EMERGING TRENDS IN INSTRUCTION DELIVERY

RADIO-BASED INSTRUCTION SCRIPT

LEARNING AREA: ESP 1-Hiligaynon

TOPIC: Pagkilala sang mga Hilikuton nga Nagapakita sang Paghiliugyon sang Pamilya

OBJECTIVE/MELC: Makilal-an ang mga hilikuton nga nagapakita sang paghiliugyon sang pamilya

TECHNICAL
TIME SPIEL
INSTRUCTIONS

00:00-00:05 Blank

00:05-00:10 TEACHER: IKA APAT NGA HUGNA

TITULO: Pagkilala sang mga Hilikuton nga Nagapakita sang Paghiliugyon sang
Pamilya

00:10-00:30 Music 1 up, sustain

for 20 secs then fade
under
00:30-06:30 TEACHER:
Maayong adlaw sa amon nga mga pinalangga nga mga estudyante sa Grade I
Edukasyon sa Pagpapakatao. Ini ang inyo Radyo Eskwela sa ESP Grade I Hiligaynon.
Ginakalipay gid namon ang inyo pag-upod sa aton pagto-on paagi sa radyo. Ako si
Titser ____________, inyong maestra sa kahanginan.
Antis kita magsugod sa aton klase ginapangabay ko sa aton mga ginikanan, mga
magulang, mga tiyo kag tiya o kon mga lolo kag lola nga naga-opod subong sa aton
mga estudyante nga seguraduhon anay naton nga komportable ang aton mga estudyante
kag ara sila sa maayo nga lugar para makapamati sila sing maayo sa aton leksyon sa
radyo.
Handa na bala kamo? Nakakaon na bala kamo?
Mga bata maayo gid nga antis magsugod ang aton klase busog na kita para maalerto ang
aton panghunahuna kag mabaskog ang aton mga lawas kag makatuon kita sang maayo.
Sugoran na naton ang aton pagtuon. ang aton leksiyon mahinungod sa pagpakita sa
kaugalingon nga abilidad o kinaadman. Antis naton pamatian ang isa ka manami nga
istorya, hibaloon anay naton ang buot silingon sang mga mosunod nga tinaga:

UNA NGA TINAGA: Katapo...liwaton ko..katapo..mga bata magsunod kay titser…

katapo…ano bala ang buo buot silingon sang katapo? Kon gamiton sa hambalanon…
nagbululigay sa hlikoton sa balay ang mga katapo sang pamilya ni mel._ano bala ang
buot silingon sang tinaga nga katapo?:
Ini bala: miyembro?, sulugoon ? o mag-uuma
Ang husto nga sabat…miyembro
XXXXXXXXXXXXXXXXXXXXXXXXXXXXXXXXXXXXXXXXXXXXXXXX
XXXXXXXXX
IKADUWA NGA TINAGA: Aktibo..liwaton ko..aktibo...mga bata magsunod kay
titser…aktibo…ano bala ang buot silingon sang aktibo. kon gamiton sa
hambalanon….si Vicky aktibo sang mga hilikoton sa simbahan.
Ano bala ang buot silingon sang tinaga nga aktibo?:
Ini bala: tamaran?, mapisan? o palatulog ?
Ang husto nga sabat…mapisan
XXXXXXXXXXXXXXXXXXXXXXXXXXXXXXXXXXXXXXXXXXXXXXXX
XXXXXXXXX
IKATLO NGA TINAGA: Kagahod..liwaton ko..kagahod..mga bata magsunod kay
titser…kagahod…ano bala ang buot silingon sang kagahod. Kon gamiton sa
hambalanon…. masyado kagahod ang mga kabataan nga naghampang.
Ini bala: katahom?, kabuot? o kagalong?
Ang husto nga sabat…kagalong
XXXXXXXXXXXXXXXXXXXXXXXXXXXXXXXXXXXXXXXXXXXXXXXX
XXXXXXXXX
IKAAPAT NGA TINAGA: Nag-updanay..liwaton ko.. nag-updanay ..mga bata
magsunod kay titser… nag-updanay …ano bala ang buot silingon sang nag-updanay ?.
kon gamiton sa hambalanon….nag-updanay si tatay kag si nanay pakadto sa simbahan.
Ini bala: naghakosay?, naglagaw ? o nagkuyogay?
Ang husto nga sabat… nagkuyogay
XXXXXXXXXXXXXXXXXXXXXXXXXXXXXXXXXXXXXXXXXXXXXXXX
XXXXXXX
IKALIMA NGA TINAGA: Nagahirupay..liwaton ko.. nagahirupay ..mga bata
magsunod kay titser… nagahirupay …ano bala ang buot silingon sang nagahirupay ?.
kon gamiton sa hambalanon…. mapinalanggaon kag NAGAHIRUPAY ANG MGA
OTOD NI ARNIE.
INI BALA: NAGPALANGGAANAY?, NAGKILAL-ANAY ? O NAG -AWAY?
ANG HUSTO NGA SABAT…NAGPALANGGAANAY

