-Јазикот е систем од знаци за општење меѓу луѓето.
-Самиот човек при општење одбира свои знаци од јазикот и правила за нивното комбинирање, при што тој го употребува јазикот во различни ситуации со некој други единки во една општествена заедница. -Употребата на јазикот од страна на човекот во конкретните ситуации се вика говор. -Со тоа, согледуваме дека јазикот и говорот се меѓусебно поврзани и претставуваат едно неделиво единство.Така, единството од јазикот и говорот се нарекува јазична дејност. -За сите единки на една заедница, јазикот е една општествена појава која претставува и заеднички систем кај единките. Bo jазикот, всушност се систематизирани во една целина заедничките јазични навики, а додека преку говорот се изразуваат личните пројави на единките кои го употребуваат јазикот како средство за општење меѓу луѓето и како средство за искажување на сопствените мисли на различни рамништа.Исто така како систем од знаци, јазикот е стабилен и постојан, односно постојано се стреми да биде организирана целина во која секој знак има свое место. Како начин на остварување на јазикот, говорот пак е динамичен и променлив, кој може да ги менува односите меѓу знаците во системот. -Но сепак, важно е да се знае дека јазикот и говорот се во непрекинато заемно дејство, односно говорот е јазик во акција. Јазичен знак -Како што спомнавме веќе јазикот, значи се остварува преку говорот. Говорот пак, се јавува во вид на звучни слики и на нервно-физиолошки процеси во мозокот на зборувачот и во неговиот говорен апарат, па во вид на звучни бранови се пренесува до слушниот апарат и до мозокот на слушачот. -При општењето, употребуваме соодветни знаци кои со помош на јазикот се нарекуваат јазични знаци. Секој од овие знаци, всушност се наоѓа во човековиот мозок и одговара на предметите и на појавите од стварноста. -Како и сите други видови на знаци, и јазичниот знак е единство од две нешта, од кои едното е поимот и ја претставува содржинската страна на јазичниот знак, а другото нешто е звучната слика односно материјалната страна на јазичниот знак. -Јазичните знаци, односно зборовите се основни елементи на системот на јазикот и од нив зависи фукнкционирањето на јазикот како систем и негова употреба во самото општење.