Alay Kapwa 2021

ALAY KAPWA 2021
ANG BAGONG DAAN NG KRUS SA DIWA NG
Kuwaresma 2021
Sa ating sama-samang pagninilay sa pagpapakasakit ng ating Panginoong Hesus sa panahong ito ng Kwaresma,
hinihimok tayo na gunitain ang mga yugto sa buhay ng ating Panginoon sa pamamagitan ng Daan ng Krus. Ito ay
naglalapit sa atin sa daan ng kabanalang tinahak ng ating Panginoon. Ang bawat tagpong ating pagninilayan ay
sumasalamin rin sa mga tagpo ng ating buhay. Sa puntong ito, hindi lamang natin pinapalalim ang ating pananampalataya
at buhay panalangin, kundi lalo tayong inilalapit kay Hesus sa mas personal na ugnayan. At bilang Simbahan, tayo ay
pinagbubuklod ng natatanging biyayang ito ng pag-ibig at kaligtasan. Sa katunayan, sa bawat pagninilay natin sa daan
ng kabanalang ito, tayo bilang isang pamilya, ay natitipon bilang mga anak ng Diyos.
Ang pagiging isa natin bilang Simbahan ay magbubunsod sa atin na alalahanin at kalingain ang bawat isa lalo’t
higit ang mga nangangailangan. Inaanyayahan tayo na sama-samang magpunyagi sa ating panalangin at pamumuhay
araw-araw. Hindi lamang nito pinapatatag ang ating ugnayan bilang isang Simbahan, ngunit higit sa lahat ay pinagtitibay
rin nito ang ating pakikipag-kapwa tao na isang mahalagang bahagi ng ating buhay-pananampalataya. Kaya nga, tayo ay
hinihikayat ng ating simbahan, sa pamamagitan ng pagtulong at pagkakawanggawa na abutin ang ating mga kapatid na
nalilimutan at nangangailangan. Kaya’t sa pangaral sa atin ng Simbahan ng mga pamamaraang ito ng pagtulong at
pagkalinga (7 Corporal Words of Mercy), nabibigyang buhay ang pananampalatayang ating ipinapahayag. Sa pagtulong
natin sa mga taong kapos sa mga pangunahing pangangailangan upang mabuhay tulad ng damit, pagkain, inumin at
matitirhan, tayo ay nagpapaabot ng tulong sa kanilang kakulangan. Sa atin naming pagdalaw sa mga may sakit, pagbisita
sa mga nasa bilangguan, at paglilibing sa mga yumao o pakikiramay samga naiwang mahal sa buhay, tayo ay dumadamay
sa mga hirap at pagpapakasakit na pinagdaraanan ng ating kapwa. Kung paano nakikiisa tayo sa ating Panginoon sa ating
pagninilay ng mga yugto sa Daan ng Krus, tayo rin ay inaasahang makiisa sa pagpapakasakit ng ating kapwa.
Nabibigyang pagpapahalaga nito ang nais ng ating Panginoon na tayo ay pagbuklurin at akayin patungo sa Ama.
Ito rin ang prinsipyong pinanghahawakan ng Simbahang Katoliko sa ating bansa na binibigyang halaga ang
tema ng Ekumenismo at pakikipag-usap sa ibang paniniwala o relihiyon. Ang pagkilos na ito ay naglalayon na sa
pamamagitan ng panalangin at pakikipag-usap ay mapanumbalik ang pagkakaisang ninais ni Hesus para sa kanyang mga
alagad. Tayo’y inaanyayahang iwasan ang mga di kaaya-ayang panghuhusga at hayaang mamayani ang diwa ng bukas
na pakikipag–usap. Sa pamamagitan nito tayo ay umaasang lahat ay maakay ng ating Panginoon pabalik sa Ama.
Kaya pong lahat ay aking inaanyayahan na sama-samang magnilay sa mga hapis at pagpapakasakit ng ating
Panginoon. Upang bilang isang Simbahang binubuklod ng pagmamalasakit at pagtutulungan, tayo ay patuloy na tumanaw
sa pag-asa ng muling pagkabuhay.
Pagpalain nawa kayo ng Diyos sa inyong pagtahak sa landas ng kabanalan!
Lub. Kgg. Dennis C. Villarojo, D.D.

Obispo ng Malolos
1
ALAY KAPWA 2021
Maaaring magtipon sa isang lugar ang mga makikibahagi sa Daan ng Krus bago magsimula sa Unang
Estasyon.
Dapat na ihanda ang mga sumusunod:
Sasama Tatapatan
Krus Krus
Kandila Larawan ng Estasyong nakatalaga
Misal ng Alay Kapwa Kandila
Lamesang may mantel na puti
Payak na halaman o bulaklak na makukuha sa bakuran
Pagkakataon din natin ang panahong ito ng programa ng Estasyon ng Krus ng Alay Kapwa upang
madalaw natin ang ating mga kapatid na nasa mahirap na lugar ng ating pamayanan. Anyayahan silang
matapatan at makibahagi sa pag-eestasyon at makasama sa pananalangin upang maranasan nila
na sila’y bahagi ng ating pamayanang Kristiyano.
AWIT: ALAY KAPWA
Di ba’t sadyang may kapwa ang sarili

Dapat hainan ng pagsisilbi
At mamangha ligaya’y dadalisay
Pag sa kapwa buhay mo ay naalay
*Bawat galing gamitin sa paglingap

Laging damhin kung may naghihirap
At tandaan ganyang pagmamahalan
Unang unang atas ng kabanalan
(Uliting ang Bawat galing…)
Namumuno: + Sa ngalan ng Ama at ng Anak at ng Espiritu Santo.
Lahat: Amen
Sumasampalataya ako sa Diyos Amang makapangyarihan sa lahat, na may gawa ng langit at

lupa. Sumasampalataya naman ako kay Jesukristo, iisang Anak ng Diyos, Panginoon nating
lahat. Nagkatawang tao Siya lalang ng Espiritu Santo, ipinanganak ni Santa Mariang Birhen.
Pinagpakasakit ni Poncio Pilato, ipinako sa krus, namatay, inilibing. Nanaog sa kinaroroonan ng
mga yumao. Nang may ikatlong araw nabuhay na mag-uli. Umakyat sa langit, naluluklok sa kanan ng Diyos
Amang Makapangyarihan sa lahat. Doon magmumulang paririto't maghuhukom sa nangabubuhay at
nangamamatay na tao. Sumasampalataya naman ako sa Diyos Espiritu Santo, sa Banal na Simbahang
Katolika, sa kasamahan ng mga banal; sa kapatawaran ng mga kasalanan, sa pagkabuhay na mag-uli ng
nangamatay na tao, at sa buhay na walang hanggan. Amen.
PAMBUNGAD NA PANALANGIN
Namumuno: Manalangin tayo (Sandaling katahimikan)
Lahat: Panginoong Jesukristo, sa mapagmahal na sulyap ng Iyong Ina at amin ding Inang si Maria,
inihahanda namin ang aming sarili upang ikaw ay aming samahan sa Iyong paglalakbay sa landas ng Iyong
pamimighati, bilang pagtubos Mo para sa aming kaligtasan.
2
ALAY KAPWA 2021
Nais naming maging bahagi ng Iyong paghihirap, na ialay ang aming salat at nagsisising kalooban
sapagkat kami ang nagkasala ngunit Ikaw ang namatay sa ngalan ng pag-ibig Mo sa amin.
Mahal naming Ina, Birheng nagdadalamhati, tulungan kaming alalahanin ang mga mapapait
na sandali ng paghihirap ng iyong Anak, na kusang-loob Niyang binata para sa buong sangnilikha.
Nang kami, bilang mga luwad lamang, ay makapamuhay ng ganap sa kalayaan at dangal bilang mga anak
ng Diyos. Hinihiling namin ito sa Iyong pangalan, ngayon at magpasawalang hanggan. Amen.
UNANG ESTASYON:
ANG HULING HAPUNAN
I. Kahilingan
1. Para sa pagsasabuhay natin ng diwa ng Eukaristiya -- na

tayo ay magkaisa sa pagpapahayag ng Mabuting Balita at
pagbabahagi sa isa’t-isa lalo na sa mga dukha.
2. Para sa ating Diyosesis ng Malolos, ang Lalawigan ng Bulacan at Lungsod

ng Valenzuela, sa ating Parokya at sa Bikarya ni San Miguel Arkanghel.
3. Para sa buong angkan ng (banggitin ang Pangalan ng mag-anak na tinapatan) na
nakikibahagi ngayon sa ating panalangin.
II. Namumuno: Sinasamba at pinupuri ka namin, Panginoong Jesukristo.
Lahat: Sapagkat sa pamamagitan ng iyong Banal na Krus, tinubos Mo ang sanlibutan.
III. Namumuno: + Ang Mabuting Balita ng Panginoon ayon kay San Juan (Jn 13: 4-7, 14-16)
Lahat: Papuri sa Iyo, Panginoon
Namumuno: Kaya’t nang sila’y naghahapunan, tumindig si Hesus, naghubad ng Kanyang

panlabas na kasuutan, at nagbigkis ng tuwalya. Pagkatapos, nagbuhos siya ng tubig sa
palanggana, at sinimulang hugasan ang paa ng mga alagad at punasan ng tuwalyang
nakabigkis sa kanya. Paglapit niya kay Simon Pedro, tumutol ito. Panginoon, sabi niya,
“diyata’t kayo pa ang maghuhugas ng aking paa?”
“Kung akong Panginoon ninyo at Guro ay naghugas ng inyong mga paa, dapat din
kayong maghugasan ng paa. Binigyan ko kayo ng halimbawa at ito ay dapat ninyong tularan.
Sinasabi ko sa inyo: ang alipin ay hindi dakila kaysa sa kanyang panginoon, ni ang sinugo
kaysa nagsugo sa kanya.”
Ang Mabuting Balita ng Panginoon.
Lahat: Pinupuri ka namin, Panginoong Jesukristo.
3
ALAY KAPWA 2021
IV. Pagninilay: Ang Eukaristiya Bukal ng Buhay at Dangal ng Isang Kristiyano
Namumuno: Ang pundasyon ng Katuruang Panlipunan ng Simbahan ay ang paggalang sa

buhay ng tao, ito ay unang katuruan na kung saan ang tao ay nilikhang kalarawan ng
Diyos. Maganda itong alalahanin lalo na sa panahon ngayong niyuyurakan ang larawan ng
Diyos sa pamamagitan ng pagiging ganid at pagkamakasarili ng sangkatauhan.
Itinuturo ng ating Inang Simbahang Katolika na ang buhay ng tao ay banal sapagkat ang
Diyos ang lumikha nito, at ito ang palagiang pamantayan kung paano natin tinatasa ang
mga institusyon, pamamaraan at pamamahala -- kung sila ba’y mapagyabong o mapaminsala
sa buhay at dangal ng tao.
Bago magpakasakit ang Panginoong Jesukristo, itinatag Niya ang sakramento ng