XXXXXXXXXXXXXXXXXXXXXXXXXXXXXXXXXXXXXXXXXXXXXXXX
XXX
MADAMO NA KITA MGA TINAGA NGA NATUN AN, KABAY PA MAGAMIT
TA INI SA PAG INTYENDE SA ATON LEKSIYON.
ANG ATON LEKSYON SUBONG NGA ADLAW AMO ANG : PAGKILALA
SANG MGA HILIKUTON NGA NAGAPAKITA SANG PAGHILIUGYON SANG
PAMILYA. LIWATON NI TITSER___, ANG ATON PAGTULUN AN SA SUBONG
NGA ADLAW AMO ANG : PAGKILALA SANG MGA HILIKUTON NGA
NAGAPAKITA SANG PAGHILIUGYON SANG PAMILYA
ANG PAGKILALA SANG MGA HILIKUTON NGA NAGAPAKITA SANG
PAGHILIUGYON SANG PAMILYA ISA KA IMPORTANTE NGA KAHIBALO.
DAPAT INI NGA MAHIBALOAN SA TANAN KON GUSTO NATON NGA
MAGMALIPAYON ANG ATON KATAPO SANG PAMILYA. ANG MGA
HILIKOTON AGOD MAGHILIUGYON ANG PAMILYA AMO ANG ANG PAG-
UPDANAY KAON, PAGBAHINAY SANG MGA HILIKOTON SA BALAY , KAG
PAG-UPDANAY SIMBA, KAG IBAN PA NGA MGA GIHO NGA NAGPAKITA
SANG PAGPALANGGA SANG PAMILYA.

PAMATIAN TA ANG ISA KA MALIP-OT NGA ISTORYA KABAHIN SANG

PAGPAKITA SANG KINAADMAN NGA MAY ARA KA. SAMTANG
NAGAPAMATI KITA SA ISTORYA, AMO INI ANG MGA PAMANGKOT NGA
PAGASABTON..
UNA NGA PAMANGKOT: SIN-O ANG MGA BATA SA ISTORYA?

LIWATON KO. SIN-O ANG MGA BATA SA ISTORYA?

IKADUWA NGA PAMANGKOT: ILARAGWAY ANG PAMILYA NI Mark. …
LIWATON KO…. ILARAGWAY ANG PAMILYA NI Mark.
IKATLO NGA PAMANGKOT: ILARAGWAY ANG PAMILYA NI Kent.
LIWATON KO.. ILARAGWAY ANG PAMILYA NI Kent.
IKAAPAT NGA PAMANGKOT: ANO ANG KULANG SA PAMILYA NI Kent?
LIWATON KO…: ANO ANG KULANG SA PAMILYA NI Kent
IKALIMA NGA PAMANGKOT: ANO ANG PLANO HIMOON NI Kent PARA
MANGIN MALIPAYON KAG MAY PAGHILIUGYON ANG IYA PAMILYA.?
LIWATON KO.. ANO ANG PLANO HIMOON NI Kent PARA MANGIN
MALIPAYON KAG MAY PAGHILIUGYON ANG IYA PAMILYA.?
IKA-ANOM NGA PAMANGKOT: KON IKAW SI Kent, HIMOON MO BALA
ANG IYA GINHIMO? NGAA OO? NGAA INDI? LIWATON KO… KON IKAW SI
Kent, HIMOON MO BALA ANG IYA GINHIMO? NGAA OO? NGAA INDI?
IKAPITO NGA PAMANGKOT: ANO AYHAN ANG MATABO KON INDI
MAISTORYA NI Kent ANG IYA KATAPO SANG PAMILYA KABAHIN SANG
PAGHILIUGYON SANG USA KAG USA? LIWATON KO … ANO AYHAN ANG
MATABO KON INDI MAISTORYA NI Kent ANG IYA KATAPO SANG PAMILYA
 KABAHIN SANG PAGHILIUGYON SANG USA KAG USA?

BUKSAN NYO ANG INYO MGA ACTIVITY SHEETS, MAGPUNGKO SANG

KOMPORTABLE SAMTANG NAGAPAMATI SANG ATON NGA ISTORYA
SUNDAN NATON INI SA PAGBASA.
SA MODYUL NGA INI, GINALAUMAN NGA MAHIBALU-AN KAG
MAIPAKITA ANG MGA HILIKOTON SANG PAGPAHILIUGYON SANG
KATAPO SANG PAMILYA.

