mē, sed fīlium tuum interrogā!”
Cornēlius: “Quid?”
Libanus: “Liber tuus novus est in cubiculō Sextī. Fīlius tuus habet librum
tuum.”
Cornēlius: “Quid agit puer cum librō meō?”
Ex ātriō Cornēlius fīlium suum vocat: “Sexte, venī!”
Sextus pāret: ex cubiculō venit cum librō Cornēliī.
Cornēlius īrātus fīlium interrogat: “Estne liber meus novus in cubiculō tuō?”
Sextus librum in mēnsā pōnit: “Nōn est. Ecce liber tuus in mēnsā!”
Iam Cornēlius rīdet neque īrātus est. Pater, quem librī et litterae dēlectant,
laetus est quia etiam fīlius librōs et litterās amat.
I. Respondē latinē (4x 1p = 4p)

- Estne numerus servorum Corneli magnus?Cur?

- Estne Cornelius iratus cum filio suo Sexto?

- Cur Cornelius librum suum novum non habet?

- Quid facit Sextus? Cur?

II. Quære in textū antonima hīs vocābulīs (10x 0’2 = 2p): antiquus, laetus,
respondet, foedi, multi, abest, plorat, imperat, sine, discede.

III. Corrige menda (3x 0’5p = 1,5p)

- Iūlius multae rosae et multa līlia in hortō suō habet.

- Iūlia plōra quia puerī eam rīdent.
- Linguam latinam discipulum delectat.

IV. Usurpa pronomen is, ea, id in sententiis insequentibus (5x 0,5p = 2,5p):

- Dominus servorum est Iulius. >>> Dominus.............. est Iulius.

- In villa multi servi habitant. >>> In villa ................habitant.

- Iulii villa in horto est.>>> ............villa in horto est.

- Carpe rosas, Iulia! >>> Carpe................, Iulia!

- Ubi dormiunt ancillae? >>> Ubi dormiunt...............?