Eukaristiya noong Huling Hapunan. Ang Eukaristiya, ang tinapay ng buhay. Ito ang bukal at rurok
ng lahat ng gawaing Kristiyano. Dito, ang dangal natin bilang tao ay nagniningning bilang bahagi
ng katawan ni Kristo. Dito, ang ating pagpapahalaga sa buhay ay dapat makatagpo ng lakas at dito
rin dapat humantong.
Ano ang nangyayari sa ating lipunan at pamayanan ngayon kaugnay sa paggalang

at pangangalaga sa buhay ng tao? Ano ang aking nararamamdaman sa tuwing may paglabag sa
karapatang pantao? Ako ba ay sumasang-ayon sa mga kaisipan ng aborsiyon at pagpaslang sa
mga taong naninindigan sa katotohanan o nakararamdam din ba ako ng kasiyahan sa pagpatay sa
mga masasamang-loob? Si Kristo ang tinapay ng buhay, hatid Niya’y buhay at hindi
kamatayan.
(Sandaling Katahimikan)
V. Panalangin
Lahat: Panginoong Jesukristo, nilikha ang tao para sa kaganapan at kaligayahan ng buhay nito
ngunit malimit na mali ang aming pagpili ng kung ano ang nakapagpapaligaya at
nakapagpapabusog sa amin. Inuuna namin ang aming sariling layaw kaysa ikabubuti ng iba.
Turuan mo kaming tanggapin Ka sa Eukaristiya bilang aming pagkain at inumin na
nagbibigay-buhay. Maisabuhay nawa namin ang diwa ng Eukaristiya, na ang paglilingkod sa
kapwa at paggawa para sa kanyang kaayusan ng pamumuhay ay ang pagpapatotoo namin na
kami ay inanak ng Eukaristiya upang magpahayag ng Iyong kabutihan at magpakain sa aming
kapwa. Sa pamamagitan ng aming makatarungan at mapagmahal na pagtupad sa aming
tungkulin, mapatingkad nawa namin sa aming buhay na kami ay nilikhang kalarawan ng Diyos,
anak ng Iyong Ama at kapatid mo at templo ng Espiritu Santo. Amen.
VI. Ang Unang Misteryo sa Tuwa: Ang Pagpapahayag ng Anghel sa Birheng Maria
Sa mga susunod na araw ng pag-eestasyon ng Krus maaaring isalit naman ang Misteryo ng
Liwanag dito.
Ang Unang Misteryo sa Liwanag: Ang Pagbibinyag sa Ilog ng Jordan
4
ALAY KAPWA 2021
IKALAWANG ESTASYON:
ANG PANANALANGIN NI HESUS SA GETSEMANI
I. Kahilingan
1. Para sa katatagan ng kalooban at pag-asa ng lahat ng

dumaraan sa matinding pagsubok sa buhay, upang tayo ay magkaisa
bilang mga pamilya at pamayanan na maging kaagapay ng mga
nagsisikap na bumangon sa kanilang pagkasiphayo, pagkabigo, at
kawalan ng pag-asa.
2. Para sa ating Bayan ng at Bikarya ni San
Agustin ng Hippo.
3. Para sa buong angkan ng na nakikibahagi

ngayon sa ating panalangin.
III. Namumuno: + Ang Mabuting Balita ng Panginoon ayon kay San Mateo (Mt. 26: 36-39)
Lahat: Papuri sa Iyo, Panginoon.
Namumuno: At isinama sila si Hesus sa isang lugar na tinatawag na Getsemani. Sinabi Niya
sa Kanyang mga alagad, “Dito muna kayo; mananalangin ako sa dako roon.” Ngunit isinama
Niya si Pedro at ang dalawang anak ni Zebedeo. At nagsimulang mabagabag at maghirap ang
kanyang kalooban. Sinabi niya sa kanila, “Ang puso ko’y tigib ng hapis na halos
ikamatay ko! Maghintay kayo rito at makipagpuyat sa akin!” Pagkalayo nang kaunti,
nagpatirapa siya at nanalangin: “Ama ko, kung maari’y ilayo mo sa akin ang saro ng
paghihirap na ito. Gayunman, huwag ang kalooban ko kundi ang kalooban mo ang
mangyari.”
IV. Pagninilay: Tawag sa Pamilya, Makiisa kay Hesus bilang Sambayanan ng Diyos
Namumuno: Ang ikalawang Katuruang Panlipunan ng Simbahan ay nagsasaad na ang

buhay ng tao ay ‘di lamang banal kundi siya rin ay may buhay-ugnayan sa kanyang pamilya at
pamayanan. Kaya nga ang panawagan ni Hesus sa mga alagad na makiisa sa panalangin sa
halamanan ay tawag din sa pamilya. Sa panahon ngayon pansin natin ang pagkakanya- kanya
-- na mas mainam pang gawin ang isang bagay na mag-isa o kaya ay ng isang maliit na grupo
na lang kaysa magtaguyod ng pagkakaisa ang lahat. Ngunit ang Katuruang Panlipunan
ng Simbahan ay naniniwalang makakamit ng tao ang kanyang ganap na kaligayahan
kung kasama siya ng pamilya at pamayanan. Sa kanyang pakikisangkot sa lipunan ay
inaasahang gagawin niya ang kanyang tungkuling isulong ang kapakanan ng lahat lalo na para
sa mahihirap at mahihina sa kanyang pananalangin at pagsisimba.
5
ALAY KAPWA 2021
May buhay bang ugnayan sa loob ng aming pamilya -- sa aming pagmamahalan,
pagpapatawaran, pagkakaisa, at pagtutulungan? Kami ba bilang pamilya ay sama-sama
pang nagdarasal at nagsisimba? Iminumulat din ba namin ang aming pamilya sa mas
malawak naming ugnayan sa pamayanan? Nakikiiisa ba kami sa mga gawaing
pampamayanan at panlipunan? Naniniwala ba kaming mayroon kaming tungkuling gumawa
para sa kapakanan ng lahat lalo na sa aming pagdamay sa mga dukha at mahihina?
(Sandaling katahimikan)
V. Panalangin
Lahat: Panginoong Jesukristo, katulad Mo, marami ring bumabagabag at nagpapahirap sa

aming kalooban. Turuan mo po kaming manalangin at magtiwala sa kalooban ng Diyos
bilang isang pamilya. Makita nawa namin ang kahalagahan ng bawat isa sa aming pamilya at
pamayanan, hindi lamang sa kanilang tulong-materyal; kundi lalo’t higit sa pananalangin.
Bigyan mo rin kami ng biyaya upang ang paggawa at pagmamalasakit sa isa’t-isa ay
magbunga ng isang mapagmahal na ugnayan. Hinihiling namin ito sa Iyong pangalan,
ngayon at magpasawalang hanggan. Amen.
VI. Ang Ikalawang Misteryo sa Tuwa: Ang Pagdalaw ng Birheng Maria kay Elisabet
O kaya:
Ang Ikalawang Misteryo sa Liwanag: Ang Pagpapahayag sa Kasalan sa Cana
IKATLONG ESTASYON: SI HESUS AY HINATULAN

NG KAMATAYAN
I. Kahilingan
1. Para sa pamahalaan, simbahan, mga samahang sibiko -- upang

maging tagapangalaga sila ng karapatang pantao, at sa lahat ng umuugit ng
batas -- upang kanilang laging isulong ang batas para pangalagaan ang
buhay at paunlarin ito.
2. Para sa ating Barangay/Sitio at Bikarya ni Sta. Ana.
3. Para sa buong angkan ng na nakikibahagi ngayon sa
ating panalangin.
III. Namumuno: + Ang Mabuting Balita ng Panginoon ayon kay San Marcos (Mc.
14:60- 64;15:1)
6
ALAY KAPWA 2021
Namumuno: Tumayo ang pinakapunong pari sa harap ng kapulungan at tinanong si Hesus,

“Wala ka bang isasagot sa paratang nila sa Iyo?” Ngunit hindi umimik si Hesus at hindi
sumagot ng anuman. Muli siyang tinanong ng pinakapunong pari, “Ikaw nga ba ang Kristo, ang
Anak ng Kataas-taasan?” Sumagot si Hesus: “Ako nga. Makikita ninyo ang Anak ng Tao na
nakaupo sa kanan ng Makapangyarihan at dumarating na nasa ulap ng kalangitan.”
Pinunit ng pinakapunong pari ang kanyang kasuotan at sinabi, “Kailangan pa ba natin
ng saksi? Narinig ninyo ang kanyang paglapastangan sa Diyos! Ano ang inyong pasya?”
Kinaumagahan, nagpulong agad ang mga punong pari, mga pinuno ng bayan, mga
tagapagturo ng Kautusan, at iba pang bumubuo sa kataas-taasang kapulungan ng mga
Judio. Ipinagapos nila si Hesus at dinala kay Pilato.
IV. Pagninilay: Ang Karapatan at Tungkulin ng Tao
Namumuno:
Mapangangalagaan lamang natin ang dangal ng tao kung ang kanyang

karapatan ay malaya niyang tinatamasa kaalinsabay ng kanya rin namang tungkuling
igalang ang buhay at karapatan ng ibang tao. Ang bawat tao ay may karapatan sa mga
pangunahing pangangailangan ng buhay ngunit tungkulin din naman niyang igalang at
kilalanin ang karapatan at pangangailangan ng iba. Ang bawat karapatan ay laging may
kaakibat na tungkulin, kung kaya’t ang karapatan ay magiging tunay lamang kung ito ay
tumutugon sa pangangailangan ng bawat tao sa pamayanan at lipunan, at hindi lamang sa
pansariling kapakinabangan. Si Hesus ay hinatulan ng kamatayan at kay dami pa ring
pinapatay na ni wala man lamang paglilitis na nagaganap. At mayroon ding nakukulong na
wala namang kasalanan.
Wasto ba ang paggamit ko ng aking karapatan? Madalas ba akong magalit

kapag di ko maigiit ang aking gusto? Handa ba akong magpaubayang huli ko nang
tanggapin ang para sa akin, mailagay ko lamang sa una ang pangangailangan ng ibang
tao na higit na nangangailangan kaysa sa akin?
V. Panalangin
Lahat: Panginoong Jesukristo, bagama’t Ikaw ay Diyos, hindi Mo pa rin ipinilit na

maging kapantay ang Diyos. Bagkus hinubad Mo ang lahat upang maging tao at ipakitang ang
tunay na kalayaan ay ang pagbibigay ng sarili para mabuhay ang lahat. Hinatulan ka ng
kamatayan bagama’t walang kasalanan. Kaya habang aming pinahahalagahan ang aming
karapatan at mapahalagahan din namin ang karapatan ng aming kapwa. Maging mapanagutan
nawa kami sa isa’t-isa.
Turuan po Ninyo kaming nagninilay ngayon sa Daan ng Krus na ito na talikuran namin ang
aming pagkamakasarili at harapin namin ang pagpapakabuti sa pamamagitan ng aming pag-
asang may mas maaabot kami kung kami ay marunong magparaya at mag-alay ng
7
ALAY KAPWA 2021
aming buhay para sa iba. Hinihiling namin ito sa Iyongpangalan, ngayon at magpasawalang
hanggan. Amen.
Ang Ikatlong Misteryo sa Tuwa: Ang Pagsilang ni Hesus
O kaya:
Ang Ikatlong Misteryo sa Liwanag: Ang Pagpapahayag ng Kaharian ng Diyos
IKAAPAT NA ESTASYON: ANG PAGHAHAMPAS