06:30-06:45 Music 1 up, sustain

for 15 secs then fade
under

06:45-7:00 Music 1 up, sustain

for 15 secs then fade
under

07:00-7:20 TEACHER:
Importante nga ini mahibaluan para mangin malipayon ang usa kag usa nga katapo sang
pamilya.
Sa sini nga tini-on, atun pamati-an ang istorya nga guintiguluhan “Ang kulang sa
pamilya ni Kent”

7:20-7:30 Music 1 up, sustain

for 10 secs then fade
under

7:30-7:40 Music 2 up, sustain

for 10 secs then fade
under
7:40-11:00 Ang pamilya ni Mark ay may anom ka katapo. apat sila nga mag-utod. si Mark ang
subang kag si sen naman ang agot. ang ila pamilya malipayon kag mahigugmaon sa
usa kag usa. aktibo sa simbahan ang mga katapo sang pamilya ni Mark bangod kay ang
iya amay kag iloy aktibo man sa sunday school. ang mga otod ni Mark maalam kag
mabuot nga mga bata. ang pamilya nga ini pirme gid nagatambong sa mga hilikoton
sang simbahan.
isa ka adlaw, nagbisita si Kent sa balay ni Mark kag nakita niya kung ano ka buot ang
mga otod ni Mark. nakita ni Kent kung ano magatilipon ang mga katapo sang pamilya.
may ara sila pagtililipon nga sa diin nagkanta kag nagtuon sila sa mga polong sang
bibliya.
Kent: Mark, migo…kanami gali sang imo pamilya no? makahambal gid ko nga
malipayon gid kamo. kanami tani kung ang akon pamilya parehas sa imo.
Mark: huo migo. sa gagmay pa lang kami amo na ina ang ginapasunod sa amon ni
nanay kag ni tatay.
Kent: ako migo indi ko nanamian magpaoli sa balay.
Mark: ngaa haw?. kanami man gani sang inyo balay. kadamo pa sang inyo salakyan.
Kent: bal- an mo migo , kagahod sang amon balay. pirme lang nagasinggit si nanay kag
ang akon otod nga duha ka babaye sige lang facebook. si tatay ko man pirmi lang waay
sa balay.waay na kami tinion nga nag-updanay kaon.
Mark: migo indi ina problema.istoryahon sang mahinay ang imo tatay kag nanay. hinay
hinayan mo lang hambal imo mga otod nga babaye nga mas maayo kung ang myembro
sang pamilya naga isa. name gid kung ang mga katapo sa pamilya naghugpong kag
nagbuliligay sang mga hilikoton sa balay.
Kent: amo na gani ang plano ko migo nga hambalon ko sila. ipaintyende ko sa ila nga
name gid kung magbululigay kami sang mga hilikoton sa balay.
Mark: bisan sa kasakoon ni nanay kag tatay sa ila trabaho sa dep ed may ara gid kami
tion sa kada isa. paborito namon ang adlaw nga sabado kag dominggo. kung sabado
nagbuligay kami sang mga hilikoton sa balay, isa-isa sa amon may ara kami assigned
task.
Kent: kami ya kung sabado; ang duha ko kautod nagalagaw sa ila mga amiga kag
amigo. si nanay kag ako lang ang ara sa balay. kung dominggo, kami man lang duha ni
nanay nagasimba kay tolog pa akon duh aka mga otod.
Mark: indi na problema. istoryahon mo sila sang mahinay nga name gid kung ang mga
katapo sa pamilya nagbuligay kag nagahiropay sa usa kag usa.
Kent; tuod gid bala na Mark. amo na nakita ko sang imo pamilya. salamat gid sa imo
ginpaambit sa akon. amo ni ang kolang sa akon pamilya. pero indi pa ulihi ang tanan.