SA PANGINOONG JESUKRISTO AT
PAGPUPUTONG NG KORONANG TINIK
I. Kahilingan
1. Para sa lahat ng nakararanas ng kahirapang materyal at kaluluwa at sa

lahat ng mga dukha, may kapansanan at mga inaapi dahil sa kanilang
kalagayan upang mapagtagumpayan nila ang pait ng buhay at magkaroon ng pag-asa ng
kaginhawahan at kapayapaan ng kalooban.
2. Para sa ating Sangguniang Parokya, SPPC, mga Samahang Pansimbahan at Bikarya ng
Inmaculada Concepcion.
3. Para sa buong angkan ng na nakikibahagi ngayon sa ating panalangin.
III. Namumuno: + Ang Mabuting Balita ng Panginoon ayon kay San Juan (Jn. 19:1-6a)
Namumuno: Kaya’t ipinakuha ni Pilato si Hesus at ipinahagupit. Ang mga kawal ay kumuha
ng halamang matinik, ginawa itong korona at ipinutong kay Hesus. Siya rin ay sinuotan nila
ng balabal na kulay ube. Lumapit sila sa kanya at sinabi, “Mabuhay ang Hari ng mga Hudyo!”
At kanilang pinagsasampal si Hesus. Lumabas muli si Pilato at sinabi sa mga tao, “Ihaharap
ko siya sa inyo upang malaman ninyo na wala akong nakikitang dahilan upang hatulan siya!”
At lumabas si Hesus na may koronang tinik at balabal na kulay ube. Sinabi sa kanila
ni Pilato, “Pagmasdan ninyo ang taong ito!” Pagkakita sa kanya ng mga punong pari at ng
mga bantay, sila’y nagsigawan “Ipako siya sa krus! Ipako sa krus!” Sinabi ni Pilato
“Kayo ang bahala sa kanya at magpako sa kanya sa krus, dahil wala akong nakikitang
dahilan upang hatulan siya.”
8
ALAY KAPWA 2021
IV. Pagninilay: Pangungahing Pagpili sa mga Dukha at Mahihina Para sa Kanilang

Kapakanan
Namumuno:
Lumalala ang pagkakahati ng mundo sa pagitan ng pag-unlad ng iilan at matinding

kahirapan sa marami. Umiiral ang kapighatian ng kahirapan para sa malaking bahagi
ng mundo, samantalang ang kakaunti ay nagpapasasa sa yamang labis na sa kanilang
pangangailangan. Sinusukat din ng Simbahang Katolika ang isang lipunan kung paano nito
binibigyang pansin at pagkakataon na ang mga mahirap ay kanyang tulungang paunlarin.
Sa Huling Paghuhukom (Mt. 25:31-46), tinuturuan tayong unahin natin sa ating

ugnayan ang mga higit na nangangailangan -- ang daing ng mga dukha ay ating pakinggan at
kumilos upang sila ay tulungan. Tinanggap ng Panginoong Hesus ang koronang tinik at naging
dukhang tulad natin. Naging mahina at nagdusa upang tubusin tayo sa kasalanan.
Sino ang mas binibigyan kong pabor sa aking buhay, ang mga tao bang may isusukli sa
aking ginawa o ang mga taong nasa gipit na pangangailangan? Nanatili na lamang ba ako sa
antas ng damdamin ng awa para sa mga mahihirap at mahihina at wala naman akong
konkretong ginagawa para sila ay tulungan? Ano ang ginagawa ko upang maibsan ko ang
kahirapan ng aking kapwa?
V. Panalangin
Lahat: Panginoong Jesukristo, pag-ibig ang nagtulak sa Iyo upang ikaw ay magdusa para sa
kaligtasan ng sangkatauhan. Hinagupit ka, pinutungan ng koronang tinik, at dinusta sa iyong
pagal na katawan at nanghihinang kalooban, ngunit sa kabila ng lahat ng ito, pinili
Mong magpakumbaba at pasanin ang lahat ng pagpapahirap sa Iyo alang-alang sa
Iyong pagmamahal. Bigyan Mo kami ng pagkakataon na kami rin ay matutong tumikis sa
aming sariling hilig upang bigyang-kaluwagan ang aming mga kapatid na naghihirap.
Makita Ka nawa namin sa mukha ng mga dukha at gumawa kami nang makatarungan upang
mabali namin ang mapagpahirap na panghampas ng pagkaganid. Hinihiling namin ito sa
Iyong pangalan, ngayon at magpasawalang hanggan. Amen.
Ang Ikaapat Misteryo sa Tuwa: Ang Paghahandog sa Templo sa Batang si Hesus
O Kaya:
Ang Ikaapat Misteryo sa Liwanag: Ang Pagbabagong Anyo
9
ALAY KAPWA 2021
IKALIMANG ESTASYON:
ANG PAGPAPASAN NI HESUS NG KRUS
I. Kahilingan
1. Para sa lahat ng mga may mabibigat na pasanin sa buhay,

lalo na ang mga salat at nabubuhay sa arawang-sahod, gayundin sa mga
manggagawa sa industriya at serbisyo.
2. Para sa ating Pamahalaang Pambansa, Pambayan at
Sangguniang Barangay at Bikarya ni Santiago Apostol.
III. Namumuno: + Ang Mabuting Balita ng Panginoon ayon kay San Juan (Jn. 19: 16b-17)
Namumuno: Kaya’t ibinigay sa kanila ni Pilato si Hesus upang Siya’y ipako sa krus. Kinuha
nga nila si Hesus. Inilabas Siyang pasan ang Kanyang krus papunta sa lugar na kung
tawagi’y “Dako ng Bungo”, Golgotha sa wikang Hebreo.
IV. Pagninilay: Ang Dangal ng Paggawa at Karapatan ng mga Manggagawa
Namumuno:
Ang lakas paggawa ay di lamang para sa ikabubuhay ng isang tao ngunit lalo’t higit ay
isang anyo ng pakikiisa ng tao sa Diyos sa patuloy Niyang paglikha sa sanlibutan.
Itinuturo ng Simbahan na ang ekonomiya ay dapat na maglingkod sa kapakanan ng tao. Sa
kasamaang-palad, ang kalagayan ng maraming manggagawa ay kahabag-habag dahilan sa
mas inuuna ng mga kapitalista ang kanilang pakinabang, at kinalilimutan naman ang
makatarungang sahod para sa mga manggagawa. Inuuna ang interes ng mga
namumuhunan kaysa karapatan sa isang disenteng sahod para sa mga manggagawa.
Karapatan sa paggawa, makatarungang sahod, pagbubuo ng mga samahan ng mga

manggagawa, pribadong pag-aari, at paglikha ng iba pang trabaho ay bahagi ng pag-iingat
para sa dangal ng paggawa at karapatan ng mga manggagawa. Ang pagtupad sa mga
karapatang ito ay nagsusulong sa ekonomiyang gumagalang sa dangal ng buhay ng
tao, nagtatanggol sa karapatang pantao at lumilingap sa ganap na kapakanan ng isang tao.
10
ALAY KAPWA 2021
Ang Panginoong Hesus ay naging anak sa turing ng isang manggagawa. Tulad ng

maraming manggagawa na nagpapasan ng mabibigat na bagay, pinasan ng Panginoong
Hesus ang krus.
Masigla ba akong nakikibahagi sa paglikha ng Diyos sa pamamagitan ng tapat

at mahusay kong pagtratrabaho? Iniisip ko ba ang kapakanan ng aking mga empleyado,
kasambahay, o di kaya naman, ang mga taong nagbibigay sa akin ng serbisyo? Tapat din ba
ako sa aking pinagtatrabahuhan at hindi nang-aabuso at mapagsamantala sa kabutihan ng
nagbibigay sa akin ng trabaho?
V. Panalangin
Lahat: Panginoong Jesukristo, pinasan Mo ang krus ng paghihirap at bukas-loob Mong

tinanggap ang kamatayan upang ipakita sa amin na ang tunay na pagmamahal ay ang
kusang-loob na pagpapakasakit. Hubugin Mo kami sa Iyong pag-ibig upang matutunan
naming talikuran ang aming pagka-makasarili at makita namin ang pangangailangan ng iba.
Sumalok nawa kami ng kagalakan at pag-asa sa aming pagtutulungan, nang ang bawat isa ay
magkaroon ng kaginhawahan. Hinihiling namin ito sa Iyong pangalan, ngayon at
magpasawalang hanggan. Amen.
Ang Ikalimang Misteryo sa Tuwa: Si Hesus ay Nanatili sa Templo
O kaya:
Ang Ikalimang Misteryo sa Liwanag: Ang Pagtatatag ng Banal na Eukaristiya
IKAANIM NA ESTASYON:
ANG PAGKADAPA NI HESUS
I. Kahilingan
1. Para sa kapayapaan sa buong mundo at sa lahat ng mga

namumuno sa buong mundo upang sila ay magkaroon ng pagkakaisang
isulong ang katarungan, kapayapaan, at pag-unlad ng bawat bansa at lahi.
2. Para sa lahat ng mga Pandaigdigang Samahan na
nagsusulong ng kapayapaan at kaunlaran sa buong mundo, sa mga taong
may malinis na kalooban na kumikilos para sa mga mahihirap at inaapi, at sa
Bikarya ni San Martin ng Tours.

11
ALAY KAPWA 2021
III. Pagbasa mula sa Aklat ni Propeta Isaias (Is. 53:4-7)
Namumuno: Tunay ngang inalis Niya ang ating mga kahinaan, pinagaling Niya ang
ating mga karamdaman. Ngunit inakala nating iyo’y parusa ng Diyos sa Kanya. Ngunit
dahil sa ating mga kasalanan kaya Siya nasugatan; Siya ay binugbog dahil sa ating
kasamaan. Tayo’y gumaling dahil sa pahirap na dinanas niya at sa mga hampas na kanyang
tinanggap. Tayong lahat ay tulad ng mga tupang naliligaw; nagkanya-kanya tayo ng
lakad. Ngunit ipinataw ni Yahweh sa Kanya ang kaparusahang tayo dapat ang
tumanggap. “Siya ay binugbog at pinahirapan, ngunit hindi kumibo kahit isang salita; tulad ay
tupang nakatakdang patayin, parang korderong hindi tumututol kahit na gupitan at hindi umiimik
kahit kaunti man.
Ang Salita ng Diyos.
Lahat: Salamat sa Diyos.
IV. Pagninilay: Pagkakaisa ng mga Bansa
Namumuno:
Sa ating panahon, waring ang lahat ay walang pakialam sa mga pandaigdigang

pangyayari at higit sa lahat, pinigtas natin ang ating sarili sa mas malawak nating pamilya
-- ang buong sangkatauhan. Ang bawat tao ay kaugnay ng lahat ng tao sa mundo kung
kaya’t mayroon siyang tungkulin sa lahat -- tayo ay tagapangalaga ng bawat isa.
Tayo ay iisang pamilya ng Diyos anuman ang pagkakaiba ng ating lahi, bansa,
paniniwala, at ideolohiya. Ang pagkakaisa ay ang pagmamahal at pagmamalasakit natin
sa ating kapwa na nasa ating ginagalawang pamayanan, bansa, athesu mundo. Tayong
lahat ay magkakapatid. Si Hesus ay nadapa sa bigat ng krus. Tayo naman ay nadarapa
dahil sa ating mga kasalanan. Si Hesus ay muling tumayo upang turuan tayong tumayo
matapos madapa. Si Hesus ay kaisa natin sa pagsisikap na bumangong muli.
“Ang pagkakaisa ay isang matibay at mapagpunyaging pagtatalaga ng sarili para

sa lahat; na ang ibig sabihin ay para sa kapakanan ng lahat at ng bawat isa, dahil tayo ay
may tungkulin para sa lahat.” –Solicitudo Rei Socialis, blg. 38
Hinuhubog ba natin ang ating pamilya sa isang mulat na pagbabahagi ng ating

sarili sa ating kapwa? Nahuhubog ba ang pagkakaisa at pagdadamayan natin sa ating
pamayanan? Tayo ba ay tumutulong sa ating kapwa na makabangon mula sa kasalanan
at makapagbagong buhay? Uso pa ba ang bayanihan ngayon? Paano natin tinatanggap
ang mga dayuhan o ang mga pamilyang inilipat sa pabahay na nasa ating barangay?
Anong mga payak na bagay ang ating iniaambag para sa kaayusan ng ating barangay,
bayan, bansa at ng buong mundo?
V. Panalangin
Lahat: Panginoong Jesukristo, makintal nawa sa aming puso ang diwa ng pagkakaisa,
at ituring namin na ang bawat isa ay aming kapatid katulad ng Iyong pakikipag-kapatid sa amin.
Patawarin Mo po kami sa aming paulit-ulit na pagkadapa sanhi ng aming kahinaan at
kasalanan. Bigyan Mo kami ng kapakumbabaan, nang kami ay pagabay sa mabubuting
12
ALAY KAPWA 2021
payo ng Iyong Salita, ng Simbahan, at ng mga taong Iyong ginagamit upang kami ay
mapanuto sa aming buhay. At ng biyaya ng alab ng pagkakaisa upang sama-sama naming
itaguyod ang iyong mapagmahal na Kaharian dito sa lupa. Hinihiling namin ito sa Iyong
pangalan, ngayon at magpasawalang hanggan. Amen.
VI. Ang Unang Misteryo sa Hapis: Ang Paghihirap ng Panginoong Jesukristo

sa
Halamanan
ANG IKAPITONG ESTASYON:

SI HESUS AY TINULUNGAN NI SIMON NG CIRENE
I. Kahilingan
1. Para sa lahat ng tao, upang ituring nilang ang kalikasan ay nilikha ng

Diyos, at tungkulin ng bawat isa na pangasiwaan at linangin ito nang ayon
sa kalooban ng Diyos.
2. Para sa lahat ng mga namumuno sa buong mundo, mga sangay ng
pamahalaan at mga taong kumikilos para sa kapakanan ng kalikasan.
Isama rin natin ang programa ng Diocesan Ecological and
Environmental Program (DEEP) ng ating diyosesis. At para sa Bikarya ni
San Jose, Manggagawa.
III. Ang Mabuting Balita ng Panginoon ayon kay San Marcos (Mc. 15:21)
Namumuno: Nasalubong nila ang isang lalaking galing sa bukid, si Simon na taga-Cirene, ama
nina Alejandro at Rufo. Pilit nilang ipinapasan sa kanya ang krus ni Hesus. Kanilang dinala si
Hesus sa lugar na tinatawag na Golgotha, na ang ibig sabihin’y “Pook ng Bungo”.
IV. Pagninilay: Pangangalaga sa Kalikasang Nilikha ng Diyos
Namumuno:
Iminulat at hinubog tayo ng ating Simbahang Katoliko na ang Diyos ang may likha ng
lahat ng bagay sa mundo; sa lahat ng nakikita at di nakikita, ang Diyos ang lumikha -- sa
makabagong panahon kung saan ang matuling pagkasira ng kalikasan ay isang malaking
hamong moral at etikal ng ating pananampalataya.
13
ALAY KAPWA 2021
“Mayroon lamang isang sistema ng hangin, tubig at kalupaan sa buong mundo. Sa

mahigpit na ugnayan ng bawat isang ito nakasalalay ang kalusugan at pag-iral ng
bawat anyo ng buhay na kung saan nakasandig ang buhay ng tao.” (P. Jun Roxas, DEEP
Concept Paper 1997)
Ang pangangalaga sa kalikasan ay pagdinig sa hikbi ng sangnilikha at daing ng mga

dukha. (Papa Francisco, Laudato Si’). Tulad ni Simon ng Cirene, tinatawagan tayong
tumulong sa pangangalaga ng kalikasan.
Ano na ba ang kalagayan ng aming kapiligiran sa aming bayan, ang kabundukan,

kailugan, palayan, kapatagan, ng hangin at ng karagatan? Nakikisangkot ba ako sa gawaing
pampamayanan para sa pangangalaga at pagtatanggol sa kalikasan? Bakuran lang ba
namin ang nililinis ko o may pahalaga rin ako sa mas malawak na bunga ng aking simpleng
gagawin para sa kalikasan tulad ng segregation o paghihiwalay ng basura, pagtitipid
sa tubig, kuryente, di pagsusunog ng basura, pakikisangkot sa mga gawaing pangkalikasan,
at iba pa?
V. Panalangin
Lahat: Panginoong Jesukristo, may kanya-kanya rin kaming mga pasanin sa buhay, ngunit
huwag sana naming malimutang mayroon kaming kapwa na handang tumulong sa amin,
tulad ni Simon ng Cirene. Bigyan po Ninyo kami ng mabubuting kaibigan na tutulong
sa aming pagaanin ang aming mga tiisin sa buhay. Makita nawa namin na sa sandali ng aming
kagipitan, hindi lamang ang aming kapakanan, kundi lalo’t higit ang kapakanan ng iba.
Turuan Ninyo kami, na kung paanong ang iyong Katawang Mistiko ay umiiral sa ugnayan ng
bawat bahagi nito, gayun din naman sa likas na ugnayan ng kalikasan, kami ay matutong
igalang ang hangin, tubig, lupa at lahat ng bagay na nilkha Mo upang kami ay sama-samang
makatugon sa pangangailangan ng iba lalo na ng mahihirap. Hinihiling namin ito sa Iyong
pangalan, ngayon at magpasawalang hanggan. Amen.
VI. Ang Ikalawang Misteryo sa Hapis: Ang Paghahampas kay Hesus sa Haliging Bato
ANG IKAWALONG ESTASYON:

NASALUBONG NI HESUS ANG MGA
BABAENG TAGA- JERUSALEM
I. Kahilingan
1. Para sa buong mundo, upang maibsan at wakasan ang gutom

lalo na ng mga mahihinang kasapi ng lipunan, ang mga bata,
matatanda, kababaihan, may-sakit, at walang tiyak na trabaho at
tahanang matitirahan.
2. Para sa lahat ng mga umuugit ng mga patakarang pandaigdig at mga
dalubhasa, upang matugunan nila ang mga wastong pamantayan -- ispiritual at pulitikal --
na naglalayong isulong ang karapatan ng lahat sa pagkain. Isama rin natin
ang programang pangkabuhayan ng KAUNLARAN-BEATUS. At para sa ating
14
ALAY KAPWA 2021
Emmaus House of Apostolate, Hospicio de San Juan de Dios, Galilee Homes,
Bethany Orphanage, Bethlehem House of Bread, Nazareth Home for Street Children,
Bahay at Yaman ni San Martin, Tahanang Mapagpala, Tahanang Mapagkalinga ni
Madre Rita, Bahay Kalinga, Lingap-Bata at Ephesus Homes. At para sa lahat ng
mga nagsasagawa ng Feeding Programs. At para sa Bikarya ng Sta. Maria.
III. + Ang Mabuting Balita ng Panginoon ayon kay San Lukas (Lk. 23: 27-28;31)
Namumuno: Sinusundan si Hesus ng maraming tao, kabilang ang mga babaeng

nananaghoy at nananambitan dahil sa kanya. Nilingon sila ni Hesus at sinabi sa kanila, “Mga
kababaihan ng Jerusalem, huwag ninyo akong tangisan. Ang tangisan ninyo’y ang inyong
sarili at inyong mga anak. Sapagkat kung ganito ang ginagawa sa kahoy na sariwa,
ano naman kaya ang gagawin sa tuyo?”
IV. Pagninilay: Pagpapakain sa Nagugutom
Namumuno: Ang karapatan sa pagkain ay isa sa mga pinahalagahan ng Pandaigdigang

Pagpapahayag ng Karapatang Pantao noong 1948.
At noong 1974, ang Pandaigdigang Pagpapahayag sa Pagpuksa ng Kagutuman at

Malnutrisyon, ay nagsasaad na ang bawat tao ay may di maipagkakait na karapatang siya ay
maging malaya sa gutom at malnutrisyon para sa kanyang ganap na pag-unlad sa katawan at
pag-iisip.
Ang hamong kinakaharap ng buong mundo ngayon ay hinuhugis ng ekonomiya at

teknolohiya, ngunit sa mas malalim na pagtukoy, ito ay isang hamon sa isang wastong
pamantayan, ispirituwal at pulitikal. Ito ay nangangahulugan ng sama-samang pagtugon ng
buong daigdig upang abutin ng lahat ang isang tunay na kaunlaran.
Yamang dapa ang malaking bahagi ng sangkatauhan sa kagutuman, tinatawagan

tayo ng Ikalawang Konsilyo Vatikano na alalahanin ang tinagurian ng ating mga ninuno sa
pananampalataya, “Pakainin mo ang taong namamatay dahil sa gutom, at kung hindi mo siya
pinakain, pinatay mo siya.” Ang taimtim na babalang ito ay nagtutulak sa atin na sama-sama
nating wakasan ang kagutuman. Sapat ang buong mundo para sa lahat kung marunong
lamang tayong damahin at pakinggan ang gutom at hikbi ng mga ng mga dukha at turuan
tayong magbahagi at di mambusabos. (Cor Unum, World Hunger - A Challenge for All:
Development in Solidarity)
Ang mga babae sa Jerusalem ay sinabihan ni Hesus upang hindi lang Siya
kundi ang iba rin ay damayan. Madali tayong maiyak o maawa lalo na sa mga nagugutom
subali’t madali rin ba tayong dumamay sa kanila?
Anong mga bagay ang mga sinasakripisyo ko upang makapag-ipon at ito ay

maibahagi sa mga nagugutom? Materyoso ba ako o kaya nama’y maaksaya sa pagkain
15
ALAY KAPWA 2021
habang ang marami ay subsob sa kanilang kalam na sikmura? Madalas ba akong bumili ng
mamahaling pagkain at inumin ngunit madamot naman sa pagbibigay sa nangangailangan?
V. Panalangin
Lahat: Panginoong Jesukristo, sa Iyong pagiging Diyos, niyakap Mo ang lahat sa aming
pagkatao liban sa kasalanan. Sa pagpasan Mo ng krus dinanas Mo ang lahat ng paghihirap
bilang isang tunay na tao. Naglalakbay Ka pa rin sa aming kapanahunan ngayon sa
pamamagitan ng aming kapwang naghihirap, na walang anumang pangunahing
pangagailangan. Turuan Mo kaming mamighati sa Iyong pagdurusa at kumilos upang ibsan
ang paghihirap Mo sa pamamagitan ng aming sama-samang pagbabahagi at pagtalikod sa
aming pansariling layaw, tulungan ang mga nagugutom hindi lamang sa pagkain kundi
maging sa pagmamahal at katarungan. Hinihiling namin ito sa Iyong pangalan, ngayon
at magpasawalang hanggan. Amen.
VI. Ang Ikatlong Misteryo sa Hapis: Ang Pagpuputong ng Koronang Tinik Sa Panginoong
Jesukristo
ANG IKASIYAM NA ESTASYON:

IPINAKO SI HESUS SA KRUS
I. Kahilingan
1. Para mabigyan nating lahat ng pagpapahalaga ang biyayang

bigay ng dalisay na tubig na maiinom. At para sa lahat ng mga lugar na
nakararanas ng kakapusan sa malinis na maiinom na tubig.
2. Para sa ating pagkakaisa upang ipagtanggol ang malusog na ugnayan
sa kalikasan. Ipanalangin din natin ang kalagayan ng ating kalikasan
sa ating lalawigan: ang kabundukan, kapatagan at katubigan, at para sa
lahat ng mga samahan, kilusan, at mga dalubhasa, na
nagsusulong para sa kapakanan ng kalikasan. At para sa Bikarya ni San
Francisco ng Assisi.
3. Para sa buong angkan ng na nakikibahagi ngayon
sa ating panalangin.
Lahat: Sapagkat sa pamamagitan ng iyong Banal na Krus, tinubos mo ang sanlibutan.
III. Ang Mabuting Balita ng Panginoon ayon kay San Marcos (Mc. 15:24-27) at kay
San
Juan (Jn.19: 28-29)
Namumuno: Ipinako si Hesus sa krus at saka pinaghati-hatian ang kanyang damit sa

pamamagitan ng palabunutan. Ikasiyam ng umaga nang ipako siya sa krus. Isinulat sa itaas
16
ALAY KAPWA 2021
ng krus ang paratang laban sa kanya, “Ang Hari ng mga Judio.” May dalawang tulisang
kasama niyang ipinako sa krus, isa sa kanan at isa sa kaliwa.
Pagkatapos nito, alam ni Hesus na naganap na ang lahat ng bagay; at bilang katuparan ng
Kasulatan ay sinabi Niya, “Nauuhaw ako!” May isang mangkok doon na puno ng maasim na
alak. Inilubog nila rito ang isang espongha, ikinabit sa sanga ng isopo at idinikit sa kanyang
bibig.
IV. Pagninilay: Painumin ang mga Nauuhaw
Namumuno:
Sa taglay na kalikasan ng tubig, ito ay hindi dapat na ituring bilang isang bagay lamang at
ito’y kailangang gamitin ng wasto para sa kapakinabangan ng lahat. Isa sa mga tungkulin ng
nasa pamahalaan ay pangalagaan at tingnan kung ang tubig ba ay naibabahagi ng wasto sa
lahat. At kung sakali na ito ay ipagkatiwala sa isang pribadong pangangasiwa, ang tubig ay
ituturing pa rin bilang isang yaman na para sa pampublikong kapakanan. Ang karapatan sa
tubig, tulad ng kaparapatang pantao, ay nakasandig sa dangal ng tao, at hindi lamang
bilang isang bagay na sinusukat bilang isang kapakanang pang-ekonomiya. Walang tubig,
ang buhay ay manganganib. Kaya, ang karapatan sa malinis na maiinom na tubig ay
pandaigdigan at di maiaalis na karapatan. (Compendium of the Social Doctrine of the
Church, 485)
Anong mga bagay ang naiiambag ko sa aking pamayanan upang makiisa sa mga
gawaing pangkalikasan? Si Hesus man ay nauhaw, at katulad Niya, maraming nauuhaw.
Ginagamit ko lang ba iyong sapat sa aking pangangailangan sa tubig? Ano ang aking
nararamdaman sa tuwing may naaaksayang tubig sa aming bahay o sa ibang lugar, at sa
nakikita kong patuloy na pagkamatay ng mga sapa, ilog at karagatan?
V. Panalangin
Lahat: Panginoong Jesukristo, sa Iyong pagkapako sa krus, humiling Ka rin ng tubig

na titighaw sa iyong pagod at uhaw. Ngunit ang Iyong pagkauhaw ay ang isang malalim
na pakiusap na kami ay mauhaw sa Iyong awa at pag-ibig na aming mararanasan sa
tuwing kami ay natututong magmalasakit sa pangangailangan ng aming kapwa. Painumin mo
kami sa batis ng Iyong awa, at idinadalangin naming kami ay makasunod sa Iyong halimbawa
ng pagmamalasakit at pagbibigay ng sarili upang kaming lahat ay mabuhay sa pagkakaisa at
pagkalinga sa mga walang-wala. Hesus, turuan mo kaming painumin ang mga nauuhaw.
Hinihiling namin ito sa Iyong pangalan, ngayon at magpasawalang hanggan. Amen.
VI. Ang Ikaapat na Misteryo sa Hapis: Ang Pagpapasan ng Krus ng

Panginoong Jesukristo
17
ALAY KAPWA 2021
ANG IKASAMPUNG ESTASYON:

ANG PAGBIBIGAY NG KAPATAWARAN SA
MAGNANAKAW
I. Kahilingan
1. Para sa lahat ng industriya sa larangan ng pagkain at damit,

upang isulong nila ang tapat na paggawa para sa isang maayos na
produkto, at gumawa nang ayon sa kapakanan ng tao at hindi
lamang sa ngalan ng kita.
2. Para sa lahat ng mga tao, pamilya, samahan at
organisasyon na nagsusulong ng mga gawaing pagbibigay ng
pagkakataon para sa isang maayos na buhay sa mga may kapansanan,
may-sakit, at mga mahihirap. Isama rin natin ang mga relihiyoso,
relihiyosa at mga taong sa kanilang payak na gawain ay nagpapamalas ng
pagmamalasakit sa kapwa. Isama rin natin sa ating panalangin ang Disaster
Preparedness and Response ng ating diyosesis. At para sa Bikarya ni San Diego
ng Alcala.
III. Ang Mabuting Balita ng Panginoon ayon kay San Marcos (Mc. 15:24-25) at San Lukas
(Lk. 23: 39-43)
Namumuno: Ipinako Siya sa krus at nagsapalaran sila upang malaman kung alin sa
Kanyang damit ang mapupunta sa bawat isa. Ika-siyam ng umaga nang ipako nila sa krus si
Hesus.
Tinuya rin si Hesus ng isa sa mga salaring nakapako sa tabi niya, “Hindi ba ikaw ang
Kristo?” Iligtas mo ang iyong sarili pati na rin kami.” Ngunit pinagsabihan naman ito ng
kanyang kasama. “Wala ka bang takot sa Diyos?” Ikaw di’y pinarurusahang tulad niya! Tama
lamang na tayo’y parusahan nang ganito dahil sa ating mga ginawa; ngunit ang taong ito’y
walang ginawang masama,” At sinabi pa nito “Hesus, alalahanin mo ako kapag naghahari ka
na.” Sumagot si Hesus, “Sinasabi ko sa iyo, isasama kita ngayon sa Paraiso.”
IV. Pagninilay: Damtan ang Walang Maisuot
Namumuno:
“Kahon-kahong lumang damit na donasyon sana sa mga nasalanta ng Bagyong

Yolanda, nakatambak ngayon sa warehouse ng Bureau of Customs. Planong sunugin dahil
18
ALAY KAPWA 2021
daw sa ilang batas na nagbabawal ipamagigay ito -- na baka raw may mga sakit o
mikrobyong taglay ang mga ito galing ibang bansa at bawal din namang ibenta para
maiwasan ang smuggling.” (GMA-News Online, September 14, 2014)
Isang mahalagang utos na damtan ang mga walang maisuot at ito ay matatagpuan
mula sa Matandang Tipan at Bagong tipan. “Bigyan mo ng damit ang walang maisuot.” (Is.
58:7). Halimbawa: ang isang kapatid ay walang maisuot at walang makain. Kung sabihin ng
isa sa inyo, “Patnubayan ka nawa ng Diyos. Magbihis ka’t magpakabusog,” ngunit di naman
siya binigyan ng kanyang kailangan, may mabuti bang maidudulot sa kanya iyon? Gayon din
naman, patay ang pananampalatayang walang kalakip na gawa.” (Santiago 2:14-16)
Ang pagbibigay ng maayos na damit sa mga walang maisuot ay tumutugon sa

pagkupkop at dangal ng tao. Maraming mahihirap ang walang maisuot at walang laban sa init
at lamig ng panahon. At ang maayos na damit ay pagbibigay galang sa tao upang siya’y di
hamakin o hiyain. Ating tandaan si Hesus ay hinubaran at nagsapalaran sila sa
makakakuha ng Kanyang damit. Si Hesus ay tinuya ng magnanakaw subalit sa lahat ng ito
pagpapatawad at awa ang bigay ni Hesus. Tulad ng alibughang anak na muling dinamtan ng
kanyang mapagmahal na ama upang siya ay muling ibalik sa kanyang karangalan bilang tao
at anak, tayo’y muling pinatatawad at binibihisan ng biyaya at pagpapala.
Mas matimbang ba sa akin ang panlabas na anyo ng isang tao, sa kanyang

magarang suot? Kung ako ba’y nagbibigay, iyon bang mas maayos at mapapakinabangan
ang aking ibinabahagi at hindi ang mga bagay na itinuturing ko ng basura? Magalang ba ako
sa lahat ng tao at di nanghihiya? Malinis ba ang aking pagtingin sa katawan ng iba
at umiiwas sa mga mahahalay na kaisipan?
V. Panalangin
Lahat: Panginoong Jesukristo, hinubaran Ka rin ng mga nagparusa sa Iyo upang Ika’y
hamakin at hiyain. At sa iyong pagkabayubay sa krus, nilasap Mo rin ang init
ng nakapapasong araw at lamig ng pagkaduwag ng Iyong mga alagad. Sa lahat ng ito, nakuha
Mo pa ring magpatawad sa lahat ng aming pagkakasala tulad ng Iyong pagpapatawad sa isa
sa mga magnanakaw na nakapako sa krus upang siya ay bigyan Mo ng karangalan bilang
Iyong kapatid at anak ng Iyong Ama. Turuan Mo kaming magtanggol sa mga hinubaran sa
kanilang karapatan at magpadama ng init ng iyong kapanatilihan sa aming pagsusumikap na
igalang ang bawat tao anuman ang kanilang kalalagayan sa lipunan. Hesus, turuan kaming
magpatawad at bihisan kami ng Iyong pagpapala. Hinihiling namin ito sa Iyong pangalan,
ngayon at magpasawalang hanggan. Amen.
VI. Ang Ikalimang Misteryo sa Hapis: Ang Pagpapako at Kamatayan ng Panginoong