11:00-11:10 Music 1 up, sustain

for 10 secs then fade
under

11:10-11:20 Music 2 up, sustain

for 10 secs then fade
under
11:20-14:00
TEACHER: Nasadyahan bala kamo sang aton istorya? Very good!! okey kohaon naton
ang aton mga activity sheets kag sabton ang mga pamangkot:
Una nga pamangkot: Sin-o ang mga bata sa istorya? Liwaton ko. sin-o ang mga bata
sa istorya?
Sabat: ang mga bata nga ara sa istorya amo si mark kag kent.
Ikaduwa nga pamangkot: Ilaragway ang pamilya ni mark. …liwaton ko….
ilaragway ang pamilya ni mark.
Sabat: May pagpinalangga-anay kaag paghirupay sa pamilya ni mark.
Ikatlo nga pamangkot: Ilaragway ang pamilya ni kent.
sabat: sige nagasinggit ang nanay ni kent kag ang iya mga otod sige lang lantaw sa
facebook.
Ikaapat nga pamangkot: Ano ang kulang sa pamilya ni kent?
Sabat: Ang kulang sa pamilya ni kent amo ang pagpalangga-anay kag ang paghirupay?
Ikalima nga pamangkot: Ano ang plano himoon ni kent para mangin malipayon
kag may paghiliugyon ang iya pamilya.?
Sabat: Plano ni kent nga istoryahon niya sang mahinay ang iya mga kaatapo sa pamilya.
Ika-anom nga pamangkot: Kon ikaw si kent, himoon mo bala ang iya ginhimo?
Ngaa oo? Ngaa indi? Ano ang sabat? Kon ako si kent, oo hambalon ko gid akon katapo
sa pamilya nga kilal on gid nila ang mga hilikoton nga nagapakita sang pahiliugyon
sang katapo sang pamilya.
Ikapito nga pamangkot: Ano ayhan ang matabo kon indi maistorya ni kent ang iya
katapo sang pamilya kabahin sang paghiliugyon sang usa kag usa? Ano ang sabat?
Kung indi niya istoryahon ang iya mga katapo sa pamilya indi gid nila liwaton ang ila
maot nga batasan.
Tandaan guid naton pirme nga dapat gid naton makilal-an ang mga hilikoton nga
nagapakita sang pagkahiliugyon sang katapo sang pamilya. Ini amo ang maghatag
kalipayan sa usa kag usa kag mangin mahapsay kag malinawon ang pagpoyo sa kada
adlaw.

14:00-14:10 Music 1 up, sustain

for 10 secs then fade
under

14:10-14:20 Music 2 up, sustain

for 10 secs then fade
under

14:20-14:30 TEACHER:
Sa sini nga tini-on, atun pagkatakson ang mga natun-an o nahibalo-an ninyo parti sa sini
nga leksiyon. Buksan ang inyo activity sheet kag sabton ang mga pamangkot sa “sabta
ini”.

Isulat ang husto kun nagapasugot ka sa ginahambal sang kada dinalan kag indi husto
kun indi ka nagapasugot.
14:30-14:35 Music 1 up, sustain
for 5 secs then fade
under

14:35-14:40 TEACHER: Ang una nga pamangkot:

Dulungan kag naga ampo antis nagkaon ang pamilya ni G. Roman.
Ang insakto nga sabat: Husto

14:40-14:45 Music 1 up, sustain

for 5 secs then fade
under

14:45-14:50 TEACHER: Ang ikaduha nga pamangkot:

Waay nagbulig si Ana sa mga hilikoton sa balay.
Ang insakto nga sabat: Indi husto

14:50-14:55 Music 1 up, sustain

for 5 secs then fade
under

14:55-15:00 TEACHER: Ang ikatlo nga pamangkot:

Naga-intra sa pagtilipon sang pamilya sa sala kada gab i si Susan.
Ang insakto nga sabat: Husto

15:00-15:05 Music 1 up, sustain

for 5 secs then fade
under

15:05-15:10 TEACHER: Ang ika-apat nga pamangkot:

Ang duha ka mga otod ni Mark sige lang lantaw sa Facebook kag gipabay-an ila mga
hilikoton.
Ang insakto nga sabat: Indi husto

15:10-15:15 Music 1 up, sustain

for 5 secs then fade
under

15:15-15:20 TEACHER:
Ang ika-lima nga pamangkot:. Waay anay naglantaw si Roy sa basketbol kay may
ginsugo sa iya si nanay.
Ang insakto nga sabat: Husto
Kabalo ako nga madamo sa inyo ang nakakuha sang sakto nga sabat. para sa mga wala
nakakuha sang husto nga sabat, bawi na lang kamo sa masunod naton nga leksyon.

15:20-15:30 Music 1 up, sustain

for 10 secs then fade
under

15:30-15:40 Music 2 up, sustain

for 10 secs then fade
under
15:40-15:50 TEACHER:
Antis kita magtakop sang aton nga leksyon subong nga adlaw, magabilin anay si tiser
___sang inyo hilikoton sa balay. Isulat sa sulod sang kahon ang pwede matabo sa inyo
pamilya kung permi kamo naga ululupod sa pagkaon kag pagpangamuyo.
Isulod sa plastic envelope ang inyo workshhet kay pagakuhaon ini sang inyo maestra sa
biyernes sang hapon.
Natapos na ang aton pagtuon sang sini nga adlaw. Bwas magapadayon kita sang aton
radyo eskwela. indi pagkalipatan ang inyo mga hilikoton.
Sa liwat, ini ang inyo manunudlo sa kahanginan nga si titser ________ nagapasalamat
sa inyo padayon nga pag-suporta sa mga programa sang Department of Education.

Madamo guid nga salamat. tubtub sa liwat nga pag-inupdanay naton mga bata.

15:50-16:00 Music 1 up, sustain

for 10 secs then fade
under

16:00-16:10 Music 2 up, sustain

for 10 secs then fade
under