Jesukristo
19
ALAY KAPWA 2021
ANG IKALABING-ISANG ESTASYON:

ANG MAHAL NA BIRHENG MARIA AT ANG
MINAMAHAL NA ALAGAD
I. Kahilingan
1. Para sa lahat ng mga bansa, upang buksan nila ang kanilang

lupain para sa mga pamilya, katutubo, at mga taong itinaboy mula sa
kanilang tirahan sanhi ng kaguluhan, terorismo, at digmaan.
Ipanalangin din nating maitaguyod ng mga nasa larangan ng pulitika
at ekonomiya ang tungkuling magbigay sila ng pagkakataon sa mga tao na
magkaroon ng isang disenteng pabahay, na isa sa mga pangunahing
bagay para sa kaunlaran.
2. Para sa mas mabuting pagtutulungan ng buong lipunan,
pamahalaan, at simbahan sa pagtataguyod ng mga programang pabahay o
silungan sa mga walang matirhan. Isama natin sa ating panalangin ang
Jubilee Shelter Program ng ating diyosesis.
20
ALAY KAPWA 2021
III. Ang Mabuting Balita ng Panginoon ayon kay San Juan (Jn. 19:25-27)
Namumuno: Nakatayo sa tabi ng krus ni Hesus ang kanyang ina at ang kapatid na babae
nitong si Maria, na asawa ni Cleopas. Naroon din si Maria Magdalena. Nang Makita
ni Hesus ang kanyang ina, at ang minamahal niyang alagad sa tabi nito, kanyang sinabi,
“Ginang narito ang iyong anak!” At sinabi sa alagad, “Narito ang iyong ina!” Mula noon,
pinatira ng alagad na ito sa kanyang bahay ang ina ni Hesus.
IV. Pagninilay: Patuluyin ang mga Walang Masilungan
Namumuno:
Sa krus, inisip din ni Hesus ang titirhan ni Maria na maiiwan Niyang nag-iisa.
Sa alagad na minamahal, ang Mahal na Birhen ay ipinagkatiwala at mula noon pinatira
na si Maria ng alagad sa kanyang bahay.
Ang pag-gigiit ng simbahan para sa isang maayos na pabahay ay dumadaloy mula sa

tatlong ito:
1. Ang maayos na pabahay ay kinakailangan upang makamit ng isang tao ang

kaligayahan, bilang isang tao at kasapi ng kanyang pamilya at lipunan.
2. Ang pakikipagtulungan ng simbahan sa paghahanap ng solusyon sa suliranin
ng mga dukha ay tanda ng kapanatilihan ng kaharian ng kaligtasan at kalayaan.
3. Ang misyon ng simbahan ay binubuo din naman ng pagtulong upang mas maging
mas makatao ang lipunan (What have you done to your homeless brother? Pontifical
Commission on Justice and Peace, International Year of Shelter for the Homeless,
IV,1)
Ayon sa isang manunulat at mang-aawit, marami raw nagsasabi na ang tawag sa isang
pinagtagni-tagning tabla at karton at binubungan ng makalawang at butas na mga yero at
dinaganan ng mga gulong ay bahay. Ngunit hindi tulad nito ang nais ng Diyos na bahay para sa
Kanyang mga anak. Isang maayos at disenteng bahay ay nararapat sa isang tao, dahil
ang layunin ay maging ligtas at buo silang pamilya sa silong nito. Sa isang bahay nagsisimula ang
pamilyang magbuo ng isang tahanang may kapayapaan at kaunlaran ng bawat isa.
Nakikita ko lang ba ang kapangahasan ng mga iskwater na magtayo ng kanilang

barong- barong sa mga estero, tabing-ilog, ilalim ng tulay, sementeryo at mga bawal na
lugar habang hindi ko pinapansin ang kapabayaan ng maykapangyarihan at bawat isa sa
atin sa kanilang pagdaranas ng sukdulang kahirapan sa kanilang barong-barong? Ano ang
tingin ko sa mga tumira sa isang housing project ng gobyerno o sheltering program ng simbahan
-- dayuhan ba sila o kapatid kong may karapatan din sa isang maayos na pamayanan?
Tinatanggap ko ba sila kung paanong tinanggap ni San Juan ang Mahal na Birheng Maria? Ano-
anong mga tulong ang maibabahagi ko sa mga pamilyang nagsisimulang magtaguyod ng
kanilang buhay sa kanilang bagong bahay?
21
ALAY KAPWA 2021
V. Panalangin
Lahat: Panginoong Jesukristo, naranasan din ng Iyong mga magulang, Maria at Jose,
na matanggihan para sa isang matutuluyan, kung kaya’t ang sabsaban -- ang kainan ng mga
hayop -- ang unang lugar na tumanggap sa inyo. Sa kabila ng lahat ng ito, ang init
ng pagkakandili ng Iyong mga magulang ang naging panangga Mo sa lamig at panganib.
Bigyan Mo kami ng lakas ng loob na sundan Ka hanggang sa paanan ng krus upang kami ay
turuan Mong maging mapag-ampon at mapagmalasakit sa bawat isa tulad ng paghahabilin Mo
sa Iyong Ina sa Iyong minamahal na alagad. Hesus, turuan Mo kaming buksan ang
aming tahanan sa mga nangangailangan. Hinihiling namin ito sa Iyong pangalan, ngayon at
magpasawalang hanggan. Amen.
VI. Ang Unang Misteryo sa Luwalhati: Ang Pagkabuhay Muli ni Jesukristo
ANG IKALABINDALAWANG ESTASYON:

SI HESUS AY NAMATAY SA KRUS
I. Kahilingan
1. Para sa lahat ng nasa larangan ng agham at teknolohiya,

upang makatagpo sila ng lunas sa lumalalang karamdaman sa mundo, at
maihatid nila ang lunas na ito sa ngalan ng pagmamahal sa sangkatauhan
higit sa kanilang kikitaing yaman. At para sa pagsusulong na ingatan ang
ating mga kagubatan na siyang unang pinagmumulan ng mga gamot na
lunas sa mga sakit.
2. Para sa mga dumaraan sa dagok ng karamdaman upang lalo nilang makita si Jesukristo
bilang Dakilang Manggagamot. Isama natin sa ating panalangin ang mga nasa larangan
ng kalusugan, ang ating Panlalawigang Pagamutan at mga Pagamutang Bayan. At sa
lahat ng mga taong naglulunsad ng Medical Mission.
II. Namumuno: Sinasamba at pinupuri Ka namin, Panginoong Jesukristo
Lahat: Sapagkat sa pamamagitan ng Iyong Banal na Krus, tinubos Mo ang sanlibutan.
III. Pagbasa mula sa Ebanghelyo ayon kay San Marcos (Mc. 15:33-39)
Namumuno: Nagdilim sa buong lupain mula sa tanghaling tapat hanggang sa ikatlo ng

hapon. Nang ikatlo na ng hapon, sumigaw si Hesus, “Eloi, Eloi, lema sabachthani?” na ang
kahulugan ay, “Diyos ko, Diyos ko, bakit mo ako pinabayaan?” Narinig ito ng ilan sa
mga nakatayo roon at kanilang sinabi, “Pakinggan ninyo, tinatawag niya si Elias!” May tumakbo
upang kumuha ng isang espongha; ito’y isinawsaw sa maasim na alak, inilagay sa dulo ng
isang patpat at ipinasipsip kay Hesus. “Tingnan nga natin kung darating si Elias upang iligtas
siya,” sabi niya. Sumigaw ng malakas si Hesus at pagkatapos ay nalagutan ng hininga. At
napunit sa gitna ang tabing ng Templo, mula sa itaas hangang sa ibaba. Nakatayo sa harap ng
krus ang opisyal ng mga kawal. Nang makita kung paano namatay si Hesus, sinabi niya, “Tunay
ngang Anak ng Diyos ang taong ito!”
22
ALAY KAPWA 2021
IV. Pagninilay: Dalawin ang mga Maysakit
Namumuno:
Ayon sa pag-aaral ng World Health Organization, ang mga sumusunod na bilang

ng karamdaman ang taon-taong kinakaharap sa buong mundo:
303,000 mga babae ang namamatay dahil sa komplikasyon sa pagbubuntis at

panganganak
5.9 milyong mga bata ang namamatay bago ang kanilang ika-5 kaarawan
2 milyon ang mga bagong talang mayroong HIV, 9.6 milyon na kaso ng TB, at 214
milyon kaso ng malaria
1.7 bilyong mga tao ang nangangailangan ng lunas para sa malalang mga sakit
Higit 10 milyong tao ang namamatay bago ang edad 70 dahil sa sakit sa
puso at kanser
800,000 ang nagpapatiwakal
1.25 milyon ang namamatay dahil sa aksidente sa daan
4.3 milyon ang namamatay sanhi ng polusyon sa hangin dulot ng panlutong gaas
3 milyon ang namamatay sanhi ng polusyon sa kapaligiran
475,000 ang pinapaslang, karamihan sa kanila ay mga lalaki
Sa Kanyang paglagi rito sa lupa, si Hesus ay walang humpay na gumawa para palayain ang mga
tao sa kanilang karamdaman, kapighatian at kamatayan. (Compedium of the Social Doctrine of the
Church, 261) Si Hesus ay namatay upang pagalingin tayo sa ating kasalanan at bigyan ng buhay.
Nararamdaman ko ba ang hirap ng kawalang pag-asa ng mga maysakit lalo na ng mga walang
pampagamot? Paano ko natutulungan ang mga maysakit na kasapi ng aming pamilya? Anong mga
bagay ang maibabahagi ko sa mga maysakit na walang kumakalinga?
V. Panalangin
Lahat: Panginoong Jesukristo, sa Iyong katawan, tinamo Mo ang lahat ng sakit ng

aming kasalanan. Ngunit kahit huli na ang lahat, pinahiran ng pabango at binalot ng
sangkatauhan ang Iyong bangkay bilang tanda ng aming pagsisisi sa aming nagawang
kasalanan sa Iyo. Bigyan Mo kami ng pagkakataong matagpuan Ka namin sa mga kapatid
naming maysakit upang Ikaw ay maging lakas nila sa kanilang kahinaan at pag-asa sa kanilang
nanghihinang kalooban, at kaligayahan sa kanilang namamanglaw na puso. Hesus, ipadama
Mo sa mga kapatid naming maysakit ang kagalingang dulot ng Iyong Banal na Krus. Hinihiling
namin ito sa Iyong pangalan, ngayon at magpasawalang hanggan. Amen.
VI. Ang Ikalawang Misteryo sa Luwalhati: Ang Pag-akyat sa Langit ni Jesukristo
23
ALAY KAPWA 2021
ANG IKALABINTATLONG ESTASYON:

SI HESUS AY INILIBING
I. Kahilingan
1. Para sa lahat ng dumaraan sa matinding pagsubok sa buhay, lalo na

sa mga namatayan ng kanilang minamahal sa buhay na
humihingi ng katarungan. Para sa mataas na antas ng pang-unawang
panlipunan sa kanyang kalalagayang pulitikal at ekonomiya. Isama natin
ang programang nagmumulat sa sambayanan sa kanyang wastong pagpili
ng mga mamumuno sa bayan at pamayanan, tulad ng PPCRV.
2. Para sa lahat ng Katoliko, upang ang bawat Sakramentong ipinagdiriwang, lalo na ang
Eukaristiya, ay magdulot sa kanila ng pag-asa.
3. Para sa buong angkan ng na nakikinahagi ngayon sa ating panalangin
II. Namumuno: Sinasamba at pinupuri Ka namin, Panginoong Jesukristo.
III. Ang Mabuting Balita ng Panginoon ayon kay San Juan (Jn. 19:38b-42)
Namumuno: Si Jose na taga-Arimatea ay nagsadya kay Pilato upang humingi ng pahintulot

na makuha ang bangkay ni Hesus. At pinahintulutan siya ni Pilato; kaya’t kinuha ni Jose ang
bangkay ni Hesus. Sumama sa kanya si Nicodemo, may dalang pabango -- mga 100 libra ng
pinaghalong mira at aloe. Kinuha nila ang bangkay ni Hesus, at nilagyan ng pabango
habang binabalot sa kayong lino, ayon sa kaugalian ng mga Judio. Sa pinagpakuan
kay Hesus ay may isang bagong libingang hindi pa napaglilibingan. Yamang noo’y araw
ng Paghahanda ng mga Judio, at dahil sa malapit naman ang libingang ito, doon nila inilibing
si Hesus.
IV. Pagninilay: Ilibing ang mga Namatay
Namumuno:
Ang pagpaslang sa mga kriminal o kaya sa mga napagkamalang gumawa ng masama ay

pagbabawas daw sa kasamaan at kahirapan. Ngunit sa pag-aaral, mas lumalala ang
kahirapan kapag pinatay ang mga sangkot katulad na ng mga magulang, dahil wala nang
mag-aaruga sa mga naulilang mga anak, kaya’t mas nadaragdagan at nagpapatuloy pa ang
kahirapan sa pamilyang napaslangan ng kasapi.
Laging kawawa ang mga mahihirap. Wika nga, “Mahal manganak at mahal ding
mamatay…” Kadalasan, ang bayad sa punerarya ay tinatayang P35,000 kasama ang
embalsamo, make-up, damit, at ataol. Di pa kasama ang nitso na nagkakahalaga ng P1,500
24
ALAY KAPWA 2021
– 7,000 sa loob ng limang taon.
Walang mapagsidlan ng pighati at labis na pagkasiphayo ang mga mahihirap sa kanilang

walang katiyakang kinabukasan lalo na kapag namatay ang inaasahang nagpapakain sa
pamilya. Hanggang di natin natututunang igalang ang buhay ng tao lalo na ng mga dukha,
mambubusabos lamang ang buong lipunan, at kahit sa kamatayan, hindi niya tanto ang
kahalagahan ng katawan at kaluluwa.
Nagiging tinig ba ako ng mga biktima ng karahasan? Naninindigan ba ako na kahit na ang
isang taong masama o kriminal ay may karapatan pa rin sa buhay? Buhay pa rin ba sa ating
kaugalian bilang mga Katolikong Pilipino ang pakikiramay sa mga naulila? Ang pag-
aabuloy? Anong mga simpleng bagay ang naibabahagi ko sa mga naulila? Ipinagpapamisa at
ipinagdarasal ko ba ang mga mahal kong yumao, ang mga pinaslang, ang mga kaluluwa sa
purgatoryo?
V. Panalangin
Lahat: Panginoong Jesukristo, itinuring Ka rin bilang isang kriminal at kusang-loob Mo

namang sinuong ang kamatayan sa krus upang ipakita sa amin ang tagumpay ng kabutihan
at awa sa Iyong pagkamatay. Patawarin Mo kami sa aming malaking kasalanan – sa
paghihiganti sa mga masasamang loob, sa kakulangan ng pang-unawa sa batas ng
katarungan at sa aming palagiang paghatol nang mali. Turuan Mo kaming dumamay sa mga
namatayan lalo na ang mga biktima ng karahasan, at ng trahedya dala ng kapabayaan sa
kalikasan. Hesus tulungan kaming damayan ang mga nagdadalamhati sa pagyao ng mga
mahal nila sa buhay. Amen.
VI. Ang Ikatlong Misteryo sa Luwalhati: Ang Pagpanaog ng Espiritu Santo
ANG IKALABING-APAT NA ISTASYON:

SI HESUS AY MULING NABUHAY
I. Kahilingan
1. Para sa lahat ng nasa pamahalaan, upang bigyang-pansin

nila ang tamang paggawad ng katarungan sa mga nagkasala sa
batas at isulong ang mapanumbalik na katarungan sa loob ng
piitan. Nawa rin ay ituring ng mga bilanggo ang kanilang
pinagdaraaanang hirap sa loob ng piitan bilang isang sakripisyo ng
pagbabayad-puri sa kanilang nagawang pagkakamali.
2. Para sa mga pamilya ng mga bilanggo at pamilya ng mga
biktima, upang magkaroon sila ng kapayapaan mula sa
pagpapatawad at pag-asa ng muling pagtataguyod ng nasirang ugnayan. Ipagdasal din
natin ang lahat ng mga nagkukusang mag-apostolado para sa mga bilanggo tulad
ng Legion of Mary, at iba pang mga samahang pangsimbahan.
3. Para sa buong angkan ng na nakikibahagi ngayon sa ating
panalangin.
25
ALAY KAPWA 2021
II. Namumuno: Sinasamba at pinupuri Ka namin, Panginoong Jesukristo.
III. Ang Mabuting Balita ng Panginoon ayon kay San Marcos (Mc. 16:1-6)
Namumuno: Pagkaraan ng Araw ng pamamahinga, si Maria Magdalena, si Maria na ina ni

Santiago at si Salome ay bumili ng pabango upang sila ay magpunta sa libigan at lagyan ng
pabango ang bangkay ni Hesus. Kinaumagahan ng Linggo, sa pagsikat ng araw, sila’y
nagpunta sa libigan. Ngunit sila ay nagtanong sa isa’t isa, “Sino kaya ang maaari
nating mapakiusapang maggulong ng batong nakatakip sa pintuan ng libingan? Nasabi
nila iyon dahil napakalaki ng bato. Ngunit nang matanaw nila ito, nakita nilang naigulong na
ang bato. At pagpasok sa libingan, may nakita silang isang binatang nakasuot ng mahaba at
maputing damit, at nakaupo sa gawing kanan. At sila’y natakot. Ngunit sinabi nito sa kanila,
“Huwag kayong matakot. Hinahanap ninyo si Hesus na taga-Nazaret na ipinako sa Krus. Wala
na siya rito: siya’y binuhay ng Diyos!”
IV. Pagninilay: Dalawin ang mga Bilanggo
Namumuno: Nagkamali ang isang kriminal at nagdudulot ang kanyang kasalanan ng

matinding pait at pagdurusa sa kanyang biktima at sa pamilya nito. Subalit sa kabila ng
kanyang kasalanan, nananatili pa rin ang kanyang dangal bilang isang tao tulad ng
ibang tao. Maaaring inalisan siya ng kalayaan sa piitan, ngunit hindi dapat na hubarin mula sa
kanya ang kanyang mga pangunahing pangangailangan sa loob ng bilangguan katulad ng
pagkain, tubig, gamot, programang pangkabuhayan, malinis, malusog at ligtas na lugar. Isa sa
mga sukatan ng isang sibilisadong bayan ay kung paano nila muling naibabalik at nahuhubog
sa kabutihan ang mga bilanggo sa kanilang lipunan. Hatid ng Panginoong muling nabuhay ang
pag-asa at bagong buhay. Ito rin sa huli ang layon para sa mga nasa bilangguan na makita
nila sa hinaharap ang bagong buhay.
Sa aking kalooban, ano ang nararamdaman ko sa mga taong gumagawa ng krimen?

Mapaghiganti ba ang aking damdamin o di kaya naman, nag-iisip ako ng kamatayan para sa
mga gumagawa ng masama? Isa rin ba ako sa sumasang-ayon sa parusang kamatayan?
Nakadalaw na ba ako at nakapagbigay ng pag-asa sa mga nasa bilangguan o sa mga
nakalaya na? Alam ko ba ang itsura at kalalagayan ng mga nasa piitan sa aming bayan?
Anong mabuti ang aking magagawa sa mga bilanggo at mga nakalaya na?
V. Panalangin
Namumuno: Manalangin tayo (sandaling katahimikan)
Lahat: Panginoong Jesukristo, Ikaw ay muling nabuhay upang ihatid sa amin ang pag-asa at
buhay. Tulungan kaming maging tagapagdala ng pag-asa sa mga kapatid namin na nasa piitan.
Ang Iyong muling pagkabuhay ay magdulot sa amin ng pagnanasa na magbago at
magbangon kami mula sa pagkadapa sa kasalanan. Sa pagdalaw namin sa mga nakapiit
26
ALAY KAPWA 2021
maging bahagi nawa kami ng paghahatid ng pagpapatawad sa kanila. Hesus, tulungan
kaming maging saksi ng Iyong buhay at awang kaloob. Amen.
VI. Ang Ikaapat na Misteryo sa Luwalhati: Ang Pag-aakyat sa Langit ng Mahal na Birheng
Maria
Ang Ikalimang Misteryo sa Luwalhati: Ang Pagkorona sa Mahal na Birheng Maria
PANGWAKAS NA PANALANGIN
Namumuno: Makangyarihan at walang hanggang Diyos, namatay at matagumpay na

muling nabuhay ang Iyong Bugtong na Anak para iligtas kami sa aming mga kasalanan.
Sa Iyong kabutihan, muling Mong buhayin ang iyong mga tapat na

nananampalataya upang makiisa sa Kanya sa buhay na walang hanggan sa langit kung
saan nabubuhay Siya at naghahari kasama Mo at ng Espiritu Santo magpasawalang
hanggan.
Lahat: Amen.
Namumuno: Sumaatin at manatili nawa ang pagpapala ng Makapangyarihang Diyos

+ Ama at Anak at Espiritu Santo magpasawalang hanggan.
Lahat: Amen.
27
ALAY KAPWA 2021
PANGWAKAS NA AWIT
NASA’N KA
(HIMIG: WERE YOU THERE)
Nasa’n ka nang ipako si Hesus?

O… minsan, ako’y nangingilabot, minsan
Nasa’n ka nang ilibing si Hesus? Nasa’n

ka nang ilibing si Hesus? O…minsan,
ako’y nangingilabot, minsan Nasa’n ka
nang ilibing si Hesus?
Nasa’n ka nang libingan n’ya’y buksan?

O…minsan, ako’y nangingilabot, minsan
ISANG BANSA
Sabay-sabay ngang mag-aawitan ang mga
O kay ganda ng ating buhay napuspos ng bansa
pagpapala Tayo'y itinuring ng Panginoon bilang mga anak
Ng sakramentong mahiwaga kaloob ni Hesus sa Tayong lahat ay may pananagutan sa isa't-isa
`ti’y gabay Tayong lahat ay tinipon ng Diyos na kapiling nya
O kay tamis ng pagsasama nagmumula sa
pagkakaisa Walang sinuman ang nabubuhay para sa sarili
Bumubukal sa pagsasalo sa iisang hapag ay lamang
dumalo Walang sinuman ang namamatay para sa sarili
lamang
Purihin si Hesus sa sakramento; Tayong lahat ay may pananagutan sa isa't-isa
Purihin ng lahat ng tao Purihin Tayong lahat ay tinipon ng Diyos na kapiling nya
Siya ng Pilipino Tayong lahat ay tinipon ng Diyos na kapiling nya
Sa pagkakaisa lingapin mo
O lingapin mo. BUKSAN ANG AMING PUSO
PANANAGUTAN Buksan ang aming puso

Turuan mong mag alab
Walang sinuman ang nabubuhay para sa sarili Sa bawat pagkukuro
lamang Lahat ay magkayakap
Walang sinuman ang namamatay para sa sarili
lamang Buksan ang aming isip
Tayong lahat ay may pananagutan sa isa't-isa Sikatan ng liwanag Nang
Tayong lahat ay tinipon ng Diyos na kapiling nya kusang matangkilik
Tungkuling mabanaag
Sa ating pagmamahalan at paglilingkod sa
kaninuman Buksan ang aming palad
Tayo'y ang magdadala ng balita ng kaligtasan Sarili’y maialay Tulungan
Tayong lahat ay may pananagutan sa isa't-isa Mong ihanap Kami ng
Tayong lahat ay tinipon ng Diyos na kapiling nya bagong malay
28
ALAY KAPWA 2021
At kung tayo'y bigo, ay h'wag limutin
PANGINOON AKING PASTOL Na may Diyos tayong nagmamahal
Koro: Ang Panginoon ang aking pastol Sikapin sa ating pagsuyo

Pinagiginhawa akong lubos Ating ikalat sa buong mundo
Pag-ibig ni Hesus ang siyang sumakop
Handog Niyang himlaya’y sariwang pastualan Sa bawa't pusong uhaw sa pagsuyo (KORO)
Ang pahingahan ko’y payapang batisan Hatid
Diyos ay pag ibig.
sa kalul’wa ay kaginhawahan
Sa tumpak na landas, Siya ang patnubay
(koro)
MAHIWAGA
Madilim na lambak man ang tatahakin ko
Wala akong sindak Siya’y kasama ko Mahiwaga ang buhay ng tao
Ang hawak Niyang tungkod ang siyang gabay Ang buhay ay di natin piho
ko At manalig lagi sana tayo
Tangan Niyang pamalo, sigla’t tanggulan ko Ang Diyos siyang pagasa ng mundo
(koro)
Pagibig sa ating kapwa tao
At laging magmahalan tayo,
HESUS NA AKING KAPATID Iyang ang lunas at ligaya
At pagasa ng bawat kaluluwa
Hesus na aking kapatid (iyan ang hiwaga ng buhay ng tao)
Sa lupa nami’y bumalik
Iyong mukha’y ibang iba
Hindi kita nakikilala ISANG PANANAMPALATAYA
Ref: Tulungan Mong aking mata Ref: Isang pananampalataya
Mamulat sa katotohanan Ikaw, Isang pagbibinyag
Poon, makikilala Isang Panginoon
Sa taong mapagkumbaba Angkinin nating lahat
Hesus na aking kapatid Habilin ni Hesus noong siya’y lumisan
Putikan man ang `yong sapin Kayo ay magkatipon sa pagmamahalan (Ref)
Punit-punit ang `yong damit
Nawa Ika’y mapasa-akin Ama pakinggan mo, ang aming panalangin
(Ref) Dalisay na pagibig, sa ami’y humapit (Ref)
Mga alagad ko paano makikilala

Tapat nilang pagibig wala nang iba pa (Ref)
SAPAGKAT ANG DIYOS AY PAGIBIG
Pag-ibig ang siyang pumukaw

Sa ating puso't kaluluwa
Ang siyang nagdulot sa ating buhay
Ng gintong aral at pag-asa
Pag-ibig ang siyang buklod natin

Di mapapawi kailan pa man
Sa puso't diwa tayo'y isa lamang
Kahit na tayo'y magkawalay
KORO:
Pagka't ang Diyos natin Diyos ng pag-ibig

Magmahalan tayo't magtulungan
29
ALAY KAPWA 2021
BOARD OF DIRECTORS PROJECT PARTNERS

Most. Rev. Dennis C. Villarojo, D.D.
Rev. Fr. Efren Basco
Rev. Msgr. Alberto Suatengco, Rev. Fr. USAID, CRS (Project SHAKE),
Leopoldo Evangelista III, Rev. Fr. Divino Sta. Cruz Mission Parish, LAZARUS,
Albrin Cayanan, Analiza Ventura Pondo ng Pinoy, UST College of Nursing,
Marta Hernandez, Atty. Dave
Ramos, Fortunata O' Santos, Bulacan State University, PAFP-Bulacan.
Rhodora Pascual
SHAKE - USAID CRS CONTACT DETAILS:

Francisca Salonga, Charmaine Marasigan, Vina
Glorioso, Jonalyn Dy, Dominique Morales, Corazon E-mail Address
Mustapha, Editha Avendaño, Angelita maloloscoaction14@yahoo.com
Aguilos,Medflor Bernados, Teodora Santos, Jackie Facebook Page
De Guzman, Cris Luage Malolos Diocese Social Action Center Inc. For
your donations, please contact:
JSP
Jennifer Viña, Winnie Sarmiento, Christine Francisca Salonga
Oliveros, Amada Baldenaro, Leonora Daz, Melogie Telephone Number
Victoria, Josephine Paltinca, Angelina dela Cruz, 0975-510-8408 / 0922-250-4551
Anita Raya, Macaria Alonzo, Karen Ryan, Merly
Israel, Marivel Agustin
30

Alay Kapwa 2021

Uploaded by

Copyright:

Available Formats

You might also like

Alay Kapwa 2021

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Alay Kapwa 2021

Uploaded by

Copyright:

Available Formats

ALAY KAPWA 2021

ANG BAGONG DAAN NG KRUS SA DIWA NG

Pagpalain nawa kayo ng Diyos sa inyong pagtahak sa landas ng kabanalan!

Lub. Kgg. Dennis C. Villarojo, D.D.

Dapat na ihanda ang mga sumusunod:

AWIT: ALAY KAPWA

Di ba’t sadyang may kapwa ang sarili

*Bawat galing gamitin sa paglingap

(Uliting ang Bawat galing…)

Namumuno: + Sa ngalan ng Ama at ng Anak at ng Espiritu Santo.

Sumasampalataya ako sa Diyos Amang makapangyarihan sa lahat, na may gawa ng langit at

Namumuno: Manalangin tayo (Sandaling katahimikan)

1. Para sa pagsasabuhay natin ng diwa ng Eukaristiya -- na

2. Para sa ating Diyosesis ng Malolos, ang Lalawigan ng Bulacan at Lungsod

II. Namumuno: Sinasamba at pinupuri ka namin, Panginoong Jesukristo.

Lahat: Sapagkat sa pamamagitan ng iyong Banal na Krus, tinubos Mo ang sanlibutan.

Lahat: Papuri sa Iyo, Panginoon

Namumuno: Kaya’t nang sila’y naghahapunan, tumindig si Hesus, naghubad ng Kanyang

Ang Mabuting Balita ng Panginoon.

Lahat: Pinupuri ka namin, Panginoong Jesukristo.

IV. Pagninilay: Ang Eukaristiya Bukal ng Buhay at Dangal ng Isang Kristiyano

Namumuno: Ang pundasyon ng Katuruang Panlipunan ng Simbahan ay ang paggalang sa

Bago magpakasakit ang Panginoong Jesukristo, itinatag Niya ang sakramento ng

Ano ang nangyayari sa ating lipunan at pamayanan ngayon kaugnay sa paggalang

Namumuno: Manalangin tayo (Sandaling katahimikan)

Ang Unang Misteryo sa Liwanag: Ang Pagbibinyag sa Ilog ng Jordan

1. Para sa katatagan ng kalooban at pag-asa ng lahat ng

3. Para sa buong angkan ng na nakikibahagi

II. Namumuno: Sinasamba at pinupuri ka namin, Panginoong Jesukristo.

Lahat: Sapagkat sa pamamagitan ng iyong Banal na Krus, tinubos Mo ang sanlibutan.

Lahat: Papuri sa Iyo, Panginoon.

Ang Mabuting Balita ng Panginoon.

Lahat: Pinupuri ka namin, Panginoong Jesukristo.

Namumuno: Ang ikalawang Katuruang Panlipunan ng Simbahan ay nagsasaad na ang

Namumuno: Manalangin tayo (Sandaling katahimikan)

Lahat: Panginoong Jesukristo, katulad Mo, marami ring bumabagabag at nagpapahirap sa

Ang Ikalawang Misteryo sa Liwanag: Ang Pagpapahayag sa Kasalan sa Cana

IKATLONG ESTASYON: SI HESUS AY HINATULAN

1. Para sa pamahalaan, simbahan, mga samahang sibiko -- upang

II. Namumuno: Sinasamba at pinupuri ka namin, Panginoong Jesukristo.

Lahat: Sapagkat sa pamamagitan ng iyong Banal na Krus, tinubos Mo ang sanlibutan.

Lahat: Papuri sa Iyo, Panginoon.

Namumuno: Tumayo ang pinakapunong pari sa harap ng kapulungan at tinanong si Hesus,

Ang Mabuting Balita ng Panginoon.

Lahat: Pinupuri ka namin, Panginoong Jesukristo.

IV. Pagninilay: Ang Karapatan at Tungkulin ng Tao

Mapangangalagaan lamang natin ang dangal ng tao kung ang kanyang

Wasto ba ang paggamit ko ng aking karapatan? Madalas ba akong magalit

Namumuno: Manalangin tayo (Sandaling katahimikan)

Lahat: Panginoong Jesukristo, bagama’t Ikaw ay Diyos, hindi Mo pa rin ipinilit na

Ang Ikatlong Misteryo sa Tuwa: Ang Pagsilang ni Hesus

Ang Ikatlong Misteryo sa Liwanag: Ang Pagpapahayag ng Kaharian ng Diyos

IKAAPAT NA ESTASYON: ANG PAGHAHAMPAS

1. Para sa lahat ng nakararanas ng kahirapang materyal at kaluluwa at sa

II. Namumuno: Sinasamba at pinupuri ka namin, Panginoong Jesukristo.

Lahat: Sapagkat sa pamamagitan ng iyong Banal na Krus, tinubos Mo ang sanlibutan.

Lahat: Papuri sa Iyo, Panginoon.

Ang Mabuting Balita ng Panginoon.